قلوب من ريش

البارت العاشر والاخير .الجزء ٢

نهى :يعني بابا رأيه هيج
علي :ابوي حاير يكول مااخذ أي قرار إلا اشوف عمامك بين قوسين احنه حايرين انتي شنو تكولين

نهى :واضحه ماكو داعي افكر ارفض ولا تسألني ليش
علي :لا اسأل نهى الماضي انطوه تخلص لا تظلين بالماضي
نهى :لا ابد من قصة ماضي ولا شي بس اني مااريد
علي :مو بكيفج من راح تفكيرين راح تشوفين نفسج محتاجه سند فكري زين هسع احنه راح نشوف عمامي وجدي شيكولون وبعدها نطلب منج تفكيرين اذا خوش رجال ليش لا يحافظ عليج ويصونج وين اكو أحسن منه

نهى.هو من ناحية راح يحافظ فعلا راح بخليني بعيونه بس اني ماادري احس نفسي جربت حظي مرة وعرفت شنو حظي ليش اجرب مرة ثانية وهم اتأذه :ماادري علي الله كريم
.بعدها عافني وراح واني عود اقره ابد حرف مقريت ظليت افكر صفنت وائل اكيد راح يسوي مشكلة وحتى عمي ماجد ماادري بس الموضوع مو سهل يحتاج وقت وتفكير بس اني شنو اريد ليش احس بدوامه شنو اريد معقولة لسه عايشة بهوم الماضي لالا عصام مات وخلصت حياتي وياه من زمان انكتبت حياتنه قبل لا نعيشها ماكو شي يربطني بي .بس الزواج هسه ومن شيخ ثابت ماادري احس بي رجل غامض مااعرف عنه شي ولا هو يعرف ..ليش ميعرف احتمال جبير يعرف اهواي عني مو بعيدة عليه لازم احجي وياه

.....
ثابت.من خطيت هيج خطوة كانت أول خطة اخطيها لحياتي أول مرة افكر بنفسي دوم افكر بغيري بس هالمرة لا افكر بنفسي مدري ليش من غير كل الي شفتهن محد كدرت تأخذ مجال ببالي ووقت افكر بيها غيرها نهى انسانه باهواي أشياء تشاركني صح من عرفت بيها كانت مخطوبة او نكدر نكول متزوجه بس بليل العرس مات زوجها يمكن هالشي سبب الها حالة نفسية بس رغم ذلك هي بعدها تتميز بكل قوتها من شفتها تشل ن وكعدت يوم سمعت بأخوها فعلا استغربت اشكد ما هي قوية بذيج اللحظة كانت فراشة ناعمه من نسمه هوى توكع كلش بيها مميز ليش بعد ماافكر بيها كزوجه ولو ادري كل الزين راح تعاند بس ويامن وياي لا اكيد
..للصبح كاعد افكر بيها شنو ردت فعلها مت عرفت أول مااطلع الفجر اتصلت بيها وره اشويه ردت

..متوقعت راح تردين بهالسرعة
نهى :لان اصلا اني انتظر اشوكت راح تتصل
ثابت :افهم منج جنتي نتتظرين اتصالي
نهى :اي حتى افهم شنو الي تفكر
ثابت :ليش لساج منايمه
نهى :لان الي سمعته مخلاني انام. حجيت بهدوى جدا. ليش اني

ثابت.الهدوئ جان احلى شي احسها تبادلني نفس البرود بس نارها مو بكد ناري
..وشنو الي يمنع حتى متكونين انتي
نهى.كل حجينه كان بهدوئ وبرود عجيب :اهواي امور اني مااعرفك ولا انت اشلون هيج بكل بساطة
ثابت :راح تعرفيني واني اعرفج
نهى :شنو تعرف عني
ثابت :كلشي بين قوسين اعرف بماضيج ماكو داعي نججي بي

نهى :ليش حتى مااسألك عن ماضيك
ثابت.هنا فعلا عصبت يعني اني وين وهي وين بس عجبتني خوش ردت :نهى انتي الج حق تسألين مو عن كلشي اما اني من كلت مااكو داعي نحجي لان اعرف وهم الموضوع يسببلج تعب نفسي ماكو داعي نحجي