#امُتشان قسري
(( الكاتبة بنين بهاء))
الحلقة _٤
أيوجد وسيله يلجأ إليها الإنسان هارباً من ما يشعر ؟ 🍂
شهكت غيد بـ بجي وغطت وجه
كمت بـ حزن وحضنته بـ قوة وكتـلهه ..
- اشش غيد خليج قوية احنه مجبورين نروح ونعوفها لان مانريد نموت كلنه
جاوبتني وهيه تشهك
- يعني اذا عفناها ورحنه راح يكتلوها موو ؟
بلعت ريكي وجاوبتهه بـ حزن
- امم ما اعرف بس على الأكيد راح يصير هيچ
رجعت حظنتي وضمت وجهه بركبتي وضلت تشهك بـ قوة
اخذت نفس بـتعب من الصبح منايمه وما ماكله والتعب والارق لبيه فضيع بس لازم اتحمل
طبطب على ضهرها ورفعت وجهه
وكتلهه ..
- غيد يلا كافي خلي نروح نشوف نامو لو ولازم نلكه مفتاح لسيارة حتى ناخذ تلفونج نضوي
جاوبتني وهيه تمسح خشمه :- خاف ما نايمين ؟
بارين .. خلي نروح نشوف ماكو اي صوت هسه أكيد نايمن
غيد .. بارين انتي شفتي عدهم اسلحه !!
بارين .. يي ليش ؟
غيد .. انه اعرف استخدم السلاح
بارين .. شلون !!
غيد .. دائما جنه نطلع نصيد اني وخواني ويعلموني شلون ارمي
بارين .. ؤفف الحمدلله تعرفين انه ما اعرف
غيد .. انـه اعلمج هوا كم سلاح موجود ؟
بارين .. ثنين بس
غيد .. كلش زين
بارين .. يلا نطلع
غيد .. يلا
بارين .. رجعت باوعت علي ڤيان النايمه وما صحت
وجهه اصفر ونايمة بلكاع على ضهرها باوعت على غيد لكيتهه هم تباوع عليه وتمسح بـ دموعهه
كضيت ايدها وهزيتله راسي
كضيت الشباك وطفرت وبعدين كضيت ايد غيد وطفرت
غيد .. بارين شلون لازم نرجع اللوحه خاف يطبون ويشوفون الشباك مفتوح ويعرفون بينه شاردين ويطلعون ورانه وبعدين نصير في خبر كان
بارين .. ؤفف هم صدك چا وخري خل اشوف شلون ارجع اللوحه
رجعت للغرفة اللوحة جانت كلش جبيره
سحلته وخليته قريبة من الشباك ورجعت طفرت
وبعدين كضيتهه من ورى ورجعته
غيد .. واخيراً
بارين .. ايي
غيد .. بارين كلبي جاي يدك حيل خاف يكضونه ؟
بارين .. ما اعرف غيد احنه بكل الاحوال بخطر اذا بقينه او طلعنه
غيد .. يربي والله خايفه على ڤيان
بارين .. چا شبيدنه علينه
غيد .. ايي وهسه يلا نروح
بارين بهمس .. يلا بس امشي على كيف لدوسين شي ويطلع صوت
غيد بهمس .. يربي شنو هاي الظلمة هسه شلون نروح خاف يطلعنه شي ؟
بارين .. لا ماكو شي وهسه خلي نمشي على الضوه
غيد .. تمام
بارين .. ضلينه نمشي بهدوء ونحجي همس
وغيد طول الوكت خايفة وكاضه ايدي وانه تفكيري كله بـ ڤيان
وصلنه لنهاية الحايط
باوعت عليهم شفتهم ثنيناتهم نايمن وبطاله الشرب يمهم
باوعت عليه غيد وحجت بهمس ..
- هسه نروح
-اي
- اكلج خاف يكعدون
- باعي انتي ضلي هنا انه راح اروح واحاول ادور على مفتاح
- نجبي ما اخليج ترحين لوحدج
- لج لا على الاقل اذا كعدو وكضوني وحدة بينه تعيش
- بارين كلت لا يعني لا اروح وياج يعني اروح وياج خوش
- وفف تمام بس على كيفج امشي هيج على اطراف رجليج
- تمام
بارين .. ضلينه نمشي على اطراف رجلينه رحنه يمهم وكلبي يريد يطلع من مكانه
وغيد شالت سلاح واحد والثاني بعدته
وجهت السلاح عليهم
خاف يكعدون
ضليت ادور على المفتاح شفت المفتاح بـ جيب السايق
كعدت ومديت ايدي ترچف على المفتاح وكضيته بكل قوتي حتى ما يطلع صوت اخذت المفتاح واشرت لغيد انُ انروح
اشرتلي على السلاح واجت يمي وهمست
- بارين شيلي هذا السلاح
- لج ما اعرف انتِ مو عدج سلاح هسه كافي
- لج ثوله على الاقل من يكعدون وما يلكونه ماعدهم سلاح واذا لكونه احنه عدنه سلاح ونكدر نصوبهم
- تمام خوش
شلت السلاح وعلكته بضهري
وكالت غيد ..
