Jeon Jungkook Pov
Thinrim tak a a kalchhuak lai chu ka melh ngawt ngawt,tun a kan inhmuh leh hnu hian a hma a a mize tam zawk kha a paih hlawk a ni ber,a hma a ka hriat thian Kim Mingyu kha a ni tawh lo niber te hian a chang chuan ka hre thin,mahse a mize duhawm tak hian a hma ai mah in a lam ah min hip a ka duhna a zual sawt bawk,a hma zawng aiin ka thlahlel a,engtik lai pawn a kianga awm ka chak in a hmuh reng theih ka duh,kan inhmuh loh kum 2 kalta chhung khan a chung ah hian enge thleng a hetiang em em a a danglam tak tih ka hre theilo,a hma a Mingyu kha chu ka hma ah a lai ngailo a,mi han zahpah vak lah a nei ngai lo,mahse tun a Mingyu hi chu a hma mi nen kha chuan mihrang hlak a ni thung,mahse he a mize thar hi ka duh in min hip zawk bawk
vawiin khan an class room zawn a ka kal lai in room chhunglam atang tawng thawm ka hria a,pakhat zawk aw chu tunge ka hrethei mai lo,mahse pakhat zawk aw erawh ma hrechiang hle thung,zawimuang in kawngkhar ah chuan ka dak a Mingyu(taehyung) chu Bogum an tih emaw ni pa nen chauh khan class room ah an lo awm a nihchu. Enge an pahnih chauh in hetah an tih khawnge Jimin..
an thusawi ah chuan han huat em em tur a awm lo na in Bogum an ka Mingyu a melh dan kha ka hai miah lo,duh hmel tak a en ngawih ngawih lai te,a thusawi lai a a hmui duhawm zet chevel it hmel tak a a en ngawih ngawih te chu ka hmuh hmaih aw zawng lo ,class room nilo se,ka student kher nilo se chuan khatih lai khan lut in ka kuttum a dawng nghal ngei ang,mahse Mingyu chuan thian ang bak in a kawm lo ni a ka hriat avang in ngaihtha tak in office lam ah buaipui tur a neih avang in ka kalsan ta kha a nia,
Ka tih tur ka tih zawh a an class lam ka pan leh khan Jimin pawh a lo thleng tawh,tinge an kalrual loh tih ka ngaihtuah hmasa ber nghe nghe,ka tum ni miah lo in an thusawi ka hre leh ta bawk ,ni e ka ringdik chiah Bogum khan Mingyu a duh Jimin ka leh amah Bogum ka atang ngei ka hre bawk,class ah chuan ka lut a ka kut ka hum ruh viau bawk ,class atang Mingyu ka hruaichhuak ta kha a nia
…
Mingyu(taehyung) te class ah ka lut a ,students dang chuan min wish a mahse Mingyu erawh in min wish ve hauh lo a hmel ah a lungawi lo tih hriat tak in a tum bur a,class ka awm chhung in vawikhat pawh min melh lo,luhlul ve ngil ngel reuh lutuk …a attention ka dawnglo chu ka lawm hauh lo, Bogum kawm tawh lo tur a ka ti ringawt pawh chu engvang a haw em em nge a nih,an inkar ah engchiah nge awm heti em em a a thinrim pui theih mai chu
"Khawnge tlanbo leh i tum a" ka tih chuan ka hma a kal mek chu ding chawt in ka lam hawi chuan a rawn inher a,a meng rum leh nghal al reuh bawk ,ve il al reuh a na hetia a menrum ve em em hian a duhawmna a zual tih a hrelo a maw ni
