في صباح يوم جديد استيقظت تيماء وذهبت الي المرحاض وتوضأت ثم خرجت لا تعرف ما سوف ترتديه فاذهبت الي سليم لكي تخبره ويأتي لها بطقم من عند فريده
تيماء بحرج وهي تنظر الي الارض صباح الخير
سليم: صباح النور
تيماء؛: ممكن يعني تقول لفريده تجبلي طقم من عندها علشان عايزه اروح لماما ومش هعرف اطلع كده وتبلغها انها تيجي معايا علشان اجيب لبسي
سليم: ماشي حاضر
تيماء: شكراً ليك
خرج سليم و ذهب الي غرفه فريده
دق الباب وفتحت له فريده
فريده: ايه ده سليم وامام غرفتي المتواضعه
سليم ببرود: عايز طقم لتيماء علشان تخرج بيه وجهزي نفسك علشان هتروحي معاها تشوفوا مامتها وتجيبوا ليها ملابس
فريده بتنهيده حاضر ياسليم ودخلت وهي تقول في نفسها علي أمته وترجع سليم بتاع زمان يلا ربنا يريح قلبك ذهبت واخرجت لها دريس وطرحه واعتطها لسليم وقالت له انا هجهز علي طول
سليم: ماشي
ثم ذهب وتركها
دخلت فريده لتجهز نفسها وذهب سليم واعطي الملابس الي تيماء
وتوجه كلا منهم لارتداء ملابسه
بعد ان انتهوا نزلوا جميعاً الي الاسفل وكانت اميره ومصطفى جالسون لتناول الفطور
أميرة: إيه ده لابسين ورايحين علي فين
سليم: انا رايح الشغل وتيماء وفريده هيروحوا المستشفي يطمنوا علي والده تيماء وبعدها هيروحوا يشتروا لبس لتيماء
أميرة: اه ماشي طيب اقعدوا افطروا الاول
جلسوا جميعا وكانت تيماء تجلس بجانب فريده وأميره
وجلس سليم بجانب والده من الجه الآخري
تناول الجميع الطعام وبعد ان انتهو
سليم: انا ماشي يلا اخدكم في طريقي للمستشفي
تيماء: ماشي
أميرة: خلوا بالكم من نفسكم وسلميلي على مامتك ياتيماء
تيماء: حاضر ياطنط
أميرة: طنط ايه ياتيماء انتي زيك زي فريده قوليلي ياماما ولا انتي مش حابه
تيماء: وقد نزلت دمعه من عينيها وقالت اكيد حابه ياامي
أميرة: بتعيطي ليه دلوقتي امسحي دموعك وخليكي قويه
تيماء: بعيط علشان ربنا عوضني بيكم وانا فعلا هكون قويه بسبب حبكم ليا
أميرة: ربنا يريح قلبك ياحبيبتي يلا علشان ماتتأخروا
وهنا قام مصطفي واخرج مبلغ من المال وقال خدي دول ياتيماء علشان تجيبي اللبس اللي تحتاجيه
تيماء:لا ياعمي شكراً انا معايا
مصطفى: خدي الفلوس واسمعي الكلام انا دلوقتي في مقام بباكي وانتي بقيتي مسؤله مني مافيش حاجه اسمها معايا فلوس واي حاجه تعوزيها قوليلي علي طول وماتتكسفيش مفوهم علشان ما ازعلش منك
تيماء: وهي تمد يدها لاخذ المال قالت مفهوم ياعمي وشكراً ليك
مصطفى:ربنا يحميكم يلا مع السلامه
تيماء: مع السلامه ياأمي مع السلامه ياعمي
أميرة: في حفظ الله
ثم خرجوا وركبت تيماء بجانب سليم وجلست فريدة في المقعد الخلفي
_______________ندى محمد______________
بعد ان وصلوا الى المستشفى وذهبوا الى غرفة والدتها دقت تيماء الباب ثم دخلت كان حمزه بجانبها
تيماء: صباح الخير ياأمي اخبارك ايه دلوقتي
أمينه: صباح النور ياحبيبتي بخير الحمدلله طول ماانتي بخير ثم نظرت الي فريده وقالت ازيك يافريده اخبارك واخبار ولدتك ايه
فريدة: كلنا بخير ياطنط وحمدلله علي سلامتك
أمينه:الله يسلمك ياحبيبتي
تيماء: هو عمي جه ولا لا
حمزه: لا ماجاش بعد ماخلصنا كتب الكتاب جيت هنا تاني ولقيته قاعد مع مامتك بس مامتك كانت مش عايزاه ودخل الدكتور وقال واحد بس اللي يبيت معاها وانا اللي بيت علشان مامتك رفضت انه يقعد معاها
تيماء: طيب هي هتخرج أمتي
حمزه: هتخرج اليوم بعد مايطمنوا عليها بس المشكله ان انا ماشي علي الشغل دلوقتي
تيماء: انتي لازم تسامحي عمي ياأمي وتعيشي مبسوطه هو بيحبك ومش هيقدر يزعلك
أمينه: مش قادرة ابص في وشه بعد اللي عملوا واللي عرفته عنه
تيماء: معلش ياأمي انا عارفه انه مهما حصل هيحافظ عليكي وماتشغليش بالك بيا انا مبسوطه وهاجي كل فتره اطمن عليكي
أمينه: ماشي يابنتي ربنا يسعدك
وهنا دخل عمران صباح الخير جميعاً
الكل صباح النور
ثم قالت تيماء: يلا يافريده علشان مانتأخرش عايزه حاجه ياماما وخلي بالك من نفسك كويس وزي ماتفقنا
أمينه: حاضر يابنتي مع السلامه
عمران: تيماء ممكن اتكلم معاكي شويه
تيماء: آسفة مافيش كلام بينا الكلام انتهي ثم خرجت مع فريده الي المول
حمزه: وانا ياامي ماشي علي الشغل وادعيلي
أمينه: ربنا معاك ياأبني ويحفظك
حمزه: يارب آمين مع السلامه وخرج هو الاخر دون ان ينظر الي والده او يحادثه
وجلس عمران بجانب أمينه وساد الصمت بينها
أنت تقرأ
فرحه بعد مأساه
Randomتمر علينا الكثير من الصعاب التي لاتحتمل ولكن ثق بالله ان هذه الصعوبات اختبار منه لكي يختبر مدى صبرنا وثقتنا فيه وتوكل عليه واعلم انه سوف يزيل عنك كل بلاء لانه رؤف رحيم بالعباد