- خرب هاذ السلاح كلش ثكيل
- يي صح
- وف يربي احس راح افقد الوعي من الجوع والتعب
- حتى انه احس راسي راح ينفجر من الألم
- يارب بحق النبي طلعنه منا بسلامات والله تعبنه
-يارب
طبعا طول ما احنه نحجي اني احاول افتح باب السيارة
- اكلج غيد هذا الباب ما جاي ينفتح
- لا ينفتح بس انتِ ما جاي اضغطين عليه لان ترعشين
باوعت على ايديه صدك ارعش ما اعرف من الجوع او من الخوف
باوعت على غيد لكيته فاتحه السيارة
باوعت عليه وكالت
-بارين انـه راح ادخل جوه السيارة انتي ضلي هنا راقبي خاف يكعدون
شوفي بس واحد من عدهم يكعد
سحبت اقسام واطتني السلاح
- بارين شبيج لخاطر الله مو وكت ادوخين هسه
- ما اعرف احس راسي راح ينفجر
- ادري يكلبي ادري واني همينه احس معدتي جاي تتكطع من الجوع بس شنسوي لازم نتحمل حتى نطلع منا
يلا يكلبي هاج السلاح وجهيه عليهم ، مو واحد بس يتنفس واضربي لا بس يكعد و يباوع عليج ضربي بسرعا
ولا تخافين تمام حبي
- تمام
- يلا راح ادخل
دخلت غيد لسيارة وانه منتجيه على السيارة وموجه السلاح عليهم ومنكوا فاتحه عيوني من النعس
محد كعد ولا تحركو اصلاً
طلعت غيد وبيده جنطتنه
فتحت الجنطه واخدت التلفون شغلته وكالت
- وفف يربي شلون هذا التلفون مابي شحن هواي خاف يطفى
- عادي يمعوده احنه شراح نسوي مثلا نلعب بي هوا بس راح اضوين
- اي ادري بس خاف ينطفي
خلينه نروح نجيب تلفوناتهم ..
- نجبي بابا لج هذولا عصابه تعرفين شنو عصابه هسه أكيد مخلين برامج تعقب وبسرعه يعرفون مكانه
- اي هم صح نسيت يلا خلي نرجع المفتاح
- غيد شبيج نثولتي ؟
- شنوو شبيه ؟
- بلا اطيني المفتاح خلي اخذه ..
- ليش ؟
- لج انتي ثولة؟ اذا كعدو وما لكونه اكيد راح يركبون السيارة ويلحكونه بسرعه
فه خلي ناخذ المفتاح ونذبه حتى يحتارون بيش يجون
- يي صح اكلج حتى خلي ناخذ تلفوناتهم حتى ما يخابرون
- اي صح يلا راح اجيبهم
- لا انتِ ضلي هنا انه راح اجيبه
راحت غيد وخلت التلفون بيدي باوعت على الساعة لكيته بـ 9
بسبب الخوف لحنه عايشي خلينه كل الاحتمالات حتى ما يكضونه
لان انه تعبانه كلش ما اعتقد راح امشي بسرعا
اجت غيد وجايبه تلفوناتهم وكالت
- شنسوي بيهم هيه
- كسريهم
- تمام
وهسه اطيني التلفونات خلي اشوف مكان بعيد او بحيره حتى اذبهن بي
- تمام
- يلا امشي
باوعت على المكان ضلمة كلش ما ينشاف اي شيء
كالت غيد .. يمه بارين الجو كلش يخوف
كضيت ايدهه وخليت بي التلفون وكتله شغلي وخلي نروح الخوف ما يفيدنه
شغلت التلفون وكضت ايديه وكالت وضلينه نمشي
الجو بارد ،وبلا اكل، وبدون نوم من الصبح ، اصوات الصراصر والاشجار وهوا يتحرك ويضرببنفسه وخوفنه ودكات كلبنه يلي فاضحه خوفنه
اصوات معدتي .. يلي تعلن انو جوعانه وشفايفي اليابسه يلي تطلب ارويهه، وعيوني يلي غوشن من النعاس كل هاي الاشياء جانت كفيله انو ترعبنه
نزلن دموعي بـ يأس واني اتخيل هسه اني بلبيت وسط عائلتي نايمة بهدوء وامأن
شكد هذا الشي بسيط بس هسه صار أمنيه عندي
فقط جسد يتحرك وروح تحترك
ياترى هسه اهلي نايمين ؟ يدرون هسه انه بردانه وجوعانه
درت وجهي على غيد شفته ادور وجه كل شوي تترقب المكان
وكاضه ايدي وعصارته من الخوف
المكان لنمشي عليه نفس المكان يلي اجينه منه
شارع تراب وما مبلط
سمعنه صوت جلاب قوي
غيد طفرت عليه وطحنه بلكاع
بسرعا اخذت التلفون منها وطفيته
وهيه كضتني وضلت ترعش
- يماااا دخيلك ياعلي شني هاي
جاوبته بنعس .. خيه هاي عركه چلاب
- شني يمااا عزه هسه راح يجون ياكلونه
- ايي يلا كومي
- لج شبيج مخبله وين نكوم ما اسمعين صوت الجلاب تردين يهجمون علينه ؟
- اذا بقينه هنا وما رحنه راح تهجم علينه ..
