အိမ်ရှေ့မင်းသားရဲ့ လမ်းပြကြယ်လေး(Normal)

(Part - 12)

"အထိန်း​တော်​ကြီးပူဝါနဲ့​တွေ့ခဲ့ပြီးပြီ ညီမ​တော်​တစ်​ယောက်​ထဲ ဒီကိုလာတယ်​ဆိုလို့ အစ်ကို​တော်​လိုက်​လာခဲ့တာ ... "

သူမတို့နဲ့ ခပ်​လှမ်းလှမ်းတွင်​တြိဂါမင်းကြီးဘန်​မူရဲ့​နောက်​လိုက်​နောက်​ပါအချို့က ရှိ​နေ​လေသည်​။
အနားကို​ရောက်​မလာခဲ့ပါပဲ အ​ဝေးမှာသာ ခစား​နေကြသူ​တွေဖြစ်​သည်​။

"ညီမ​တော်​ကို အ​ခေါ်​တော်​လွှတ်​လိုက်​တာ​ရောက်​မလာခဲ့လို့ အစ်​ကို​တော်​ကိုယ်​တိုင်​ရောက်​လာခဲ့ရတာ​လေ ...
အဲ့ဒါ​ကြောင့်​ဒီလို​နေ့ရက်​ခါမျိုးမှာ အစ်​ကို​တော်​ရောက်​လာပြီး တတိယ​မြောက်မိဖုရား​မယ်​မယ်​ကိုလဲ ဂါဝရပြုရင်းနဲ့​ပေါ့ ...
အရင်​က ဦးရီး​တော်​ရဲ့ ရန်​ကရှိ​နေ​သေးလို့ တို့​မောင်​နှမ​တွေ​ဆွေ​တော်​မျိုး​တော်​တွေ ပြန်​စုစည်းဖို့ မတတ်​နိုင်​ခဲ့​ပေမယ့်​အခုချိန်​မှာ​တော့ နန်းတွင်းေ​ရးရာ အားလုံးကတည်​ငြိမ်​သွားခဲ့ပြီ ...
ညီမ​တော်​လဲ တြိဂါနန်း​တော်​ကို ပြန်​လာဖို့သင့်​ပြီလို့ အစ်​ကို​တော်​ထင်​တယ်​... "

"မယ်​မယ်​ရဲ့​နောက်​ဆုံးဆန္ဒအရ​ရော ရှင်​ဆူးရဲ့ဆန္ဒအရပါ တြိဂါကို ပြန်​မလာချင်​တော့တာပါ မင်းကြီး ...
မင်းကြီးကိုယ်​တိုင်​ရောက်​လာခဲ့တာကို အားနာမိ​ပေမယ့်​ရှင်​ဆူး တြိဂါကို ပြန်​လိုက်​မှာ မဟုတ်​ပါဘူး မင်းကြီး ... "

"အစ်​ကို​တော်​ကို ချက်​ချင်းလှည့်​ပြန်​အောင်​လို့များ နှင်​နေသလား ဆူး​ရယ်​...
ဘာလို့များ စိတ်​ဓာတ်​တွေ မာထန်​နေရတာလဲ ညီမ​တော်​ကသာမာန်​လူမှ မဟုတ်​ခဲ့တာပဲ ...
တြိဂါရဲ့ မင်းမျိုးမင်းနွယ်​တစ်​ယောက်​က ဒီလိုမျိုးသာမာန်​ဘဝနဲ့ ရှင်​သန်​နေထိုင်​ဖို့ရာ မသင့်​တော်​လှဘူး ... "

"သာမာန်​ဘဝဆို​ပေမယ့်​အလွန်​ငြိမ်းချမ်းသာယာလှပါတယ်​မင်းကြီး ...
အာဏာအတွက်​မယှဉ်​ပြိုင်​ရသလို​နေရာတစ်​ခုအတွက်​လဲ မပူပန်​ရပါဘူး ...
ကြယ်​လေးဆိုတဲ့ အခုဘဝမျိုးမှာ ရှင်​ဆူး​ပျော်​မွေ့​နေပါပြီ ... "

"တယ်​လဲ ခက်​တဲ့ မိန်းခ​လေးပဲ ...
​အေး​လေ ညီမ​တော်​အခုမလိုက်​ချင်​ဘူးဆိုရင်​လဲ မလိုက်​နဲ့​ပေါ့ ...
ဒါ​ပေမယ့်​အစ်​ကို​တော်​က​တော့ အလျဉ်းသင့်​ရင်သင့်​သလို ငါ့ရဲ့ညီမ​တော်​ရှင်​ဆူးကို ရ​အောင်​ပြန်​ခေါ်​နေမှာပဲ ... "