في ضريح العشق حمامـــــه......💙🕊

البارت الثالث عشر

في ضريح العشق حمامة،،،

البارت الثالث عشر،،،

وئام الشيخلي،،،

،،،،،،،،،،،

لطالما أحببتك.، فكن لي أقرب مني ورفيقا لروح طالما ظمأت صوم الوحده، كن لي سندا من الدنيا ورفيقا طالما حلمت به رفيقي وحبيب طاهر وكفئا أن يسمى حبيبا!.

💢،،،،،،،،، 💢💢،،،،،،،،، 💢💢،،،،،،،،،،💢

اشرقت الشمس مرتدية فستان الفرح لتنثر اساورها الذهبية في كل الارض معلنة بوضوح اعظم يوم يمر علـّۓ. الامة الاسلامية يوم فِيَھ مغفرة..

الذنوب فِيَھ نتطهر م̷ـــِْن الخطايا..

ونغتسل م̷ـــِْن الذنوب ه̷̷َـَْـُذآ الًيَوُمًِ الذي تحلق فِيَھ الروح وتغمس بماء زمرم لتخرج نقية طاهرة ك حمامة بيضاء....

من صغار علمنا أبويه عظيم مكانه هذا اليوم عند المسلمين..
بيوم التاسع من ذي الحجة... نتسحر ونقرأ قرآن.

.وننتضر أذان الفجر نصلي.. ومن يبدي يتكشف الفجر..
أبويه يگول.. هسه بدأو حجاج بيت الله الحرام التدفق إلى صعيد عرفات..

لأداء ركن الحج الأعظم.. وهو الوقوف بعرفة..

بعد ماقضو في منى مشعر يوم الترويه..

ويحجي النا عن فضل يوم عرفه..
وهو يوم تغفر في الزلات... وتجاب فيه الدعوات..

وهو يوم إتمام الدين وإكمال النعمه على المسلمين..

أبويه جان يصوم من يوم واحد ذي الحجة إلى يوم عرفه.. يگول الله سبحانه وتعالى اقسم بهاي الايام بمحكم كتابه..( والفجر. وليال عشر)..

وهاي اليالي من اول يوم إلى يوم النحر.. نحر الأضحيه..

كل عمل بهاي الايام يكون الأجر مضاعف من صلاه وصيام وصدقه وكل أعمال الخير..

واليوم مثل كل سنة..

اني ونجلة وهيام حيينا الليله بصلاه القيام والوتر وقراءة القرآن والدعاء..

دعيت لوالدي الي تعب واله كل الفضل عليه..
ودعيت لمحمد بتوسل وتضرع ودموع.. ربي يحفظه ومايفجعني بي..

وبين عيني صارت ليلى دعيت الها ربي يصبرها ويعوضها عن ضناها.

ودعيت لاخواني وامي وجاراتها بالاسم ووحده وحده.. وخالتي ولاطفالي...

جزئي الذي لايتجزء خلود وريتا..
وكرستين صاحبه الفضل دعيت الهم ربي يوفقهم ويحقق كل مايتمنون..

ولامه الإسلام والمسلمين دعيت بالتوفيق
..
دعيت للعراق والشهداء العراق وبجيت الى ان اختنكت كلش..

واني اباوع لنجله شلون تسبح بمسبحه ابو هيام.. والعطر يفوح منها والدموع
على و جناتها تهمل.. الف رحمة على روحك الطاهره..

عجيبه هاي الانسانه عدها قوه صبر من رب العالمين.. وتكول المصبرني.. اني مامعتبرته ميت.. كل يوم بعد مااكمل التسبيحات.. يجيني طيفه بأجمل صوره..
وينطيني رأيه بكل تصرف هواي ينبهني على الآم.. ومن كالت لابويه .. ردها يجوز على اسمها .....

وصارو على كلام نجم ينادوهاا مرام.

صار الفجر.. كعدنا بالحديقة وشغلنا الراديو الاذاعه تنقل مناسك الحج..
واحنا نقرأ ادعيه يوم عرفه..

اتصلت ام حسام تسأل محتاجين شي.
اروح للسوك ابدل ملابس حسام ماعجبني..

مها ......اي والله اريد ملابس وحذاء الجين..

ردت اعرف قياسها اني اجيب على ذوقي..

بعدها اجه ابوي كال نروح على ليلى وناخذ الها ذبيحه لطفلها المات عقيقه.. حتى يذكرهم ويوگف على باب الجنة مايدخل الا أمه وابو يدخلون..

و مستعجل لان العصر يوصلون بيت أرشد وخالو أدريس..
مشتاقه الهم هواي.. هواي ....

كتله دقايق مااتاخر..
سبحت لجين ومشطت شعرها..
وبدلت ورحت وي ابوي...

بالطريق نطاني مبلغ فلوس كال انطيهن لحماتج بنيتي..
كتله والله عندي واني جبت الها..
ماكو ماقبل..

وصلنا وهواي تشكرو منه لان البارحه هو لليل يمهم مغسل الولد ومسمي ودافنيه..

وهي قويه ماشالله فعلا مثل ماكالت خالتي.. وتحمد الله وتشكره..

ليلى. ڪالت الطبيب كال حتى إذا عاش يعيش معاق..لأن الرئة مامكتمله..

هو اني هاي الأشهر اتمرضت كرهت نفسي.. ..

كيف هو طفل يعيش معلعل..

حسيت خالتي متاذيه أكثر منها ومهضومه الله يعينها نعادت الها ذكرى بنتها..

خالتي سالتي على وضعي هاليومين وحجيت الها كلشي....

ام محمد ..... مااكدر اعوف ليلى باجر اجيكم

مها.... ليش ماناخذها يمنه..

ليلى ردت مابيه شي زينه بس نفسيتي تعبت من العلاج..

ترخصنا نطلع..
وليلى أشرت لزوجها ياخذ لجين لاتشوفنا من نطلع..

ابوها صاح عليها نروح نشتري..

ترده عمه شرتلي مااريد.. اروح وي الجدوو مالت انوسه ...

كلت الها عوفيها عيد وتلعب وي أطفالي..

كالت خلي تروح اخذناها ورجعنا..

وابوي كال امشو كلكم وياي..
ساعديهم اليوم مسوين فطور وعشا للمحله.. .......

