اشيليا؛ صعدت للغرفة عاد أجا ابو ذياب رزلني رزالة من هاي التمام
ابو ذياب؛ هسة لو ماكايلج جان ماحجينه بس كتلج نبهتج لتنزلين هيج لج انت شنو التردينه ها تردين العالم تباع عليج شلون مصلخة اني اعلمج اصبريلي
وعافها وطلع
اشيليا؛ اوي هاذ شبي مثل الخبل عاد رحت يم غزل وضلينه نسولف اني وياها وريهام
🍃✨🍃✨🍃✨🍃✨🍃✨🍃✨🍃✨
اكاسيا؛ جنت بغرفتي افتر على روحي متندمه فعلاً زودتها ويا جورج احسلي اصالحه رحت على غزل لكيت اشيليا وريهام يمهة كلتلها انطيني دشداشه وأخذت وحده منها ورحت لبستها وحليت شعري وأخذت خصلتين ليوره وحطيت مكياج خفيف وعطر ورحت الدشادشه
رحت نزلت لكيت ليو وابو ذياب داي يحجون
ابو ذياب؛ جنت داي احجي ويا ليو ونزلت اشيليا لابسه دشداشه تعجبت كلت شعجب سمعت كلامي طبعن اكيد خافت مني
ليو؛ هلا ولله هاي شطالعة
اكاسيا؛ حلوة
ليو؛ تكتلين
اكاسيا؛ طبعن غير اني ما احجي
ليو؛ هم شايفه روحج
اكاسيا؛ غير ما احجي وراحت
ليو؛ اكاسيا
اكاسيا؛ ها
ليو؛ وياج مي
اكاسيا؛ تمام
ابو ذياب؛ ضليت صافن عليها بس من صاحلها ليو اكاسيا نصدمت واني اكول هاي شعجب سمعت كلامي طلعت هاي اكاسيا مو اشيليا كبر فوك كبر
اكاسيا؛ وديت مي ليو وسألته
اكاسيا؛ وين جورج
ابو ذياب؛ بالحديقة
اكاسيا؛ يصير اروح لحديقة عادي
ابو ذياب؛ عادي روحي ماكو زلم وكلت يكلبي طيح الله حضك ابو ذياب إذا جورج ضبط اكاسيا وخلاها تلبس دشداشه وانت بعدك وانت بعدك حتى القصير ماكدرت تبدلة هاي الي بطول الفارة عصت عليك
اكاسيا؛ رحت للحديقة لكيته كاعد على مرجوجه ملكيه وصافن على السمه ويدخن جكاير رحت كدامه وفتريت كتله ترااا
جورج؛ جنت صافن افكر روحي طافره بحيث ادور حجه حته اتعارك رفعت راسي السمه وغمضت عيوني فجأه سمعت صوت اكاسيا فتحت عيوني وباوعت ضليت فاك حلكي معبالي تسمع كلام يومية تصدمني بشي كلتلها
جورج؛ شعجب شو دشداشه
اكاسيا؛ اني مسالمه ما احب العراك فكلت خلي انفذ إلى يكوله بددون مشاكل
جورج؛ هية تحجي واني فاك حلكي وعطرها يكفخ كفخ يخبل بحيث ارتاحت اعصابي كلتلها تعالى كعدي اجت كعدت بصفي وكالت
اكاسيا؛ هسة تصالحنه
جورج؛ طبعن تصالحنه
اكاسيا؛ yes
جورج؛ شنو مراهنه علي
اكاسيا؛ لا والله
جورج؛ هههههه
عاد ضلينه كاعدين نسولف شوية وسألت
اكاسيا؛ جورج عادي اسأل سؤال
جورج؛ اسألي
اكاسيا؛ ليش هاي الكلاده ابد ماتذبها
جورج؛ وراها سالفة جبييره
اكاسيا؛ عادي اعرفهة
جورج؛ تمام باعي راح انطيج مختصر
اكاسيا؛ تمام
جورج؛ جنت اداوم بغداد وجان عندي وحده احبهة وشتريت هاي لكلاده وياها نصها الثاني هاي الكلادة
خليت نص يمي ونص الثاني انطيهيا رحت الشقة مالتي اني وصاحبي بيها اشتريتها وخليته يكعد وياي رحت طبيت فرحان رحت بغرفتي فتحت الباب ويا ريتني مافاتحه وشايف هالشوفة لكيته هوة وياها بمنضر يعني كلش كلش سيخيف تخبلت هاذ الموقف جنت ما اتمنى لعدوي كاموا يلملمون بنفسهم ويحاولون يشرحولي واحد يذبهة برأس الثاني كمشت وتعارك وياهم ونقلت دوامي هنا والشقة الي هناك بعتهة واخذت فلوسها وطشرتهن عليهم وجيت وضميت النص الثاني للي تساهلة
اكاسيا وعيونه مغوركات؛ اسفة
جورج؛ على شنو
اكاسيا؛ ذكرتك بيهة
جورج؛ هههههههه شبيج تأثرتي عمي خلي يولون مايستاهلون
اكاسيا؛ تف عليهم
عاد كعدنه كوم تعللنه ورحنه كلمن لغرفته ونمنه
🍃 ❤️ 🍃 ❤️ 🍃 ❤️ 🍃 ❤️ 🍃 ❤️ 🍃 ❤️
غزل؛ جنه كاعدين اني واشيليا وريهام سولفتله على حجي هبة وعذراء
زهراء ؛ ياعارة قصدهن اكو شخص رابع غير اخوانج
غزل؛ منو
ريهام؛ ليو ياخبلة مو اليوم عكلو يعني صار شيخ ويا اخوانج هسة تلكيهن كلهن عيونه علية حتى يكاسرنج ياعار
