المهيوب

واحد وخمسون

....صباح الخير..
...نازك الحمراني...
...المهيوب..

طلعت جكارة من جيب ثوبي خليتها بحلكي مد ايدة وطبان شغل جداحتة ورث جكارتي....گال
-احلی خبرر حتی افتحلك الفوك الك عيادة خاصة
والجوه محلات الانشائية  مالتي
-صدك يخوي....شمرت الدخااان كله وياه حسرت ااشوك

-عجل شتظن انساك اخوي انت يول
...جاي اكوم اجتني رساله  فتحتها طلعت من ابوي كاتب

-الجمعه الجاية نروح نخطب بنت عمك عويشة
ضميت موبايلي،ودحك الوضبان..
-ماااشي يخووي انه اساعدك تزوج خيتي

--كفووو بلمراجل كفوو
ركبت سيارتي راجع للبيت،وافكر بابويه شگلو وهو مقرر عني يزوجني وانه مارضي
دخلت للبيت لكيت أبوي جاي،لان هين سيارتة،حاولت اجر نفس حتى ادخل هادئ عليه
فتت من باب المطبخ اشرب مي  لكيت امي تجهز كهوة بيدها الدلة
ضايجة كلش..

-هلا يمة ابوي هين مو

-أي ابوك هيين الله ياخذه ويخلصني منهدة

-لااااه يمه لاااتگولیهاا

-ییمه آبوك أتخبل ،وعمامك خبلوه مايقتنع هوو زلمه صار چبیر،جابلوة حرمة زغيرة..فوك ماحاملة عصبيتو وحالوو يريد يزوج وحد بكد أختك

-لاأاا تكوليها يمه مااظن يزوج اعليچ وانه احاول أحل موضوعكم اول مره احاچي بلحرمة الاريدة

-يولو نمار اشوكت رايد حرمة وانة مااعرف أنت تريد منيه الحرمة اخت رفيجك مو

-اي يمه الحرمه الشروگیة

-وووین دحگت هل شروگیة

-اي مو تعرفين أخت رفجاني وربعي بس ابوي ماراضي بيهاا وگلي الشروگ یدشون البیتنة ضيوف،زيارة هلا ومرحبا بيهم
لچن یجون نسابة وخال وابن اخته ابد والف لاااآااا یمة ابنچ یریدهاااا بلقران لو هي لو ماازوج

-أنه وياااك ييمة لاااتضوج

-ييمة هوو اريد اخذچ انتي وخالي،تتخطبوها

-صااررر  صاررر يمة بس أشوكت حبيتها
-يمة،،من شفت عیونها مثل عیون الریم انطر گلبي طر
يول ييمه حبيت ضحكتها لو ترهم عكال جان تشيخت بيها

-الهاي الدرجه

-اي يمه اهجس براحة،وطمأنان وهي همين هجست  تشوف بيه
فارس أحلامهااا

-ربي يسعدك يمة،وذا مكتوب الك تصير لو مو ابوك

-دعواتچ یلغالية

-ياااا ييمة هاية معثور گلبك بيها هلكد

-ومصگوع ییمة..انتي بس دحكين بيها ييمة تشوفين بيها ملوحة العماره،وجمال الأنبار

دخل ابوي للمطبخ،صاح

-يولو ينمار يوول ماااتزوج الشروكية لو تموت،ماتزوجها

-بويه شنهي قابل  هي حيياتك تتحكم

-اي اتحكم وانه اقر عنك هيين تاخذ تزوج بنت عمك ورجلك فوك رگبتك

-حررام بوية،

-يول مو انه اريد مصلحتك،بنت عمك تاخذ من وراها العسل،والهبيط

-يابه  عويشة انسانة مؤدبة،وحليوة،وبنت عمي يبوي بس مو الحرمة الازوجها هي حالها حال اختي

-يول شبلااااك تكسسسر كلمتي

-لاااه مااكسر لان انه خطبت الاريدهااااا وذا
-ومنهو يقبل تخطب بلا ماتاخذ عمامك وابوك
-شنهيي بويه انا ازلمة تريد تغصبني

-يول صووتك لااا اطرك طررر يلدثوو هووو انت تتحلم تاخذ عويشه عجل شوف حالك وحالهم ابقى بلمهجوم المحل احسن حرمة شناقصهااا

-بووويه يعني اله ناقصها شي انه احب حرمة غيرها حرمه اريدها تصير حرمتي وام بيتي
تريد تغصبني على بنيت عمي وتغصب اختي على واحد مااطيقة

-لاااا تدخل باختك والعندي حچیته هین وغير الحجي هذا مااااكوو

-يبوووي خلاص،هين حجينه العدنه.. جه ابوي على امي،دحك الفنجان الكهوة وكلها

-ماااريد الكهوه خليها الچ والابنچ،وطالع منکم
طلع ابوی من البیت وامي كعدت على الكرسي تبچي

-ابووك ييمه انغسل عقلة وهساع شلون نخطب الك

-اخذچ انتي وخوالي باچر نروح نخطب
ورى ساعه اجى خالي مجيد،وياه حرمتة..