- وفف يربي والنبي احس نفسي عايشه فلم رعب
- ليش لجاي نعيشه ميسمه رعب ؟
- بارين احس راح نموت
- سمي بسم الله وكومي يلا الله ويانه مايعوفنه
- تمام
اطتني ايدهه وكومتنه
رادت اشغل الضوة واخذته منه
غيد :- ليش ؟
بارين :- الجلاب اشوف الضوة وتهجم علينه
غيد :- چا شلون نشوف
بارين :- احنه نمشي على مستقيم واحد ماكو داعي نضوي
وهم خلي التلفون بي شحن الليل طويل ..
ضلينه نمشي لوقت طويل والچلاب والواويه يعيطن
طول ما احنه نمشي غيد عاصره ايدي ومعدتي احسه جاي تتكطع من الجوع وشفايفي يابسه وعيوني منكوا فاكتهن وكلساع يختل توازني بين حربي ويه نفسي كالت غيد بهمس وخوف
- بارين شوكت نوصل راح اموت من التعب
جاوبته بتعب .. معرف بعد خلي نمشي ونشوف بلكي سيارة او شارع
- بس شلون نثق بيهم ؟
- مو شايلين سلاح ..
- اكيد محد راح يصعدنه اذا شاف عدنه سلاح
- وفف حاولي اضمي بهدومج هوا صغير
- احس ايدي نملت من ثكل لسلاح
- انه مو بس ايدي جسمي كله نمل ومجاي احس بي اصلا
- بارين فدوة خلي نمشي اسرع اخاف يكعدون .
- خاب غيد انتِ والله بطرانه هوا انه بيه حيل امشي سريع هوا انه هيج وكلساع اريد اطيح
- چا شلون اذا نضل على مشيج منا لباجر ما نوصل
- نچبي وخلي نمشي بهدوء لا الچلاب تسمع حركه وتهجم علينه
- يمااا عزه صدك
باوعت لسمه ودعيت ربي انو نلكه سيارة او شي حتى يوصلنه للبصرة
ضلينه نمشي لوقت طويل
تعثرت وطحت على وجهي ونجرح راسي
كومتي غيد وهيه تكول ..اسم الله حبي خوما تعورتي ؟
جوبته بـ تعب .. لا بس شوي احس راسي يأذيني
شغلت فلاش وجهته على وجهي وكالت
- يي هاي كصتج انجرحت شوي
سكتت شوي وبعدين شهكت وفززتني وياها
- لجج عزه بارين هذا شارع
اخذت التلفون منه وضويت صح هذا شارع بس ممبلط وكله تراب
باوعت وكتله .. يي واخيراا
جاوبتي بحيره .. زين منين نروح يمين لو شمال
جاوبته .. ما تذكرين احنه منين اجينه ؟
- يمعوده وين ادري هوا غير اجينه بليل شنو نشوف يعني؟
- باوعتلهه بحيرة وكتله خلي نروح يسار
جاوبتي بخوف ..وليش مو يمين
- معرف هسه خلي نروح يسار ونجبي
جاوبتي بعناد .. لا خلي نروح يمين
عاندت انـه ورحت يسار وهيه اجت تركض وراي
ضلينه نمشي وكلساع غيد تكرصني
وتكول .. لو رايحين يمين مو احسن
شوي وشفنه ضوء سيارة طفرت غيد بفرح وضلت اتحرك بـ ايدها جريتهه وانـه خايفه ومحتاره
كلت لـ غيد بخوف .. لج شلون اخاف هم عصابه
جاوبتي بشجاعة .. شبيج بارين نسيتي عدنه سلاح
- بس انه مااعرف استخدمة ؟
- انه اعرف استخدمه بس يحاولون يسون شي ارميهم
وهسه ضمي السلاح وراح اشر الهم
هزيت راسي برضى اله
ورفعت ايدها وكفت بلنص وانه كاضه التلفون اضوي الها
وصلت السيارة لنص وكفت لـ ثواني ورجعت مشت راحت الها غيد وفتح الجامه الهه
رحت وكفت يمها وسمعت صوت رجالي خشن حيل
كال .. منو انتُ ؟
جاوبته غيد بـ توتر .. اء اء احنه من مخطوفين
