سأجعل من قلبك موطني((باللهجة العراقية))

2

رواء: ابتسمت بوجهه ، من شوكت تعرفه ، شو ماشايفته قبل يمشي وياك

كمال: اني اعرفه من ايام الابتدائية بس اني رسبت بالسادس علمي وهو نجح ودخل للجامعه وخلص المرحله الاولى ومادرس الثانيه اجلها

رواء: يا خطيه وليش اجلها

كمال: گالي صارت عندي ظروف وماگدرت اكمل

رواء: والله قهرني خطيه يعني هسه جماعته كلهم بالثالثه وهو بالثاني

كمال: ترى هو مامهتم اصلآ ولا شايل هم للدراسه ، تعرفين العميد اركان مو

رواء: اي اعرفه هذا عميد كليتنا

كمال: عفيه عليچ ، علي يصير ابن العميد اركان

رواء: تحچي صدگ

كمال: اي والله ، واصلآ العام لو مداوم احسله ضيع السنه على روحه ابوه العميد يعني نجاحه مضمون حتى لو مايداوم، چان مشوله اياها من جوه ليجوه

رواء: لا خطيه يجوز على زين اجل لاتلومه وانت ماتعرف ظروفه

زينب: غمزتلها بعيني ها رواء بدينا.

رواء: انتي سكتي ، لاتدخلين ام حلگ

زينب: اني ام حلگ لا يابومه

كمال: هييي يمعودات اهدن شوي لاتكاونن

رواء: كمت اضحك يا كوان يمعود هاي القرده مالتي اذا مارزلها تزعل عليه

____ها عبالي

اي احچيلي اكثر عنه هو مرتبط لا

____باوعتلها بستغراب، ليش تسألين هذا السؤال

لاتسأل انته عليك بس تجاوب

___لا من حقي اعرف هذا صديقي خاف تريد تخطفينه

زينب: بصوت ناصي ، كمال

___التفتت على زينب چانت تباوعلي بنظرات بريئه، گلبي گام يدك بسرعه

كمال شبيك معقوله رواء تريد تأذي صديقك

___زيزو شفتي شگد قاسي وفوكاها يطلع علي اشاعات يگول تريد تخطفه ، سويت نفسي دا ابچي

كمال: التفتت على رواء يمعوده ماچنت اقصد والله اني اسف خلص لاتبچين

زينب: هسه ارتاحيت جرحت احساس رورو ، اعتذارك ميفيدها بشي