دكتوري (مكتملةة)

الحلقة 21

********
الكاتبه: هديل بن عامر

ع الانستا
تولين: اهلين دكتور مالك، قتلك ياريت تعاود تكتبلي ع الدواء لي كتبته ليا
مالك: معلش من اصلا انتي ما عرفتكش
تولين: ما تعرفش تقرا انقلش اسمي فوق مكتوب و لا نوع م الاستعباط هداا؟؟
مالك: قصدي لو بتحكي هكي ف ح تكون اخرتك بلوك، احكي كويس من انتي؟
تولين: يعني حاكي معايا م قبل و دايرلي فولو م القرن الثلاثين و جاي توا تقولي من
مالك: مدايرلك فولو انتي و عرم ناس و ما نعرفهمش مش كل من دايرله فولو و حاكي معاه معناها نعرفه ي شاطره، و بعدين عرفتك م اسلوبك ،
تولين: باهي كويس ع الاقل انا مميزه ع باقي الاخرين و حافظني و عارفني م اسلوبي
مالك: شن تبي اخري كنك تعاركتي حتي مع الدكتور هدكي و ماعجبكش و لا شني
تولين: أها الحق ما ينفعش
مالك: انتي مريضه و لا تبي تتززوجي و تختاري لي يعجبك و لي ما يعجبكش
تولين: مش هكي فهمتني غلط بس انا نبيك انت
مالك: نعم كنك انتي شن تبيني انا يعني كيف نبيك انت مافهمتش عليك
تولين: لا سوري سوري مش هكي قصدي لالالا مش كيف ما انت فهمت انا نحكي نبيك انك انت لي تشرف ع حالتي بس راه، تخليش تفكيرك يشيلك بعيد
مالك: اصلا حتي انا مش مضروب ع راسي ع خاطر نخليك تقوليلي كلمه هكي ، المهم بكره عندي مرور و اليوم مش ح نجي
تولين: انا حالتي خطيره و لو متت انت لي ح تكون السبب و الدهشة مزالت فيا و قلبي يوجع فيا و ضربات قلبي سريعه ، ممكن تجي اليوم و اديرلي حل ي اما نموت
مالك: ف دكاتره غيري قاعدين تقدري تقوليلهم و يعطوك شي و لو متتي ف هدا يومك ،و لان انا اليوم خلاص فصلت م الديوتي مش ح نقدر نجي اخري، و لا خليهم يديرولك تخطيط القلب ع قلبك و يشوفو لك
تولين: اوكي شكرا استفدت منك واجد الحق ، غير تعبت روحي و بعتت حتي انا
مالك: لو جيتي ب اسلوب الطف كنت ضحيت و جيت بس انتي ما تستاهليش اصلا
تولين: تمام اوكي ، ما نبي منك شي
مالك: تم

*******

راوند وصلت لمستشفي الجلاء و نزلت هي وخوها
و خشت ل غرفه تولين و سلمت عليها ب الاحضان و بدت تبكي تولين م كتر ما استاحشت لصحباتها و ملت م المستشفي
راوند: حبيبه قلبي الف لابأس عليك ي عمري والله تعرفي اعييي بكل الجامعه بدونك
تولين: توا نردلكم ي قلبي و تقعد تهبل بوجودي هههه، شن جو البنات طمنيني حليتي ف امتحانك و لا
راوند: غير انتي طمنيني ع صحتك بس شن جوك و شن تحسي ف روحك توا
تولين: تنهدت الحمدلله اهو بخير
راوند: معش اتصل بيك مهند
تولين: و لا عاد نبي يتصل اصلا
راوند: والله عين صابتكم صدقيني اصلا علاقتكم كانت ينضرب عليها بالمثل ف الجامعه
تولين: بالله ما تذكريني بشي انا قاعده نحاول ننسي
راوند: باهي ي قلبي صدقيني توا يجي لي يعوضك ع كل شي و يكون معاك راجل و ياخدك و يوقف معاك للنهايه، و قطعها اتصال فونها ، ايوه هيا هي حاضر
تولين: من؟؟
راوند: هيما خويا عارفه انتي مروحه انا م الجامعه و هو جاي م الخدمه و الله كنت متمنيه نطول معاك لكن ان شاء الله بعد تروحي نديرلك جيه م الصبح ي قلبي و ديري بالك ع روحك
تولين: تسلميلي ي قلبي والله حتي انا تعبتك معايا ع جيتك و سلمي ع اعميمه ووخياتك ي قلبي، و حتي انتي ديري بالك ع روحك
راوند: لا مافي تعب والله هدا واجبي ي قلبي، يوصل خلاص باي
و هي طالعه م باب الغرفه تتلاقا مع مالك شافتله اذكرت ان هدا شايفته ف الجامعه التفتت للخلف شفاته لعند وين بيمشي بعدها شفاته واقف قدام سرير تولين ابتسمت و مشت