رؤيا

الجزء 56

غير دخلات لڤيلا لقاتهم كيوجدو لفطور  وكلشي فايق

رؤيا(واقفة مخنزرة فيهم):صباح الخير
ياسمين:رؤيا كنتي كتجري...صباح النور
رؤيا(وقفات عليهم فالطبلة ):واش عرفتو شنو درتو ولالا
امين(حابس الضحكة):رؤيا گلسي فطري
رؤيا(معصبة):اخر مرة شي حد يتصرف بلاما يگولها ليا
امين:مالنا على هاد الصداع على صباح ...شنو كاين
رؤيا(كتغوت):عرفتي شنو درتو بهاد التصرفات ديالكم ...ياسين مبقاش باغي يطلقني بسبابكم ...گالك غادي نبقا على ذمتو وعمرو غادي يطلقني.....فوقاش غادي نرتاح انا واش عاجبكم الحال نتعذب انا فحال هكا ..واش مكنبقاش فيكم مكتشوفوش حالتي (وبدات كتبكي وطلعات الفوق )

نسرين:انا مكنتش متافقة معاكم فهاد الفكرة...رؤيا حساسة فهاد الموضوع
امين:حنا درنا لي علينا ....انا غادي نطلع نهدر معاها
ياسمين: لا غير خليك انا غادي نطلع نشوفها
امين(حبس ياسمين):غير خليك (وتم طالع)

دخل لقا الباب محلول لقاها مرمية على ناموسية

امين:نقدر ندخل
رؤيا(مزال كتبكي):بعد مني ...اخر مرة تهدر معايا.
امين(جا گلس حداها ):دابا علاش كتبكي ..واش حيت معجبكش لحال.  ولا حيت شفتيه مرة اخرى ومقدرتيش تصبري على فراقو مزال
رؤيا(ناضت گلسات ):بجوج
امين:ههه ومالكي على هاد قصوحية راس ..حتا دابا مزال الحال رجعي معاه
رؤيا:منقدرش...
امين:اوديي....علاش متقدريش بسلامة
رؤيا:فكما كنرجعو مع بعضياتنا كيوقعو لمشاكيل ....انا كنبغيه منكرش ولكن العيشة بيناتنا صعيبة خصوصا من بعد هادشي لي طرا ....انا تخليت عليه ومكانش خصني نخليه كيفما كان طبعو .. وولدنا مات ...صعيب  كلشي يرجع كيفما كان
امين(عنق رؤيا ):مصعيب والو ...نتي لي كتصعبيها على راسك ..متفكريش بعقلك ..فكري بهادا(شير ليها جيهت قلبها)
رؤيا(تخشات فأمين كتبكي)
نسرين(حتا هي دخلات وعنقت رؤيا):شنو دابا غادي ترجعي معاه ولالا
رؤيا:معرف بعدو مني

نسرين خرجات هي امين كيضحكو عليها

امين:شحال قدها تكذب على راسها
نسرين:شوف شنو صورت
امين:وليني راك عفريتة صورتيها وهي كتهضر
نسرين:ايلا مبغاتش تعتارف غادي نسيفطو لياسين
امين:سيفطيه ليا بغيتو يبقى عندي
نسرين:اوكي ....
امين:اش بان ليك نجيبو ياسين  لعشا  ليوم
نسرين :مزيانة هادي
امين:صافي انا ندوي مع عاصم هو لي كيعرف ليه

بعدما هبطو كملو فطورهم ...كل واحد وفين خرج ..نسرين مع امين ..و ياسمين مع احمد و سهيل  اما رؤيا فمكانتش باغا تخرج حتا تنادم معاها الحال وخرجات هزات لوطو ديالها باش تسارا ..تلاقات مع بزاف ديال الناس وخا مكتعرفهومش كانت الدنيا عامرة بالسياح من  جميع البلدان ...رجعات حتا الليل معرفاش شحال الوقت ..دخلات لقات كلشي مجموع فطبلة 