وشذى ونصره ومره عباس والحبايب عفتهن ابيتنا يساعدن ابتسام..

والعصر أن شالله خالج واخوج يوصلون..

مها ... انتضر يجي محمد.. كل مره يجي الصبح بعد ماادري شوكت يوصل بالسلامه..

ابو نجم ....على راحتكم بنيتي من يوصل ويرتاح اتصلي على البيت واني اجي اخذكم..

من وصلنا.. ونجله ماشاءالله عليها و الله يزيدها قوه وإيمان..

أطفالي مسبحتهم وغاسله الملابس كلشي مكمله..
اخذها أبويه وراحو..

ماعندي شي اسوي..
سويت عصير جزر لمسك ولاخوانها ولجونه..

اجت ام حسام جايبه نفنوف يجننن الجين. وجايبه لمسك نفنوف ابيض كلش حلو..

و ماقبلت تاخذ فلوس كالت مستلمه راتب عود من اخلص اداعيكم بيهن..
وبعدين اعتبري من خير اخوج..

اتشكرت منها وراحت..
قست الملابس للبنات كلش مضبوط قياسهن وحلوات..

العصر خليت العاب يم أطفالي وَصيت انوسه على مسك حوطت الها مخاد وكعدتها..

اتصل ابوي يسأل على محمد...

رديت بعده مااجه..

كال من يجي اتصلي يجي واحد من الولد يجيبكم..

حطيت المصحف قريت قرآن وادعيه كملت خليته بمكانه..
و عبالك كاعده على نار..

يمكن لو مو عيب اكعد بالباب انتظر..

هناكَ أيام كأنّها سنين .. وسنين كأنّها أيام ..
هناك لحظات تُنسىٰ وَ أُخرىٰ ترافقنا ..
هناك لحظة تستحق تعبَ سنين ..

وَ شعور يستحق جهاد ألف شعورٍ آخر ..
هناك ثوانٍ محفورة في القلب بـِ أدقِّ تفاصيلها ..

وَ ساعات نتمنّىٰ لو أنّها تعود تارةً أخرى
إنّه الزمن ، لايقاس بمرور الدقائق وَ الساعات ؛ بل بتفاصيله..

اندك الجرس سحبت حجاب الصلاه خليته على راسي..

ورحت اركض مثل أطفالي من يتسابقون منو يفتح الباب..واضحك وي نفسي ...

فتحته وأجاني العيد يالله شكد مشتاقه الة..
مامصدگة عيوني ياربي الأنتظار شگد صعب..

حضني وبوسني واتحمدت اله بسلامته..

سألني شبيج تضحكين والله احس نفسي طفله وفرحانه بجية ابوها.. ...

انتبهت جايب حجله كلش حلوه لونها وردي..

مها .... فرحانه بيك..

محمد.. عساها دوم الفرحه على الوجه الحلووو.

طلعوا أطفالي مثلي فرحانين ويصحيون بابا بابا يمكن صوتهم وصل لسابع جار..

وطرشو إذن ام هادي..

ولجونه فدوه لعينها وياهم على الواهس تصيح بابا..

اني صرت كدامهم قطعت الطريق عليهم..

وخليت لجين توصل قبلهم..
ومن وصلت ومحمد شالها تصيح هييييي..

بوسها ويكلوها يروح خالو انتي.. وهي تڪله لا انت بابا.....

ورجع فتح ايده الهم.. كالعاده ميس خانم زعلت.. لأن اني كطعت طريقها وكعد يصالحها..

وهي العوبه تباوعلي بنضرات زعلانه ومبرطمه ـ

سألني محمد على خالتي بعدها يم ليلى..

رديت اي.. بس ماكلت طفلها مات.. مااحب انقل خبر حزين ...وادري شڪد يحبها. وشڪد تعذبت مسڪينه ...

وصل الهول. مسك كاعده بين المخاد.. وهو طكطك الها بأصابعة..

وهي تضحك وتحرك بايديها..

شالها بوسها وخلاها بالحجلة.. خلة اصابعها وضغط على البيانو بالحجله.....
وهي اللوڪيه ترفع ايديها يشيلها ....

واني رحت جبت ماي بارد انطيته..
گال ليش ماصايمه.. رديت بلي صايمه..
رد. اني همات صايم..

رديت تقبل الله..

رحت حضرت ملابسه حتى يسبح

واني افكر شلون اكول آله على طفل ليلى..

اتصل التلفون وهو رد على أبويه..
مافهمت شي. بس ..أي وهاا ولااااا

مها .... حضرت ملابس تسبح..
سألني اتوفه الطفل؟؟؟

هزيت راسي بمعنى اي..
كال اتحضرو اسعد راح يجي..

سألته وانت؟؟

كال اجي وياكم اسلم على أرشد..
واروح على ليلى و امي..

مها .... وترجع على الفطور؟؟؟

رد ماادري...
مها ..... ليلى مريضه وعمتها كذلك وخالتي تداريها.. يعني اكيد راح تفطر برا.. ....

بس والله ازعل عليك..

سحب ايدي وعضها وكال رجعنا على الزعل.. شيلي من قاموس حياتج بعد.....

ماادري احتمال ارجع.. حسب الضروف..

بين مامحمد سبح اني غسلت البدله بالحوش على صونده المي من كثر مامستعجله زلحت قدمي بالزاهي..

صاح من باب الهول يمعوده على كيفيج.. بالكوه اتوازنت.لزمت غصن الشجرة..

وهو تقرب گال اتاذيتي موو. ماتگوليلي شمتوازية على البدله تغسليها..

من فشلتي مااعرف شنو اجاوب..

اجه اسعد أخذنا ألبيتهم.
من نزلنه همست لمحمد إذا ما رجعت على الفطور يم اهلي لااني افطر ولاارضع مسك .....

التفتلي وضحك كال اموت عليج..

مها... اللهم اني صائم..

ستوهم واصلين..هوسه بيت اهلي.

وصيت إيناس على لجين ادري بيها شكد حريصه عليها..

ذابحين الهم ذبايح تتوزع على المحلة لان الطبخ كلة جاهز..

اتلكاني أرشد فدوه لعينه صار سنوات ماشفته.. لابس خليجي طالع يجننن ...

