أنتَِ نوري

الفصل العشرون

مليكه بفرحه:"بجد يابابا يعنى مافيش مدرسه بكره؟"

سيف وهو بيبوس راسها:"مافيش مدرسه لمدة أسبوع بحاله."

قررت إنها تقوم وتروح أوضتها..وبالفعل خرجت من غير ماتقوله حاجه وراحت أوضتها وقفلت الباب على نفسها وبدأت تعيط.....

مليكه بإستفسار:"هى روكا خرجت ليه يابابا؟"

سيف بإستغراب مع تفكير:"مش عارف ، أكيد مشغوله...المهم ... يلا ياحبيبتى نامى عشان نجهز ونسافر بكره."

مليكه بفرحه:"حاضر يابابا."

باسها ونيمها على السرير وخرج من أوضتها...إتنهد بصعوبه وراح لأوضة رقيه...

سيف بصوت مسموع وهو بيخبط على الباب:"رقيه."

ملقاش رد منها...جرب يفتح الباب لقاه مقفول بالمفتاح...

سيف بقلق:"رقيه ، إفتحى الباب."

كانت قاعده على الأرض وبتحاول تكتم شهقاتها عشان مايسمعهاش وهى بتعيط...

سيف بحزن:"رقيه ، طمنينى عليكى."

مسحت دموعها وقامت وفتحت الباب...بصتله بعيونها الحمراء بسبب الدموع...

سيف بإستفسار:"بتعيطى ليه؟"

رقيه بصوت متحشرج من الدموع:"كنت واحشنى مش أكتر *كملت كلامها بينها وبين نفسها* وهتوحشنى أكتر بعد كده."

دخل أوضتها من غير مايستأذن وقفل الباب وراه...كانت لسه هتتكلم وتقوله ماينفعش يقربوا من بعض تاني لكنه أخدها فى حضنه وشدد من حضنه ليها...كانت بتبكى في صمت وهى فى حضنه وفى نفس الوقت محرجه من الموقف ده بعدت عنه بهدوء وإتكلمت بحزن ..

رقيه بهمس:"أنا بحبك ياسيف ، أتمنى تكون عارف ده كويس."

سيف بهمس:"عارف."

مسح دموعها وكمل..

سيف:"أنا آسف على إللى حصل منى الفتره إللى فاتت ، بس فعلا مكنش ينفع الكلام إللى إنتى قولتيه ده."

رقيه:"ماشى أنا معترفه بغلطى ، بس الفكره إنت ليه تحط المبلغ ده فى حسابى؟ ، أكيد لازم أفهم غلط."

سيف:"تفهمى غلط إزاى وإنتى عارفه إنى بحبك؟"

رقيه بتنهيدة:"معرفش ، بس عموما إنت إزاى تحط مبلغ زى ده فى حسابى."

سيف:"قولتلك إعتبريها هديه صغيره منى ليكى."

رقيه بدهشه:"هديه صغيره!! المبلغ ده وهديه صغيره؟!! هو إنت حابب تبعزق فلوسك فى أى حته وخلاص."

سيف بصدمه:"أب...أب..أب..إيه!!!"

رقيه بتوضيح:"تبعزق ، قصدى يعنى تصرف فلوسك وخلاص."

سيف بهيام وهو بيبص فى عينيها:"كله يهون عشانك."

رقيه:"بس برده ، نفسى أفهم هو فى واحد يعمل كده عشان خاطر واحده بيحبها."