مابين حنين الماضي وجحود اليوم

البارت السادس ج ٢

الي استغربته هو طريقة كلامهم كله عربي فصيح حسيت نفسي بفلم الرساله

اهنا عرفت ان احنا جايين التنظيم القاعده

قررت بيني وبين نفسي اول فرصة تجيني انهزم حتى لو هلاكي يصير بالصحراء

دخلونا القاعة لكينا بيها كم واحد موجود واكو واحد بيهم يكولوله الامير

الامير اهلا وسهلا ومرحبا كيف حالك اتمنة انكم استمتعتم في الرحله

ذياب نشكر الله ايها الامير الفضل يعود اليكم

الامير ارى انك احضرت عناصر شابة لدعم القضية

ذياب انهم ابنائي جائو ليقدمو فروض الطاعة والولاء من اجل اقامة امارة العدل والدين

ذياب هيا قبلو يدي الامير ابدأ انت ياعمر وانت بعده ياتميم وانت ياعثمان

تميم  شفت عمر ماقابل على الوضع مجرد سلم مد ايده وماباس ايد الي يسموه امير

ذياب قبل يدين اميرك

عمر استغفر الله

ذياب اطاعة الامير من طاعة الله فلا تخف سوف تتعلم الكثير من الامور هنا

عمر اني اريد ارجع للعراق

تميم واني وياك عمر

الامير سوف تعودون بعد ان تاخذو ضيافتكم اليوم ارتاحو من مشقة الطريق وتناولو طعامكم وشرابكم واذهبو في حفظ الرحمن

تميم ارتاحيت من هيج سمعت يعني معقوله الله راح يخلصني من هذا الموقف ماصدك

اخذونا اني وعمر وعثمان الغرفة ثانية بيها ميز طعام عليه انواع الاكل والعصاير واحنا جوعانين

الي وصلنا كال تناولو طعامكم لا تنتضرو المجاهد ابا عمر فانة سيكون بضيافة الامير

كعدنا اكلنا وشبعنا وشربنا عصير سالت عمر

اكول عمر تتوقع صدك راح يخلونه نرجع للعراق

عمر والله مادري ماجنت اتخيل ابوية يخليني بهيج موقف

كل ما يسافر السوريا جنت احس اكو شي ومن اساله يكول شغل شغل ماعرف هو هذا الشغل

تميم زين واذا ماقبلو نرجع ويجلبون بينة لو يسوونا مثلهم شلون

زين ابوية شكله سافرت بدون علمك

عمر اني مارضيت عليك لان ماكلت الخالي على سفرك وماجنت اتوقع تسويها ابد

شوي وجابولنا جاي شربنا وراها مادرينا شكو ماكو من التعب

الفجر كعدونا كالو اسبحو خلي نلحك على صلاة الجماعة

طبينا للحمام وسبحنا وتوضينا ورحنا حتى نصلي

وكفنا اني وعمر وعثمان واحد بصف الثاني وبدينا نصلي