غلطة شاب ( روايات ليبية )

7

علي: امي امتى بتخطبيلي البنت
امه: عليش مستعجل
علي: خلاص هيا لعند امتى نبي نحجزها
امه: حاضر
علي: امتى حاضر لعند مايجي حد يخدها مني
امه: باهي خلاص قلت حاضر في هاليومين ان شاءالله
علي: حقا😍
امه: ايه ان شاءالله

مع المغرب طلعت انا واحنينه وامي مروحين لحوشنا وحوش احنينه سكرناه واحنينه بتعيش معانا وطلعنا وقعدت تبكي..
امي: خلاص ياامي ماتبكي
احنينه: مش هاين عليا احويشي يسكر
انا: نحنا مابنهجروه بنجوا انكسدوا فيه مره مره نحنا وخالاتي وانديروا زرادي وجو صح ياامي
امي: ايه شي اكيد
ووصلنا للحوش واحنينه قعدت مع امي في دارها لبين ماانزبطولها سريرها ودارها ونضت درت عشاء خفيف فول ودحي وبيتزا وعصير وشاهي وقعدنا نتعشوا بعدها تليفوني رن..

انا: الحمدلله
امي: وين
انا: شبعت خلاص
احنينه: كولي يابنت
انا: خلاص الحمدلله
مع اني كنت جيعانه ع الاخر بس ع خاطر اعليوه نضت لاني مستاحشته واليوم ماسمعت صوته بكل..

انا: اهلين حبيبي
علي: بالله وينك معقوله هكي تحرميني من صوتك
انا: اسفه
علي: كان طمنتيني عليك حتى برساله
انا: اسفه به☹
علي بصوت عالي: معاش تقوليها
انا: شن انقول به
علي: معاش تقولي شي خلاص افف
انا: كنك تنفخ به
علي: هكي بروحي طايرتلي
انا: باهي اسفه معاك حق اطيرلك وعارفه روحي مقصره
علي: من قال امقصره تو وانتي عاد ماتصدقي
انا: انا قلت
علي: استاحشتك
انا بفرح: وانا اكتر
علي: نحبك
انا: وحتى نا نحبك وحق ربي

يوم السبت📅📯📯
الصبح🌄💙💙📯📯

نوره: ديري بالك ع روحك كويس وماتقعدي تفكري واجد
امها: حاضر وحتى انتي ديري بالك
نوره: ماانوصيك يانادين ع صحة امي انتي وعلي
نادين: حاضر
نوره: هي بالسلامه وسلموا ع اوخيي بعد ينوض
وجت نوره باست يد امي وراسها وسعد حتى هوا نفس الشي بعدها طلعوا ومشوا حوش عمها الي هوا حوش سعد..
نوره: هي بالسلامه ياعمي
عمها: توصلوا بالسلامه
وداروا نفس ماداروا لامها باسوا يده وراسه
وبعدها طلعوا منطلقين لتركيا😍😍

حوشنا🏡💙💙
خالتي نوال: وخودي دواك اول بأول
احنينه: مع اخويتك سحر ماتوصيني
خالتي: باهي هي بالسلامه
امي: بالسلامه وطمنينا عليك
خالتي: حاضر
احنينه: وماتبديش فاتحه فمك وتخليه يفنص في هديكنا العريانات واللبس لمفتح بعدها اقعدي صفقي
انا..امي..خالتي: 😂😂
خالتي: باهي باهي ان شاءالله
وطلعنا نوصلوا فيها انا وامي للسياره..
انا بصوت واطي: ماقلتيلي شن صار في ليلتك
خالتي بخجل : تحشمي
انا: بلا جو هيا قولي
خالتي: الله كانت ليله تهبل تحسي روحك في عالم تاني
انا: ينا علي امتى دوري
خالتي: مازال صغيره  😂
انا: 😂😂
وطلعت ركبت في السياره وفاتوا ورشينا وراهم ميه وطلعوا للمطار منطلقين الي لندن..

مع الساعه 12▪▪
علي: صباح الخير
امه: صباح النور
نادين: فطورك في المطبخ
علي: باهي
امه: تسلم عليك اوخيتك
علي: سافرت؟؟
نادين: ايه وانت في سابع نومه
علي: والله مااوعيتها
امه: متعلم لسهور اصلا انت
علي: 😊