اجة يمي وسام بخوف هوة وحسام من سمعو حچي حمد
وسام: بلقيس متأذية موجوعة؟
حمد : احچي يابعد طوايفي كاهم اكو شي ايوحعچ.
حسام: ناخذچ للدكتور من رخصت الحاضرين يعني هذا الوضع ابد ما مقبول لو بلقيس وحدة ايكتلهنة واتموت ومحد يدي.
حمد : اف عليك يا خوي اشلون ترضاهاشوة محد حچة علية اباوع على فاطمة وهية تباوعلي واثنينة انحس الخوف راح من سمعنة الحچي خفة لا نترزل
عزام: ولكم ما اشوفتو النسوان الچانن المجطلات مفشخات ابوي الي طگهم وانت يا حميد لوما اشوي چا ربدتك بالعصة
خرب قصف صار علي عفتهم ودخلت للغرفة وراي انسام ميتة ضحك
- بلقيس لو بروسلي
- ريحت كلبي بيهم ودي اطلع واكتل البقية
الله يستر ولج هاي باول يوم هيج سويتي چا البقية اشلوندرت على المراية والگة خشمي ينزف وخدي احمر وشعري گاب دشداشتي مشلعة اندگ الباب ودخل ابوي واخواني
وسام وحسام بس سدو الباب انتچو وماتو ضحك وانة لا ارادين ضليت اضحك
- وسام : خايبة ما مخلية بيهن عظم صاحي ايجرن بروحن جر وكل وحد مطيته ربدة بگصتهة انوب هية اشلون عوجية يمكن هاي الي استعملهة شعلان ابو الجون ضد النگليز
- حسام : لا ولك ونسيبنة ايريد ياخذ حگ مرتة على كم دفعة والمساكين المكتولات اجيت اگومهن لان كسرن خاطري
ابوي: بسكم لا ما ارد اسمع صوت ليش هيج بوية مو عيب الي سويتي هسة ايگولون بت سلطان مشرشبة واتحب المشاكل
- والله هنة الي عالن بية
- چا هيج موستهن
- مو بس انة حتة بتهم فاطمة
- ايبتهم مو جنتهم بليلة عرسهة بلقيس ما يوم جبرتج على شي ليش احسچ بوية مجبورة بعرسچ انة غصبتچ جبرتچ!؟
- بلقيس: لا بابة انت لا جبرتني ولا غصبتني.
- جا شني هل تصرفات منا اهلي وياما حذرتچ وصيت امچ اتحذرچ تصرفاتچ تعكس تربيتي انا الج.
- انشالله بابة المرة التجي اذا كتلني ابقة اباوعلهم الى ان اموت وترتاحون مني.
- حسام : بوية يعني من يردن يكتلهنة اصفگلهن مثلاً!؟
- ابوي: اي ادافع عن روحة تدفع مو ادميهم واتفشخن ولج عركت زلم هية وين گاعدين بالخضارة بعد جيبيلچ سچينة ام سبع طگات وملخي وجهن فد مرة عشتو انتي ارسة ومعلمة لاجيال.
- چنت وبجالكم طار كلشي احبة وكافي ما ناقصة انة اذا على المشاكل بعد ما اسوي اي شي عسة ما اموت واذا تريدني اطلع اعتذر منهم هم عادي بس الاه ايخليك لا تنطيني محاضرات ولا ارد اسمع اي انتقاد من اي واحد من رخصتكم ارد ابدل اهدومي مشگگة.
- بابة : بلقيس اخر مرة اسألچ اكو احد جبرچ على الزواج من حمد.؟دخل حمد استغرب من اجتماع العائلة
اجة بتجاهي بخوف- بلقيس خو ما اتأذيتي اذنچ بلله الله لا ايوفقهن وداعتچ الة ادبهة هاي خولة اذا ما طلگتهة ما اطلع حمد
- لا اتخاف ما بيةشي اتعشيت انت انة مامتعشية گالت انتضرك
ابوي : يلة احنة نترخص ومثل ما وصيتچ بوية.
بلقيس: انشالله اصلاً اشعندي غير حمد بس هوة الي ما رزلني اليوم.
- حمد : افة مرت الشيخ تترزل منو هذا الي يزلچ وداعتچ لخذ حقگچ مربع من الي اذيچ .
- بابة : چانت يابعد عمك لاتدخل بسوالف النسوان سالفة الطلاگ مو خوش على العموم احنة انروح هسة لبيت محسن وعود نتشاوف باچر.
- حمد : شني عمي خاف ضجت من گعدتنة.
