صباح السعادة والاماني المحققه 🍂
نجمة : ورى مكالمتي الملاك وكلام محمد
حسيت نفسي اني شكد وحده غبيه
وبسرعه ينضحك عليه
مااجنت متوقعه اختي ممكن تكذب عليه او تحب تلف وادور ويايه
او اطلع سيناريوها من عندها
وخصوصاً الي افتهمته من محمد زوج ملاك شخصيه معروفه والكل تحترمه
وكلامه يمشي على الجبير قبل الصغير
يعني مو مال يندفع من اولاده او بناته
مثل مكالت ملاك
وراح محمد سأل على سالفه البستان مال زوج ملاك
طلع البستان بعيد عن الفلوجه مايقارب ساعتين
والبستان مالته عايشين بي ناس وفلاحين
وحراس يعني من المستحيل ياخذ ملاك هناك ويشغلها كدام كل العالم الموجودة بالبستان
وهما يعرفون هاي زوجته
وحتى على روحاته البغداد محمد سأل المقربين من عنده
طلع يروح البغداد مرة بالشهر لان عنده عقارات واملاك بغداد يروح يجيب الوارد مال الاملاك ويرجع للفلوجة حتى ماا يبات خارج بيته من الاساس
طلع كلام ملاك كله كذب
ومن راح محمد سأل مو علمود يطمن عليها او علمود يطلعها كذابه كدامي
لا راح يسأل لان اني ورى مكالمه ملاك تمرضت ومااحبيت اقنع عقلي وكلبي بااختي كاعدة تخدعني
والي ثبتلي كلام محمد هو عدم الرد على اتصالاتي من قبل ملاك
كل ماا ادك عليها مجاوب
واخر شي كالت بارق اخذ مني التلفون ميقبل اخابر بي
وميريد اتواصل ويا شخص
وبالختلات كدرت احجي وياج
وسدت الخط بسرعه حتى مااخلتني احجي وياها او اسألها عن وضعها
وعلى كلام محمد
محمد : لو كلامها صدك وماخذ التلفون منها
جان اجتها فرصه ثمينه تكلج تعالي طلكيني من عنده
او خلي محمد يجي ينقذني
لو حتى حسين يجي يااخذني من بيت بارق
اذا هي مااتحب ادخلني بموضوعها ودخلج الج هم
نجمة :وكلام محمد كل صحيح ومااا عليه غبار
لان الي فتهمته من نورس
حسين من عرف ملاك ازوجت بدون علمه
مكسر البيت كله ومتعارك ويا بشرى وماخذ اغراضه وراجع الاربيل
ومتبري من بشرى
ونورس كذالك تكول اني شكد ادك عليها مجاوبني ومتفتح عليه الخط
لحد هاي اللحضه اني متفاجئه بملاك
وبتصرفاتها ومااعندي اييي مبرر الافعالها
رغم اذا حجت الحقيقه مستحيل انطي بيها او اشمت واضحك عليها
اكثر من نورس كل شي تحجيلي وسولفلي على سوالف مرتضى وشاركني همها واشاركها همي
ومافد يووم ضحكت عليها لو شمتت بيها
معقوله اختي ماا توثق بيه
معقوله تحجي هيج علمود تطرد عين عبالها احسدها على زواجها
محمد :باعي بابا كل انسان بداخله شي محد يعلم بي غير رب العالمين
مثلاً هسه اني اكلج اني احبج واموت عليج واطيرج السابع سما بكلامي
بس بداخلي عكس كلامي
اكو اشخاص ميحبون يشوفون غيرهم احسن منهم حتى لو الاحسن منهم اخوانهم من نفس الدم واللحم
واكو اشخاص ماايحبون يحجون الي بداخلهم لا بالمستقبل ينجرحون
واكو اشخاص ميحبون يحجون بالثراء الفاحش الي عايشين بي خاف يروح هذا الثراء والعز
وماايحبون احد يشاركهم بي
ملاك تركيبتها غريبه
واني عاذرها على كل تصرف تصرفه
عاشت وتربت على اب وام ميحبوها