جاوبه بعدم تصديق .. وشنو ليثبت هذا الشي ؟
رحت يمهم ورجلي يطكطن سوا .. احنه اليوم عدنه امتحان سادس واذا مصدق شوف ملابسنه
طلع تلفونه وشغل لفلاش وداره عليه
سكت لـ ثواني وبعدين كال .. يلا اصعدو
فتحت باب السيارة وانه ارعش من الخوف وداعي ربي بداخلي
صعدنه واكو ولد ثاني شغل ضوه سيارة وسئلنه
- انتُ من وين ..
جاوبته غيد بتعلثم .. من منطقه الـ ..
سكت لـ ثواني وكال .. هاي المنطقه وين !
جاوبته غيد بـ استغراب .. من البصرة
هيه كالت هيج وكفت السيارة وكال الولد الثاني ليسوق
بصدمة .. بس انتُ خارج البصرة
شهكت بخوف وجاوبته انـه وغيد بنفس اللحظه .. شششنووووو ؟
سكتو وضلت اصوات دقات قلوبنه تعلن عن خوفنه
ورى ربع ساعة حجه الولد
- قاتم وهسه وين راح نوديهن ؟
جاوبه الولد ليسوق .. راح اخذهن لبيت خالي
رد عليه بـ فزع .. تحجي صدك ترا البيت مهجور من سنين ؟
هوا حجه هيج وغيد صرخت برعب .. يمااااا شني بيت مهجور اعترفووو انتوو تردون اتكتلونه اعترفووووو؟؟؟
صرخ بيه الولد يلي اسمه قاتم بصوته الرجولي الحاد .. اشوووووو صوتجج هوا البيت مبي شي بس خالي وعايلته عايفينه ومسافرين من سنين ..
رديت عليه بهدوء .. وليش متاخذنه للبصرة ؟
تنهد وكال .. انتُ تكولون مخطوفين وأكيد لخاطفينكم راح يدرون عليكم لازم اضلون هنا كم يوم حتى اتبعدن الشك عنكم وهم لازم تغيرون ملابسكم حتى ماتنعرفون
سكت وضليت اباوعله بشك لابس شماغ ابيض واسود ومغطي نص وجه مخلي بس عيونه درت وجهي وباوعت للولد الثاني نفس الشي هم مغطي وجه
كلتله بشك .. زين انتُ ليش مغطين وجهكم ؟
رد عليه بنفس اللحظه .. لان منثق بيكم شمدرينه انتو صدك مخطوفين وما متعاونين ويه عصابه
كال الولد الثاني .. انتو تدرون هذا المكان معزول وتسكن ناس قليله بي وهواي اصير حوادث قتل
جاوبته بخوف .. احنه شمدرينه هوا السايق مالنه خطفنه وقتل بنيه لان رادت اصرخ هم
رد عليه قاتم بعدم تصديق .. ومعقول انتُ مصرختو شي
كتله .. هوا احنه امتحنه مو بمدرستنة غير مدرسة وكلش بعيد عن منطقته
وخذانه على شوارع فارغه ما بيه اي سيطرة او شي ومن انتبهنه وصرخت وحدة منه كض وكتله وهددنه اذا نتحرك يقتلنه هم
زفر بغضب ورد علي .. قتله بسلاح ؟
- ايي
- زين هوا ليش ما خطفجن من البداية ؟
- قبلك اول مرحنه ؟
- يي
جاوبته بحيره .. هوا هذا لمدوخني ليش ما خطفنه من اول مصعدنه
رد علينه الولد الثاني بسخرية .. هه يجوز انكسر كلبه شوي ومراد يروح تعبنج على الفاضي وخلاجن تمتحنن
سكتت وهما سكتو هم
باوعت على غيد مخليه راسه على الجامه وكاضه سترته حيل لان ضامه بيه السلاح
ورى تقريبًا ربع ساعة وكفت السيارة وكال الولد يلي اسمه قاتم .. يلا انزلو وصلنه
رفعت راسه غيد وكالت بنبره توتر وخوف .. عليك بستر خواتك وامك لتغدر بينه ورجعنه لـ اهلنه بخير وسلام
تنهد وزفر بـ قله صبر وكال .. لتخافن أنتم بأمان مااطلع رجال اذا ما اوصلجن لـ اهلجن
