Isang araw, matapos ang kasal ni Tyler at Marika, nabalitaan ni Jett na bumalik sa Selma ang pamilya ni Rhett matapos mapag-alamang wala na ang mga Mangkukulam. Kaya bumisita si Jett sa kanilang bahay ngunit, pagdating ni Jett, nagulat siya nang makitang nauna na palang bumisita si Reysha sa bahay ni Rhett.
Jett: "Teka muna? Ba't nandito ka?!! Parang lumalabas na ikaw pa ang excited na makita si Aling Beth!!!"
Reysha: "Eh bakit? Masama bang bumisita sa kanila?!"
Rhett: "Oy!! Itigil nyo yan!! Pati pagbisita dito sa bahay, pag-aawayan nyo pa. Pero masaya kami sa pagbisita ninyong dalawa."
Beth: "Oo nga naman. Tama si Rhett. Tsaka panatag na rin ang aming loob dahil sa wakas, wala na din ang mga Mangkukulam."
Jett: "So ibig sabihin, magtratransfer na po si Rhett ng Grade 9 sa darating na pasukan?!"
Rhett: "Oo, Tol!! At magiging masaya yun dahil araw-araw na uli tayong magkikita!!"
Reysha: (Oo. At araw-araw na naman akong masisiraan ng ulo sa inyong dalawa!!)
Jett: "Masaya nga yun tol!!"
Beth: "Boys, bago kayo ma-excite sa mga gagawin ninyo sa darating na pasukan, pakitulungan nyo muna kami sa paglilipat ng mga gamit dito sa bahay."
Rhett: "Aba! Sige po, Tiya."
Jett: "Wala pong problema."
Agad lumabas at pumunta sa Truck ang dalawa upang tulungan ang mga pahinante na ibaba ang mga gamit na galing sa Nolima. Nang biglang may maisip itanong si Beth kay Reysha.
Beth: "Reysha, halika muna sa kuwarto, may itatanong lang ako sayo."
Sumunod naman si Reysha sa kuwarto ni Beth tsaka isinara ang pinto.
Reysha: "Aling Beth, anu pong itatanong nyo po sa akin?"
Beth: "Reysha, sabihin mo, nandirito pa ba sa Selma ang Mechanism Circle ng Minokawa?"
Reysha: "Opo. Aling Beth. Bakit nyo po naitanong?"
Beth: "Gumagana ba ng maayos ang bagay na iyon?"
Reysha: "Opo. Bakit po? Anu pong meron?"
Beth: (Kung ganun, nakatadhana talagang hanapin ng bagay na iyon, sila Jett at Rhett. Kailangan nilang maging handa.) "Reysha makinig ka sa akin, sa sususnod na mga araw, kailangang magsanay sila Jett at Rhett sa paggamit ng kanilang kapangyarihan at dapat maging bihasa sila sa lalong madaling panahon."
Reysha: "Ha?! A-Anu po?!" (Posible kayang may alam si Aling Beth sa mga mangyayari makalipas ang tatlo o apat na taon? Tulad sa hula ni Miss Zarina?)
Beth: "Magtiwala ka sa akin, Reysha. Kailangan nilang maging handa. Tsaka, kailangan ko din tanggalin ang sumpa na itinanim sayo ng Mangkukulam."
Gamit ang kanyang mahika, tinanggal ni Beth ang sumpa ng Mangkukulam kay Reysha.
Beth: "Hayan, Reysha. Natanggal ko na ang sumpa ng Mangkukulam mula sayo."
Reysha: "Salamat po, Aling Beth. Tsaka, anu po ba talaga ang nangyayari, Aling Beth? Bakit po kailangang magsanay sa kanilang kapangyarihan sila Jett at Rhett?"
Beth: "Hindi ko pa masasabi sayo, iha. Pero pagdating ng tamang panahon, maiintindihan mo rin."
Reysha: "Kung yun po ang sinabi nyo, ang tanging magagawa ko na lang po siguro ay ang tulungan po silang magsanay at patuloy maniwala na magiging maayos ang kalagayan nila, pagdating nung sinasabi nyo pong maghahanap sa kanila. Pero sana man po, hindi po delikado yung nilalang na tinutukoy po ninyo."
Beth: "Oo. Sana nga, Reysha. Sa ngayon, pakitulungan mo na rin yung dalawa sa paglilipat ng gamit dito sa loob ng bahay."
Reysha: "Opo! At salamat po ulit."
