قلوب حائره

الحلقه السادسه عشر

........................
الحلقة السادسة عشر
اقترب منها بنظراته المشتعله الغاضبه تلك النظرات جعلتها ترتبك وتبلع ريقها بخوف ولاء بدءت عيناها تدمع والخوف ينهش قلبها فنظراته كافيله بارعابها
ولاء بالم \سيب ايدي لوسمحت
قال \ انتى فكره نفسك مين انتى هنا حتة خدامة لراحت ولاجت
ولاء بدموع \ انا اسفه
حازم ضحك بسخريه \ ايه الاحترام ده امال فين لسانك الطويل اكلته القطه
ولاء بدموع \ ..............
لمح حازم دموعها فترك يدها \ خلاص حصل خير بس الى حصل ده ميتكررش مفهوم
مسكت ولاء يدها وظلت تبكي فكانت يدها تولمها
حازم لمح اثار يده على يدها لام نفسه فاقترب منها ولكنها ابتعدت عنه بخوف
حازم بضيق \ انا مكنتش اقصد اخوفك بس انتي عصبتيني الصراحه
ولاء وهى تمسح دموعها \ لو سمحت امشي
حازم خرج مسرعا من المطبخ كان يشعر بغضب من نفسه كلما تذكر هيئتها الخائفه
دلفت مورجانه المطبخ وقالت بسخريه / الله الله من امتى حازم بيه يدخل المطبخ
ولاء وهى تمسح دموعها / تقصدي ايه
مورجانه / شكلك بتلعبى على كبير ولو قولت لعبد اللطيف بيه انتى هتطردي من هنا
نور اتت من خلف / ولو هنتطرد من هنا فمتقلقيش لاننا هنخدك معانا
مورجانة التفت وقالة بغضب / ليه ان شاء الله هو انا الى برسم ازاى اوقع حازم بيه متلمى اختك الاول وبعدين كلمينى انا شفتها وقفه معاه وبيضحكو
ولاء بصدمه \ انتى كذابه
مورجانا \ انا شوفته بعنيا وهو ماسك ايدك ...طلعتى مش سهله
نور بحده / اتكلمي عدل يا مورجانا واياكي تجيبى سيرت اختى على لسانك
مورجانا / طيب والله لهقول لعبد اللطيف بيه
نور بمكر / ماشي وخلينا نشوف مين الى هيطلع بره
مورجانا / اكيد انتى واختك
نور بسخريه / معتقدش لان لو حد هيمشي هيبقى انتى
مورجانا بخوف / انتي واثقه كده ليه من نفسك
نور / فكري مع نفسك
التفتت نور ونظرت ل ولاء وقالت / تعالى معايا
ولاء رحلت مع شقيقتها بهدوء وعندما وصلو لغرفتهم
.... ولاء بقلق / نور والله العظيم معملتش ....
قاطعتها نور / ولاء خدي بالك مورجانه مستقصداكي انا مش عايزه اعرف هو كان بيعمل فى المطبخ ايه لانى واثقه فيكى بس ابعدي عن الشر وغنيله
ولاء امسكت يدها وقالت / وعد منى مش هعمل حاجه تضايقك ابدا
نور لمحت يدها فقالت بحده \ ايه ده ..........هو الي عمل كده
ولاء دمعت عيناها \ انتى كان عندك حق انا اسفه لاني مسمعتش كلامك
نور بعصبيه \ ازاى تسمحيله يمسك ايدك بالشكل ده
ولاء \ كنت هعمل ايه هو كان متعصب و .....
قطعت كلامها وقالت بنظرات غير مبشره بالخير \ حسابى معاكي بعدين
نور كادت تخرج من الغرفه
ولاء بخوف امسكت بيدها \ انتى رايحه فين
نور\ هعمل الى انتى معرفتيش تعمليه
ولاء بقلق \ خلاص يانور علشان خاطري
نور ابعدت يدها \ خلاص بلاش انا روحي انتى بس تضربيه بالالم علشان يحرم يعمل كده تانى
ولاء بصدمه \ مستحيل يانور مقدرش اعمل كده
...........
فى مكتب عبد اللطيف دق الباب
عبد اللطيف \ ادخل
مورجانا دلفت الى غرفته بتوتر
عبد اللطيف ترك الورق الذي كان امامه وقال \عايزه ايه يامورجانا
مورجانا بتوتر \ فى موضوع لازم اقوله لحضرتك
عبد اللطيف بتافف\ خير
مورجانا \بص ياعبد اللطيف بيه البنتين دول تصرفاتهم غريبه وبتوع مشاكل
عبد اللطيف اعتدل فى جلسته ونظر لها باهتمام \ ايه الى حصل
مورجانا بخبث \ البنت الى اسمها ولاء شكلها بترسم على حازم بيه ولما قولتلها مفرقش معاها
عبد اللطيف صمت قلبلا ثم قال \ وانا المطلوب مني اعمل ايه
مورجانه بضيق \ البنتين دول لازم يمشو النهارده قبل بكره
عبد اللطيف بغضب \ وانتى مالك انتى
مورجانا \ انا مبحبش الحال المايل ده البت بجحه بجاحه مشفتش تربيه
عبد اللطيف بعصبيه \ مورجانا لو مش عجبك الشغل سبيه
مورجانا بصدمه \ بس انا .....
نهض عبد اللطيف وقال بحزم \ ابعدي عنهم يامورجانا
مورجانا بخوف \ حاضر حاضر
عبد اللطيف \ اتفضلى شوفى شغلك
مورجانا كادت ترحل ولكن اوقفها \ استني
مورجانا بقلق \ نعم
عبد اللطيف بامر\ نديلى رامز خليه يجيلى حالا
مورجانا بتوتر \ امرك ياعبد اللطيف بيه
..........
كان جالسا بغرفته ينظر الى الفراغ ملامحها الخائفه لا تفارقه تافف بضيق وقال \ انا مضايق ليه هى الى عصبتني
فاجاب على نفسه \ بس مكنش ينفع ازعقلها .......هو انا شاغل نفسي بيها ليه
تنهد بضيق ولمح الاسكتش فالتقطه وقام بفتحه وظل يقلب به بذهول كان ينظر لتلك الرسمات المرسومه بابداع كان يبتسم باعجاب \ انتى بجد غريبه ورسوماتك اغرب
ا.......
فى مكتب عبد اللطيف
عبد اللطيف \ اقعد يارامز عايزك في كلمتين
رامز \ خير ياعبد اللطيف بيه فى حاجه
عبد اللطيف \ بلاش لف ودوران ادخل فى الموضوع علطول
رامز \ موضوع ايه مش فاهم
عبد اللطيف بعصبيه \ مشوار اسكندريه ايه نسيت
رامز \ انا عملت الى انت قولتهولى بالظبط
عبد اللطيف نهض بعصبيه واقترب منه وقال بصوت عالى \ انا عايز اعرف ايه الى حصل بالتفاصيل
رامز بتوتر \ طيب انت متعصب ليه
عبد اللطيف بحزن \ عايزنى ابقى مبسوط وانا شايفهم قدامي ومش قادر اخدهم فى حضني .