(14)
صداقة النمر،،،،
بقلم... 🌹BATOSA🌹
ربعي ياگمر ترسو اعيون اليل
هذول اليعدلون احمولي من اتميل
جنت غلطان يوم الوصفتكم هيل
شنهي الهيل ازود ربعي ازود
...
بعض الاصدقاء
نخجل ان نلقبهم بأصدقاء فقط
أنهم شي اكبر من ذالك♥
انهم اخوه واعمق
*****
نيمار...
فتحت اعيوني
اشوف بس ضوه مغوش ماشوف زين
حاولت اركز واعرف اني وين بقيت كل شويه اغمض وفتح. الى ان استقرت الصوره بعيني
شفت... اني بلمستشفى
حاولت اتحرك بس ماحس بجسمي
حركت اصابعي حسيتهن خدرانات مايتحركن كل جسمي خدران ماحس بشي . حاولت احركهن ماكدر احس شي ثگيل عليهن... التفتت
جان اشوف مجيد بوجهي لازم ايدي بقوه ونايم ... ابتسمت
هذا اكثر شخص احبه بعد امي وابوي
التفتت عله الجهه الثانيه شفت محمد جان كلش قريب من يمي حاولت اتقرب علي حته اضربه كله وگعده بس ماكدر احس جسمي مثل الجبل كلش ثگيل مايتحرك
حاولت احجي
نيمار... مجييد هييي يول اگعد.... كوه احجي صوتي مايطلع اتحمحمت ورجعت احجي
مجيد مجيد... محمد.ولكم اكعدوو
مجيد... اسمع صوت نيمار ناصي كلش مثل الهمس حسبالي احلم حسيت اصابعه اتحركن بيدي
رفعت راسي اريد اشوفه.... شفته يباوعلي ومبتسم
مجيد...
گعدت... لك صدك.... ياللله.... حضنته وبقيت ابوس بي... ماصدك.. نيمااار.. هههههه گعدت... ولله ماصدك الحمدلله ياربي الف حمد ولشكر الك يارب
كمت ابجي وضحك.
نزلت وسجدت سجدة شكر علارضيه ودموعيي سبقتني بلسجود... كملت ورجعتله ركض
رفعته من الجربايه وحضنته حيل
نيمار... اااخ علكيفك ولك جسمي مكسر
محمد... وخر ولك خل اني اسلم علي
حضنته وبوسته. ولك صدك جذب شنوو هاي النومه
اهلا بك بيننا مرةً اخرى.. الحمد لله عله السلامه يخوي
حسن... 😭😭😭😭
مجيد... اهووووو ساعت السوده الصادقناك بيها لوبس تضحك لوبس تبجي..
حسن جان نايم وراي من راد يسلم عله نيمار
طفرني وحضن نيمار طاح علي
نيمار... ااااخ يابويه موتتني جنك بعير
حسن.. هههه مقبوله الشتايم منك المده اسبوع فقط
وراها ارجعلك الوحده ب2
نيمار... شلونكم.... گوه احجي
محمد.. مادامك گعدت احنه بخير
وهسه راح انعوفك ونرجع البيوتنه لان طيحت حضنه
نيمار... ليش اني اهناااا؟؟؟؟
سكتو محد حجه.
فجأه تذكرت المقطع.. گمت ابجي....
حسين ماتت اااه
شفتوو شسوو بي اااخ يابويه
شفتوو شلون يعذبونه
ماخلو شي.. بكلشي عذبوه
اااخ ياحسين... الله يساعدك شكالت روحك شحسيت
ساعة الي يعذبوك ويفجروك.. اااخ يايابه...
اااوف اااوف ياخويه ليش هيج. ليش عفتنه ورحت
اشويه وسالت... امي وابوي شلونهم..
مجيد.. ابخير الحمدلله قبل اشويه راحو من يمك
حسن... ياقبل شويه شوف الساعه بيش
مجيد... شفت الساعه 8 بليل
لااا يالله كل هذا الوكت نايمين... بس شعجب الممرضات ماكعدنه
محمد... هههههه خافن من يمك اذا انته مجلوب بس اتعارك...