كعدنة بربعه سولفت اله عن نوار واهلهااا رغم هو يعرف ابو سجاد

بقو يمنه يباتون لان الصبح ننطلق للعمارة
خابرت شيخ علي..گتله باچر جایکم،،فرح ورد علیه

-عوود  لاتنسی تجیبلی چمه،مالتگم..بین ضحك وشقى
سديت الابتوب منه

الصبح أنطلقنة للعمارة،وياية امي وخالي مجيد،وحميد ونسوانهم..
وخيرات الله محملين،

وصلنه تعبانين،من السفر،استقبلنة شيخ حسين احسن استقبال،بيتة..
حتى أم شيخ علي،اخذت نسوان خوالي وامي،الدارهم
خلتنه يغسلن ويريحن
خالي،مجيد كال الشيخ حسين

-حنه جايين من الدجييل رغم اهلنة وناسنة من الانبار
بلا لف ولا دور ورانة طريج طویل..
رد شیخ حسین

-تفضل يلطيب نشيلك قبل ماتشيلك الكاع وليدكم ابنة ورفيج ويلادي

-اي يلطيب هو جينه ويمدح بيكم مضايفكم بناسكم انريد بنيتك الابنة نمار..وانه خالة وهين خاله حميد
رد شيخ حسين

-چااا انه اعرفن نمار عنده خمس عمام،وابوه عاییش
چا لیش مااجی واحد بیهم
رد خالي مجيد

-المايخفى على غيرك مايخفى علييك..ابو نمار رافض الزواجة ويريد بنيت اخوه النمار
لچن نمار شاري بنیتگم..وتکاون ویه ابوه عمودها

-بس مايصير يعصي ابوه
وانتة تعرف تقاليدنا الابو اول كاعدين بلمضيف ويخطب الولدة
اخوانها موجودين
الشيخ  ابو سجاد والشيخ علي
يوافقوني رأي شتكولون

- هلابيكم نمار اخوي وصديجي وجيتك وجيت خوالك على رأس والعين
بس مثل ماأحجى شيخ حسين

ماأصير الخطبة ألا ابوك يجي وعمامك
وعذرني هاااي الاصول مع احترامي للخوال الطيبين

وبشرنك البنية اللك مو الغيرك
بس شاور الوالد واطلب رضاه

وتعال انتة ويا وبيك خيرر وتدلل
أختي غالية مااريد بعد ايام تتعير
على ان  ابوك ماأقبل بيهة ورافضهة يا نمار ..

-الله يبشرك يااخوي ان شاء الله  يهدي ابوي ويجي وياي

بهل لحضة رن مبايلي وطبان خابر
ترخصت منهم

-اجاني تلفون مستعجل من رخصتكم دقيققه

طلعت من باب الربعه على صفحة اسولق الوطبان خلصت المخابرة

ورديت ارجع واشوف خيال من ورة بردة  الشباك
جن هية نوارة كلبي رف عليهة اي هيه
تبسمت  الها

وهمس شجاچ انتي يمثبوره ولمعثوره على هلسوالف يل وراه گلبي هل البنيه

مااحس ايد نخلت على جتفي ولن شيخ علي لاتفكر
تكضي وتصير سوالف بس؟

..
نوارة ..
كعدت صبح على صيحة امي كعدي نوارة اجونة أضيوف
بدلي ونزلي سلمي
ردت عليه

-یماااآاه ننو من اجانة هل حزة
ردت امي

-یمه من الغربيه ذول اهل نمار امة  خوالة ونسوانهم كومي عدلي
رويحتج ...