نطيت مسك لاسعد..

ومحمد يگل لارشد .. ولك شلون هلال حلو هلَ علينا گبل العيد..

أرشد فتحلي ايده حضنته مشتاكه الة هواااااااي..
يكلي بنيتي الغاليه كبرانه.. يحضني ويرجع يلزم اڪتافي ويباوعلي ويضحڪ ويرجع يحضني. بحنان يڪلي اووف ياغاليه ڪلبي اوووف شڪد مشتاڪ الج. ..

ومحمد يكله كافي بقولي شوي..

أرشد يرده ولك انت الغالي للموت مايجي احد بغلاتك.. ماابدلك بمليون صديق..

اباوع يالله شكد حلوه صداقتهم.

سلامهم بلهفه والفرحه مبينه ؏ اثنينهم...
ـَ

سحبه يدخله الاستقبال ومحمد رد بعدين ارجع اروح لأمي خطيه واختي مريضه..

وارشد ولايسمع منه يكله اي بعدين روح..

طلع خالو أدريس سلم على محمد اول مره يشوفه بالحقيقه شايفه بس بالصور..

واجه سلم عليه.. وهم نفس ڪلام ارشد يڪلي ڪبرانه الغزاله ـ وگال جبت الج هديه يم عمتج عنيده..

تشكرت منه..

وارشد اخذ سويج سياره نجم وكال لمحمد ياله نروح اني وياك ونرجع سويه اني همات اريد اشوف خالتي واسلم عليها..

ابتسمت بداخلي واباوع لارشد يريد يطير بمحمد عاف الناس الموجودين ڪلهم واهم شي عنده محمد....

محمد اتقرب مني وكال بنبره غضب..
مها تشوفين مسك وين...

التفت.. كان اسعد شايلها وواكف وي امي بهيه وام كنعان وأم نصر وهنه واكفات يم الجدور كبار طابخات على النار..

وامي بهيه تغني الها وهي تضحك..

أرشد كال ها خير شبيكم.. بعدين سولفيلي إذا غاثج لو مضوجج..عقابه عسير..
واذا العكس.. اعاقبج..

محمد سبقني وكاله الها العقوبه.. شوف بنتي غاليتي وين.. باله فلتت من ايد خالها ووكعت بالجدر..

عفتهم و رحت سلمت عليهن واخذتها..

ورجع محمد يوصيني بيها.. وارشد اخذها مني يبوس بيها يكول فدوه لله مها الصغيره هاي..
نفس عمر هيا موو..
رديت اي بينهن ايام..

ومحمد سأله صدك تشبهها..

ارشد گاله اي والله.. عمرها أشهر وعلمتها عليه من امي راحت لفاتحه خالتي ام نجلة وزوجها الله يرحمهم.. ...

عاد اتعودت من اشليها تسكت.. نفس شكلها والله......

صدك مها امي نطتج الهديه مالتها..

مها .... اي تسلم بس هواي مكلف نفسك..

ارشد... لا والله ابد تستاهلين ماي عيوني..

و اميره هم جابت هدايا الج..
ماكله راسي بيج انتي ونجلة.. تكول احلى شي بالعراق مها ونجلة..

طلعو وامي صاحت على أرشد يمه انت تندل..

ضحك بصوت عالي والتفت على أسعد گاله من نطلع لبغداد الجديده من النهضه لو العلاوي..

أسعد كاله اطلع على طريق القناه.. ويرد على امي يكلها صدك تحجين شلون مايندل..

رجعت امي صاحت عليهم ياخذون الهم عشا..

ونجله بسرعه خليت بجدور واسعد وصلهن للسياره ــ

مشيت وراهم ڪلت لمحمد ترا بعدني ؏ ڪلامي اذا مااجيت لا افطر ولاارضع غاليتڪ ...

محمد ...يصير خير عمري ...

رجعت للبيت ودخلت سلمت على البقيه البيت مليان تلكتني اميره.. سلمت عليها.. وسألت على عمتي عنيده كالت تعبانه شوي من الطريق وصعدت فوك بغرفه اسعد ترتاح..

رحت للمطبخ اساعدهن.. مكملات كلشي..
وسلمت على شذى..

ونصره صايرلها ولد وصار عدها ولد اثنين وبنيه..

كالن مانحتاج مساعده بالطبخ كلشي حاضر بس اذا بيج حيل تحضري حتى نسمط الباجات.. ....

مها .... سلمولي على الي ماشفتهن اني راجعه البيتنا...
مالكيتو غير الباجات..

كالو لعد وزعي لحم على المحله..
ابستام ردت حتى محمد يوزعنا ضحيه باجر..

اذكرت لازم اطلع حصص لصديقاتي من اللحم..
طرت على اسعد.. بس وصلت يمه.

ضحك.. گال والله هسه اجيتي على بالي عرفت راح تجين تعال اسعد نودي لصديقاتي..

من فشلتي كلت لا اصلا هيج اجيت. اشوفك.. ياستار شبسرعه عيرتني..
عود سويت روحي زعلانه..

صاح تعالي ولج.. اصلا ابوي محضر حصصهم..

بس لازم نودي لسيد مهدي صديقه..
واخاف نتأخر ومحمد يجي يسأل عليج..
نخليها ورا الفطور..

رديت لا شيستفادون. وخلود وأهلها صيام..

وريتا يمهم عماتها وخطار..

اسعد . لعد نودي الهم لحم باجر يطبخونه..
زعلت . رحت يم البنات بالمطبخ..

اجاني حسام كال عمو اسعد يريدج..

رحت گالي ياله حضره الزعلانه جيبي بنتج نروح نودي لصديقاتج سيد مهدي هو راح يجي هو وعائلته..

جبت مسك ولجين همات لان اخاف عليها ووصيت نجله ؏ الفرقه مالتي .....

من طلعنا سألته منو سيد مهدي..
كال ماتذكرينه السيد الموجود بالإمام الكاظم عليه السلام .. جان يرقي نجله بعد وفاه ياسر الله يرحمه..

كتله اذكرته.. ماشالله وجهه يشع نور..

كال اي هو ردت اوصيج لان يجيب عياله خاف زوجته بناته يستحن خليج قريبه عليهن.. وابويه وصا نجله همات..