مجيد... يستاهلوون ماتشوفهم شلون يعاملونه احنه اگلوبنه طاكه وهمه يمسلتون
محمد... ههههه انته صدگ همجي اني باجر من اصير دكتور ويجيني واحد اشكولك.. اطرده بره المستشفى
مجيد... اطيح حض اليطردني غير افلش المستشفى عله روسهم
محمد... اي.. يفلشه عله روسهم ابو الوصخ
هسه انجب وكلي شلون انته كعدت شلون حسيت عله نيمار
مجيد.. سمعت صوت نيمار حسبالي احلم اول مره بعدين رفعت راسي شفته گاعد
نيمار... واني صار ساعه احاجيكم بس صوتي مايطلع
خابروو اهلي. اريد امي وابوي
مجيد... اشتغلت الزعططه
نيمار... انجب
مجيد.. اهلا وسهلا
محمد... اسكت ولك لاتعبه.. راح اصيح الدكتور حته يشوف حالته
طلع امحمد يجيب الدكتور ومجيد وحسن حضنيني ويبوسون بيه
نيمار... كافي تره لعبت نفسي من يمكم
حسن.. لازم انعاملك بلطف وحنان حته اتطيب ابسرعه
نيمار... هاي مو حنان هاي رومانسيه وخر من يمي احسيين لاتبوس لادفرك
مجيد... كونك زلمه وبيك خير اتحرك
نيمار... ههههه وما عله المريض حرج
بس اعوضك دفرات بس خل اگوم
مجيد... هههه عله ماتگوم امبهذلينك
أشويه و اجه محمد هوه ولدكتور
الدكتور... 😁الحمدلله على السلامة. نيمار.. شنو هاي النومه الطويله
نيمار.. ليش شگد صارلي نايم
الدكتور.. ماگلتوله
محمد.. لااا بعدنه ما گايليله.. هستوه كعد خاف انگله وينصدم.. ههههه
نيمار... شكد صارلي نايم بلا جذب عليكم الله
الدكتور... اني اكلك صارلك 3 ايام نايم
وهذول الثلاثي ماعافوك ولا لحضه
وليوم نايمين يمك. ولممرضات يگعدن بيهم وماكو.. ميكعدوون
مجيد.. ههههه واني اكول اليوم ليش ماكعدونه
الدكتور.. لا استاذنه العصبي كعدوكم وماكعدتو ونطو العلاج وطلعو تره نومتكم غلط احتمال تخنك المريض
نيمار... اصلا لو مامنطيني علاج ومخليهم يمي جان صحيت من اول يوم... بس صدك صارلي 3 ايام نايم
حسن... اي ولك طيحت حضنه وحنه 3 ايام گاعدين من وراك منتظرين حضرتك تگعد
نيمار... ولكم عطشان حته نسيت اكلكم اريد مي
محمد... رايح اجيبلك
نيمار.. مجيد خابر اهلي
مجيد...خابرت جايين بلطريق
مجيد... دكتور هسه شلونها حالة نيماار
الدكتور... كلش زين الحمدلله.. هوه اصلا مابي شي بس مانعرف سبب الغيبوبه..
مجيد... اتوقع لان نفسيته جانت كلش تعبانه
الدكتور... وهوه كذالك السبب نفسي.. لان اول يوم ماجان يستجيب للعلاج
مجيد... وهسه شوكت يطلع
الدكتور... انتضر مناالباجر اذا بقه وضعه مستقر يطلع انشالله... يلله الحمد لله عله سلامتك نيمار انشالله مابيك بس العافيه
نيمار.. شكرا دكتور
مجيد... شكرا الك دكتور وعتذر عله تصرفي وياك
الدكتور... لاعادي.. بس اتمنه مرة الثانيه تلزم اعصابك تره ميصير هيج تصرف
مجيد... اعتذر منك مره ثانيه
الدكتور.. ماصار شي.. يلله من رخصتكم
طلع الدكتور..