- سلطان: لا يابعد عمك بس محسن محلفني ومن مساع گالي وخاف ايصير بخاطر وبيتي وبيتك واحد انشالله هسة انتم عرسن اخذو راحتكم.طلعو وعافوني گمت فتحت الجنط طلعتلي دشداشة قصيرة استخدمهة للنوم وگفت گابلة
- حمد ارد ابدل.
- اتريدني اطلع من الحجرة.
- اي استحي منك.
- على راحتچ راح اشوفهم ايجبولنة عشة واخلي امي اتفرغ بيتنة علمود تاخذين راحتچ.
- ياريت.طلع وبدلت وگعدت افكر باللي سويتة صحيح حچي بابة انة اذيتهم ويا ريت احب حمد والمرة حقهة محترگة على رجلهة وانة اذيته من اختة صح مو بقصدي بس الشي اليصار انة اخذت رجلهة وامبين على حمد
بايع مستحيل اخليهة تتطلگ وانة السبب خطيتهة اصير برگبتي عدهة اثنين اطفال رغم اعيوبهة بس تبقة ام...
البيت صار سنطة الكل طلع الواضح مديت راسي من الغرفة ما شفت احد بس البيت مهرجان بابل الكبير بديت اعزل بي وانتبهت على الغراض خطية الواضح جايبهم من البصرة لو بغداد يعني البيت امرتب بس بعد ناقصة ترتيب دخلت للمطبخ ليت بي ثلاجة وطباخ على الرغم عدم توفرهم بس مشتريهم فتحت الثلاجة لگيت مسواگ خلي اسوي اكل گليت مخلمة بس ماكو خبز وحمد اتأخر
رحت للباب ارد اطلع اشوف بعدني بس فتحت الباب صار حمزة بوجهي فدوة اشگد رزن بس شكلة معصب وگبل نتر بوجهي- اسمعي زين يا مرت ابوي اذا تطلگت امي وانتي السبب راح اشوفين شي ما ايعجبچ.
- حبيبي شصاير منو گال راح تطلگ!؟
- لا اتسوين روحچ ما تعرفين وانة حسبتچ فقيرة.
- والله امك هية الهدت علي.
- لا اچذبين امي طلعت مكتولة..-ولك حمزة ليش اصيح
صوت حمد ايخوف
- حمد لا اصيح علية گلي مااطلعين هيچ برة زلم وانة عاندت فصيح.
عافنة حمزة وراح حمد بيدة صينة ودخلني وسد الباب
- وانتي ليش طالعة
- مو سويت عشة بس ما عندي خبز طلعت اشوفك.
- اشلووون.! طالعة بهذة الثوب المشلطح علمود ايركبولي گرون بالسلف خوش والله بوية انتي مرتي لبسي لتردي بيتچ مامش حد يمنعچ لچن برة هذا الباب لازم تلبسين ثوب محشوم احنة بالسلف موش بالولاية.-هذا الحچي جديد اصلاً ما استغربت منك ولا راح استغرب اذا بعد كم سنة راح اطلگني وتشمرني الواضج هذا طبع بيك فوگ وعودك الكاذبة حتة طريقة حچيك بالبصرة تختلف عن هنا گلت خلاص اخذتهة غصب علية تتحمل وتسكت.
- صبرك يارب شوفي يا بت الناس مشاكل ما اريد اذا ترديني احچي مثل اهل الولاية يمچ انشالله بس اگبال اهلي وناسي لا وامة سالفتة لبسچ انة صح وعدچ بس امچ گالت تلبس حجاب وانتي وافقتي تذكرين لو لا امة اذا على موضوع خولة طلاگي منهة لان المرة الما تحترم رجلهة شي ببهة على ذمتي.
- شنو امي ها انة مو اتفقت وياك امي وابوي جبروني وانة اتفقت وياك بعد ليش رجعت بكلامك.
- بوية اغار ما اتحمل احد يشوفچ وايباوعلچ انة رجال ابن عشاير تطلع مرتي گبال ازلامي ورجليهة ايلان اگبالهم واگصيبتهة تفتر على ضهرة لرجليهة وطرگاعت الزنود بحد اذا حلى الحچاب لا اتلبسي ما اجبرچ بس اهدوم مستورة اتلبسين وگصيبتچ ما اريد اشوفهة بطولهة لفيهة بعد شعندچ
- اذا اطلگ خولة اطلگني اتريد اتعاقبهة عاقبهة انت وياهة طلاگ لا حمد المرة حقهة ما اكو مرة ترضة احد ايشاركهة برجلهة خاصة اذا اتحبة وخولة اتحبك يا حمد وكل انسان عند طريقة لتعبيرة عن مشاعرة.
- روحي صبينة عشة على ما ابدل ملابسي.