لماذا انا

بارت 5

كعـدت على ايد واحد يمسح عشعري هل ايد حنونة رفعت راسي لكيتها ماما كمت حضنتها وابجي واعاتبها لان عافتني
كالت اني رحت لمكان مرتاحة بي واريدج تصيرين قوية ولزعلين علية اني مرتاحة اوصيج كون تشدين حيلج وتوخرين ضعفج وتوكفين عرجلج وتسندين نفسج بنفسج
واهم شي دراستج وشهادتج
وبعدين كامت ضليت اصيحها مجاوبتني
فزيت لكيت اني بغرفة ويزن وعلي يمي واحد حاط راسة عجتف اللخ وغافين بجيت من شفتهم شون راح نعيش بدونج كمت جبت الغطة وغطيتهم ورجعت عجرباية
محسيت عنفسي من نمت واني غركانه بدموعي واتخيل اماكنها بالبيت شون مداستوعب الموضوع

اجوي كعدوني وكالوا لازم نرجع للبيت مشوا بسالفة الدفنه وشهادة الوفاة
وبابا كل هل فترة ممبين بلكي نشاء الله يموت  على كد ما جنت اكرها على كد ما كرهته هسه اكثر لك ولا عبالك احنة عائلته

مرت ايام الفاتحة واني مادري شنو صاير احس احد شمرني بغير عالم مسويت اي شي غير بس مجرد كعدت بالغرفة اسمع ناس تبجي وناس تعيط وناس تلطم بس اني وين اني شعوري تحجر ماعرف شنو لازم اسوي اصرخ ابجي شسوي امي ماهيه يا عالم حبست نفسي بالغرفة وما اكل شي غير بل غصب على كد ما اعيش عليهم وهم اجباري اكلهم احس انو وجودي صار مو ضروري اني شنو الفائدة مني هسه

بابا صار من يوم الحادث هوة مختفي ومنعرف عنه اي خبر ما اجذب خفت شوية شنو صار وياه ياربي دخيلك كلبي خلص
جنت اكعد عل جربايه وكل شوية مخلوق فايتلي وينطيني توعية ونصايح استغفر الله جان ناقصني هل عالم جنت اسكت وما اجاوب احد ابد
شلفايدة من الحجي والبجي شنو الفايدة
محسيت غير عمتي فاتت
شيماء:  حتضلين هيج؟
براء: .....
شيماء:  ادري بيج محتجاوبيني بس الى متى يعني وراج دوام صار اسبوع فاتج من الدوام لشوكت تضلين هيج
براء: ....
شيماء: امج لو عايشه مجان قبلت هل شي عل اقل فرحي كلبها وجيبيلها الشهادة الزينه
براء: .....
شيماء:  راح اطلع فكري بكلامي زين واتذكري امج شون كسرت ضهرها في سبيل انو توصلكم وتشوفكم متفوقين
اجيت اطلع جان تصيحني
براء:  عمــة!
شيماء: يعيوني اخيرا سمعت هل صوت الحلو شبكتها
براء: مطايقة احد بس كلامها خلاني انتبه لهاي الشغلة امي امي اكيد حتفرح من تشوفني متفوقة اجتي شبكتني ماشاء الله عليها عمتي كلش ناعمة وحضنها مشالله عليه ميخنك ابد خنكتني بس اريدها توخر
كالت اني هسه اروح ادك عصديقتي مدرسة عندكم اجيب منها كل واجباتج وشنو الي فاتج
براء: هزيت راسي
زين حياتي تعالي اكلي شوفي شون صايرة عضمة ووجهج شاحب ميصير هيج
براء:  عمة انتي ردتي تخابرين صديقتج مو!
شيماء: لا حول الله شون راس يابس عليج
براء : 🙄🙄🙄 اوك!
راحت كطع صايرة ما اطيق احد
--------------------------------
بلشت اقرة كل الي فاتني بس هـــل مرة بأصرار انو انجح وافرح ماما
كمت اكضي كل وقتي بدراسة وبغرفتني بابا ضل ما منة اي خبر وعمامي ديدورون عليه
اجذب عليكم اذا اكلكم مجنت خايفة عليه بس ما ابين هل شي لان هوة اكقر شخص اذاها لماما حاقدة عليه كلش

من رجعت للمدرسة احتكرت عنفسي كلش وحذفت كل علاقاتي وابسط شي يخليني اتعارك وية البنات وتوصل للضرب وكم مرة رادوا يفصلوني بس لان مستواي الدراسي زين فهل شي يساعدني
ومرة جنت جاي امشي ودا اراجع لنفسي قبل الامتحان سمعت بنات يتهامسن بس السالفة مو خاليه حسيت انو ديحجون علية ركزت سمعي عليهم وصدك طلع ديجون عليه
  :لج شفتيها هيه هاي المتوحشه الكتلج عليها
  :بس والله شكلها حبابه البنيه شبيها هاي
دسكتي وخليها هاي بس كڤر والله مبينه البنيه البريئه الحبابه لج بذني سمعت بنات عمها وهنه يكولن امها جانت تحب حماها ومكونة علاقة وراه وابوها اول معرف كتلها وماتت

يا يا عزة شنو هاي عوع شهل عائلة

براء:  ايا ساقطـ.. اني اربيجن تحجن بامي ولكم متدرن غليمن دتحجن خل اشوف منو يخلصكم مني لزمتها من شعرها وبصوت بي حركة كلب شوفي لج اني امي اشرف منج ومن الخلفوج سامعة يا كلبة

هي انتي اخخخخ وخري عني بنت الكلب قليلة تربية ولي ولج اخخخ شعري وحدة مسترجله مثلج مكانها مو هنا

براء: لج نجي اسكتي ما اسمع حسج اموتج والله ماعدي شي اخسرة
اجتي المدرسة اخذتنا للمـديرة
المديرة:  وتالي وياج ست براء لشوكت هل مشاكل للي مجاي تخلص
البنيه: ست والله العضيم بدون سبب لزمتني وكتلتني
براء:  لج خليني متحملتي والله اندمج مالج دخل مو تجذبيني اجذب اذني
المديرة:  شصاير شنو الموضوع ليش ضربتيها
براء:  اهووو شو كلكم تدخلون وتردون تعرفون
المديرة:  احجي بأدب وكولي شنو الموضوع
براء:  بصوت عالي شاردين احجي شتردين اكول اكول انو بنت عمتي طعنت بشرفي بنت عمتي شهرت بيه وخلت اليسوة والميسوة يحجي بسالفة امي طلعت كبل وسديت الباب حسيت نفسي صدك مختنكة طلعت من المدرسة وما سألت عن شي افترت بيه الدنيا مداعرف وين انطي وجهي شي محبوس بصدري اريد اعيط اطلع حركة كلبي المضمومة مثل جبل عكللي من يوم وفاة امي

وللحكاية بقيــة 💙
صوتـوا للبارت حبايبي 💙