جيتت عله نيمار.وحضنته حيل.. ولك مشتاقلك خرب يومك موتتنه عليك
نيمار.... كسرت اضلوعي خرب عشيرتك.. وخر رر
محمد... نمت من الجهه الثانيه. ولك تتحملنه وغصبن عليك اله انطلع السهر من اعيونك
حسن.. شو اني ماعفتولي مكان
محمد... انته نام فوك نيمار
نيمار... ولكم خنكتوني... راح أموت صدگ هلمره
حسن.. طفرت فوك مجيد ودخلت كوه بينه وبين نيمار
مجيد... وخرر طاحضك هذا مكاني من البارحه
نيمار... راح انام نومه ابديه من وراكم.. ولكم وخروو تره بعدني مريض
محمد... خل اتفيدك هاي السوالف.. كلشي مابيك جنك احصان
نيمار.. گمت اكح جذب
ابتعد مجيد وسحب حسن وياه
مجيد... هااا ولك شبيك
محمد... ولله جذاب
نيمار.. استمريت اكح
مجيد... وخر محمد
محمد... ولله يجذب عليك ماوخر
كام مجيد سحبني بعدني عن نيمار
مجيد... ياجذب ماتشوفه شلون اختنك حته صار احمر
محمد... صار احمر من الجذب
نيمار... ابتعدوو عني ومجيد يريد يشربني مي
طگيته بضحكه بصوت عالي لان شكله يضحك وهوه خايف واديه ترجف. هههههههه
مجيد.. صدك جذاب... طاحضك.. خوفتني شوف شلون ارجف.. ياحقير ليش ماأنكسر كلبك عليه ونته تشوفني خايف
نيمار... ولك شكلك يضحك بهاي الحيتك...
الكبر شمالك كاتلك الوصخ
مجيد... حقك ماشايف روحك ههههه
محمد.. ولك صاير جنك مو مياء ههههه
حسن.. هسه بعد منو تقبل بيك
اذا اجدي بيك بسوك العوانس محد تاخذك
مجيد... جنك ميت ائبل كده 3مرات
نيمار... هههههه ميخالف احله منك
مجيد.. انته
نيمار... غير مريض وله اذا صاحيي اخبل
مجيد... يلله لان مريض ماريد احرك گلبك.. وله انته تعرف كلش زين منو الحلوو
بقينه انحشش ونضحك ونقلد علي... ورجعنه مددنه يما
نيمار.. غمضت وخليت ايدي عليهم
وتذكرت مقطع احسين شلون يعذبونه ويحققون وياه وشلون يرد عليهم بشجاعه وشلون انفجر
نزلت ادموعي
وطلعت مني شهكه جنت احاول اضمها ماريد الولد يسمعوني
مجيد... لاتبجي نيمار.. ماصدكنه تگعد وتصير زين
اصبر شويه راح تجي امي وابوي وبجي وياهم مره وحده... مو كل اشويه تبقه تبجي
نيمار...هم شلونهم
حسن.. زينين لاتشيل هم..
هستوني غمضت اريد اغفه
دخل ابوي وامي
امي... يمــــــــــــه وليدي اروح فدوه الشوفتك يمه....
مجيد.. فزينه عله صوتها.... اجت تركض
احنه ابتعدنه
حضنت نيمار وضلت تبجي هيه وابوي مخلينه بحضنهم ويبجون. وامي تبوس بي بكل مكان مامصدكه نيمار گاعد. اتبوس بوجهه بكل مكان واديه وحته بصدره تبوس بي ابمكان الحرق وتشم بي
نيمار.. هههه يمه شسالفه
بقت اتشم برگبتي وبصدري
امي.. افيش ياريحتك.. يمه ماصدك كعدت.. ايست تكعد بعد
نيمار... التفتت عله ابوي بس يبجي ماحجه ولا كلمه
هااا يابه انته مامشتاقلي امبين.. سحبني من امي وحضني حيل.. وبجه بصوت عالي.. واني وياه
صارت مناحه
نيمار... اتذكرت احسين رجعت ابجي اكثر
يابه احسين راااح
ابوي.... اي بويه رااح.. بس وجودك كافي..