رؤيا(كتشوف جيهة ياسين):مسا نور
امين:على السلامة من الصباح وانا كنعيط ليك
رؤيا(گلسات حدا ياسين حيت بقات بلاصة  هي لي حداه):اه طفا ليا تيلي ...حتا دابا جيت مع الوقت نيشان
نسرين(كتاكل وكتهضر مع امين):نسيفطو ليه الڤيديو دابا
امين:ريحي الأرض ..كملي غير مكلتك دغيا ..
نسرين:دابا انا وكالا
امين:ومالكي كذبت ...شوفي بدات كتخرج ليك الكريشة بقوة الماكلة.
نسرين(ناضت وغادا كتنگر):ياك دابا انا عندي الكرش واخا غير لا بقات فيك ا امين ...
امين(تابعها وكيضحك)

اما رؤيا تفكرات فاش كان وقع ليهم نفس الوضع ..ضحكت ضحكة جانبية..اما ياسين حتا هو جاتو الضحكة حيت تفكر رؤيا نهار تقلقات منو.. فاش گليها ولات عندك لكريشة

انا عاصم غير گالس وكيشوف فيهم بجوج ..حتا وصل ياسين شي مساج وناض من حداهم ...اما رؤيا فبقات كتخنزر فيه

عاصم:هيهو فين كتشوفي
رؤيا(مخنزرة):مكنشوف فين....(حتا وصلها مساج)غير حلاتو شافتو ..وجهها بدا كيتلون
عاصم(كيشوف فيها وكيضحك):رؤيا مالكي كاين شي مشكل
رؤيا('كتشوف فيهم):شكون صور هاد الڤيديو
ياسمين:ماشي انا
احمد:حتا انا
عاصم:انا ماصورتوش ولكن غير صيفطوه ليا وانا صيفطتو لياسين
رؤيا(ناضت مخلوعة خرجات هزات لوطو ومشات)

ياسين(جاي كيجري ):فين مشات هاديك
عاصم:جري جري راه هربات

بعدما خرج ياسين تبعها بلوطو مكسيري اما هي غير شافتو موراها زادت فالسرعة ..حتا كيقرب ليها وكضوبلو . بقات مكسيريا حتا جات قدامها لوطو ديالو . دغيا فرانات وسدات عليها لوطو ..خلاتو خرج وكيحاول يحل لوطو ووالو ...صونا عليها فتيلي جاوبات
ياسين:برب ومتحلي هاد الباب حتا نفرعو
رؤيا(حلات الباب وخرجات تكات على لوطو)
ياسين(داير يدو فجيابو وواقف قدامها):شنو گالك راسك باغا تهربي
رؤيا(حادرة راسها):مكنتش هربانة
ياسين(جرها من خصرها ملصقها على صدرو): ولا  ياكما كنتي حشمانة تشوفي فوجهي
رؤيا(كتشوف ليه نيشان فعينيه):معندي علاش نحشم اصلا ..مدرت حتا حاجة لي نحشم عليها
ياسين(جبد تيلي وخدم الڤيديو):اه مدرتي حتا حاجة ...اوكي وشنو هادا ..
رؤيا:والو ڤيديو قديم هداك
ياسين:ممم قديم ...ولا نتي لي مباغاش تعتارفي
رؤيا:اوكي جديد ...ومن بعد غادي تقتلني متلا
ياسين:لا منقتلكش.  ولكن نقدر نبوسك متلا(وباسها فحنكها)
رؤيا(مجمدة بلاصتها)
ياسين(باسها جيهت فمها):انا مغادي نطلب منك والو ..من غير حاجا وحدة ..تقبلي تزوجي بيا ..للمرة تانية ..بلا مشاكيل بلا صداع الراس ...عييت ومبقيتش قاد على شي مشكل اخر .
رؤيا(كتشوف فيه مصدومة )
ياسين(غادي جيهت لوطو ديالو):اوك خودي لوقت لي بغيتي فكري ولكن القرار كيبقى ديالك (ركب فلوطو ومشا)
رؤيا(غير مشا بقات واقفة مصدومة ركبت فلوطو ديالها نيشان مشات جيهت لڤيلا. لقات كلشي داخل ينعس ..)
دخلات تكات ليل كامل وهي كتفكر

نمشيو لعند ياسين لي مشا نيشان لدارو وحلف نعاس لا جا بين عينيه بزز باش قدر ينعس ..ليل كامل وهو كيفكر فشنو غادي تگول رؤيا ...ولكن ايلا رفضات غادي يعطيها طلاقها وميعاودش يقرب جيهتها