زيدان بصلي بأستغراب وهو لسه بيعمل سووفت للكوبايه بتاعته ومسك علبه العصير وحطلي تاني وشربتها براحه عشان مش عايزه اجي علي اخر اليوم وارجع كل حاجه كلتها من اول السنه.
فتحت علبه تانيه وبدأت اشربها وعايزه اروح اشتم هاني واقوله ميتكلمش معايا تاني وامسك المقص ده واقصلها البمبي الي في شعرها الي شكلو يقرف ده قبل ما اطق وانفجر في المكان ومحدش يعرف يلمني بس واضح من نظرات زيدان انه عارف اني ناويه علي ايه..
"تيسير.. اهدي"
استغربت وقولتله "اهدي ليه؟ شايفني مجنونه؟"
"انتي خلصتي علبتين عصير لحد دلوقتي خدي بالك كده هتسكري.." قال وهو بيضحك قمت واخده كوبايته الي بقاله بيشرب منها نص ساعه "بلاش تسكر انت طيب يا روهيف.. من عصير الرمان"
"طب تعالي هنطلع نلعب حقيقه وتحدي..."
"اللعبه العبيطه دي؟"
"ايوه تعالي العبي وبطلي عشان متخرجيش تبوظي الدنيا.. بعدها انا هروحك"
"يوووه.. ماشي"
قولت وروحت وراه وافتكرت كل الحاجات الخرا الي هتطلب من هاني وموله دي عشان يعملوها.. هم بيلعبوا اللعبه دي ليه بجد؟
روحت ورا زيدان ورجعنا للمكان الي كانو قاعدين فيه.. ياريت مقتلهمش كلهم بعد ازازتين العصير الي شربتهم دول بس.. وقعد زيدان جمب هاني ومولي وانا روحت قعدت جمب زيدان عشان اغيظ هاني.
جت فيفي هي وتموره الممحون قعدوا وبدأت اللعبه "نيني! حقيقه ولا تحدي؟"
"حقيقه"
"يجبااان"
"انا مش جبان قولي وهاتي الي عندك!"
"ماشي.. الاسبوع الي فات لما خدتك حفله عيد ميلاد تامر.. هو انت الي شخيت في دولابه؟"
كله ضحك ونيني فضل ساكت.. انا نفسي ضحكت محدش عايز يتعاطف مع نيني ليه؟ الدنيا غداره ليه؟
"قولتلكوا خمستلاف مره مكنش انا! كان حد تاني فالأوضه وكنا بنلعب ولاقيته دخل جوه الدولاب وطلع.."
"ياتري مين؟!" قالت فيفي وهي بتضحك بستهزاء.. وكمل نيني..
"تيسير!"
كله بص عليا وانا كان نفسي اقوم الطشه قلمين..
"اولاَ.. مش للدرجادي اعمل بيبي في دولاب يعني.. مالكوا؟"
أنت تقرأ
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
Chapter 43
ابدأ من البداية
