قمر الليالي

5

  دخلنا ركبنا اصانصير  للطابق الخامس  وقف جمب باب وطلع المفتاح  و دخلنا كانت شقه  كلمه روعه قليله عليها  عجييييييبه  و فخمه  تحلف تقول مافي السودان اثاثتها مستورده و ذوقها عالي في الفرش

دخلنا وقفل الباب وراه بالمفتاح   بعد النظره الاولي للشقه اتلفت عايزه اعلق ليه عليها  اتفاجاء بيه وراي طوالي  ومع لفتتي قبال ما انطق حرف  مسكني من  خصري وقربني عليه شديد و باسني في شفايفي   مساااافه  نفسي اتكتم 🥴 واحساسي كان  مخيف اكتر من ممتع  و من خوفتي قلبي بضرب  و  دايره اصرخ  ول اجري منه كانه ده ما الزول البعرفه  شكله ما طبيعي كانه اتبدل  😢
عايزه ااتكلم حضني و شالني لما رجليني هوت من الارض وضاميني شديد  ويقول لي انا مشتاق ليك  و مشتهيييك ويشم في رقبتي وشعري  لما جسمي قشعر و عيوني غرقو  ومن كلامه و شعوره لقيت نفسي بمسكه من رقبته  واتمسك بيه اكتر وببادله نفس الشي   .. قال لي بصوت منخفض  انا عايزك تسيبي لي نفسك خالص  و حتوصلي لمكان عمرك ما وصلتيه  ..
كلامه حمسني  شديد  
فكاني نزلني وبحسس وشي و شفايفي باصابعه وعيونه و نظرته عميقه بحر  غرقت فيه  وقال لي القميص جوه في الغرفه  في السرير انا حنتظرك هنا امشي غيري 
بالفعل دخلتا الغرفه كانت غرفه نوم  جميله جد و مرتبه  ونضيفه وبااارده
لقيت في السرير كم كيس حق هدايا فتحتهم لقيت القميص الاسود  رهيييب عجبني كان قصير ،، اترددتا شدييد البسه بخجل و خايفه وعايزه اغير رأيي من الموضوع ده كله لكن في شي كان بحركني من غير تفكير ..
لقيت نفسي شلته و دخلتا الحمام الداخلي حق الغرفه وبعاين لنفسي في المرايا و بغير قلعت ملابس ولبست القميص وفكيت الشباصه من شعري خليته منسدل شكلي غريب بالجزمه الكعب مع القميص قلعت الجزمه بقيت حفيانه اتعطرتا بعطر في شنطتي كان مالك بعلق معاي فيه دايما و عاجبه كارولينا هيريرا (sexy212)
وقفت قدام المرايا تاني القميص مظبوووووط بطريقه ساحره و مغريه بقيت شايله هم اطلع كيف قصيييير شديد و شفاف  وانا الوصلني المرحله دي شنو قلبي وعقلي مرتبكين عارفه انه كده غلط وقلبي حابي الوضع انه مالك رجع لي واقصى شي ممكن يعمله شنو ما اظن يعمل شي يأذيني انا عارفاه بحبني ..
قعدت في طرف البانيو متردده اطلع ول لا ولو ما طلعتا لابساه حكون خسرته مالك للابد
باب الحمام دق قال لي ده كله غيار ..
قعدتا شويه بعدين مشيت من دون تفكير فتحت الباب وبقيت طالعه