Lumabas sa kuwarto si Reysha at tinulungan nitong maglipat ng gamit sila Jett at Rhett upang mapabilis ang pagsasa-ayos ng bahay ni Rhett. Matapos mailipat ang lahat, nagpasalamat ang mga magulang ni Rhett sa mga pahinanteng naglipat ng kanilang gamit at umalis na ang Truck. Gamit ang kanyang mahika, isina-ayos ni Beth ang kanilang mga gamit sa buong bahay. Namangha naman si Reysha sa ginawa ni Beth. Tsaka lumabas sila Jett, Rhet at Reysha upang mamasyal sa Downtown.
Pagdating ng hapon, nagkanya-kanya ng daan sila Jett at Rhett pauwi ng kanilang bahay ngunit ihinatid pa ni Jett si Reysha sa bahay nito kung saan, naisip kausapin ni Reysha si Jett.
Reysha: "Jett?"
Jett: "Bakit?"
Reysha: "Habang tumutulong kayo ni Rhett sa paglilipat ng kanilang gamit kanina, nag-usap kami ni Aling Beth."
Jett: "Anung pinag-usapan nyo?"
Reysha: "Tungkol sa mangyayari sayo pagkalipas ng tatlo o apat na taon."
Biglang natigilan si Jett sa paglalakad ng malaman niya mula kay Reysha na may ideya din si Beth sa magiging kapalaran nito pagkalipas ng tatlo o apat na taon.
Jett: "Reysha? Sabihin mo? Anung nalalaman ni Aling Beth sa mga magaganap, pagkalipas ng apat na taon?"
Reysha: "Ang sabi nya, kailangan nyo daw maghanda ni Rhett at i-master ang inyong mga kapangyarihan sa lalong madaling panahon. Jett, ayoko sanang pagdudahan ang mga hula ni Miss Zarina noong nakaraang taon, pero kinakabahan na ako para sayo. Lalo na't sinasabi pa ni Aling Beth na darating daw yung nilalang na maghahanap sa inyo ni Rhett. Kaya natatakot na ako para sayo."
Dahil sa nakita ni Jett na sobrang nag-aalala si Reysha para sa kanya, lumapit sya dito at niyakap ng mahigpit upang mapawi ang pag-aalala ni Reysha sa kanya.
Jett: "Reysha, makinig ka. Kung gusto nila Aling Beth at Miss Zarina na maging handa kami ni Rhett sa pagdating ng nilalang na ito, ibig sabihin lang nun, umaasa sila na matatalo namin ang nilalang na ito. Gusto nila na lalo pa kaming lumakas at kapag lumakas pa kami ni Rhett, hindi na sila mag-aalala pa sa amin dahil kaya na naming talunin yung sinasabi niyang nilalang. Kaya naman, hindi mo na kailangan pang mag-alala sa akin dahil sisiguraduhin kong hindi ako mapapahamak."
Reysha: "S-Sigurado ka? Nangangako ka bang hindi ka mapapahamak?"
Jett: "Oo, Reysha. Nangangako ako. Tsaka matagal pa naman ang 3 to 4 years na iyan. Kaya samantalahin na nating magpakasaya habang hindi pa dumarating yung magaganap na hula na yan."
Reysha: "Oo, tama ka. Matagal pa yun mangyayari, kaya sulitin natin ang oras na magkasama tayo pati na rin ang mga kaibigan natin."
Jett: "Oo. Kaya nam—!"
Inunahan ni Reysha si Jett sa paghalik nito sa kanyang labi tsaka nya inilayo ang kanyang ulo.
Reysha: "Yan!! Basta kasi magsalita ka ng "Kaya naman..." alam kong hahalikan mo ako."
Jett: "Oo na. Kabisado mo talaga ako. Pero Reysha, wag ka ng mag-alala pa sa akin. Magiging OK lang ako. At nangangako ako sayo, na walang masamang mangyayari sa akin."
Reysha: "Pangako mo yan ha?"
Jett: "Oo. Pangako."
At hinalikan ni Jett si Reysha bilang pagtupad nito sa kanyang pangako.
Matapos maghalikan, nagpatuloy sa paglalakad ang dalawa upang ihatid ni Jett si Reysha sa kanyang bahay at nang maihatid nya ito, nagpaalam ang dalawa sa isa't isa tsaka tumuloy si Jett sa pag-uwi.
Habang naglalakad, iniisip ni Jett ang kanyang gagawing paghahanda para sa sinasabing mga magaganap, paglakalipas ng tatlo o apat na taon.