وجعي انا 💔 ( روايات ليبية )

حلقة 8🔥

ودارن جو بعدها حطو الغذاء وتغدو وخشت ابتهال مع غزلان تمكيجلها ، طلعت غزلان اقنينه😍 وف العشيه جا فارس وطلعت

حمدي: رد بالك عليها
فارس: ف عيوني
غزلان ب قهر: مش ه نطول عليكم بكرا ع الظهر نجي
حمدي: انشاءالله

مسك فارس ف يدها وطلعو للسياره تلقائيا رفعت اعيونها ل حوش معتز وقلبها يدق ب قوه شبحت لقت معتز واقف ويشوفلها 💔تمنت الارض تنشق وتبلعها، ركبت السياره ومشت ل حوشها الجديد الى مايبعدش إلا شارع عن هلها🔥

/////////
واقف معتز ودموعه ع خدوده(محرها بكيت الراجل💔)

معتز ب قهر : خذاك غيري تميتي نصيب ل غيري قلبي نار علاش فرقونا

قديم الغـــــــــــلا وين مــا عليه خذينا

خــــــــذاه غيرنا في وخذته ارتزينا „„„💔💔

وقرب من حوش هل غزلان لقاه سياره بوها وسياره محمود لانه ماشي مع اصحابه ل زرده ومسيب سيارته خذاه موس وحديده ونزل ع ركبيه وقعد يفش ف عجل السياره ب غل وهوا يبكي وجرح يده كان يضرب ف العجل ب هستيريا لين اذه روحه🔥

///////

نزلت غزلان خش فارس قدمها

فارس: خشي ب رجلك اليومين

خشت غزلان ب رجلها اليسار 😂 ب عناد

فارس ب رفعت حاجب: خيرك تعاندي
غزلان ب برود،: ماعندتش ومجيتش شورك وين الحمام
فارس: اي واضح، خشي يمين توا تلقيه

خشت غزلان ل حمام(يكرم القارى) وقعدت تبكي ب العبره بعدها غسلت وجهها وطلعت للدار غيرت ولبست توته واسعه وطلعت قعمزت ف الصاله

فارس:مش ناقصك شى
غزلان ب غصه: لالا
فارس ب خبث: به اني طالع عندي مشوار ضروري وف ليل موعدنا
غزلان ب قهر : سخيف ووقح

طلع فارس وهوا يضحك ، مسكت غزلان فونها ب غل ورنت ع ريم

ريم ب صدمه: خيرك شن في
غزلان : مافي شى كساد بس
ريم : عروس راك وين راجلك
غزلان: طلع عنده مشوار
ريم: اي ب نقولك ع حاجه بدري شوي كيف عرفتها ومتت من الفرح
غزلان ب حماس: شن في
ريم: طلعت حامل🙊
غزلان نقزت من فرحه: ياروحي انا الف مبروك واخيرا ب نولى خاله
ريم: واحلى خاله

قعدو يهدرزو لين اذن العشاء سكرت غزلان الخط وخشت صلت

غزلان ب خبث:، اوو الدار ب مففتاح😎ونا ناعسه ومعندش جو نشوف وجهه الي اسمه فارس البارد

خذت المفتاح وخشت للدار طلعت مخده وبطنيه وعزقتهن برا وسكرت الباب ب مفتاح من الداخل وقعدت تضحك ب نصر الضحكه الشريره😂😂🤦‍♀️وتغطت ورقدت

////////
خش فارس للحوش وقعد ينادي ع غزلان بس مفش رد
فارس ؛ خيرها وين راحت هذِ

قرب من الدار وانصدم من البطنيه والمخده إللى مطوحات قدام الدار فتح الدار مبتش تنفتح

فارس ب عصبيه: غزلان بطلى جو المفرخ وافتحي الباب
غزلان ب صوت ناعس: فوتني ب نرقد غدوه انتلاقو

قعد فارس يهزب ويخبط بدون فايده استسلم ورفع البطنيه والمخده وخذهن ومشى رقد ع الكنبه وهوا قريب يبكي😂🤦‍♀️

ثاني يوم الصبح

فاقت غزلان وفتحت باب الدار شافت فارس راقد وملامحه معصيات ضحكت من قلب ع منظره

غزلان: تستاهل منظرك زي المرا الحرجانه

فتح فارس اعيونه

فارس: صار هكي به به توا نوريك المرا الحرجانه شن ادير بعد تزعل
غزلان ب صدمه: قصدك سمعتني
فارس: اي امشي ديري فطور

خشت غزلان للمطبخ وهيا تضحك ع برود فارس دارت فطور وطلعت ب الصفره حطتها وقعمزو ياكلو

فارس وهوا فاتح فمه: بشويا كولى مش طاير للوكال ب ناكل اني
غزلان: اي كول محد ماسكك ومحد قالك افتح فمك كول قبل مانكمل الوكال🙂
فارس: وه مجاعه كلا انتِ
غزلان ب برود: اي نعرف

كملت فطور وفارس يشبحلها ب صدمه😂رفعت الصفره وغسلت المواعين وطلعت

غزلان: فارس ب نغير وتشيلني ل هلي وكمل شغلك وتعال تغده معانا
فارس ب برود: مفيش مشي ل هلك
غزلان وعيونها ب يطلعن:، شششن شن كيف مفيش مشي مش قتلك ووافقت
فارس : اي وافقت بس امرا الحرجانه زعلانه وزعلها مش حلو
غزلان: اف لا لازم نمشي شن نديرلك اسفه به
فارس: معش تعوديها وتاسفي الاسف ميصلحش الي انهدم
غزلان: به فكني من الحكم وقولي شن تبي وريحنا😒
فارس ب برود:، عطيني بوسه نشيلك
غزلان ب صدمه: تعرفها عينك نعطيك عينك
فارس: اي مالا اقعدي كسدي ع Tv خير لك من الكساد
غزلان.
🙂💔🔥
يتبع......
ب قلم : منى المجبري
❤بقق لووف