أوتـــ🎼ــار المحـبة

البـ✎ـارت الثــانـي

رولا" بعصبيه: وشن عرفه رياض نبي لابتوب اه
حمزه: شوي شوي اعصابك هههه

رولا" بعصبيه: من قاااله نبي لابتوب انت وله

حمزه: هههه اي انا

رولا" بغيض: علاش قلتله شن مافيش ف ليبيا لابتوب

حمزه: هههه فيه اكيد غير غادي افضل بعدين انا قلتله يجيبه بس خو حلف مانعطيه حقه

رولا: ياحشمتي وبالبلاش

حمزه: هههه هدية هدية بري جيبيه عن يخنبه حد السيارة مفتوحه

رولا" بغيض: جيبه بروحك

حمزه: كان جبته بناخده ليا راه

رولا" بغيض: لا تو نجيبه ارقد "مشت"

حمزه: ههههه

رولا" طلعت ومشت لسيارة فتحتها لقت فيها الاب توب محطوط قعمزت ف السيارة ورفعاته وفرحت بيه "

: شن اديري هنا

رولا" فزت ووقفت ضرب راسها ف سقف السيارة : اييي

بسام: هههه سمله عليك

رولا" طلعت من السيارة وف حظنها لابتوب"

بسام: ماعليش خلعتك بس شفت السيارة مفتوحه قلت من فيها شن اديري هنا

رولا"مشت وماعبراته"

بسام" عصب منها وشد ايدها : معش تتجاهليني احسنلك

رولا" خافت منه: ولله انادي حمزه خالي

بسام" بغيض: معش تهددي بخالك

رولا" بصوت عالي : خااااالي

بسام" طلعتها بسرعه وبغيض: ولله حسابك عندي يارولا "مشى بسرعه"

حمزه" طلع بخوف: خير شن فيك

رولا" قربت منه:خطمت قطوسه خلعتني

حمزه: سكرتي السيارة "شاف لسيارة لقى بابها مفتوح عصب: عبيت عليك تو يجي حد يلقاها واتية يخنبها"

رولا: المهم اللابتوب ماينخنبش "خشت "

حمزه: الابتوب يتعوض و حقه مش زي السيااارة

رولا" وهي ماشيه: قول لرياض يجيبلك سيارة كان انخنبت هههه "خشت لدارها وسكرت الباب وحطت الابتوب والهداية ع السرير وقعمزت تشوفلهم : من رياااض ريااااض "دمعو عيونها وبدت تبكي بقوة: اااااه

.....

صوت ضحكات اطفال .. وبكاء طفل... عيد... بيجينا بيبي صغيرون... نااار ... لاااا لاااا.. روولا اطلعييي ... رياااااض.... مامااااا... رولا كلمي بابا ... رولاااا ... خااااليييي.. جرح ف الجبهه .. الم حااااد ف اليد اليسرى ...رياااااض.. جثه متفحمه ... دخاااان... ضيق ف التنفس... رياض رياااااض

فزت من نومها : اعوووذ بالله من الشيطان الرجيم "دمعو عيونها : ياااربي امتي بنرتاااح ف نووومي امتى "وقفت ولفت شافت هدايه رياض قربت منهم ورفعت الاب توب بعصبيه: توووو لاااش جاي بعد هالسنين لاااااش لاااااش "كيف بتحذف الابتوب تراجعت وحذفاته ع السرير ومشت طلعت ومشت لجدتها ف دارها لقتها راقده خدت بطانية ورقدت جنبها وهي تقرى ف قران وتتعوذ من الشيطان ع هذا الحلم المتكرر دايما"