غزل؛ عزااا وشلون
اشيليا؛ عندي حل
غزل؛ شنو
اشيليا؛ خآف مايعجبج
غزل؛ يااا احجي
اشيليا؛ طبقي ليو واخذي الج
غزل؛ انتي خبلة اول مره اشوف وحدة تطبق اخوهة
ريهام؛ اي صحيح غزل شبيج لتضلين عار
غزل؛ وشلون
اشيليا؛ هية مال شلون تره شفتج شلون تباعين علية
ريهام؛ هاها وكعت غزل!؟
غزل؛ ماتنجبن بس اعجاب
اشيليا؛ ومن العجاب حب ههاي
غزل؛ ما اعرف عود اشوف
اشيليا؛ عفية
عاد ضلينه نسولف وصاحتلنه اكاسيا
اكاسيا؛ بنات تعالن
اشيليا؛ شكو
اكاسيا؛ ما ادري جدي جمع الكل بالديوان
عاد رحنه للديوان
الجد (كدام الكل العائلة كلها)؛ يول ابو الجبل شبيك شنو الدوة التشربة وليش
ليو؛..... ساكت
ابو ليو؛ يبوي ليو عندة مرض
الكل؛ ششششنننووو!؟ 😲😲
الجد؛ شنو السبب شنو هل مرض
أحمد(ابو ليو)؛ باع يبو ليو عنده مرض اسمه صداع الرعد هاذ المرض قوي كلش وعنيد بحيث ليو كلما يصير عصبي ويضوج أو يتعب يصير عندة صداع بسيط من ينقهر هم بس اذا هاج علية هاذ المرض بعد ليو يروح بيهة يكوم يعيط عياط
الجد؛ زين ماله علاج
الأب؛ ولله حاليا هاي كوم علاجات اخير شي أيسنه كام يشرب مهدئات
الجد؛ حصل خير ماجان تكول هسة لو واكع ماجان حرنه
الأب؛ نسينه ولله
الكل ضل مصدوم
واينوره جانت واكفة وعيونه مغوركات حيل
الجد؛ يولي شبيج انتي الثانيه
اينوره؛ كامت تبجي بصوت مسموع ماكوا شي
أحمد؛ ج أينوره كمره كايلج لاتبجين وحضنها هاي هية كلشي بأيد الله
جبل؛ 😑😑شنو هل جفاف العاطفي
الجد؛ شكو
أحمد؛ مو احنه متنه لما حصلنه ليو من جانت حامل جانت حامل بتؤم كالوا الطفل يموت مايعيش لو هوة يموت لو الأم تموت ولحيت عليها تذبة ماقبلت وين من جابته للدنية كالو ولدتهم ميتين عاد رحنه شفناهم ميتين شالت الاول وكامت تبجي إيست منه رجعت شالت ليو وكامت تبجي تتأمله يكعد وين ظلت حاضنته وتبجي اشو هاذ كام يبجي كلنه نصدمنه احنه والدكاتره كلهم رأسا اخذو من عدنه ودو للخدج عاد كل الدكاترة كامت تبجي يكولون صارت معجزة و عاد هاذاك تفنا واخذنه ليو ورحنه للبيت صار عمره 14 شو هاذ ليو انشوفة يوكع أكثر من مره جنه نكول يعثر بس كم مره شفنا ماكو شي يعثر بي هوة واكف يوكع عاد شكينه بي شي أخذنا للدكتور كال عندة خلل بالتوازن انطانه علاج ادري فترة وكام يرد من راسة يعيط عياط ودينا وطلع عندة هاذ المرض ومن ذيج اينوره بحيث ليو اني ما اقبل تدلله لأن ولد مو مال دلال اكللها خلي يصير زلمه بس جانت ماتردلي متعلقة بي كلش واني مرات كلبي ماينطيني نفس الحالة هم ادلله بس مو مثل اينوره
ليو؛ جنت كاعد ويا ابو ذياب كال كوم نروح للديوان عاد كمت رأساً دخت ورجعت كعدت كمت مسطور طبينه للديوان كلهم كاعدين بس ابو وعمي كريم جوه جنت واكف فجأة راسي كام يوجعني ردت اوكع لزمت الميز وكعت كلاص نكسر كلها باوعت علية لازم راسة واكف
الجد؛ يول يالاسد شبيك
ليو؛ ااااا
الجد؛ يول كوم علية
كام ابو ذياب وجبل
ليو؛ نسطرت كمت كلشي ما اشوف كلت لابو ذياب يجيبلي المسكنات عاد راح جبل طيارة جابهم وجا شربتهن وجدي صاح بعلو صوته على ابوي أجا ابوي والكل وصار الحجي الفوك اباوعلك على غزل الصدمه تارسة وجهة وكل شوية عيوني يغوشن عاد كلت الجدي
ليو؛ راح اروح انام باجر ما اروح وياكم
الجد؛ لازم تروح لأن بعدك معكل جديد حاول كوي نفسك
ليو؛ صار جدي صار تصبحون على خير ورحت جوه صعدت على الدرج بس اريد اوصل الجربايه طبيت للغرفة حتى الباب ماسديته رأسن شمرت روحي على الجربايه وكبل غفيت بس حطيت راسي على المخدة
غزل؛........
انتها البااارت صوتوا بليز