الحب❤️ام القدر👊؟؟..

...... القرار المنتظر👊👊.......

اول مرة تحب ي قلبى واول يوم اتهنا..
ياما ع نار الحب قالولى ولاقيتها من الجنة..
اول مرة...اول مرة....
ليه بيقولوا الحب اسية؟! ليه بيقولوا شجن ودموع؟!
اول حب يمر عليا...ادلى الدنيا فرح وشموع...
افرح واملا الدنيا امانى ..
لا انا ولا انت هنعشق تانى...
اول مرة...اول مرة...
اول فرحة تمر بقلبى ..
وانا هايم ف الدنيا غريب...
قولى احكى ولا اخبى...
ولا اوصفها لكل حبيب...

كانت شيماء تجلس بتوتر اكثر ..أمن بين أغانى العالم.يذيع الراديو هذه الاغنية الان؟! ..
وكان سليم يشعر بتوترها وكانت ع وجهه شبح ابتسامة يحاول اخفائها..وظلا هكذا حتى وصلا الى البيوتى سنتر ..وعند نزولهم ..اوقفهم سليم قائلا: هتبقوا جاهزين ع امتى كدا؟!
ملك: هو اخرنا ع الساعة ٩ كدا ..وابقى قول لحسن ماينساش البوكية..اصله حمار وهينسى...
شيماء: نعم ي اختى؟! ..ماتتلمى..انا واقفة يعنى..
ملك بطفولة: عادى عادى..يالا ندخل احنا..باى ي سليم..
دخلتا ..وبدأت الفتاة ف تجميل ملك ووضع الميكب والقيام بتسريحة الشعر..حتى قربت الساعة ع ٨:٥٠ ..كانت ملك تنظر الى نفسها ف المرأة وتقول بمرح: ي لهوى عليا وع جمال امى..والنبى انا خسارة ف الواد العبيط دا..يالا ي شوشو ..كل دا بتلبسى العيال زمانهم جايين ..انجزى...
فخرجت اليها شيماء وهى ترتدى دريس فضى ف اسود وحجاب فضى بلفة بسيطة ولا تضع ع وجهها سوى فقط اللينير وملمع شفاة فقط ..فنظرت اليها ملك بذهول..
شيماء: ايه ي بت مالك بتبصيلى كدا ليه؟!
ملك بذهول وهى تدور حول شيماء: يخربيت جمال امك ي بت ي شيمو..انتى كنتى مخبية الحلاوة دى فين؟!
شيماء بابتسامة كسرة : وهبينها ليه؟! ولا لمين؟! ..
وفجاة رن الهاتف ..معلنا عن اتصال من حسن..فاجابت شيماء: الو..ايه ي حسن..انتوا برة..خلاص احنا جاهزيين..اه صحيح جبت البوكية..طب ماشى انا هخرج اخده منك..باى..
انا هخرج اجيب منه البوكية وانتى اجهزى..
خرجت شيماء..وذهل الجميع من جمالها وبريقها..فاتجهت الى حسن وقالت: حسن..فين البوكية؟!
حسن: ...................
شيماء: واد ي حسن..ماترد ي بنى..
حسن بذهول: هو انتى مين حضرتك؟!
شيماء بذهول: نعم ي روح امك..انتى مش عارف اختك ي اهبل؟!
حسن باستيعاب: اختى؟! ..شوشو؟!
شيماء: الحمدلله فهمت..فين البوكية بقى؟!
حسن: بوكية ايه دلوقتى..يخرب عقلك ي شوشو..ايه القمر دا؟!؟!
شيماء بمزاح: انا طول عمرى قمر بس للى يقدر..هات البوكية بقى...
فاعطاها البوكية ..ودخلت لملك ..وعندما خرجت ملك ..كان سليم قد وصل ..وعندما خرجت ملك ..ذهل حسن من جمالها..فذهب باتجاهها وطبع قبلة رقيقة ع يدها وقال بحب: ايه ي بت ي لوكا الحلاوة دى؟! ..انتوا مالكم محلويين النهاردة كدا ليه؟!
ملك: احنا طول عمرنا حلويين بس للى يقدر بعيد عنك..
حسن: كدا ي ملك ..ماشى..انا النهاردة هعرفك هقدرك ازاى ..بس اصبرى عليا..
ملك: ابقى ورينى هتعمل ايه؟!
اقتربت منهم شيماء: لموا نفسكم وبلاش فضايح ..احنا ف الشارع..
فصعدوا جميعا ف سيارة حسن والتى كان يقودها سليم..وجلست شيماء بجوار سليم الذى عندما رأها ..ذهل من جمالها..ووصلوا الى القاعة الكبيرة ف احد الفنادق الشهيرة..ودخل حسن وملك ع اغنية ( طلى بالابيض) ..وجلسوا دقاىق..حتى جاء موعد الرقصة الاولى بين العروسين..توجه سليم الى شيماء وقال: شوشو ..تعالى ارقصى معايا..
شيماء: نعم؟! ..لا ..انت عارف انى مش بعرف ارقص..
فاخذها من يدها وصعد بها ع الDance floor..ووضع يديه حول خصرها وهى وضعت يديها حول رقبته ..
شيماء: انت مجنون ع فكرة..الناس هتقول ايه دلوقتى لما تبقى بترقص معايا وسايب مراتك؟!
سليم: يقولوا الى يقولوه..وبعدين انا عايز ارقص معاك انت ي قمر..
شعرت شيماء بالفرحة ولكن سرعان ما نبهها عقلها: ماتفرحيش اوى كدا..نسيتى لما صدقتيه ف المطعم جرالك ايه؟! ..