نزلنه وباوعت على المكان مظلم حيلل
بس ضوه السيارة مبين اشر قاتم النه ومشه ومشينه وراى بخوف
طلع تلفون من جيبه وشغل الفلاش وضوه على باب البيت وكال لصاحبه .. جيب شي من العدة تا نكسر القفل
راح صاحبه لسيارة وفتح صندوقه وطلع عده واجه
خذه اداة وكسر القفل ودفع الباب ودخل
فات وحدة للبيت واحنه بقينه واكفين بره كال لصديقه
- عچل عون هينه الكهرباء طافيه تعال شغله
استغربت حيل من لهجته غريبه اول مره اسمع واحد يحجي هيج
دخل عون للبيت وبقيت انه وغيد بره
همستلي غيد بخوف .. اكلك بارين هذولا يخوفون اكثر من لعصابة لخطفتنه على الاقل هذولا وجوهم ممغطينه ويحجون عادي اله ذول حتى كلامهم غريب
جاوبتهه بـ اطمنأن .. لتخافين مو عدنه اسلحه وبعدين انه ارتاحيت الهم
ردت عليه بـ خوف .. والله انه ما ارتاحيت لاي واحد حتى انتِ اشك بيج
درت وجهي عليه بصدمة وما اعرف شنو اجاوبهه لان حقها هيج تخاف انه هم جاي اشك بكلشي فززني من صفنتي قاتم وهوا يكول .. الكهرباء عطلانه مجبورين نبقه بـ الظلمة
ردت عليه غيد بـ يأس .. يعني متكدر تاخذنه لغير مكان بي ضوه ؟
جاوبنه بـ برود .. لا
كضيت ايد غيد وعصرته وكتله .. ميخالف حتى لو نبقه بظلمه اهم شي بأمان
رد عليه .. الصبح ان شاء لله اصلح الكهرباء وهسه دخلو للبيت تا ترتاحن
دخلنه للبيت وريحته كله تراب ضليت اعطس
تحمم من وراي وكال .. البيت كله وصخ لان صاله سنين متروك
وهسه ذيج الغرفة بيه فراش دبرن نفسج الليله بس
ردت عليه غيد .. يلا ميخالف هسه ما نريد بس انام لان كلش تعبانين
هز راسه وكال .. هذيج الغرفه اخذن منه فراش ونامن
هزيت راسي اله وجريت غيد ورحنه الها
دخلت لـ الغرفه ريحته كله تراب وتكتل وفارغه مابيه اي شي بس بوفيه بيه فراش وميز تواليت
اخذت فراش ونكثته من التراب وخليته
وغيد صافنه
اجيت هزيته وهيه طفرت بخوف وكالت .. يماا دخيلك يا علي عبالي جني لج بارين شلون انام بهاي الغرفه متروسه عناكب وحشرات
جاوبتهه بـ ملل .. هسه يمعودة اهم شي بأمان ونرتاح
وهسه تعاي شيلي وياي ميز التواليت حتى نخلي ورى الباب لان ما اثق
ردت عليه بتعلثم .. ايي والله هذولا غامضين كلش
شلنه الميز انه وياها وخلينه ورى الباب اجيت طلعت المسدس من جوى ملابسي
وذبيت نفسي على الفراش بتعب وغفيت بتعب وكلساع تفززني غيد وتكول جوعانه اخر شي عطت بيه وخرست بخوف
غمضت عيني بتعب واني بين الغافيه وبين
افكر ..
شراح يصير بينه باجر
هذولا الولد امأن او لا ؟
راح يرجونه لـ اهلنه بـ أمان او لا ؟
واذا رجعنه شراح يصير بينه؟
مجتمعنه السخيف شراح يسوي بينه ؟
اهلي راح يتعاملون مثل قبل او لا ؟
واقاربي وحقدهم راح يعوفوني بحالي او لا ؟
كل هاي التسألات ادور براسي جانت كفيله انو تخلي راسي يصير طبل
دخت كلش ونمت والدموع مبلله مخدتي .. يتبع
**********
حسابي بـ الإنستغرام
احبكم چثير