وصلنا بيت ريتا.. وانجيلا فتحت الباب.. وبعدها اجن كرستين وريتا وامها..
سلمت عليهن وتشكرن منا..

وريتا أخذت مسك مني ودخلت تراويها لعماتها رجعت كالت يكولن تشبهج.. وكلت اي غير اني صديقه امها..

كرسين سألتني خيطتي الجهاز لو بعدج انتضرتج تجين اساعدج بيهن..

رديت بعد العيد ان شاء الله ابلش بيهن وامرلج نفصلهن سوا أن شالله
ردت تتدللين

ورحنا لخلود.. طلعت امها وصاحت خلود سألتني اجه محمد.. رديت اي..

خلود .... عرفت لان شاركه حلكج تضحكين..

وشكال على النتيجه.. رديتها يااااااا ولج مابشرته نسيت..

غمتني العوبه..
وتكلي شنو السبب نسيتي وتغمز..
رديتها اللهم اني صائم..

خلود ...احنا هم ڪلنا صيام بس عود ادعيلي...

رجعنا للبيت ومحمد وارشد بعدهم ماجايين..

سالت على عمتي عنيده ..
گالو نزلت بغرفه امي..
رحت سلمت عليها احسها بحنيه امي عليه.. كالت والله سألت عليج بس تعبت من الطريق ورادو افطر مافطرت..

صبينا الفطور وأذن الأذان..
واني أخذت تمرات فطرت وواگفه برا انتظر..

اجوي جايببن خالتي وياهم..
تلكيتها سلمت عليها..

محمد كال عد كلمتج مافطرتي مووو..

فتحت ايدي بيها نوا مال تمر..

محمد .. اي عفيه.. اخذ النوا من ايدي وشمره بالحديقه وعصر ايدي قوي
روحي كملي فطورج..

وهم راحو الاستقبال..

دخلت الهول اريد اعرف زوجه سيد مهدي.. الهول مليان.. اتقربت يم نجلة. اشرتلي عليها.. ورحت يمها سلمت وكعدت يمها..

ماشالله شلون مره جنها ام خلود.. وياها بنات اثنين كالت اسمهن رباب وحوراء..
وعدها ولد اسمه صالح..

اجيب واقرب الاكل كدامهن..
كالت والله معتبرته بيتي وماكو مستحاه على الاكل..
من كملنا بقيت يمهن ونسولف..
كالت رباب مخطوبه لابن عمها وياخذون بنت عمهم لصالح..

وحوراء سادس اعدادي.
.
ماشالله حوراء واسمها عليها.
.
همست يم اذني كالت خطبوها جيرانه والسيد ماقبل..
وهم يلحون يردوها.. وإني اشوفها خوش قسمه..

سألتها وهي شتكول..

ضحكت كالت موافقه..
تكول قنعي ابوي لاانوب تأخذه غير وحده..

رديتها الله يسهل ان شاء الله..

كالت هو ابن رفيجتي. وأنه ردت ام نجم تكول لابو نجم يقنعه..

اباوع الها تتبسم ضحكت بوجهها.. تبين بعمري ضخمه ماشالله..

من راحت امها تحجي وي امي.. هي تقربت يمي وحجينا سوا.. كالت كلش تحبه وهو مكمل معهد ادراه ومتعين بالبلديه امين مخزن..
تكول ابوي ماينطي للغريب..
ادعيلي واذا رهمت الله عليج اعزمج بالخطوبه وتعالي..
رديتها أن شالله..

من راحو المعازيم حتى جارات امي راحن.
گالن خطيه تعبانين من السفر..

اميره جايبه هدايا للكل.. والي ولنجله أكثر من البقيه..

كعدنا اني وياها ونجلة وهي تسولف النا على حياتهم وعيشتهم وكل شوي تكول حياه حلوه ماناقصني بس انتن..

بنتها هيا نفس لون عيون إيناس اصفر عسلي وبيضه شعرها خفيف مثل مسك..

كلت الها خالتي تتحلف لمسك محضره الها أعشاب تكول حتى شعرها يصير طويل..

ردت اميره مايحتاج والله احنا كلنا عدنا وراثه الشعر الطويل..

لو تشوفين من احضر مناسبه هناك كل شوي يسألوني شنو تتسخدمين لشعرج..

اكولهم والله وراثه عدنا من جداتنه..

يتخبلون ؏ امي يسموها شيخه العنود ...

مها ...فدوه لعينها عمتي صدڪ شيخه .اموت عليها .

اميره ...وهي تموت عليڪم اتوقع راح تقفل علينا ماتريد ترجع للامارات تڪول عندي ڪل نضره من ابو نجم تسوا الڪون ...

صدڪ ماعرفتي شنو خالو أدريس جاب

مها ... كالي يم عمتي عنيده..

اميره ...اخذلج مكينه خياطه برذر موديل حديث..
وامي أخذت الج مجلات ملابس أطفال وبوردا مودرن ..

واخذتلج صايه مال مناسبات هناك نلبسهن ....

كلت ليش مكلفين نفسكم والله ماله داعي..

ردت وهديه أرشد لمحمد بوحد شنو اخذ لإخوانه اخذ لمحمد.. ويمڪن بعد اشياء اڪثر ...

بعدين اجو الولد ومحمد وخالو وابوي كلنا كعدنا بالهول..

عمتي عنيده سلمت على محمد همات ماشايفها ابد غير بالصور..

اشرلي محمد رحت يمه كال ماشاءالله شكد سامع بعمتج عنيده جميله ماتوقعت هيج.. الله يعين خالج يجوز واصل للجلطه الثالثه..
رديت اسم الله على خالو..

محمد صدڪ اڪو بينڪم شبه قوي ــ

لو رايحه قسم اعلام هم جان اني واصل الجلطه الثالثه ....

مها ...اسم الله شجايڪ اليوم

رجع كعد يم أرشد..
شكد نجي لأهلي وعلاقه محمد باخواني حلوه..
بس مو مثل أرشد..

اليوم احسه حتى ماخذ راحته أكثر..

وي اللمه والهوسه وهمه رأس على رأس ويضحكون.. وڪفوف ايدهم واحد بيد الثاني مسوين اتحاد قوه.....