الحمدلله مافجعني بيك.. الحمدلله واحد يروح ولاثنين
نيمار... 😭😭😭😭😭😭 باسني ابوي براسي ومسح ادموعي بأصابعه.. وكال
ابوي... لاتبجي يبعد ابوك... الحمدلله على سلامتك
نيمار... الله يسلمك يابه
التفت ابوي عله الولد واكفين يم الباب ويبجوون
گام راح بتجاهم .
ابوي... ولله ماعرف شلون اجازيكم وشكركم.. فضلكم عله راسي طول عمري ماراح انسا..
بس راح اكلكم اني ابوكم وحگم علي مثل حگ نيمار وزيد بعد.. اي شي يعصه عليكم وبحياتكم.
بس تعالو عليه وكلولي يابه هيج انريد لو هيج نحتاج
راح اكون الكم اب وسند من بعد ربي
مجيد... انته اصلا ابونه وحنه المانعرف انجازيك
فضلك علينه من احنه ازغار الهسه.. احنه مو صاحبين فضل احنه جاي انردلك جزء قليل من كرمك علينه
محمد... من رخصت عمي.. خل ينجب مجيد
انته ابونه وحنه ولدك
احنه سوينه واجبنه اتجاه اخونه ونتته هم سويت واجبك اتجاهنه بعدين ماكو اب يشكر ولده
حضنه حسن
حسن... انته ابوي من زمان قبل لاتخطبلي سميره
نيمار.... هههههه انته خلف الله عله سميره خلتك تعترف بابوي
حسن... انجب ولله ابوي من زمان.. بس اني مااحجي
اتعرفوني كلش خجول
نيمار.. ابوي حضنهم وهم هم حضنوو وبوسوو وبيده وراسه
نيمار... جا امي شو محد باساها... 😁
كبل ابوي التفت خزرني
ابوي... الضاهر عوزك اتنام بعد كم يوم
مجيد... ولله اني ابوسها حته لو ابوي مايقبل
ابوي... اسكت لانومك بصف أنميير
محمد وحسن.... هههههههه ولك حته عمي غاررر
ابوي... ليش بويه اشايفيني شايب.. شو بعدني رجال اربعيني احله عمر
امي... بنهايه الاربعينات بعد كم شهر اتصير خمسيني
ابوي... ونتي
امي... انه بعدني بلنص
نيمار.... امي اليشوفها ايكول اختي الجبيره.. غير تخبل
ابوي.. الزعطوط البراسك اذا مايتأدب ارجع انومه
ضحكنه عله كلام ابوي... وسكتنه بدون كلام بقينه بس كاعدين وامي كل شويه تبوسني وتشمني
وانه الدمعه ابعيني اتمنه ابجي وصرخ بكل صوتي عله اخوي وكسرة ضهري بس لازم اصير قوي الخاطر اهلي
حسن... اني رايح للبيت
محمد... حته اني.. ولله ميت تعب
نيمار... روحو. ارتاحووو بعد لاتجون شوف شصاير بيكم من السهر.. باجر من اطلع تعالو للبيت
حسن... لا بس ارتاح و.ارجع .