لقيته قاعد في السرير تاكل ظهره فيه  و مادي رجليه في السرير لما شافني عيونه حيطلعو من مكانهم وفتح خشمه بخلعه رفع يدينه في راسه ونزلهم مسح بيهم وشه ويتمتم بكلام ما مركزه معاه قلبي بضرب بسرعه ونفسي متوتر قايم وخجلانه مع خايفه مع متحمسه ،،
مد لي يده يعني تعالي وقام علي حيله اول ما جيت جمبه ضماني بحنااااااان و رفع لي راسي بقيت اعاين ليه في عيونه وقلت ليه مالك ما حتأذيني صاح .. انت زول عاقل وانا المجنونه 🥺
باسني في جبهتي و ضماني تاني وقال لي انا بحب جنونك وما حعمل شي انتي ما حاباه و راضيه عنه وهسه لو ما عايزه تواصلي معاي ول غيرتي رايك من دون  زعل ماعندي مشكله اهم شي راحتك
وما ح انسى منظرك وانتي طالعه من الحمام و جايه علي ما حييت 🥰واكون شفت القميص عليك خلاص اوفيتي بوعدك
اتطمنت شديد ورفعت يديني ضميته علي حسيت نحن بقينا روح واحده جسد واحد حسيت انه امتزجنا وكأنه ضربات قلبي وقلبه شغاله برتم واحد بيت واحد نفسي البطلع نفس نفس تنفسه ..
بدا يلمس ظهري ويلعب بشعري لما رفعت راسي عليه رجع لي الخصل وباسني براحه وبدا يتحرك زي البنوم فيني زي الام لما تنوم طفلها وتلوليه شعوري اعصابي جسمي كلي استسلمتا ليه كليا .. وزي ما قال سبت ليه نفسي خالص
وكاني في غيبوبه في عالم تاني في الجنه انا و مالك قلبي وكل حواسي ارتوت وفعلا وصلت معاه مكان ما بعرفه واحساس عمري ما اختبرته امتزاج  حلو  مع غريب مع مؤلم  نفسيتي  مشتته مبسوطه مع احساس بالذنب  وبعد خلاص.. كأنه  جاتني غفوه
صحيت علي صوت الجرس قمت مخلوعه لقيت مالك جمبي مافي في السرير اتلفتا شمال يمين باب الحمام مقفول وصوت الدش  عايزه اقوم  حسيت بالم  في جسمي كله كاني صخره ما قادره اتحرك  قمت بعد تعب  وقفتا  وبمشي براحه  دقيت باب الحمام قلت ليه جرس الباب  برن ..
قال لي بكون بتاع الدلفري المحفظه في جيب البنطلون الوراء حاسبيه
تاني الجرس دقا اتلخمتا  اتلفت للغرفه كلها مجدعه هدوم فتشت البنطلون وشلتا المحفظه
قعدتا اتلفت البس شنو  عشان اطلع احاسب  بتاع الدلفري  هدومي  جوه الحمام   وبقيت اتلفت ما لقيت الا القميص الاسود نفسه   ..
ثالت ممره الجرس دقا لبست القميص  قلت خلاص اقيف ورا الباب  اخد الحاجات و اناوله القروش  ..
مشيت براحه  لاني ما قادره اعمل ايي شي ولا حتي امشي زي الناس عاينت بالعين السحريه فعلا لقيت واحد واقف فتحت الباب  حته بس  وبقيت مدسيه ورا الباب وقلت ليه الحساب كم ؟
سمعت همهمه  زي البتكلم مع  زول وصوت جوطه  لسه ما مستوعبه  الحاصل   ما اشوف الا زول بلز في الباب بشده  الباب ضربني في اصابع رجليني  رجعت لورا  ومافيني حيل اقاوم  ول اتحرك حتي  دخل  بتاع البيتزا قعد يعاين لي  مخلوع  وانا فاتحه خشمي مخلوعه منه  عايزه اصرخ علي مالك  ما قادره  من الخلعه في لحظه دخلو معاه بتين واتلفت عليهم بسرعه  بقي يضاري فيني عشان ما يشوفوني  وحده فيهم بقوه لزت الولد  لما داير يقع  وبقت تعاين لي  انا لما ركزتا ما صدقتا  ولا عايزه اصدق  وكانه  حلم مزعج  وعايزه الارض تتشق وتبلعني وبقيت بتلفت لشي يسترني  واتغطى بيه انا شبه عريانه بالقميص ده
طلعت البت اللزت الولد دي (مي )  مي بت عم مالك العاقد عليها  ومعاها بت تانيه اتوقع صاحبتها بتمسك فيها وتلفتها عشان ما تعاين لي  بقينا كلنا  مخلوعين 

ما قطع  اللحظه دي الا مالك كان طلع من الحمام  جسمه وشعره يقطر مويه وبلف البشكير حول خصره وبتكلم معاي  وين مشيتي  هربتي  نحن في اولها  لسه يا بيبي  اتاخرتي كده ليه ما حسيبك الليله شكلك عايزة تهربي غلبك ما قدرتي تستحملي هههه بتكلم كده وبضحك حاسي بزهووو و فخر .
🚑🚑🚑🚑🚑🚑
لما وصل للصاله لقا الجمهور ده كله  واقفين   ..
مي نستني بقت تمشي عليه وتتكلم معاه و تبكي  وبدت تصرخ  و دخلت في هستيريا  واصحابها يهدو فيها ويحنسو فيها   قلعت الدبله و رمتها في وشه ..
مشت علي مالك وبقت تضرب فيه  وتصرخ 
مالك ما حرك شعره  ولا فتح خشمه بكلمه  بس بعاين ليها زي البتشفا فيها ول بنتقم منها   وهي تتعصب زياده وتصرخ  قدرتها الجيران فتحو بابهم  وبدو يقولو خير يا جماعه في شنو ..
مي وقعت  من طولها زي الخشبه  شالوها اصحابها ونزلو بيها
الجيران جمب الباب بسالو في مالك خير خير  يا جماعه 
مالك اتحرك زي الرجل الآلي  ولا كلمه نطقها طراااااخ ضرب الباب قفله في وش الناس  شكله بقى ما بتفسر مشى قعد في الكنبه  وقعد يعاين لي وانا بالقميص الاسود  الحمالات القصير في نص الصاله 
دنقر ودفن وشه في يدينه وبدا يتهز  ..
انا في اللحظه دي اتدمرتا  وزعلت عليه شديييد اكتر من زعلي علي نفسي   خفت عليه من مكيف الاسبلت وهو جسمه وشعره كله مويه   قفلته و مشيت قعدتا جمبه قلت ليه بالطريقه دي حتمرض  وبقيت  امسج ليه في كتفه  واقول ليه ما تهتم  و ما تزعل نفسك  هي اصلا ما بتستاهلك  ..
ما اشوف الزول الا قام هاج فيني زي المجنون وقال لي امشي من وشي الساعه دي وما عايز اشوف وشك قدامي لو شوفتيني في الشارع غيري اتجاهك ..

قلت  ليه : و الحصل بيننا ده شنو ؟..
مالك : ده الكنتي عايزه تصلي ليه اول ما عرفتك ول نسيتي كلامك .. والعايزاه لقيتيه  وكل شي كان بموافقتك و رضاك ضربتي عصفورين بحجر. عشتي الكان عايزه تعيشي معاي وفي نفس الوقت هديتي البيني وبين مي في لحظه .. انتي كده اخدتي حقك و زياده. ولسه متوقعه يكون في شي بيني ويبنك انتي بجحه اطلعي بره. من بيتي ومن حياتي قام وشداني من يدي بقوه يله بره بره  دخلتا لبستا هدومي وانا في حاله يرثى لها  و طلعتا للشارع 😭😭😭