. ـــ محيرتني هاي لزمه الڪف وشڪد تعنيلي من الزم ايد ابوي لو واحد من اخواني لو محمد شڪد احس نفسي تقويت ـ

ابوي كال باجر ان شاء الله اذبح اضحيه.

وباجر غداكم هنا..

وصاح عليه جيبي صديقه جدها مشتاك الها..
اخذتها هيام ودتها لأبوي تكوله جدو.. صديقتك و صديقتي..

وهو يردها اي يبعد جدج صديقتنا..

مسك تضحك للكل وماتستغرب ابد..
من اذكر اول ايام من صارت شلون جانت تصرخ ومالها سكته تسع ايام شوفتني نجوم الضهر....

اكول الحمدلله والشكر... والله يوفق ام خلود وينطيها صحه وعافيه طول عمرها.ايدها بركه فدوه لايدها .

ابتسام كالت لأبوي.. عمو عود احنا هم صادقنا.. وسوي النا واسطه يم صديقتك لان مطلوبين فصل..

تذكرت الموقف رديتها ابدددد.

ابتسام .... خلي يجيني ولد وذاك الوكت نتناقش..

ابوي كالها هاي المدلله ماكو نقاش وياها..

تفاجأت من اميره كالت.. اني سامعه العرب بصوره عامه من قديم الزمان يحبون الولد وخلفه الولد.. يعني هسه المفروض المدلل حسام..

أشو اني من جيت لهسه اشوف المفضل مالتكم هي مسك.. اسعد يشلها.. وسامي يوصي عليها..

ونجم قبل شوي يكول للجهال صوتكم مسك نايمه..
وهسه انتي ياخالو تحير شلون تلعبها ومبين شكد تحبها..

ابوي ردها.. أي والله روحي من الدنيا هاي.. اشوف بيها غلاه عنيده.. وغلاه امها ...

واحسها المها من صارت.. وفرحتي بيها ماصدكت من صارت بعد اخوانها الاربعه..

عمتي عنيده ردت يعز غواليك اخيي انت هم عزيز وغالي وغلاتك بروحي..

وأم حسام كالت لاميره.. والله عمي مامقصر من حسام لاهو ولاعمامه..
ومن صارت هيا عمي سجد شكر وفرح بيها..

وسوينا عزيمه مثل عزيمه اليوم..

الولد مشو السالفه فتحو غير مواضيع..

عمتي عنيده كالت مهاوي لاتروحين اليوم باتو هنا نحيي ليله العيد هم بيها أجر لحديث الرسول صلى الله عليه وآله وسلم.. (من أحيا ليله العيد أحيا الله قلبه يوم تموت القلوب) وعالواهس واللمه..

رديتها والله ماادري..

والبنات ايدن كلامها..

و اميره كالت.. مها زعلتي من كلامي رديتها ابد والله..
و كلامج صح..

واني من يوم جبتها بعدني بالبنج سمعت امي تكول لخالتي تشبه عمتها عنيده..
عبالي حلم والله..

وتدرين أبويه شكد يحبها..

اميره .... حسيت محمد ضاج من كلامي..
اصلا والله من نخابر عمتي كالت بنت مها كلش حلوه واني جبت الها ملابس حالها حال هيا.. من غلاتج على كلبي..
مها ... انسى الموضوع وانتي هم غاليه عندي..

اميره ...اني شجاني وهيج ڪلت والله مااقصد ...

مها ...يبو يحضي مابي شي ڪلامج ...

اترخصنا نطلع وهم لحو نبقى..
خالتي ومحمد كالو تعبانين ارتاحو..

من طلعنا اسعد شغل سياره أبويه يوصلنا..
والبدي مالت السياره كومه غراض..

من وصلنا لبيتنا..
محمد نقل أطفالي كلهم نايمين..

واسعد.نزل المكينه وغراض هدايا كلش هواي مافتحت شي تعبانه بس اكو علب حلويات شلتهم بالثلاجه.. والقطعه قماش لخالتي نطتها عمه عنيده بيدي..

ومحمد سألني شنو كتله هدايه من خالو وعمتي وارشد..

كتله نسيت اكلك شي..

محمد . گولي...

مها .... احزر..

خالتي صاحت جيبي مسك يمي..

رديتها لا أمي انتي تعبانه صار كم يوم..

وهي اصلا نايمه..

محمد كال تعالي سولفي مابيه احزر..

گتله استلمت نتيجه وطلعت ناجحه ومعدلي جيد جدا..

رد الف الف مبروك.. غاليتي شطوره..

راح للمحفظه مالته واخذ منها شي سحب ايدي لبسني سوار فضي ناعم وبي فص اخضر ـ ماادري ناجحه ...

بس هاي هديه العيد ـ. فرحت ڪلش لان رغم تعبان ماينسى التفاصيل الاعشقها الي تدل ؏ اهتمامه وحبه ...

محمد ــ عجبج وعرفتي ليش الفص لونه اخضر ـ

مها .....يجننن والله وعرفت اڪيد. ليش لون الاخضر ...

محمد ـ اي عفيه لون عيونج الماخذات عقلي ــ
عود ليش ناظم الغزالي يڪول لا احب القيود في معصميڪ واني صار ثابت عندي ڪل هاي السنوات هديه العيد هي اسوار ـــ

مها. ابتسمت ڪتله لان قيدت ڪلبي وروحي ونعلت جدي التاسع عشر ــ

وصار يغنيلي ــ

أي شيء في العيد أهدي اليكِ يا ملاكي وكل شيء لديك

أسوارا أم دملجا من نضار لا أحب القيود في معصميك

أم خمورا وليس في ألأرض خمر كالذي تسكبين من عينيك

أم ورودا والورد أجمله عندي الذي قد نشقت من خديك

أم عقيقا كمهجتي يتلظى والعقيق الثمين في شفتيكِ

ليس عندي شيء أعز من الروح وروحي مرهونة في يديكِ.....

اعشق ڪلماته واسمعهن بااصغاءـ.

هاي الڪلمات بالايام القليله الي يڪون متواجد بيها هي سلوتي للايام اليڪون بيها ملتحق.....

اعيدهن بذاڪراني واڪتبهن بدفتري باجمل وصف ....