"Kalbo ka tum nilo in ,ka haw dawn a nih hi,i hria maw kan in ah ka haw dawn" a rawn ti let zek a nihchu ,ka nui chhuak teuh kher mai
"Ka lo thlah ang che" ka tih sup rual chuan min melh ve khai khai reuh a ,a duh ring chiah lo mah ila vawiin ngei hian Bogum nen an inzawm na chiang tak a hriat ka duh,'kan inkar ah engmah awmlo' ti mahse hetiang em em a a thinrim reipui thei mai hi mak ka ti ve deuh,mah erawh chu a lak ah ka thinrim tawh lemlo
"A ngailo ka lawm" ti hmak in a inher leh vut a,kal nghal daih a tum chu a bag ah lai ah chuan va man in ka lam ah ka pawt hnai nghal dawt dawt in ka kalpui nghal a "hey! hey… hey!!! Enge i hriat a i mawl deuh mawnle" ti chul in ka vawnna atang talchhuah tum chuan a bei ve tang tang a
"Mawl deuh e,ka thlah ang che ka tih kha kal tha mai mai rawh" ka tih chuan a thinrim lutuk chu a thawchhuak halh a,a kut chu kuangkuah in a tha neih zawng zawng nen tangkawp chuan a ding lui ve ngal reuh a,ka pawh ngial pawn zuk chesawn duh tawh hlek lo a mawle ,mipa ve tho ni in hmeichhia te aia tha chak zawk a lo nei ve tho bawk nen chuti mai in ka pawtkal zo bik thak lo tharum ka hman mai a ngai maithei a ni
"I duh tak tak a mi"ka tih chuan a ke a per dat a,duhawm reuh lutuk keimah chuan ka nui suk
he mizia ngeng ve tak leh luhlul ve reuh lutuk hi ka duh a ni,a hma zawng aiin a mizia hi ka duh zawk
Kim Taehyung Pov
Tum bur chung chuan ka ding reng,kan awmna lai hi kawngpui bul lawk a nih vang in mi vei vak an awm ve neuh neuh reng a,min hmu duh phian lehnghal helhawl hlawm hian a
Ka hnung a mi lah chuan ka bag ah lai ah a vuan tung lehnghal, "tharum ka hmang dawn a nia,i kal that duh loh chuan" a rawn ti leh a,chhang duhlo in ka la ngawi reng,ka chesawn duh thak lo bawk
"Imm..tha lawm" ti nghut in ka bag ah chuan a rawn phih nghek a nihchu ,ka dar pahnih hi a na zawk thei hial mawla hi ka va han ngei mai mai tak
"Mawla!!" Ka ti nghal tuarh ka dar lah chu a na in ka bag hrui in a reh na lai chu a thip hlur lehnghal ,min pawhsawn leh a tum chu ka ding lui leh ngat ,a duh ang ang chuan min va han sawngbawl dawn lo chiang tak, a duh ang tak a min pawhsawn theihloh vang chuan a run nghut a
"He ti zawng zawk hian aw" ti sup in,a dawt a a chet leh dan chu ka rinloh lutuk a nih avang in ka meng zau nghal kawk kawk
Jeon Jungkook chuan a dar ah zo lutuk in min pu nawlh a nihchu
"Hey…Hmela!! Min dahthla rawh !!" Ti hlar in ka tal nghal nghek ,a hnungzang ah te chuan ka chum pawp pawp a,ka chum na lah chu na tih hmel pawh a lang thak lo in a pen ang pawk pawk lenghal ,hmela hi ka va han haw tak
"che lo khan awm mai mai teh,kawnglai ah hian ka thlakthla dawp mai ang che" a tih chuan ner nasa tak ka ni
"I duh leh min thlak la,min pu rawh pawh ka tilo che ,min thlak rawh!!"
