I hate you Boss

Chapter 21

"Echus mo naman, pangalan nga lang naman eh"

Tinarayan ko siya.

"Sabihin mo kasi, hindi natatahimik yang tsismosa mong pagkatao hanggat hindi mo nalalaman ang pangalan noon"

"Ewan ko sa 'yo, tara labas tayo, chibug tayong fishball" Mabilis siyang tumayo at hinila ako.

Lihim akong nagpasalamat at hindi na niya ako kinulit. Hindi ko kasi alam kung ano ang gagawin niya pag nalaman niyang si Boss ang tinutukoy ko. Baka magwala at tatalon mula sa bintana.

                    ~~~~~~~~~~~~~~~~~

Unti-unti ko nang natanggap na ganoon talaga. Not all love ay... basta ano, hindi lahat ng pag-ibig ay nagtatagumpay.

Inimbitahan ako ni Arnel na mag dinner at napagdesisyonan ko na na sagutin na si Arnel. Mukhang papunta naman talaga kami doon kaya bakit ko pa patagalin.

Pulang bistida ang suot ko. Hapit iyon sa akin. Simple lang ang design pero maganda parin. Nagdecide akong mag highheels. Pinili ko yung strappy sandal na 4 inch ang taas. Kaya ko ng dalhin ang ganoon ka taas na heels.
Kinulot ko ang dulo ng buhok ko at naglagay ng kaunting lipstick.

Gagawin kong espesyal ang araw na ito. Sa paglaya ko sa pagmamahal ko kay boss. Ito na iyon. This is the day that the Lord has made. Fighting!

Dinala ako ni Arnel sa isang high-end restaurant. Sabi niya, malimit lang daw ang restaurant na ito nagpapawalk-in kasi palagi daw may reservations, swerte daw kami dahil nakapagreserve kami.

Magana akong kumain, ang sasarap nga naman ng mga foods nila. Halata ding masaya si Arnel.

Ha' mo Arnel. Mas sasaya ka bago matapos ang gabing ito.

Matapos naming kumain ay nagpaalam muna ako para mag refresh, kakahiya naman kung sasagutin ko siya na amoy hipon ang hininga ko.

Mabilis akong naglakad papasok sa CR ng may mahagip ang mga mata ko.

Malawak ang ngiti ng lalake habang nakaabrisete sa kanya ang babae. Ang ganda at ang gwapo nila. Sobrang bagay. May ibinulong ang babae sa lalake at ngumiti naman ang lalake. Perfect couple, iyon sila. Yung tipong Sarah Lahbati ay Richard Guttierez ang peg pero mas bongga pa dun.

Hindi ko mapigilang masaktan. Mabilis na akong naglakad papuntang CR. ang plano ko sanang refresh ay nauwi sa ngawa. Hindi ko mapigilan ang sarili ko.Tuloy-tuloy ang daloy ng luha ko.

Ang sakit, mas masakit pa sa sinabi niyang bibitawan na niya ako. Nakakadurog ng puso. Ewan ko kung ilang minuto na ako sa loob, hindi ko na namalayan. Nakalimutan kong nasa labas lang si Arnel habang hinihintay ako.

Natigil ako sa pagpahid ng luha ko ng may pumasok sa CR. Dritso lang ang babae at tumigil sa gilid ko. Kahit naka high heels pa ako ay hanggang teynga lang niya ako. Slim, napakasexy, lahat ng parte ng katawan ay proportion lang, walang labis, walang kulang.

Tinapunan ako ng tingin at may kinuha sa bag nitong dala. Hermes, iyon ang basa ng brand ng bag niya. Mahal iyon, palagi iyong nafifeature lalo na sa mga mamahaling magazine. Magazine nga lang, hindi na ako maka afford, bag pa kaya.

Napatanga ako ng abutan niya ako ng isang maliit na container.

"Here, use this. It will hide your swollen under eyes. Sayang naman, you really look pretty"

Nagdadalawang isip ako na tanggapin iyon. Nakakahiya naman sa babae. Hindi niya alam, isa siya sa dahilan kung bakit ako umiiyak.

"Come on. Take it" mas inilapit niya pa sa akin ang maliit na container. Nag-aalangan kong inabot iyon sa kanya at tipid na nagpasalamat.