خيانة زمن

31

رجعنه فتنه شفت ام حسين من بعيد تباوع النه بس غلست ماحجت وياها من كرايبهم نسوان متوسطه بالعمر گامن يحچن بيناتهن ومبيين حچيهن عن وگفة سرور

انعقج وجه سرور وفهمت الحچي عليها 
شاورتها

..خلي يخطبج واتزوجي ولج ماتلكين احسن منه وسكتي شكو وحده تجيب طارييج لو تتمنالج الزله

..هي هم هيج هو اليوم يخطب بس يجوز يريد ماهر يرتاح

من فرحتي ماادري شسوي حيل فرحتلها ودي احضنها يم النسوان والله حسين خوش حسين يستاهل

اجن الخالات انشغلنه وياهن فرحنه بجية الاحباب رغم غريبه عليهم بس احبهم كلهم على محبة ماهر والي مايحبهم ماهر بدون مااشوفهم اكرهم دوم اگول الروحي مامأذيني همه ليش هيج اضوج منهم مرتبطه روحي بروحه الهالدرجه هيج اشوف احبابه احبابي وعدوانه اشوف الموت وماودي اشوفهم

صار الغده وخلص وكته
والاصوات علت وصوت ركض الشباب
احس عظامي رجفت طلعنه نشوف شكوو

وكلساع خبر شكل بس الاكدلي الموضوع انفتح وكالوله صوت ماهر وصياحه وهو يطالب محد يلومه ع الي راح يسوي بيهم وهالمره حسين ادخل وگله اصلا هم خايفين وديلهم خبر وجرة اذن الهم ولاتورط روحك بمشاكل اكثر مايستاهلون تضيع من وراهم

ساعه الحجي طول ومصايح جان بهالساعه نص حيلي راح

انوب صار هدوء وحجيهم مامفهوم الحد الي اجه بي ماهر
مبيين ضايج ومزعوج بس جان شويه هادئ
صاح السرور وصاحلي وسألها كدامي واكد عليها كدامي انو هو مامتعاجز منها ولا من حمايتها وبيته بيتها بس اذا اتزوجتي الصالحج وحسين رايدج وهالمره طلبج گدام الكل واهله وياه

شتكولين جاوبته

..موافقه

كالتها ودنگت باسها وراح ودموعها صارت تتسابق ياعين تنزل دموع اكثر

حضنتها وهديتها بعدنه كاعدين النسوان كلها سوه محد يدوي بالخطوبه ماحجينه..

اجه ماهر يم خالاته وعماته بعد سلامهن وياه ورد السلام الهن وحجيهم ع العمره وعن المدينه ومكه  وفرحتهم بشوفة بيت الله

حاجه ماهر عمتي بس اتعمد يحجي  بصوت عالي
گلها

..يمه حسين وعمي ابو حسين طلبو ايد سرور مني وانه انطيتها بعد موافقتها طبعا راد العقد اليوم ومارضيت انه خلها تذب حزنها ومن باجر تعقد

عمتي ام حسين باركت وهلهلت عبالك جانت متحضره وخالاتها كيفن وهي راسها ابد مارفعته اترخص منهن وگام واشرلي بحاجبه اطلع وياه

حمودي وعلي جابوهم گبل شويه نايمين بحضن ابوهم بالديوان

طلعت وراه احس ظهري واگف من الوگفه والتعب
بس فرحتي بي مااگدر اخفيها