أن تقتلوا طائراً بريئاً (باللهجة العراقية)

part 10

سالي: لا خطيه شو حاجتني و شفتها و كولش حبابه

حلا: ي انتي هسه تحبيها بس بعدين راح تكرهيها

سالي: ليش عيني شكو شمسويتلي البنيه

حلا: هههه لج يردوها لسرمد و هو ميت عليها هم يريدها

سالي: لالا جذابه😧

حلا: دولي شوكت جذبت عليج اني

سالي: حبابه كولي لا حبااابه😥😣
و نزلت دمعتي😭

حلا: شوفي اني ما أريد اقهرج بس كتلج حتى كااااافي تبنين احلام ورديه و سرمد ميصير الج و اصلا بطلي تسوين روحج تحبيه

سالي: اسكتي بروح الحسين اسكتي و شنو اني جذابه بحبي ! تره اني احبببببه فهميييي و راح يصير الي

حلا: جذااابه شنو من حب هذا شلون تحبيه و هو بعيد و من يجي بس يضربج يكفخج راجديات و كولسا يردوله وحده

سالي: كتلج اسكتييييي

حلا: طيب هاهيه راح اسكت و هسه رايحه لأهلي

سالي: روحي بس تذكري انو سالي عاشقة لسرمد و تحب كولشي بيه حتى من يضربها يعذبها تحب لمساته القاسية هاي
و الله ياخذ كلمن حطت عينها عليه و فكرت تحبه و راح يكون نصيبي

راحت و اني ممصدكه صار الليل كولش اختنكت و بقيت كاعدة بغرفتي ابجي
و امي و اخواني بالطارمة و اجه أحمد و علي

أمي صاحتني
أم سالي: لججج سااالي كومي اليوم شعجب ما طلعتي كعدتي ويانا

سالي:نعسااانه مبيه حيل

علي: كوومي سوسه نريد جاي

سالي بكلبي لا والله حاطني انت بس للجاي أوف منك يوميه جاي متمل

طلعتلهم سويت جاي و كعدت يمهم

أحمد: عمه متخلين انترنيت خلي نجي نكنك يمج

أم سالي: ههه شسوي بيه و ليش متخلوه انتوا ببيتكم

أحمد:عمه فلوسج زايدة قابل مثل أبويه ما عدنا درهم نشتري راوتر😂

(طبعا إحنا حالتنا كوولش اختلفت و بيتنا أكبر من بيوت عمامي و أمي ما مقصرة ويانا ابدد و اني يوميه لبس و كذا صرت أنيقه بنات عمي و غرفه وحدي و ذهب ووو ألف الحمدلله)

اني فرحت معقولة راح نخلي نت و أخيرا اكدر أحاجي سرمد و اعرف اخباره منه مو من غيره😍

سالي: ي ماما حباااابه خلي نت النا يكولون كولشي يطلع

أحمد: ي كيفتي 😒

سالي:😒

علي:ي حطوا نت علمود نكنك يمكم من نجي يوميه