محمد... اني افكر بعدين اقرر ارجع لو ماارجع
نيمار... ومجيد انته اتروح لو لا
حسن... شوف مجيد فاطس مو نايم
نيمار... التفتت شفته صدگ نايم علقنفه مجتف ادي عله صدره ومعلگ رجلي.. شكله يموت ضحك
گعدوو خل يروح وياكم
محمد... عوفه خل يولي.. هسه بس انكعده يكول ماروح
لو يضل يمسلت علينه
نيمار... ولكم خطيه شوفو شلون نايم... راح يتكسر
ابوي.. مجييد مجيد مجييد اكعد ولك
محمد... وخر احميد لادفرك
نيمار... هههههه وخر يابه لاتجيك دفره
ابوي عصر خشمه وبتعد بسرعه
مجيد... ولك احميد خرب عشيرتك
نيمار.. يابه وخر عليك الله لايضربك حسباله محمد
ابوي.. عوفه خل نضحك علي
بقه ابوي يتحرش بي وهوه يضرب بلهوه ويغلط عله محمد.صدك انقهرت علي. وابوي مايقبل يعوفه
نيمار... يابه عوفه عليك لله
ابوي... شبيك مخبل غير اتشاقه وياه
نيمار.. يابه بس تبقه تتحرش بي تره اكوم ولله
بعدين وين اكو واحد يتشاقه ويه واحد نايم. ماتشوفه شلوون تعبان من السهر مايگعد لان تعبان
ابوي... هههههه حير بروحك... شوف وجهك شصاير بي
جنك اصحاب الكهف
نيمار... هههه غير مريض وماعله المريض حرج
ابوي... يلله راح اعوفه الخاطرك
راحوو الولد بقت امي وابوي يمي اجه الدكتور جيك حالتي.. كال تمام ماكو شي. بس سالني ليش انهاريت
وشنوو السبب الي تعب نفسيتي... ماكدرت احجي لان كل ما اتذكر المقطع ابقه بس ابجي ماگدر احجي
جاوب ابوي بمكاني.. وراح الدكتور
نيمار... يابه كعد مجيد خل يجي اينام يمي اتكسر من القنفه شوف شلون نايم
ابوي.. ليش مواني انام يمك لان كلش مشتاق الريحتك
نيمار... ههههه ابو سالم بعضمت جلاله يگلي اريد منك حضن ماصدك...
ابوي.... اي اريد منك حضن ومو بس هج
اجه مدد يمي حضني وهوه يسولف... اوعدك بعد ابد ماراح احرمك من حضني شوكت متريد تعال
حضني بس الك
نيمار.. وام سالم
ابوي... هوه الك ولاأم سالم بس
نيمار.... ههههه.. التفتت عله امي
ونتي ام سالم مشتاقيتيلي
امي.... اخ يايمه مو بس مشتاقتلك.. ميته عله شوفتك
الحمدلله.. من رجعت النه سالم. ماعرف شلون اشكر ربي عله هاي النعمه
امي.. يلله ابو سالم كوم اسوگلنه حته انجهز غده الباجر
عله سلامة نمور
ابوي... عوفيني شويه خل اشبع من ريحة اوليدي
وبعدين اكوم
نيمار.. بقيت بحضن ابوي وهوه كل شويه يبوسني براسي.. لحد مانمت
مجيد..
مددت علقنفه البلغرفه
ولولد يتشاقوون ويه نيمار وابوي
اخذتني الغفه ورحت بسابع نومه
فزيت عله صوت ابوي ابو سالم
ابوي... مجيد مجيد اگعد بويه
مجيد.. هااا يابه... كوه احجي من النعاس
ابوي... اگعد راح انروح دير بالك عله نيمار
مجيد... اي يابه روح الله وياك
راح ابوي التفتت عله نيمار.. نايم... كمت رحت يمه ومددت وكملت نومتي
نيمار... فزيت. وماعرف الساعه بيش بس اتوقع الدنيا صبح التفتت مجيد بوجهي. ابتسمت شكله يضحك شعره مكوش اووجهه امورم من النوم
هيييي ولك مجيد اگعد. شلت ايدي وگمت اكوش بشعره وضرب بي راجديات
مجيد... اهووووو شبيك شتريد
نيمار... اگعد ولك
مجيد.. انعس مابيه حيل
نيمار.. رجعت اتحرش بي طفر عليه حضني. و قيدني ماكدر اتحرك احس جسمي متكسر