و سهرنا ذاك اليوم للفجر صليت الفجر وأريد انام وهو يسألني يكولي كسلانه نعستي..

سحبت ايده ورفعت اصبعين كتله تعرف هاي شكد..

كال اي.. رديت هاي ثمانيه حاليا.. هذا نضري..
سحبني اله ونمت.. وكل شوي يجي واحد من أطفالي يصينحي ماما عيد.. واردهم اي..

محمد راجع من صلاه العيد وجايب ريوك..

ويعايدني واني عيوني ملزكه مثل توم وجيري..
افتح وارجع اغمض..
سحب ايدي وعض اصبعي..

صحيت واكوله يبووووووو اليعيش يمك ويم أطفالك.. مايشبع نوم..

سحلت روحي عايدت عمتي محضره الريوك.. والفرقه مالتي هم ولجين وراها يفترون..

سمعت التلفون..

كلت اكيد ليلى.. سحبت لجين ورحت للهول.. جان محمد يحجي كال تعالي هذا أرشد يعايدج.. عايدته..

واتريكنا ورجعنا لأهلي ومحمد عايد اهلي وأخذ لجين وخالتي كال اروح على ليلى..

نجله كالت عمتي ام ياسر خابرتني تكول دزي البنات اليوم على الحنه إذا انتي ماتجين..

ابوي كالها بكيفج بنيتي..
ردت لا أخاف عليهن عرس وهوسه..

هنه من شافن اللمه مارادن يروحن..
محمد مارجع على الغدا رغم أرشد اخذ مني رقم تلفون بيت ليلى واتصل علي.. كال العصر نجي..

لان يرحون لخواله يعايدوهم.. طبعا خوال محمد دررر ونسوانهم مثلهم ـــ

عمتي عنيده كالت عجبتج الصايه..

اتفشلت كلت الها والله من التعب ماشفتها..

عنيده أن شالله تعجبج مالت مناسبات.اجمل شي بالموجودات هي .

ابتسام كالت مها جابو الي حذاء مو قياسي ماادري لان حامل ـ. اخذي لان اميره كالت يرهم وي الصايه مالتج..
جابته طلع قياسي كلش حلو..

اذكرت مامعايده خلود..

اتصلت من تلفون اهلي عايدتها تتزعل.. تكول بعد وكت.. بس اكيد من لگه احبابه

نسا أصحابه..حمودي يامحلى اسمه عازمني على أكله دسمه.. خلود بيش ڪيلو .

كوه رضيتها..

ورجعت خابرت ريتا لان خلود كالت داكه عليه.. وإني يم اهلي..

تغدينا يم اهلي والعصر اجه محمد علينا ارشد يڪوله ترا ماشفتڪ زين ـ ورجعنا لبيتنا..

اتذكرت الصايه..
رحت ركض لبستها كلش حلوه صدك غاليه بس تسوه..
لبست وياها الحذاء لون ذهبي كعب عالي كلش..

طلعت على محمد وخالتي لابستهن كالو كلش حلوات..

محمد كال أن شالله تلبسيهن عن قريب بزواج إلياس..

رديت عبالي اخليهن للتخرج..

كال حييل..

منا للسنه الجايه اخذلج ارقى ملابس..

رجعت. للغرفه واجا محمد وراي ڪال شلون ناويه تجلطيني ـ

مها ـ اسم الله عليڪ يامعود مالبسهن ابدد ..

ثاني يوم خابرت ليلى كالت اريد اجي عليكم موجودين لولا...

محمد كالها اني اجي آخذج

من جابها.. كالت ابوي وامي اجو عليه الصبح ساعه ورجعو..
ابوي عينه كلش متاذيه..
محمد ردها الله يشفي..
وخالتي ماكالت شي..

باليل محمد راح على إلياس.. وڪال يمر ؏ ارشد نطلع نتمشا ماشفته زين ....

وخابرت نجله كالت كولي لخالتج تجي ويانا باجر.. ابن خاله ابو هيام توفى اليوم..

انصدمت.. لحضه نجلة فهميني مو اليوم عرس حماج..
ردت اي خطيه.. غير اخته بسمة العروس..

أمه كايله صار ايام تعبان وكل كم ساعه تلزمه نوبه صرع..
وأمه ملتهيه بعرس بنتها رايحه وياها..

وهو رايح للفرن اليشتغل بي ولازمته ومامتلاحكين علي.. ناقلينه أصدقاءه للمستشفى ماملحكين بالطريق متوفي..

انقهرت علي الله يرحمه...

رغم ماشايفته..
بس نجلة تمدح بي تكول خوش ولد مسكين..ومن أمه اتطلكت ماكو احد يحتوي..

و مسكينه اخته اليوم عرسها وماتهنت..

كلت لخالتي كالت اي اروح وياهن..

ثاني يوم راحن..

ومحمد همات راح وي ابوي ونجم..
ومن رجعت خالتي ساكته..

ليلى كالت.. والله امي بيها شي...

رديتها اي مبين هيج..

ليلى.... يمه شلون وضعهم..

ردت خالتي شبيهم يمه.. دافنات رأس بصل..
الام تطبطب على رجلها على كيف تكول اوف يمه ابو العيشه من عمرك عشر سنوات انت معيشنه..

وأم ياسر تكلها اسكتي خيتي عكب صحتج محد يفيدج...

كون حيلي الأولي والزم الهن عصا وين اليوجعك..

ليلى ردتها يمه هواي أمثالهن...

أنور يكول انتن إذا انكسر ماعون تصخنن علي..

ردت خالتي لاهيج زين ولامثلهن...

بس الضنا غالي.. وهاي اني لليوم مانسيت بنتي.. اتحسرت ونزلن دموعها..

وليلى بجت وياها...

ودخل محمد مارضا عليهن وكعد يحجي ويصبر بيهن..

كالها بيج حيل نطلع العصر.. علمود الأطفال يغيرون جو..

وانتي إذا تضلين هيج تبجين راح تكسرين نفسيه لجين وزوجج خطيه مايصير..

ردت بالعكس والله اني متعجبه على نفسي واحس كلش، صابره..
هاي الأشهر كلش تعبت..
والنتيجه شوفه عينك...

ردها الله يكتبلج الأحسن..

