للذكريات رأي اخر

البارت الثامن عشر

ااااااااااه ولك محمد المن عفتني مو تدري بيه محد عندي مو تدري اضيع بلياك المن عفت ابنك منو يربي منو يكبره زين من رحت وعفتني مكلت هاي تحبني يعني يوم محسيت بحبك ودلالك تروح وتعوفني لو باقي مثل قبل تأذيني تجرحني اقلها من انام او اغمض عيني مااتذكر شى حًلوو منك بس هسه دااتذكر ضحكك دلعك حتى كلمه حبيبتي كلتها قبل بيوم من دتروح وكأن تكولي هاج عيشي على هاي الكلمه لحد متموتين ليش دومك تأذيني حتى من حبيتني اذيتني وعفتني ودرت وجهك

نسرين : فدووه تقى حرام هيج تسوين بنفسج اقلها لخاطر الي بطنج
تقى : زين هو ليش مفكر بلي بطني ليش مكال المن اعوفه ليش مااخذني ويااه اقلها نموت سوه
تبارك : هسه منو كاال ميت ياعيني هواي ناس تنفقد وبعدين يلكوهم
تقى : اي يلكوهم ميتين

تبارك : وهنا بعد فقدت وكامت تلطم على وجهه وتعيط
ولج يووم المن خلفتيني للعذاب لهاي الدنيا الغبره المن كوليلي من واني وصغيره شفت الضيم والضيم مرافقني وين مااروح
تبارك: لزمت ايدها بقوه لان ملخت نفسها وكعدت بالكاااع وكعدت وياها وسحبت ايدها مني وحطتهم على راسها وتبجي

تبارك : تقاوي انتي القويه الي نتعلم منج ومن قوتج ولسانج هيج ضعيفه ميصير ياقلبي انتي حاامل وهاي امانه محمد عندج لازم تحافظين عليها

تقى : مردت شى والله اني مو طماعه ولا ردت شى اكثر من حقي
ردت احب وانحب واكون عائله هادئه والله بس هذا الي ردته وحاولت وحاربت حتى يحبني ويوم محس بيه وبحبي كلي اوكفي شلون تعيشين مرتاحه لازم ادمرج عافني وراح

نسرين : لا اله الا الله كومي غسلي وتوضي وصلي واشكي لربج انتي طيبه ومؤمنه الله سبحانه وتعالى راح يسمع دعائج وهاي الناس كلها تدعي لزوجج وياارب يرجع سالم كوومي گلبي
تقى : وعيت على نفسي وتوضيت وبقيت اصلي وابجي وطول فترة السجود ابجي عسى ولعل ربي يستجيب
يارب تعرف بحالي والضيم الي شفته ماعندي سند ولا ظهر بالدنيا رجعه الي ياارب لخاطر ابنه مااريد اتلطم بالدنيا بوحدي اني ويااه محد راح يرحمنا والكل راح تاكل بيه وبأبني انت حسبي ومعيني اعني على بلائك وارحمني برحمتك ياارب

تقى : صافنه على الشباك واجه نصر وحسين ورعد طفرت
هااا بشروا
رعد : نفس الشى محد يعرفه والمستشفيات والمراكز گلبناها كلها وسوينا بلاغ وباجر الصبح نروح للطب العدلي ونشوف
تقى : لا ياطب عدلي تخبلت محمد عايش اكو واحد يدور على اخوه بالطب العدلي

رعد : تقى تعرفين شكد باليوم تستلم الطب العدلي شباب مغدورين وبهويات مجهوله يـِْ♡̨ـِْا رَبّ هو مو وياهم بس لازم اندور

حسين : على كيفج ويه نفسج انتي حامل موزين عليج
تقى : باوعت على حسين وهاي اول مره نلتقي بعد مطلعت من عدهم عروس
بحياتي مطلبت شى منك وهاي اول مره اطلب لزمته من التيشيرت مالته وبقوه
رجعلي محمد اذا تكول اني اخوج ومحمد اخوك رجعلي محمد تره اموت بلياه
حسين : سحبتها لحضني وكامت تبجي
مثل ماهو زوجج وتحبيه هو اخويه واعز من الاخ والله شاهد شلون گلبي نار عليه وكلنا الولد محد دينام بس اندور مثل المخابيل