كمت وروحي طارت كبل للحمام غسلت ورتبت شعري
عفتة محلول على طولى لحد خصري شعري اسود

خليت طاك ولبست حجولي،وسواري
خليت بودر لوجهي حمرة خفيفة وكحل لعيوني بينت لونهن صفرر رسمتهن طلعن خبلن فرحتي ماتنوصف

لبست كلابية خليجية جويتي رحت نزلت من درج  وصلت لباب صالة واستحت

رجلية كامن رجفن لجحتني  جدتي ريمة وصاحتني

-تعااااااالي يانوارة سلمي على الحبايب
كالت هاي ام نمار
وهذن نسوان خوالة

رحت الامة سلمت عليهة وضلت شبك بية وتبوس  وحده منهن مبينه امه كالت

- فدووووووة الهذا طول دحكن حبايب
وزين مأختار وليدي

سلمت وعلى نسوان خوالة وكعدت مقابيلهم

ضليت ساكتة واستمع شيسولفن استحت ردت حجة اكوم اخذت صينية الشربت وترخصت وطلعت للمطبخ

فرحتي  ماساعيتني بس كون تكمل فرحتي وتصير القسمه

شويه واسمع صوت واحد يخابر بحدة رحت لشباك المطبخ الجام مظلل

فتحت شباك شوية وصرت ورة بردة
واشوف نمار واكف مخوصر ويخابر بس جنة عصبي ولاجن جاي يخطب

بقيت   صافنة عليه لابس عكال وشطفى حمرة مرقطة
ودشداشة بيضة
لحيتة المحدد زايد حلى وجمال

خلص مخابرة وانتبه على شباك رجعت شوية اليورى
ورة بردة ضل صافن جن شافني عيونة تركز بلشباك
يشكد احب عيونة وحدتهن
ومن ضيك عينة ويتناوع

واشوف علي طلع ويحجي
ويا ويتبسم

رأستن سديت شباك لايشوفني علي اخوي ومنتظرين انه ونمار موافقت ابو سجاد
الي دش عصبي؟
......

......
رقيوه///رحت وي كيشان البيت العلوية
.من بعيد شفت مختار بيدة سوكسبانة يصلح السيارة..

نصيت راسي عبن ستحيت من كضيتة ذيچ النوبة
گیشان مشت بسرعة جدامي تريد تلحك تشوف المهيوب
مااحس اله دشت قبلي وانه بعدني براس الركن

عيوني البيت العلوية مختار مامش،واظنه ماشافني او شافني ومااهتم..

يااااع چا وییینة،مشیت بخطوات مامدروسة تناوع الباب المهیوب بلچن الچح کیشان ناطرتني

صرت يم السياره امشي حييل ومااباوع جدامي  جاي اشبخ حفره زغيرة شلت طرف صايتي..

ولن يطلع مختار من جوة السياره،صارت شبختي بوجهة
راسه تغطى جوا صايتي..كال

-ياابووو حنتووووش دخيلك شنهي ألخضررر هاااضاااا

.بعدت  رجلية منه..طلع من جوه السيارة وكف جدامي متبسم وجهه احمر..ردت اروح عبن مستحاي وكفني

كتله بعصبية "،شبلااااك مووش عييب عليييك تتناوع الجوة شنهي شگلولگ

-آنه زلمة داش جوة بعربانتي الخشب أصلحن السيارة

،كملتها طلعت أنتي شبختي وصار راسي جواچ،یعني موش انة الستحي

-يااااع تتحچى هييچ وماعندك حي  حضوري

-لااااا ماعندي

-ياااا فلك الصابك،يممذور،يمشرشب،

-وووچ‌شبیییچ تصلین صلي

-یله میل مناااا مایستحون یدورون سوالف بربوگبة ورقیوه المگرودة لااازم تسگت وماتحجي مايدرون العب فلك اليدنى الي

-شچای ترطنین

-شلك غرض فارجني  اردن أروحن البيت العلوية عبرت من یمک سویة تگول انتي جيتيني چا من ابقن شویة یمک شنهيي تگول اعلیة تصچم بیه مووش

-خااااب استجني شمال عدوچ
-عدو بعیینك والشين بين رجلينك
،،والوجع أبمناخيرك

مشيت خطوة منة كال بصوت ناصي

-الحمد الله چااا طشرت‌فروخي مثل ذييچ المرة متت مستحى هاااضاا ابد مايخجل يربي شنهي الوادم شبيها كامت هييچ تتحچى..

