...وبدت كانما مصارعه حرة كدامي
جنت خايفه حييل
واني اشوفهم واحد ياذي الثاني واني بنصهم كاعدة بالكاع وعبايتي الي انشمرت بعيد وشالي الي اتبهذل...
...صحت بصوت عالي وكلت
_كااافي....الله يخليكم كافي
...ورحت اركض مثل المخبلة بدون وعي ومني ...كل همي اريد ارجع للبيت قبل لا ابوية يجي واتصير الهوسة الجبير
...خطواتي سريعه حيل بالركض وكانما عدائة
وبلحظة وكعت وتنفسخ رجلي بس رغم الالم الي صار اتحملتة لان الالم الجبير هو بنفسي وبداخلي
كمت وكملت مسيرتي واني اعرج ومااعرف اشصار بوراية وشلون انحلت بين سلطان وسلام
اتقربت من البيت واشوف ابوية واكف ويمة امي وعيونها تفتر بكل الاتجاهات كانما ضاع الها شي وادور علية
وانمار الي واكف ومتخصر بوكفته كانما منتظر شي و ميعرف شيتصرف
....حسيت بها اللحظة بان كلشي انتهى
اقترب اجلي
...اتقدمت وارسي منزلتة واحاول ارتب حجابي واني اعرف نهايتي ومصيري شنو
_ ولج وين جنتي ؟؟
حجتها امي وهي مفزوعه
رفعت عيني الي اول مارفعتها واني ادور علية .....اي هو والدي واحاول اشوف تعابير وجة
شفتة ساكت بدون اي تعابير
مكتفي بس يباوع علية وعيونه الي مليانه حجي بس الحجي قاسي
مكدرت اكول اي شي....
اجتني امي وهي متقربة مني وتهزني بقوة
_ولج احجي وين جنتي
_جانت يم سلام
...التفتت للصوت الي جة من وراية
جان سلطان الي متبهذل والدم طالع من خشمة وشعرة متخربط وملابسة الي متكطعه الدكم مالتها
....انشدهت وتخربطت اموري اكثر
وغمضت عيني واني اكول
_لا ياربي...مو هو
دااتخيل كانما الضربة الجاية راح تجي منه مثل ماعودني من اني صغيره اتلقه الضربات ولازم اسكت هاي المرة
_شنوو...؟؟؟شتسوي رايحة لسلام
..حجاهة ابوية وهي مذهول من الي سمعه
جاوبة سلطان وهو يتقرب منه
_خالي يكول المثل الي اتعرفه احسن من الماتعرفه
والاقربون اولى
اني بنتك اريدهة الي
....بهاي الاثناء محسيت باي شي كلشي غوش
كانما السما وكعت على راسي ورحت لابعد مكان
〰〰〰〰〰〰〰〰〰〰〰〰〰〰〰
ابتسامة مرسومه على شفايفة وهو يسوق السيارة وعيونه اتراقب من المراية الجانبية خاله الي واكف وبقربة انمار
...كل الي خطط اله صار
يوم الي عرف بي سلطان بان عبير راح اتقابل سلام وتقنعه بان هي متريدة
...الشك لعب بصدرة وقلق بان احتمال سلام يقنعها بالزواج
الغيرة مخلته يفكر ولا يتخيل الي يصير
ولكة ماكو غير حل يكسرهم اثنيهم كدام خاله
٣_٤-٥
ابدأ من البداية