نيمار... ااااخ ولك اختنگت
مجيد... اسكت خل انام
نيمار... وخر تعلب نفسي منك. ايييع وخر
مجيد... شنو حاضن قرد
نيمار.... لو قرد ولا انته جنك غورلا.بهاي لحيتك.. وخررر مجيد
مجيد... ولله هيج نومه مريحه.. واني حضني فارغ
حاليا اشعر بلحنان
نيمار.. وخر ولك لعبت نفسي منك ومن نفسك يضرب برگبتي... اييع وخر عليك الله
مجيد... طاحضك.. تلعب نفسك مني ايا زمال. ماتستاهل
السهر السهرته عليك
كمت من يمه دخل الدكتور
نيمار... ههههه همزين گمت ولله لو شايفنه الدكتور بذاك المنظر... فضيحه
مجيد... ههههههه اي ربك ستر
الدكتور... خير جنتو شسوون
نيمار... هوه بلصدك جنه نتعارك.. بس من تشوفنه اتكول ذول يسوون أشياء رومانسيه
مجيد... هوه ماشافنه بس انته فضحتنه. ههههه
الدكتور... لايابه هوه انتو اصلا مفضوحين.. ادخل علفيس وشوف اصوركم طشيتو انتو يابه
مجيد. ونيمار... شنوووو
مجيد.. منو نشرنه.. وشلون.. وشنوو الناشرينه
دكتور... علكيفك يابه هسه اشوفك
فتح الدكتور تلفونه وشوفنه المنشور
صوره النه وحنه نايمين يم نيمار
مكتوب عليها..( لاصدقاء وطن ان غابو عنا شعرنا بلغربه)
وكومه عبارات عن الأصدقاء
رغم احنه من يسألونه انگول اخوة نيمار مانكول اصدقاءه
نيمار... ولك شوفني مو بس انته تشوف
مجيد.. هاك شلون صوره تخبل
نيمار.. شفتها رأسا نزلت دمعتي.. حضنت مجيد وبجيت
مجيد... شمالك بس تتبكبك. ولله ملينه منك
لازم تصير قوي حته توگف ويه امي وابوي وتساعدهم
مو تضل هيج بس تتبكبك
نيمار.. مسحت ادموعي وكتله انشالله
الدكتور.. اتگدرون اطلعون الوضع تمام. بس لازم تهتم بلاكل لان اذا ماتاكل يرجع الك فقر الدم
وترجع توگع
نيمار.. انشالله
كتبولنه خروجيه من المستشفى وطلعنه وصلت البيت
ابوي وخواني ومحمد وحسن وصدقاء ابوي كلهم بلباب
نيمار... ولك ذول شجابهم ومشمدريهم اني طالع من المستشفى
مجيد... اني خابرت ابوي وگتله راح نطلع
نيمار . اگول مجمع العالم كلها ابو سالم
نزلت من السياره سلمت عله ابوي ولناس الوياه
گوه واكف رجلي ايرجفن
طلعو طلي من البيت وذبحوو جوه رجلي
دخلني مجيد وامي وسوالف امي الماتخلص بس تبجي. دخلت الغرفتي
اول مادخلت گفختني ريحة احسين وذكرياتنه بكل مكان بلغرفه عقلي يصورلي كل لحضاتنه
اهنا اتصارعنا هنا انگعد اهنا سولفنا اهنا ايخابر اهنا ينام واهنا وهنا. وكل مكان بلغرفه اله ذكره
وگفت كم لحضه واني اتابع وتامل واتمنى ترجع ايامنه
كم يوم مر على رحيله احس الحياة وگفت.. ولدنيا كل طعم وكل لون مابيها
فزيت عله صوت مجيد
مجيد... يلله نام عله جربايتك ورتاح
واني راح انام اهنا... لان لو انام اسبوع بعد ماشبع نووم
نيمار... نام منو لازمك
مدد مجيد ونام بسرعه.
ذبيت ملابسي ومددت اريد انام
بس انتبهت صدري محترك شنووو هذا ركزت اشويه
يلله عرفت منطيني صدمات كهربائيه.. رجعت راسي بتعب
حسيت بجسمي ريحه طيبه شميت ايدي حسبالي مشتبه.. صار اربع ايام بلمستشفى وماسبحان
بس شو ريحتي طيبه حسبالك هستوني طالع من الحمام بقيت اشم بجسمي متفاجئ بلعطر
ومابيه حيل اسبح نمت
مجيد...
