قرة عيني

- 1 -

( الصلاة حياة)
ساعات بتبعد عن ربنا شويتين 😢
بتحس انك تعبان اوووي من بعدك عنه بس انت مش قادر تقرب 😥
تأخر الصلاة واحيانا بتفوت فروض ومصحفك من كتر الركنة، التراب ملاه 😔
بتبقي عاوز ونفسك تقرب بس مابتبقاش عارف تقرب ازاي
بتتألم ع حالك وقلبك اللي قدر يبعد عن ربه..

بتفتكر ايام زمان اما كنت مابتفوتش فريضة وقيام الليل كنت بتتلذذ بيه وكنت بتستني وقت الصلاة علشان تقول لربنا كل اللي جواك
كنت مبتحسش بالراحة غير لما تسجد لربنا بكل جوارحك..

🔅كنت قريب من ربنا اووووي :😔
القرب من ربناا نعمة وكل نعم ربنا ما بتزولش غير لما تسيئ التعامل معاها او ماتحافظش عليها.. وانت ماحافظتش عليها لانك كنت بتصلي وتروح تسمع اغاني او تنم على حد او تكذب او تعمل حاجه تغضب ربنا 😓

👈النعمه بتزول لما تحس انها موجوده باجتهادك انت
لما تحس انك بتعمل كده من نفسك مش ربنا هو اللي الهمك وثبتك،
النعمه بتزول لما بتزيد المعاصي والأخطاء اللي بتعصى بيها ربنا

👈افتكر شوف كل الحجات اللي بقيت بتعملها عادي من غير حياء من ربنا
افتكر الذنوب اللي بقت بالنسبالك تحت مسمي زينهولك الشيطان بعيدا عن انه حرام
انت ادرى بنفسك وعاارف ايه الذنوب ال اخدتك من ربنا ''

👌خد وعد على نفسك انك هتبطلها بنية ان ربنا يرضي عنك ويرجعك لقربه من تاني

🔆استغفر ف اليوم ألف مره بقلبك
اشغل نفسك بكل اللي تاخد عليه اجر من ربنا وأخلص النيه لله
خلي بينك وبين ربنا سر طيب يعني صدقة او صلاة في وقت محدش يشوفك فيه زي القيام او صيام او نقل علم او نفع الناس

👈الشيطان علشان تخليه يبعد عنك لازم تقوي ايمانك
وكل ما تعمل ذنب تعمل لنفسك عقاب زي واحد وعشرين ركعة قيام أو صيام اسبوع او استغفار او ذكر 5000 مره ف اليوم
خليه يحرم يقرب منك

👌المقصود انك كل ما هتزود طاعاتك الشيطان مش هيقرب منك لان ربنا هيحبك وهياخد بإيدك ويحبب لقلبك كل خير ونفع يرضيه

"فمن تاب من بعد ظلمه وأصلح فإن الله يتوب عليه إن الله غفور رحيم "