مختار//من يوم شفت رقيوة شفت بيهاأا حرمة سباعية

ماعدهااا سوالف هل بنات الأشوفهن حتى من أجي الزامل بابهم دومه مسدود،

بيومهاااا قررت اخطبنها بس سمعت أمها تسولف ويه امي وتگلها رقیوه حلمهاتصیر طبیبة بيطريه هيه وكيشان ماازوجها مثل نعيمة ونبعة

من هاي سكتت وكلت ماخطبنها لچن بذاك اليوم الشفتها بيه
وهي تمشي وايدها أجتي عليه هنااانه رديت للبيت وافكرن بيهاا

وصرت كل يوم اشوفنها،واسكت مااكدرن لأن زامل رفيجي،ومن يشكي حبه للفطيمة  اهيس يشكي حالي
لأن أفطيم بنيت شيخ وهو أبن صياد السمچ
وانه زلمه مامکمل دراسه،ورقیوة بنت شاطرة

بیومهاا طلعنه للبر وگلت هاي هيه اخطبنها من اخوها چاا‌بس هوو خطب بنت الشیخ..گتله زامل منهی التعض اوادم...تبلعم يضحك كالي اذا أكللك تخطبها..

رديت اعليه اذا حلوة أخطبها..گلي احلف حلفت الة ورغم احنه نشاقى بس من گلي رقيوة اختي تعض...گتلة خوووش زامل باچر جایکم..

رقیه/دشیت للبیت سلمت علی العلویه
،وبقینه نسولف گیشان صعدت فوك واسمع اصياحها هي وابو سجاد

كلما أريدن أكوم.العلوية تاشرلي بعينها تكلي
-عرك الحبايب چذاب..ونرد نسولف وگلبي  يلعب بس لاكيشان تسوي شي وتطيح براسي..

اشوية ونفتح باب الصاله..واشوفن وسن الحصان دشت بعباتها چنها المغني عبد المجيد عبدالله..
اول ماشافتني تذكرت من هدت اعليه بلبيت،وخلت جوارينة أم مناحي يلتمن بناتها الستة باب بيتنة
شكد ضجت منها رعينه فرد  نوب...كمت لان اجت تسلم على العلوية وصلت يمي..كتلها زيارة  مقبولة ردت

-تقبل أعمالچ ...ماتعجبت منهااا لان هاي وسن ودروبها
ماتعرف تصرف..صعدت الدرج وعافتنا من المحجر شفت أبو سجاد شالها وراسها اجى بثريه العالية
اذا هووو طويل چنه،آخطل،وهي چنها نعمة الله بطولها
عيوني للثرية بس لا نطكت وتفلشت وتتمواع ومستعجلة على سوالف البربوكية تسولفلة على الاحمر فللك طرج ماشبعين من سوالفج

رقيوه/
/ردينة للبيت،وافكرن بس لااا صگد شاف شي
من نزعت الصاية شفت نفسي لابسة  أتراك اخضر والبجامة برمودا خضرة غميت كصتي،وفكرت شجتني وهديت اعليه
ثاني يوم  الصبح دشيت للمطبخ اتريك كعدت يم امي،وبحضني بنت نعيمة عمرها سنه اوكلها ويايهدة بيض
امي صبت چاي وجت يمي ناطرين نعيمة تجي اجى  زامل للمطبخ شايل ابن نعيمة يريد يشمرة صاحت  امي
ولك يمة زامل ابن نعيمة ولك

-چاااا نعیمه شمرتة اعلیة وانه ارد من الواجب ارتاح الگاه،مطلع شيشة العطر مالتي ويغسل نعالة الاستيك بلعطرر

-بعده فرخ زغيير

-ست سنوات يافرخ  يمة تعرفين شكد سعر العطر   يمة بنص ورقة

وهذااا چنه گعبول یغسل انعالة ابو الف بعطري
اجت نعيمه تجرجر ابنها من زامل وعيونها مغوركه تبچي كالت الامي

-هووو عرفت ماتحبوني لاااانه ولااااا فروخي عودن گلت اخلي يم خاله تالي خالة مل منة..رايحه يمة

زامل،گلهااا"ولللچ دور زعلتي موووش وهااااضاااا گعبول باعیلة شلوون يضحك
ردت نعيمة

-خلف الله أعلليك خوية فوكها تريدة يبچي ومناك هو بيه فقر دم
رد زامل

-چااااا ابو فقر الدم مایبچي عليييش.
جاوبت امي تسكتهم

-يااااع چاااااا مادريتي نعيمه زامل جاب الچ ولفروخچ طیور بربش وگال سویهن للنعیمه وفروخهن تحبهااا
گالت نعیمه"خوووش اخذهن ويايه بس بعدني زعلانة
ضحكنة وضحك زامل باس راس نعيمة وكال الامي

-يمه اليووم يجون خطابة على رقيوة اتحضروو وبصراحة انه ارفضن اي واحد يجيها بس هذا عرف عدها چلب زینة

وعرف بیهااا داء الگلب وتعض،،وافق
كمت معصبة "منووو بيه داء الگلب یمااااااع شوفي شوه سمعتي ولاااا اقبلن بيه لووو منهوو چان وفوكهة اعظ
ليش شناقصني وتعيب علية
گال

-شعليه انه اعليه گلت الگم..اصلا یجي العصر  وانة العصرر عندي واجب وشوفي
ويعرف عنج كلشي ....

