العيد مع جزانسيات (كاملة باللهجة الجزائرية🇩🇿🇩🇿)

8

#الحلقة 08 🌹
في بلاصة خلاف كانو البنات يزربو في رواحهم
هدى: دارين ازربي البنات راهم قريب يوصلو
دارين : هاني قريب نكمل روحي شوفي سهى
هدى :سهى عندها عام من كملت وتحكي مع راجلها....
دارين:ياك سمحلها تخرج معانا...ماشي كي تخرج يابدا يجري موراها ويبدا وين راكي وين روحتي شحال من واحد شافك....الغيرة تاعو انا خنقتني كيفاش سهى مسكينة....
سهى:ياختي غيرة تع راجلي وعجبتني بلعكس محمقتني....كان نصيب يرجع كتر من هكدا....واش تحبي ندي واحد 106 كيف اغلب هدا الجيل....
دارين؛ههههه لي يسمح يقول نتوما في 40 ياك نتي 20وهو هدا وين 26 سنة...
سهى:قصدك 27 سنة الاخت....
هدى:انمي خلاص سكتونا....دوكا يجو ويلقاونا ماشي واجدين يخلونا وانا باغية نكحل حابة نشبع عينيا....
سهى:مزالكم مع قصص تكحال والحب...
دارين:لي يسمعك يقول بلي نتي كنتي مع قصص الانبياء وبلي عمرك لا كحلتي....
هدى ستغفرت في خاطرها وهزت غوجلاف في الموف على حساب لبستها ودارتو....
دارين:اععععق من نيتك دايرة هدا لون يبان من عام الفيل....بدلي جدو...
هدى:انا عجبني واش قلقك نتي...
دارين:راكي خارجة معايا ويولو يقولو خت دارين....
سهى:خلاص راكم في العيد واش حابين المشاكل من دوكا والعياط...
هدى:شوفي ختك واش حكات....
سهى:خلاص عادي....
كملو يوجدو في رواحهم حتى كملو....
دارين:واش رايكم نديرولهم مفاجأة ونروحو لدار نجاة....
هدى:فكرة شابة....
دارو لي بارفان وخرجوا لدار نجاة....