گعدت العصر. شفت نيمار نايم
خابرت امي ام سالم.. فصلته. واجت للغرفه
امي... ها مجودي شرايد
مجيد... اريد اطلع اروح للبيت اشوف امي
امي... يلله تعال.. كوم. لبيت بيتك يمه مو اله تتصل يلله تطلع
مجيد... ادري يمه بس هيج احسن. ديرو بالكم عله نيمار
اجي بليل
امي.. لاتعال اتعشه يمنه انته وامك
مجيد.. يمه اليوم هوسه.ونتي تشتغلين من الصبح الهسه. خليها عله غير مره
امي... شو انته ماتعرف تحجي. جا غير انته ابني وامك اختي.. حسبالك انتم ثكيلين وماتريد اتزاحمني
اسكت وحترم نفسك احسلك لاتخليني اغلط عليك
مجيد... بست راسها. تدللين يمه التردينه ايصير
بس لاتعصبين عليه
امي.. يلله امشي، روح جيب امك وتعال
نيمار..
فزيت عله بوسات امي اول ماشفتها ابتسمت
امي... نوم العافيه يروحي يلله اكعد اتعشه
نيمار.. جنتي شسوين واني نايم😁
شمتني من رگبتي وگالت
امي... يمه افيشش ياريحتك ترد روحي بيها.. يمه البيت ماينحمل اخلافك
نيمار... ههههه ماتعرفون قيمتي تستاهلوون... بعد يوميه نيموني بحضنكم حته مااتمرض
امي... انومك بروحي مو بس بحضني بس كوم ومشي عله حيلك كلشي ماريد من الله بعد
نيمار.. گعدت وحضنتها... ليس تبوسيتي واني نايم
خوب بوسيني واني كاعد علمود احس بحنانج
امي... من انته ازغير اگعدك هيج.. ونته بعدك زغير
يمته تكبر
نيماررر... هههههه هم رجعنه.. دخلو الولد بيدهم صينيه عشه
مجيد... شوف صبيتلك عشا بهاي اديه بس كون يغزر بيك
محمد... اليوم يدلل نمور لان كلش مشتاقيله.. شلونك يول
حسن... اشلونه جنه مو مياء ماتشوفه
امي.. لاتعيبون علي ولكم تره يرجع ينام ويسهركم كم يووم
نيمار... لا هلمره راح انام شهر علمود يسهرون زين
مجيد.. سويتله الفه.. افتح حلگك
نيمار... ههه يله وكلوني وشربوني.. وين الاكيها فرصه بعد ماتتعوض..خل اشبع دلال..
امي... ونته منا ابد ماتحب الدلال
نيمار... هههه اكيف حته لو يسبحووني
محمد.. ابقه مريض ودلل علينه لان بس اتطيب
انشمرك وره الحايط
حسن... شلون عندي الك مفاجئه اشوفكياها وره العشه
نيمار... خير انشالله
اتعشيت وكملت كل شويه واحد يوكلني اعرف ايريد اينسوني مصابي بحسين. اتعشينه اربعتنه وامي ويانه
شربت جاي
وگعدوو يحششون ويقلدون عليه. اني مالي خلگهم احس روحي دايخ ومتكسر من النوم
نيمار.... مجيد.. مرغلي تره جسمي اموتني
مجيد... يلله انزع...... واني هم نزعت تشيرتي
محمد... سترك ربي راح شسوي... لاتنسه هذا نيمار مو سحر
مجيد... ابد ولله اني اشوفه سحر حته شعره اصفر
نيمار... مجيد انجب.. ولله مالي خلگك
مجيد... بس انطيني بوسه عميقه حته اتاكد انته نيمارر مو سحر
نيمار... مجيد بطل سوالفك ولله تعبان
ايسويلي حركات بحلكه عود يتحرش
بهذا حلگك. وخررر حته لاترغلي بطلت
حسن.. اوگف قبل لاتمرغله خل يشوف هذا المقطع
مجيد... اي ولله خل يشوف اشسوينه بي
نيمار... شغلوو المقطع بس شفتا ماسيطرت عله ادموعي.. گمت ابجي بصوت حضني مجيد وكام يبجي وياي.