صبيت غدا كعدنا نتغدا وأطفالي يحجون وي ابوهم لان كال نطلهم للألعاب وكل شوي يسألون سؤال.. ولجين همات تصيح بابا..

ليلى تفاجأت بيها..
گالت من شوكت تصيح بابا..

مها... يمكن قبل شهر من نزل من دوامه..
و لأبوي همات تصيح جدو لان تسمع أطفالي..

ردت والله ابوج ماقصر..
أنور وعمي يكولون مانعرف شلون نوفي فضله..
رديتها ماكو فضل بينا..

العصر طلعنا الأطفال للزوراء ...
لعبو واتونسو..
محمد جاب لفات اتعشينا
ورجعنا..

باليل سويت جاي وحضرت كليجه.. لأن اكلو من وكت..
ومحمد كال باجر على العشا نعزم بيت خالج أدريس وارشد واهلج كلهم..

حتى العشا يصير بالحديقة الهول مايكفي جان سويت غدا..

لان أرشد بعد اسبوع يرجع للإمارات..
وخالو أدريس يروح للسلمانيه مشتري بيها عقارات.. وخالو اوراس مصفي املاكهم باربيل..

وقرروا الكل يستقرون بالسليمانيه..
وعمتي عنيده ماتريد ترجع لدبي..
وبعد المباحثات جاريه..

طبعا أبويه ماقبل على العزيمه.. ماادري يخاف اتعب لو نتكلف..
وأجاني ثاني يوم من الصبح جايب مخضر من البستان وفاكهه..
ويكول بنيتي لاتكلفين نفسج..

تكابلنا بالمطبخ اني وليلى وخالتي وماشاء الله ليلى معدله بالطبخ مثل خالتي..
و اجتنا نجلة تساعدنا..
كملنا كلشي من وكت.. وصبينا خير من الله..
و باليل تعللنا.. وعمتي عنيده كلش مو راضيه ترجع من خلال نقاشهم من أنفتح الموضوع..

وخالي يكول الي اسمي ومكتب المحاماة... تعب سبع سنوات..

وحاليا متعاقد وي شركات الها اسمها بدبي..

وعمتي تباوع لأبوي تكوله لو تصير الجنه احسها غربه..

ايام الحرب ماغمضتلي عين.. وانتو بوسط القصف..

ورجعت ردت على خالو..
واذا على اسمك انت بمحكمه أربيل هم جان الك اسمك ومعروف..

واسلوبك وعدلك ودفاعك عن الحق تكدر تنجح بكل مكان ويصير الك اسم..

الي فهمته من اميره.. هي صار فتره متاذيه وتريد ترجع وكايله اعيش، بافقر محافظه والا الغربه بس عيني تشوف العراق كافي عليه..

واليوم أبيت اهلي صاير نقاش.. وكايله هذا حدي.. مستحيل ارجع..

وخالو أدريس ضال بين خيارين هي ومايكدر يرفض طلبها...

وبين متعاقد وي شركه معروفه كلش يعني محامي للشركه وخبير قانوني..

ابوي يڪول يصير خير ماكو شي ماله حل..
اتفقو وشوفو الحل الأنسب..

قلبو المواضيع على الوضع والضروف..

وارشد كال الإعلام بالحرب أغلبه مابي مصداقيه..
على كلام الإعلام والصحف كلت مالكه بيت ابغداد مامدمر..

وصار يومين افتر صحيح اكو تدمير للبنى التحتيه ومدارس ومراكز حيويه بس مو مثل تهويل الإعلام..

وكعدو يقلبون مواضيع واني سألت نجلة عن وضع عيالها..

كالت يكولن ماارتاحينا بالبيت عين وصابتنا.. ماادري نفس،.

مها .... والصدقه الجارية مالت المرحوم..

نجله .... مايحتاج منهم صدقات خلي يتصدقن لنفسهن هو شنو شاف من حياته ضيم بضيم عاش كم سنه بيهن خير على كولته..
وراح لرحمه ربه..
رديت الله يرحمه..

نجله.... بس انقهرت على بسمه..
تكول حتى مايقبلن ابجي يكولن عروس مايصح تبجين..

رديت الله يهديهن..

بعدها ترخصو وراحو...

محمد احس اكو تغيير بأسلوبه عصبيته ياترا هو مرتاح بدوامه .. لو يضغط على نفسه لخاطرنا..

ولو ادري مكانه بعيد والمقر كلش بعيد عن المدينه حتى التلفون الارضي بعيد عليهم..
غير الحسابات الماخذها..

ليلى الحمدلله نفسيتها احسن وخاصه من تشوف لجين تلعب وفرحانه.. تكول هناك من تشد على البجي ماتسكت..
وابوها يحير بيها ياخذها للأسواق يشتري الها ياله تسكت..

طبعا المكينه الجابهه خالو أدريس كلش حديثه ونوعيتها مضبوطه.. ومجلات وبوردا وياهن ملحقات بس مامترجمه..

وبيوم وداني محمد على كرستين عصريه وهو وإلياس وارشد راحو للسوك كال من ارجع أمر عليج..

كرستين كالت المجلات حلوه..

ونترجم الملحقات اني وياج نستفاد من اللغه.. تفيدنا نشوف الرب شكاتب النا بالمستقبل..

كالت فرصه ماعندج دراسه العطله هم تخيطين وبوقت الفراغ نترجم كل ورقه من الملحق ونفصل عليها..

اتفقنا على كلشي وكالت ثاني يوم تجي عليه تشوف المكينه وتنضمها وهي بيها كتلوك وأجزاء احتياطيه وغيارات ..

اذن المغرب ومحمد مااجه صليت يمهم..
واتصلت على بيتنا ردت ليلى سألت على أطفالي كالت يلعبون ومسك يمي دا اطعمها شوربه الي انتي سويتيها..

سولفنا اني وياها وريتا إلى أن رجع محمد اخذني من يمهم.. رادت نبقا على العشا.. تشكرت منها ورجعنا..
اتمشينا بينا وبينهم مسافه فرع واحد..

سألت محمد إذا هي وافقت على إلياس..
كال ماساليتها؟؟؟
رديت لامستحيل والله استحي..

رد اي هي موافقه بس كم شهر لحد مايخطب يوسف..

يعني تطمان على اخوها مستقر ياله..

