ع البركه

part 47 الجزء الاخير

اني عيني ادمع و كوتر و سجى مستغربات

سجى..، هووي وين سرحتي

"يقاطعنا بدق الباب و يطلع رؤوف المهم نضنا اني و خواتي في المطبخ نجهزوا و نهدرزوا و نضحكوا و رؤوف و خوته في الجنان يجهزوت في الطاوله العيد الميلاد و الصغار يلعبوا و اجواء وقته ولا اروع ❤"

اني طالعه بالكيكه و نغني..، سنه حلووه يا قميلل سنهه حلوه يا قميل

"المهم قصينا الكيكه و اتقاسمنا و هيك بعد قعمزنا احني السته في الصالون و انهدرزوا"

اني نتوجع بالليه..، اااه

رؤوف..، بسم الله

اني ماسكه بطني و خلاص معاش قدرت نتحمل..، ااااااه
رؤوف خايف..، ايات ايات

اني بنفس الوضعيه..، انحس في روحي بنجيب خلاااص

"ناضوا كلهم خايفين كلا من كوتر تقوللها خودي شهيق زفير"

رؤوف..، ءءء باهي خليني انقرب السياره

"قرب رؤوف السياره و ايات لبست و هيا مابطلت صياح مشت معاها كوتر و سجى في الحوش مع صغار .. المهم طول طريق ايات اتصيح من اول ماوصلوا دخلوها و كان وقته خلاص وقت ولادتهاا❤"

..

بعد هيك ساعتين تلاته..جابت ايات و خبرهم الدكتور انهم بخير فرحوا كلهم ..

رؤوف..، باهي نقدر انخش انشوف المرآه

الدكتور..، طبعاا اتفضل

"خش رؤوف و لما شاف ايات شاده البنوته فرح و جي قعمز حداها"

اني فرحانه..، شوف يا بابا صقع عليك اني جيت يوم عيد ميلاد خوتي بيش تخسر خساره وحده

رؤوف ضحك و شد البنت..، اسمعي يا ماما تو تشوفي كان ماجيت نشبه لـ بابا في كل شي حتى ف رموشه

اني ضحكت..، ههه اهم شي رموش

رؤوف مسك يد ايات..، المره هدي انتي سميها

اني..، فكرت ان انسميها فريال

رؤوف فرح و حس ان ايات بجد طيبه💔

رؤوف..، تي وربي ماريت اطيب منك في ه العالم

اني مسكت زدت مسكت يديه و برقت فيه بعيون تشوق..، رؤوف

رؤوف..، عيونه رؤوف قلبه رؤوف كباديه رؤوف

اني..، حتى لو نجيب للمره العاشره توعدني ان مستحيل تسيبني و تنساني

رؤوف..، اني ننسى انفاسي و لا ننساك يا عمري كله❤

اني..، قول والله

رؤوف..، والله

#النهايه

(انها النهايه يا ساده💔..طبعآ الروايه حبيت انخلي منها احدات خياليه و واقعيه.. بعض منهآ كوميدي و رومنسي و مؤتر و هيك.. و يلي نبي انوضحه من خلآل الروايه ان #الدنيا_دواره
يعني شوفوا اولهم ريهام يلي كرهت ايات و رؤوف في حيآتهم شوفوا شن كان مصيرهاا حبس و غضب ربي و غضب والدين تو بالله عليكم شن حصلت؟! شن حصلت من فايده ! قصدي في ناس هكي راهو قلبهم اسود و يحبوا يديروا هكي لغيرهم ف اني حبيت انوضح لبعض الناس ان الشي هدا وراااه هكيي!
و طبعا ابراهيم ..ابراهيم يلي ضلم ايات و كره ايات نهار ليلة عرسها شوفوا شن صارله بعد روح من السفر دار بـ اهله حادت اخته ماتت و امه في العنايه تتعذب و هوا في هالوقت الصعب حتى رحمة ربي مالقي شوفوا بالله هدا حصل فايده!؟ بالله عليكم يلي خرب بيت ايات و رؤوف في النهايه حصل شي غير غضب ربي عليه و هموم ؟! .. وفريآااال هدي فريال قصتها قصه .. فريآل يلي حرمة ايات من جنينها يلي في بطنها شوفوا ربي شن حرمها ..حرمها بأن في حياتها مش ح تكون ام .. و يلي ركبت الفوبيه لـ ايات نهارها ع اساس تقه فيها.. شوفوا حالة فريال ربي ردهلها هدا كله النيه السووووده💔 راهو النيه السوده ترجع لـ صاحبها.. اخرها فريال معاش اتحملت شنقت روحها .. شوفتوا نهايتها .. نفس نهاية ريهام و ابراهيم و ام ابراهيم !؟ باهي شوفتوا نهاية ايات و رؤوف كيف كانوا فرحانين و متهنيين و حصلوا صغار و عائلة.. هدي ربي ابتلاهم بـ اشخاص هديما و ايات كيف كان صبرها و تقتها بالله كبير

(اذا احب الله عبدآ ابتلاه)

#رواية_ع_البركه

وطبعا سميتهاآ بها الاسم اولآ بيش تكون مميزه لان الاغلب روايات نفس الاسامي و تاني حاجه هدا اسم الدكآن يلي جمع بين الابطاآل ❤

و حتى حبيت انشبه ابطال مسلسل حب لا يفهم الكلام و بعض احدات تكون قريبه من واقعنا ليبي لان اول حاجه انموووت فيها في ابطالها و في ه المسلسل و في كل شي تاني حاجه اتكون مشوقه اكتر اكتر❤

الكآتبه و المؤلفه و يلي تنزللكم 😹❤

r0una_03

و اخيرآ كملت كتابة روايتي يلي ليآ اكتر من شهرين نكتب فيها❤

يالله يلي يحبني يترك لي دعوة خير لعلى تكون ساعة استجابه❤

مع سلااامه😭😭