اب مرادها وشمرها
وام مارفلها جفت وسألت على بنتها لو نزلت دمعه على فراكها
من هي وصغيرة عايشه بس ضايعه ماتعرف الصح من الغلط
فقدت كل شي تحتاجة البنيه
فقدت الحب والاحترام والثقه والامان والسند
كلشي فقدته
من ازوجت بارق صح غصب عنها واجباري
بس مستحيل ماا تحبه
نجمة : وليش مستحيل
محمد : لان ملاك تحتاج الاب بحياتها نااقصها الاب
وبارق صار ابوها
عوضها عن الي فاقدته والي تحتاجة
علمود هيج تنفر من البوح بالحقيقه
تخاف لا يروح هذا العوض
نجمة : بس طلعت زوجها احقر خلف رب العالمين
محمد : ومو بعيد اطلعه بعد اكثر من الحقارة
لان مااتريدج تكليلها فد يوم زوجج احسن من زوجي
او تكليلها نهيالج على زوجج
او تحسديها وتخلين عينج عليه
نجمة : مستحيل احسد اختي
محمد : اني وانتي نعرف مستحيل تحسديها ومستحيل تأذيها ومستحيل تمسيها بورده هم
بس كلتلج ملاك عدها اسبابها
ولا تلوميها ولا تعتبين عليها
هي مثل العصفور الي يستند بكشايه
والكلام الي سمعته عن زوجها وزواجها بشكل عام
ماا عليه غبار
بالعكس بارق معوضها ويحبها
وشايفها ومشايف غيرها
نجمة : ايي ازوجها على جمالها
محمد : هسه اوك ازوجها على جمالها بس عوضها
وعرف يستغل هذا الجمال
انتي تعرفين شلون يطلعها او متعرفين
نجمة : شلون
محمد : يغطيها من فوك ليجوة يخاف لا احد يشوفها
وهذا كلام من نااس موثوقه مو مجرد كلام
وبعدين كل رجال يحب مرته تكون حلوه
واصلاً اغلب الزلم هسه يدورون حلوات
نجمة : ييي وشنو تموتون على الحلوات
محمد : طبعاً لعد نصبح الصبح بوجهه سايبه مدعومه
لو نصبح بوجهه جكلاس اخر موديل تلمع
نجمة : عاد انت والله اني او مو حلوة جان مازوجتني
محمد :طبعاً
نجمة : باااع انوب يحجيها كبالي
محمد : ماااحب الف وادور واجذب عليج
واكلج لاا والله حتى لو صخله جان هم ازوجتج
نجمة : عززة يعني اني صخله
محمد: انتي تعوفين السالفه وتلزكين بذيلها
كاعد اكلج مثلاً مثلاً
وانتي هواي مقومات خلتنب استقتل عليج
نجمة : عجبني اسمع من عنده يعجبني كلامه بيها
وشلون حبني وستقتل عليه
احس كلامه يرضي غروري
يي شنو هاي المقومات
محمد: الشي الي عجبني بيج التزامج
اويلي ياابه ربعي كلها يباوعون على ملاك ونورس
واني الوحيد الي اباوع عليج
شحلاتج وانتي لابسه العبايه
ومدنكه راسج وتمشين بكل هدوء
لا ونوب الحلو بالموضوع من دخلت وشفتج واكفه ويا البنات وتضحكين
كلت هلا اجتي الي راح تشلع كلبج وطيح حظك
طبيت الاهلي مفخخ كتلهم لو هي لو ماا زوج
يابه عدل بدل
وابو ايهم قاافل على ام ايهم
لو هي لو ماريد
يابه كول يا الله انجيبلك احسن منها
كتلهم اخذ ملابس واهج من الفلوجة احسن
ولا تفرقووني عنها
ودك ولطم وبوكسيات وانتفاضات
وجيب عمك وجيب خالك
وابو ايهم قافل لو ام ايهم لو ميريد
تالي كلولي طبك طب اخذها و ولي من يمنا
واني كالولي اخذها لو طحت بالرجلين
وهاي ام ايهم كبالي
تكلي لو اني مو حلوة جان مااخذتني
