بقيت هكذاك نعيط امبعد خرج واحد الراجل من واحد الدار مقابلة قالي
خويا ماتعييش روحك ماكاين حتى واحد لداخل مول الدار دا مرتو و الدوزان و راح
انا حبس قلبي : وين راح ماعلابلكش
الراجل : لالا خو ماعلاباليش شفتو عندها واحد الثلت.ايام هكذاك كي راحو مع صباح
انا كي قالي هكذاك الراجل فشلت قعدت فالارض
انيس : فؤاد راك مليح امشي نولو لسبيطار
انا: كفاش ندير انيس دوك وين راح نلقاها ياربي لعزيز
انيس : نروحو لابوليس نشكو
انا: مانقدروووش اولا يقولولنا مرتو يروحوا كما حبو و لوكان نحكو الحكاية تع الصح يماها داخلة فاللعب
سكت انيس و انا بديت نحس بالوجع.في جسمي سي نوغمال فورسيت على روحي بزااف
انيس : فؤاد يا خو امشي نولو لسبيطار داوي روحك و تبرا مليح هكذا نقدرو نخمو نشوفو واش نديرو في حكاية نجمة
انا : كفاش نصبر حتى نبرا حبيبتي ماعلاباليش كفاش راهي وانا نروح نتكسل موحال مانقدرش
شفنا طوموبيل جات حبست قدامنا كانت شهرة و خالتي سامية لحقونا
جات تجري لينا خالتي سامية
خالتي سامية : واش كاش خبر ؟
انيس : قالنا واحد الراجل شافوا كي راح هو و نجمة و دا دوزان
خالتي سامية : يايمااا على بنتي واش راح يدير فيها وين داهاااا لازم نخبرو لابوليس
انا : مانقدروش خالتي راكي علابالك
خالتي سامية : مايهمنيييييش يالوكان نكمل ياماتي فالحبس المهم توليلي بنتي
شهرة : طاطا كفاش هاذي شهرة ضحات بروحها غير باش ماتلحقوش لهاذي اللحظة ابخي تروحي انت تفسدي كلش
انا : عندها الحق شهرة حتى مام لوكان نروحو لابوليس مانجبدوش حكايتك
خالتي سامية : علااااش ماحبيتوش تفهموني علااااش قلبي رآه محروق على بنتي
بدات تبكي خالتي سامية و شهرة تسكت فيها حتى شفناها تغمت و طاحتلنا فالارض كفاش نسيت و راحت من بالي بلي راهي مريضة في حالة دينيها لسبيطار لي نخدمو فيه
انا : كفاش راهي شهرة
شهرة : حالتها ماتشكرش فؤاد راني خايفة عليها دوك يخرج خالد و يقوللنا
انا : اه ياربي كلش جا على ضربة واش ندير يديا تربطو
شهرة : راني بزاف مقلقة على نجمة كان لازم عليا مانخليهاش تروح كي ودعتني هكذاك شغل كانت حاسة
انا : ك فاش ودعاتك ؟؟؟
شهرة : كانت في حالة كي كنت فالكوما و كي فطنت ولالها عقلها بصح كي كنا معولين ندخلو نشوفوك شفت وجهها صفار و ودعتني قاتلي اتهلاي في فؤاد و شكرتني تاني كي وقفت معاها قاتلي خيري عمرها ماتنساه اه ياربي انا حابسة ماكانش لازم عليا نخليها تروح مور هاذيك الهضرة
حكمت شهرة لي كانت تبكي و قتلها
انا: شهرة ماشي غلطة تاعك نجمة انا لي نرجعها بيدي يالوكان على حساب حياتي و هذاك الرخيس يخلصها غاليا
شهرة : فؤاد ماتصبرنيش انا صبر روحك شوف حالتك كفاش راهي هذا وين فهمت نجمة كانت ماتحبش تهضر معاك كانت خايفة عليك كاشما يديرلك سي محمود
انا : كاشماا يديرلييي
ماكملناش هضرتنا انا و شهرة على خاطر شفنا فايزة اخت نجمة جات تجري و عينيها منفخين بالبكاء
فايزة : فؤااااد وين راهي ماما وين راهي نجمة
ما لقيت واش نجاوبها واش راح نقوللها اختك خطفها الكلب هذاك ولا يماك ماراهيش مليحة جبدتها شهرة و فهمتها كلش امبعد سمعناها بدات تعيط
فايزة : كفااااااش وين راهي اختي وين داها
خرج الطبيب من لاشومبغ لي فيها خالتي سامية و كان وجههو مايشكرش
فايزة : دوكتور كفاش راهي ماما
الطبيب خالد : ماعلاباليش كفاش راح نبداهلكم بصح نقولك غير وجدو روحكم لي راهو جاي درنا لي علينا راهي دوك بين يدي ربي ادعولها
ناضت فايزة تعيط و تبكي وانا خممت غير في نجمة خفت لوكان ماتلحقش بيماها من نهار هذا تع اليوم حسيت روحي مقسوم على ميتين الوجع النفساني لي هلكني كثر من الوجع الجسماني حسيت بالدوخة بعدت عليهم خفت نطيح قدامهم و يرجعوني نتكسل ريحت فالكرسي حتى لحقني ميساج فتيليفوني نيميرو مانعرفوش كي حليتو لقيت لحقني عنوان ماعلاباليش تع واش زاد لحقني موراه ميساج واحدوخر كان مكتوب فيه
"إذا راك حاب تصيب نجمة روح لوليد سي محمود هو الوحيد لي يقدر يعاونك "
*********************************
في رايكم لبنات شكون بعت الميساج لفؤاد؟؟ ايا قولو نشوف الا جيبوها و غدوة ان شاء الله تعرفو
حكايتنا مابقالهاش و تخلاص وجدو روحكم هاذي سمانة ان شاء الله نكملها 😘😘😘😘 علابالي طولت فيهاااااا بزااااف بصح اسمحولي مكاش الوقت باش نكتب كثر من بارتي راكم تعرفو القراية و كلش 😁😁
كاينة صحبتي راهي تقرا فيها قتلها راني نخمم ندير نهاية حزينة هههههه حلفت فيا قاتلي نقتلك 😂😂
يعني لدوك مازال ماخممت فالنهاية كفاش تكون
هاذي سمانة تبان ان شاء الله ايا سلااام حبوباتي 😘😘😘
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
partie 37
ابدأ من البداية
