سندريلا عراقيه❤️

بارت الخامس

هاا.اني حجيي مخربط..مو تردون تنطوها لهذا الخنزير المسلوع وتخلصون من مسؤليتها لان يتيمة؟؟

كام واحد من اهلة يصيح؛

صدك..ما تستحون ..وما عدكم واحد معاتب..شني عمي تضحكون ع الوادم..اذا ماتنطوها المن انطيتونه موعد..وخلتونه نجي..هذا.حجيكم وغلطكم عليه حشم مربع؟؟

طفرت عليه اريد اضربه واشبعة بوكسات بس عمامي واولدهم لزموني واني اصيح:

انعل ابوكم لا ابواليحشمكم..طلعو منا لا اكتلكم كلكم...

عاد همه نفضو عبيهم وطلعو..وهمه يدردمون كعدوني عمامي وابوي:

يلومون عليه على ابو فشلتنا..وليش هيج تسوي..دفعتهم بيدي ووكعت عمي صادق بالكاع كومو وبعلو صوتي كلتلهم:

اسمع بويه انت واخوانك وولد اخوانك...القريب قبل الغريب الي يفكر بحنين مجرد تفكير..اكتله موت ..

حجة علي ابن عمي صادق:

يعني شنو قصدك تنهى عليها..هي هم بت عمنا..

شتسموها سموها..اي انهى عليها واريدها..والي يتقرب ماعندي مانع اترس حلكة رصاص

ابوي كعدني وكال:

اكعدو عمي خل نسمع منه شيريدبالضبط

بويه همام..انت عاقد وزواجك قريب شلك بهالسالفة ليش توكف قسمة البنية..واحنا ماعدنا هاي سوالف النهوة والعشاير كلنا ولدنا واصلين ومتعلمين..

بوية..عاقد لو ماعاقد بت عمي..واريدها..عمي الكم طلب علية..بت عمي واريدها..اريدها..اريدها..

كام عمي صادق وعمي الزغير كامل وسمعت عمي صادق يكول:

عمي كومونا نروح ماالنا غرض همه مربين البنية ويردوها..وحته جيتنا ما الها داعي..ابوهمام البت بتك والولد ابنك وستسوون بكيفكم..

طلعوا عمامي..ضليت كاعد بس اني وابوية..اجه كعد يمي:

بويه همام..انت صدك تريد حنه..لو لان العريس ماعجبك سويت هاي الهوسه؟؟

اي بوية اريدها..والله اريدها..واحبها

بوية اذا تحبها ليش رحت عقدت على بت العالم؟؟

بوية امي..امي تلح وورطتني..والله الليل ما انامه..من التفكير..بوية امي تكره..حنه..تكرهه شوف شلون جابتلهه عريس مهتلف..بويه تريدهه تعيش خدامة طول عمرهه..بوية اني محد يحس بيه والله روحي خلصت من التفكير..

بويه وحنة تدري بيك رايدها؟؟

لا بوية..متدري ما كايللهه ضام قهري بكلبي وساكت..

بويه..لا تفكر اكيد راح نلكة حل..اهده ..يبوية..اني مريت بنفس الحالة حبيت عفاف ومتت عليها بس هي متدري بيه احبها..ابويه غصبني وزوجني ميعاد..وشوفة عينك..عايش كل عمري بالقهر ماشفت يوم واحد حلو بحياتي....وفوك..القهر ابويه زوج عفاف لعمك.وخلاني اتحسر عليهه بس مادامني موجود ما راح تتعذب مثلي اصبر بوية اصبر كم يوم وحنين الك...ومتصير الغيرك؟؟

بوية صدك تحجي..بويه تنطيني حنة ..ما اصدك..ما اصدك حنة تصير الي؟؟

لا وليدي صدك..واني راح اشوفلك حل بسرعة.

دنكت على ايد ابويه وبستها...وبهالاثناء طبت امي للاستقبال ترعد وتزبد وتصيح:

ولك همام..تخبلت..ولك شسويت بالعالم اول تالي..شجرالك؟؟

شجرالي يمه انت مصدكة مجذبة؟؟

تريدين تزوجين حنه من هذا الشايب المجفط؟؟

انت شعليك..ليش خابص روحك بيها تاخذ مجفط تاخذ مسودن انت قابل مسؤول بيها..ليش تعارض خليها تتزوج وتكفينا شرها مو كافي8سنين صار حاملين مسؤوليتها خليها تاخذ رجل ونخلص..

صرخت بيها:

يمه لهنا وبس انت ما مسؤولة بحنين احنا اهلها..هذا ابوي عمها واني ابن عمها والنسوان..ما اللهن كلمة علينا.

سوت روحها تبجي كعدت بالكاع:

ولك همام..تصيح علية هاي تالي تربيتي الك..تصيح على امك على مود بت عفاف عشيكة ابوك..تصيح علية وتكلي ما الج غرض؟؟

عفتها تصيح وطلعت من البيت..بس..حسيت نفسي مرتاح لان طلعت البكلبي وابوية عرف اني احب حنين واريدها ووعدني تصير الي..هذا كل اليهمني..كل الي اريد من الدنيا..حنين وبس..

حنين ::

جنت بالمطبخ كاعدة شفت من الشباج..همام يطلع بالسيارة بعدين عمي هم طلع..اشو ما احس الا ضربة الصوندة على ظهري..وعمتي ميعاد تصيح:

ولج بت عفاف..شسويتي لابني..ولج اني ابني برفع صوته ويصيح عليه من وراج ولج اليوم اموتج..تموت..
وضلت تضرب بيه بالصوندة بكل قوتها واني اتوسل واصرخ....
ميادة سمعت صوتي اجت لزمت امها وتكلها

كافي يمة خطيه عوفيها كطعتي الصوندة عليها..يمه راح تموتيها..ما عافتني بس سلام كام يبجي..ويجرجر بيها هي تحب سلام تموت عليه ومن شافته يبجي عافتني .بعد ما شبعتني كتل بالصوندة ورمت ظهري واديه ..وطبت للغرفة ادردم وادعي عليه..

اني شبعت بواجي بالمطبخ بس ما طبيت لان لازم اطبخ العشه اخاف..تتخبل اذا لكتني ما مسوية عشه وتكتلني بعد مرة سويت العشه
ورحت دخلت للغرفة ما تعشيت عفاف تعشت وجتي نامت كولهم نامو بس همام بعده مجاي للبيت واني ضليت ابجي بصوت ناصي جسمي كوله يحركني من الضرب!!

نص الليل سمعت الباب تنفتح فكرت اكيد همام اجه ورةشوية دخل همام الغرفتنه

هو شافني كاعدة ابجي ردت احجي اخذني من ايدي وكومني وكلي:

اششش لاتطلعين صوت تعالي لغرفتي اريد احجي وياج..بس الغرفة جان ضواها خافت هو مشاف اثار الصوندات على ادية..اخذني لغرفته بس شغل الضوة وشافني