"chiah maw" tih leh ka taksa chu metal char lam ah a ti awn zui nghal a nihchu,mawla hi
"I mawl deuh mi a" ka ti nghal hlar ka thinrim takzet tawh
"Min thlak rawh i ti khan ka hre sia"tiin a mah lah chu a la nui ang huk lehnghal,thei ngat ila chuan a ring ka thuaibung daih duh ang mahse tun ah chuan ka theilo,ka au ring bawk nen min pu bawk si ka pum a hah vek tawh
"Chelo khan awm rawh,car awmna kan thleng dawn" tiin ka mawng ah a rawn beng thlawp a nih chu ka lo phu zawk thei,a nui zui huk a min nuih ve khanglang a maw ni
a car dahna kan thlen chuan seat ah min nghat in seatbelt min hrentir nghal thlap bawk,engtin mah ka tang buai peih tawh lo ka hneh leh dawn chuanglo ,a ni pawh driver seat ah rawn thulut ve nghal in car tinung mai lo chuan a ngawi vung vung leh ang lawi a
"Tinge i tlanchhuah loh,tlanchhuak che min thlah dawn i ti nilawm ni" ka dawhtheilo chuan ka ti leh thawt thawt tawh
"Bogum kha i tan engmah a nilo tak tak tiraw" a rawn tih chuan alam hawi in a mah chu ka en nghal haw,a ni erawh chuan a kut khingkhat a steering vuan chungin hmalam a lo melh ngur thung
"Ka sawi tawh kha ,sawinawn ka peih lo" ka lo ti nghat ,a thaw hawk a chutah ka lam lo hawi in,mitmeng hriattiam har zet hian min en bawk "ka chan leh ang che tih ka hlauh vang a nia,vawiin khan Bogum an a bem thu che ka lo hre lehzel bawk nen,bak ah tunlai i mize danglam ta lutuk nen hian ka hlauthawng a ,min kalsan leh ka hlau a ni" thu tak zet a a tih chuan Jungkook chu ka en ngawih ngawih a mitmeng a kalsan hlauhna te,hmangaihna te lo langchhuak chu tu tan mah hmuh hmaih theih a ni hauh lo ang, mahse chutiang zawng zawng kar ah chuan a tawngkam khat 'danglam' tih thumal khan ka kawchhung hi a nghawr dawt thung ,ni e keihi Mingyu ka nilo a,ka ni thei ngai dawnlo bawk,keihian he Mingyu hmun ruak hi ka luah zo tak tak ngailo ang tih ka rilru ah a lo lang nghal zut zut bawk ,mahse a thu rawn sawi leh chuan a vawihnih nan ka kawchhung a nghawr leh dawt mai
"I mize danglam ta hi mak ka ti ,mahse a hma a i mizia aiin ka duh zawk ,i duhawm in,i thlakhlelh awm zawk a,i chetzia engkim hi ka tan chuan hmuhnawm tling tham vek a ni bawk,i tawngkam hman duh dan te leh min hnial pang pang te hi midang tan chuan ngaihthlak nuam tak a nilo pawh a ni maithei,mahse ka tan chuan i lam a min hnaih tir tu leh nangmah min thlakhlelh zual tir tu zawk a ni a,a hma zawng aiin i lak ah ka luangliam zawk chu a nihhi" a thaw hak a ka mit ah tak rawn en in "min kalsan lo la,tun a i mizia hi paihbo ngai suh ,engpawh lo thleng se min kalsan lo ang tih min tiam rawh" a tih chuan chhan mai dan tur hrelo in ka rilru a insual buai takzet, 'ka kalsan lo ang che' ti ta ila nakin lawk ah thudik hi hrechhuak ta se a mah zawk hian min hlat dawn tih ka chiang si,thudik hi a la langchhuak ngei dawn
Mahse chumi kar a beiseina min siamtu chu tun lawk a a thusawi zawh chiah ho tak kha a ni ,ni e ka mizia hi a duh chuvang chuan a lak ah Kim Taehyung ang in chance ka la nei ve maithei ,maithei chauh
