الحليب المُر

البارت ال13

ويكول بنيتي..شبيها..بابا ليال شبيج...كلتله وسيلة..حجي مو وكته هسة...

خذوها للمستشفى..وحاكم كاعد بمكانه بعده..ويكول لا ليلة ماريد اموتج..وكام من مكانه..ويعثر بطريقه..ودخل للحمام...

وفتح الدوش بماي البارد..حتى يصحصح..بس صعب شوي وهو شارب..وطلع وبدل ملابسه شلون ماجان..وطلع والنسوان يسألنه شبيك مسودن ودرت البنية....

ماهتم لحجيهم..وعافهم وراح لسيارته..وعيسى كله انزل انه اسوق..ونزل بدون مناقشة..وصعد كدام وعيسى اخذه للمستشفى....

وابوها هناك محتار شصاير ويروح ويجي..ويكول هو شصاير شبيها ليال احد يحجيلي..يكلوله احنه مانعرف شصار....

عزام كله خل تكون بخير والله كريم...

وكلهم الدكتور..البنية متعرضة لأطلاق ناري..بس ماجت بعضو من اعضاءها الداخلية الطلقة..بس خدشت بطنها بصفحة خاصرتها...

يعني الرصاصة فايته عليها..وبس خدشت الجلد وجرحتها..بس عدت عليها...كلهم مابيها شي بس اغمى عليها من الخوف هبط ضغطها وبسبب النزيف...

كلهم منو متعرضلها..لازم يصير علم للقانون..عزام كله لا ماله داعي..وتفاهم ويه الدكتور على انو رصاصة طايشة...ومحد عرف شحجه ويه الدكتور....

وابو ليال كال شنو رصاصة ومنو شصاير لبنيتي..ويعاتب الولد وسيلة خاتون ويكلهم ماتحجولي...وبدخلة حاكم يمهم...

ولزمه ابو ليال بغضب..ويكله انته السبب هيج سويت بيها..ليش ولك شسوتلك..ويفكونه من حاكم ويكلوله عمي اهدأ....

وعصب وكال شهدأ وبتي جانت راح تموت بطلقة طايشة صدك تحجون..وكله والله بعد تحلم تروح وياك..انته ماتستاهل حتى حمارة مو مرة....

حاكم مامهتم لكلامه..ويريد يروح يشوف ليال وماخلاه شهم ومنصور..وكلهم وخرو اشوف ليال..كلهم ماقصدي اضربها جان بيدي المسدس واجت بيها بالغلط....

اجه عزام وسحله بره المستشفى..وكله ارجع منين ماجيت والي حساب وياك بالبيت هنا العالم..وناس مرضه...

وماقبل يروح معاند يريد يبقه هنا ويشوفها..وبالكوة ماخذه عيسى ومنصور....وعزام يدري بي شارب..لذلك مايريده يبقه هنا يم عمه ابو ليال...

وعزام شاف ابو ليال دخل يمها...كل للولد روحو للبيت لا يسوي شي بنفسه هذا المسودن شارب....

ومنصور كل لشهم روح انته بس تكدرله وعزام..هذا شايفة من يعصب حتى كنتور يكلبه....

عزام:وانته زلمتيش..ولزم عصبيته..روح انته همين..المسدس ماريده بيده..شهم فهمت

شهم:صار..يالله منصور تعال...

رجعو الولد للبيت..وليال طلعوها..وابوها كال ماتروح لهذاك البيت تروح وياي..ومحد سألها شصار وليش ضربج هالطلقة...