بعدين كال تعالي نتمشى شوي الجو حلو ونمر ناخذ حلويات للأطفال..

مشينا وسولف لي على قصه حب إلياس لكرستين كلش حلوه..

رديت هسه اطمانيت.. لأن هي تستاهل

تاخذ واحد تكون هي حب حياته..

محمد يعني مثل مااني أخذت حب حياتي..

واني فيكت علي ورديت باستغباء...
ليش اني حب حياتك..

وتسألني هل تعشقني..!
تخيل أنها تسأل..!
بربك كيف أسمعها
ألا من نفسها تخجل!
ألم تقرأ بأشعاري أني قتيلها الأول
واني دون عينيها ضياع وضائع" أعزل
ألم تلمح بكف الشمس بأني لها مرسل
ألم تلمح بعرض البحر ديواني بها منزل

گال كون مو بشارع احنا..

ضحكت.. ادري والله ادري..
واني اموت عليك..

وصلنا أسواق..
كال اخذي شنو يحبون.. وأهم شي لجين..

أخذت الهم نساتل وبسكت..
وأخذت حب شمسي وكرزات على واهس ليلى ومحمد يوميه التعلوله كلش حلوه.. البارحه من كثر ماضحكنا كلت الها بعد ماننطيج لانور..

كملت وحاسب ابو الأسواق وطلعنا..

كال اي خلي نكمل..

عرفت قصده..
كتله ترا اتشاقه والله..

كال لا مو هذا قصدي.. بس انتي لحد الان حبج الي اشوفه على ورق أكثر وأقوى من التعبرين عنه بالواقع..

وكلام امي عن حالج من التحق نفس الحال..

فأنتي واحده من اثنين... لو عندج عوق بالمشاعر... لو بعدج تستحين مني...

رديت يربي كل هذا الحب وعوق بالمشاعر..

خلف عليك ابن ليلى.

كال بس نوصل اكول لأمي مها تحجي عليه وعليج..

بس شنو الفايده ماتصدك تحبج..
عبالك شوف شمسويه الها..
والله يعلم شمسويه..

كتله كل مااذكر.. اني ماسويت جاي الك بذاك اليوم الي أرشد طلب اسوي جاي أحمد الله واشكره..

جان هسه كل شوي تكولي شو شنو خليتي بالجاي...

وعلى كوله خلود راح اسوي جاي العباس عليه السلام..
شكرلله ماسويت جاي الك وعيرتني..

محمد ...
ماقصرتي.. ياريت على الجاي عيونج خلن سهم بكلبي..

سكتت ابن ليلى ماينغلب..

وصلنا البيت وتلكونا فرقه حسب الله وياهم لجين..

محمد كال مااعرف شنو الشعور من لجين تكول بابا..

ولو مايجوز واحد يسبق الأحداث ويربط مصير.. بس اذا الله انطاني عمر..

ياهو من ولدي يصير اضبط واحد وعنده مستقبل وشهادته عاليه.. بحيل الله اخذله لجين.. على محبه امي واختي..

رديت أن شالله الله يجعلها من قسمت احسن واحد بيهم..

ولو عليه كون عندي عشر ولد وأخذ كل بنات صديقاتي وحبيباتي..

رد منو بعد عدها بنات ماكو..

مها ........ لجين و بنات نجله وهيا بنت أرشد.. وبنت نصره.. وبنات عباس ابن امي بهيه ثلاثه وبنات خلود وكرستين وريتا..
بس اني بعد مااريد أطفال اصلا..

ضحك على كلامي.. وڪال والله وطلع عندج وجهه نضر ـ. عجبتني فڪره يصير عدنا عشر ولد ـ الحلو بيج بسرعه تاخذين تعلوم يعني بالطريق ڪلت عندج عوق مشاعر وهسه راح تعدلين المسار ومشاعرج نتناقش بيها بعدين....

مها ...دخيل ربڪ والنبي اتشاقه اني هسة عندي فقدان بالذاڪره من التعب ...

عفته ورحت وي ليلى نحضر العشا مكليه كبه حلب وطماطه حمس.. ومسويه سلطه..

كلت الها ياالله شكد صايره احب الطماطة الحمس..

ليلى اخاف تتنسين.. ضحكت وين خلود تشوف.. لاوالله ماخذه احتياطي..

ردت امي كالت يحبون الطماطة حاره ولاجعه وسويتها بيدي..
مها ... عاشت ايدج.. اني هم جبت العده مالت التعلوله..

كالت امي سوت حلاوه تمر وسمسم كالت تعلوله..
رديت عادي ناكلها..

ليلى.. شلون بيه.. أنور يخابر يكول طابتلج ردي لبيتج وكوه قنعته لحد مايلتحق محمد..

ايام حلوه وماتنمل بوجود محمد كلشي يصير آله طعم ولون خاص.. لا والقهر طلع يكلي عندي عوق بالمشاعر..

تعشينا وتعللنا وضلت بكلبي شلون يكول عندي عوق مشاعر..

وكتله..

كال ولج ضلت ابالج والله اتشاقه.. اني طماع واحب الزيادة..كل ماتزيدين بلهفتح وحبج اريد أكثر...

يكفيني من جنت اعصب من تعب الدنيا.. انتي تسكتين ومن أهدأ تعاتبيني هذا اكبر حب..
وغيرها وغيرها..

وهسه تعالي اعبرلج عن حبي..

وانتي اثبتي ماعندج عوق مشاعر..

رديت اعرف حافظتهن..

واني معوقه وبيه شلل رباعي مزاعلتك..

ثاني يوم اجتني كرستين وفصلنا قطع الجهاز والنفانيف..

واجلت خياطهن من يلتحق محمد

واني من يقرب التحاق محمد الدنيآ تطلع من عيني.
كال أن شالله قدر امكانيتي اخابرج من بريد داقوق واطمأن عليكم..

ومن التحق محمد.. كملتهن طبعا بمساعده كرستين وياي بكل خطوه...

والحمدلله كلش انعجبت بيهن زاهده وعيالها .

وبعدها لمينا البيت والغراض ورحنا يم اهلي لان اتفقنا وي مقاول يكمل خريطه البيت..

يتبع

________

لاتنسو التصويت 🧡

وئام الشيخلي...💞