Chhanna beisei tak a min en reng tu chu chil lem khawlh in ka en kar a, a tawp a tawp ah engpawh huam in "ka kalsan ngailo ang che " ka tichhuak ta nge nge ,ka thusawi zawh chiah tak avang a a hlim hmel chu engtik ah mah ka theihnghilh theih ka ring tawh lo,kan hlim hun chhung rei dawn lo mahse reilote chhung pawh a kiang a awm a ,a hlimna nih ka duh Kim Taehyung ang in emaw Kim Mingyu ang pawh in nise ,nakin ah ka thuruk a lo hrechhuak ta a nih pawh in min kalsan thei tawh lo tur in tun hun ah hian ka siam ang,ka mizia avang hian Kim Taehyung ang in chance tlem chu ka nei ve alawm ,ka chelh tlat a nga min hua a nih pawn ka bei a nga,ka neih let hma chu ka bei nawn zel mai ang..Kim Taehyung a lawm ka nih ka thei tur a ni
……………
in ka thlen meuh chuan collage lam a ka mood chhe lutuk pawh a reh leh vek tawh,nasa tak in Jungkook vangin ka thinrim a mahse reilote chhung lek in a mah bawk in ka thinrimna zawng zawng min thawidam sak leh vek bawk,chuan kan in thleng min thlah ta bawk a,a in khalhchhuah leh hma in lungrun leh duhthawh lutuk in min fawp leh phawt a nihkha ,a sazupui ha hmang in ka hmui a seh zeuh lehnghal a thip vawt vawt mai
Ka hmui khawih niap niap chungin inchhung ah ka lut a
"Kan naute chu a va hlim awm vur vur ve,vawiin ah thil tha a tawng a ni maw" rawn ti tu avang chuan ka phu zawk ,ka dakchhuak a inchhung chhoh na step chhukthla atang ka u lo chhukthla mek nen kan in tawk chiah,ka zak leh hnuhhnawh viau bawk
"Eng thiltha nge collage ah i chhar a ,ka hriat ve chi te a ni em" a tih chuan ka biang a sa nghal hat hat mai,ka u hma ah pawh ka lai ringawt chu a nia atthlak leh lutuk
"Naa hyung chulam a nilo" ka ti nui nui a hyung chu a nui hawk hawk
"Mahse tinge i biang kha a sen vek a,tu in nge ka nau duatlai hi biang sen vek khawp a lo siam thei ka hre chak khawp mai" nuih insum deuh tak a a tih chuan ,ka men hmawn mai
Hyung chuan a mitko a rawn san uk a,chutah pangchang tak a hyung kuah chung chuan "naa U nakinnn..ah ka la hrilh ang che tun ah lo ,ka inpeih hma chu min zawt suh" ka ti nui nui,namjoon hyung chu a nui hawk hawk a min kuah chung chuan min thing nghek ,kei ka lo te chul thung
"Min hrilh vat ang che,a vawikhatna a nia engmah zep neih loh tur" a tih chuan ka lu ka bu nghat nghat a,nakin a ah hyung hi chu engkim ka la hrilh ang mahse tun ah lo tun ah chuan Jungkook nen kan inkar hi la zep rih ka duh hmalam hun ah enge kan tawh dawn lah hriat a la ni bawk lo nen,mahse ka u hi chu ka la hrilh vat tho ang
Chutih lai chuan hyung phone chu a lo ri a,a ipte atang phawrh in scren a hming lo lang chu ka zuk hmu hman hram 'Jin baby💜' mitmeng chimawm zet in ka melh nghal ralh a ,hyung chuan a kut zungchal a a hmui tawh tir in "shhh,kalsawn rawh" a rawn ti sup a,ka van kalsawn awm lo tak ,phone a pic rual chuan
"Jin hyunggg!!! Ka u hian vawiin ah hmeichhia a phur a nia a car ah " ring mangkheng in ka ti nghal nghek a,Namjoon hyung chuan min melh nghal pawk mai,lei chhuah khum zeuh in inchhung lam pan in step ah ka tlanchho nghal zawt zawt
"Kan taetae chu a mizia a la pangai reng a nimaw" ti a Jin hyung phone atang a rawn nui hawk hawk chu loudspeker ah dah lo mahse ka hre thei tho
Conti
Vote leh comments tam tawk ka phut aw😘😘