انين الألم

الحــــلــــقـــــة 25

حمـزة ببتسامة »»صباح الخير

امه ابتسمت وفرحت »»صباح الخيرات ماشالله رايق اليوم

ريم »»دوووم يارب

حمزه »»تسلمولي...شنو مافيش فطور!

امه »»ههههه حاضر ثواني بـس
"حطتله امه الفطور وفطر معاهم ويحاول يبين انه يضحك وجوه حلو....لكن داخله مايعلم بيه غير ربي....فطر وولع السيارة ومشا للبحر....قمعز وقعد يتفرج عالبحر وتنهد"

حمـزة »»بالك نصيبي مش فيك....الحمدلله ع كل حال وخلاص 💔...يشهد عليـا ربي اني حبيتك ومستحيل فيوم ننساك
.
.
~~~~~~~~~~~~~~~~~
عنـدي...
"ركبت فوق السطوح وقعمزت وتنهدت والريح خلت شعري يتطاير"

انـا »»مش عاارفه شن شعوري اتجاهك ياحمزة....ممكن لانـك كنت تسمعلي ونشكيلك وماعمرك مليت مني تعلقت بيك....ربي يهنيك ويرزقك ببنت الحلال 💔

"خشيـت للحوش ولقيت جميلة قاعده قدام وجي"

جميلـة قارنة حواجبها»»لك ايام طالعه خاشه للسطوح...شن فيه ولا متواعده مـع واحد

انـا »»مدخلكـش....وامشي قوليها لبابا كان عندك دليل

"خشيت لداري وكان خاطري نكسرها تكسير.....ناقصني غير هي....فتحت النت وحكيت للبنـات عن فسختي فالقروب وفرحنلي واااااجد وياما دارن....حكيت معاهن مايقارب عـن ساعه وسكرت النت "

انـا »»اخخخخ وخلاص عليك روتين يجيب الغم

"قعـدت مادة وجي لعنددد الغداء...جاء بابا وطبعا جميله دارت الغداء....تغدينا وبابا قال"

بابا »» عالعشيـه ماشيين لعيت جدك ملتمين كلهم غادي

"فرررررررحت وقررريب طرررت من الفرحة.....واخيررررررررا....مرايفه ع عمي وعمتي والبنات وااااااجد"

جميـله »»ماوقت نشوف خواتك ولانهله الحقيرة 😒

بابا »»تحمليهن ياروحي

جميله »»امري لله....حبيبي خاطري في كنافة وبسبوسه

بابا »»من عيوني توا نجيبلك

جميله »»هههه نجك ليا

"قعدت نشوفلهم ومتقززة منهم.....لاهي ماشي معاها الدلع ولاهو ماشيه معاه الرومنسيه 💩...خشيت لداري وطلعت لبسة حلوة ووتيتها "
.
.
.
.
"غسلت الماعين وعالعشيه مشينا لعيت جدي....استقبلونا عمي وعمتي بالاحضان وانا نبكي في حضنهم"