لملمنه الاكل بين مانرتب البيت..اندك الباب صاحت امي

-الچاي خلي على النار اجت ام مختار وابو مختار

......
المهيوب//
وصلت كيشان للمدرسة رجعت امر على  صيادين اشوف البلم المزروف اصلحه خلصت چم شغلة...

مريت على شيخ حسين حاجيتة نحدد عرسي بعد چم یوم..

فرح لان یعرف انة عاشك كيشان
مريت على علي،رادني بلمستشفى الابنية اليحبها طليقها دچچ اخوها..

بعدها مریت للجامع اصلي،ونجمع افلوس السلات الغذائيه للمناطق المتعففة كملت صلاة المغرب والعشاء

دشيت الغرفة ابوية سيد بيها حتى حمام،سبحت بيها،وايدي اجت على عطر المسچ مالته چان یجیب کارتونات..

نزلت دموعي عليه شگد مشتاق اله، ومحتاجة مااکدر اعتبر غيرة ابوي
وحتى شيخ حسين الحد هسه مااكدرن أكول ابوي

خليت من عطر اامسچ ،واخذت السدارة الخضرة خليتها على چتفي..
الساعه بثمانيه اروح الكيشان لان مخنوك ومشتاق الابوية سيد هاشم
ركبت السيارة وصلت البيتهم،دخلني حسيون كتلة
-محتاج احچي وي كيشان..تبسم ودخلني للديوانية
دشيت كاعد على التخم،،

حسيون عرفني ضايج حتى ماناقشني خصوص وانه لابس لبس ساده
ثوب اسود  وسدارة خضرة على الچتف

اشویه ودخلت گیشان،رفعت راسي الها،ليش اشوف بيها وجعي وراحتي
واشوف بيها سعادتي وحزني
وليش من ختنكت مااريد ارتاح اله يمهاأاا
.
لابسة ثوب مكسم ومخليها ضفيرتها صفح..وجهه حلو على طبيعته

كمت الهااا صرت جدام الباب تعديتها سديتة..شهكت بصوت ناصي ندارت اعليه
-ابو سجاد عييب تسدة..عيوني الملامحهاااا
وهي جدامي واكفه ودي اشبكها حست عليه ابتعدت مني

-خليك بعيد مني

-ليش موش حرمتي انتي

-اي بس موو بيتك

-تعاي كيشان يمي

-اشرررد منك ولاااا اجي

تناوعت الها بصدمة ولاااتجوز لازم تجفص

-شو ردينة للغلط

-موقصدي وسيد محمد بس أخافن
-مين

_من عيونك مو هنة يخلني انتهي ومااندل دربي ضيع بيهن

-يلمالحة  حبي مااسوي شي اجيتج اريد اكلچ باچر نطلع نکمل تجهیرات عرسنة
ضحكت منصيه راسها

-بكيفك بس هاااااا مانطلع وحدنه نجهز غراضنة لأن أنت وكيح

-اي هووو مو وحدنة الشيطان ثالثنة

_هااااا

-لاااا ناخذ ويانه توحه اختج او امج..

-ورقيوة همين نعزمهااااا

-فرد نوب اعزمي بهية واهلها

-لاأااا خلاص كافي 

-احبچ

-وانه‌همینه....گالتها وجهة احمرر صار من الخجل
گتلها "انتي ورى زواجنة تبقين هيج مستحية

_-مبدئيا اكو فرق بين  الخطوبة والزواج ،وخافن اكو شغلات ارفضنها بلخطوبة ورى الزواج يكون سهلات عليه واطبقهن

-الله انه منتظر التطبيق وابوچ اتفق ویه شیخ حسین
مشیت خطوة اریدن اطلع
گالت

-الصبح تعال نشتري بدلة الحنة ونختار الون صدت عينة بعيني بوياي مو عيون
يسطرن
سبحان الله من خلق
هيج عيون دوما يبرجن برج
وانةصافنة عليه

وماحس لا ايدة على خدي

-شبيج صفنتي مااضل شي يالمالحة وتجين يمي

-رجعت اليورى لا على كيفك جاي افكر بلون البدلة اشتريها

-هههه خوش فكري زين
باجر اشوفج

-وهسه مااااكو تصبيره الحين مايجي باجر؟
#يتبع