خاايبه دنجبي احسن
نجمة : هو يحجي واني ميته من الضحك
اسوالفه ولا ينشبع منها
انوب من يغلط عليها
اني اكركر من الضحك
عبالك مو كاعد يغلط عليه لا عبالك كاعد يدغدغني
محمد : هااي بس مال ضحك وفطارة
ومن نجي نبوس ابنها يعيط
كااطعين عليه المي والكهرباء
وضال اني
محمد ملاك قهرتني روح يمحمد وصير كونان وفتش وجيب النتائج
محمد ليش بشرى بقتني يمها روح يمحمد اركب السيارة وروح جيب الحقائق
محمد خطيه حسين اشتهيتله هاي الاكله روح يمحمد وصير مندوب مطاعم ووصل الطلبيات
محمد نورس محتاجة ملابس عدها عرس روح يمحمد طك طريق وموت من الحر و وصل الفستان
ومحمد ومحمد ومحمد
وهذا المسكين محمد كل شي ممستفاد
نجمة : عززة هاي كلها اني
محمد : لااا بعد
نجمة : بعد شنوو
محمد : اجي بعد محمد ومحمد اريد ارتاح
وانام فد كم ساعه
كوووم محمد اني ضاايجة تعال نتعارك
شيصير محمد مااتفهميني
كووليلي شيصير
نجمة : كسرت خاطري
محمد : ايي اني اكسر الخاطر
نجمة :مخليه ايهم بالكاع وداير مدايره مخاديد اخاف يوكع لان بدأ يكعد
محمد باوع على ايهم وحجة
محمد : مووو بابا
موو اني خطيه
مووو اني تكسر الخاطر
وكله من وراك
حقييير
بابا شوو كول بابا
يلااا وليدي كوول بابا
نجمة :اباوع على ايهم بس يضحك انوب ضحكته ام الشهكه
يخلي المقابيل هم يضحك على ضحكته
ومحمد نزل يم ايهم وجلب يكله بابا وبابا
بالاخير شاله من الكاع واخذه ويا
هاي وين مااخذه
محمد : رايح يم جماعتي شويه افرفره ويايه
عااابتله طالع يشبهج
ليش مطلعت عليه حقير
نجمة : شووفه بس يضحك
محمد : ييي طالع فطير عليج
نجمة : طلع محمد واخذ ويا ايهم واني
كل مااذكر كلامه اموت ضحك
فدوة لعيونه الحلوة اروحله فدوة
وسارت ايام حياتي
وايهم صار عمرة 8 اشهر
واني السعادة ماافاركتني
عاايشه بسعادة مستحيل جنت افكر ولو بمجرد تفكير اعيش بيها
لو افكر ولو اللحظه اني راح انسعد هيج
ويا منو
ويا انسان جنت مااطيقه ولا اريد اعيش ويا
وانجبرت جبر على الزواج منه
حياتي جداً هادئه وسعيدة
و وقتي منظم وعايشه وقتي كله الايهم ومحمد
ووقت فراغي اقرأ قصص بالواتباد
تعلقت بالقصص واعيش واقعهم
ابجي على بجيهم وافرح على فرحهم
حياتهم تأثر بيه
لحد ماايوم عجبني اسم قصه وغلافها اسمها بنت المدينه
دخلت اقره البارتات وبارت يجر بارت
حتى بالليل ماا انام من ورى هاي القصه
عجبتني فكرتها وتعايشها وتأقلمها ويا الوضع
واجتي بعقلي اكتب قصتي
بس اشلون اقنع محمد ومنو تكتبلي القصه
ضل هذا الموضوع ابالي
واني كاعده افكر شلون افاتح محمد بموضوع كتابه القصه
دكت الباب ودخلت بنين
بنين : هلا حبيبتي
اجوج ضيوف
نجمة :اليه ضيوف منو
بنين : ام حسين
نجمة : منو ام حسين
بنين : هااي شبيج امج اجتي
نجمة : امي بشرى
بنين : اييي بشرى تريدج
نجمة :_______
________________
هلاو كيكاتي
اليوم عجبني اخبث
بس اريدك تتوقعون شتريد بشرى من نجمة
ولاتنسون النجمة والتعليقات الحلوة
احبكم كومات ❤️