حسن... احنه انريد انضحكك لو نبجيك
نيمار... ولله انتم اغله من روحي انتم صدك اخواني وكلمت اخوان قليله بحقكم تستحقون اكثر من هاي الكلمه... رجعت عدت المقطع وركزت بي
شلوون نزعني مجيد وحسن ملابسي وينضفون جسمي بگلنس المرطب وجان مجيد تنزل دمعته ويمسحها
ويحجي ويقلد عليه هوه وحسن بس جان اوجوهم تعبانه من السهر ولخوف عليه وشلون ينامون يمي ويتعاركون علمكان.. اهنا اني انختم بكلبي عله انه اصدقائي اطهر وااوفى ماخلق ربي
ميروحون للبيت بس يسبحون ويرجعوون
سولفولي كلشي
جان ردة فعلي بس ادموع
نيمار... صح اني خسرت احسين بس الله عوضني بيكم ونتو يمكن حته احسن من حسيين واوفى بعد لو هوه ابمكانكم يمكن ماسوه مثلكم
اني ابجي وهمه يقلدون عليه
نيمار... واني اكول شعجب ريحتي طيبه واني صارلي اربع ايام ماسابح.. طلعتو انتو اتسبحوني واني مادري
خو ماسويتولي شي واني نايم
مجيد... سوينه مصايب
نيمار... اني بس خايف من محمد ابد مارتاحله
محمد... ههههه يسالفة محمد مربيتلكم عله
نيمار... اي انته مو مثلنه رجل شهواني واني واحد ناعم وكيوت اخاف عله روحي من يمك
محمد... من يمته البعير اكيوت
نيمار... البعير اكيوت اكبال الدينصور. يلله مجيد مرغلي وسكتو اريد انام
حسن... مو صارلك 3 ايام نايم ماشبعت
نيمار... لا ماشبعت بعدني معوز
اكلكم صدك اركان شخباره
محمد... من يوم ماوكعت انته راح وبعد ماشفناه
نيمار... لازم صاير شي ميروح هيج بلا سبب
مجيد... اي يمكن... لان حته انته من وكعت بقه مركز بجهازه الضاهر دزوله بعد شي
نيمار... امي وابوي بس لاشافو المقطع
مجيد... لا منير مسحهن
نيمار... همزين......
. اكلكم شو منير وسالم ابد ماسالو عليه
محمد... مشغولين بلخطار
نيمار... ادري مايهتمولي عادي لاتضممون اخواني واعرفهم
حسن... لا ولله صدك جانو مشغوليين
نيمار... اي....
مجيد ايمرغلي غفيت
وبعد مادري بلدنيا وين ماوين
كلش تعبان نفسيا وجسديا
مجيد...
طلع نيمار من المستشفى
ورجعت البيتنه سبحت ومددت لان كلش تعبان
خابرت سحر
مجيد... الووو
سحر... هله مجيد اشلونك
مجيد... الحمدلله من تذكرين اسمي رحم الله والديج عله هذا الكرم
سحر... شتريد مجيد
مجيد..يعني شريد برئيج. شكد صارلي مامتصل بيج.. هم خطرت ابالج هم گلتي هذا وين راح. صار 10 ايام بلجذب ماشلتي التلفوون وسالتي شنو معناها.. شنو معنى تصرفج هاذ
سحر... سمعت اخو نيمار استشهد صدگ
مجيد... اي الله يرحمه
سحر... اي لذالك ادري بيك مشغول وياه..
نيمار عندك الهوا الدرجه ماسالت عليه
مجيد.. هسه طلعت اني الغلطان.واني الي لازم اسأل
. اما بلنسبه العلاقتي بنيمار اسمه ماتجيبينه عله السانج
سحر... انته هم ماسالت
مجيد... لاتصيرين خبله سحر. من خطبتج لحد لان اني اسال.. اذا مره ماسالت.. غير انتي اتسألين لولا
لو تنتظريني. اله اني اسال
سحر.. شنو هلكلام بابه احنه ناس واعيين وناضجين وهاي السوالف مال زعاطيط
مجيد.. يعني بنظرج اني زعطوط
سحر... ولله ماعرف افسر تصرفك غير هيج
مجيد... السانج هذا الزفر نضفي لااگصه الج
سحر... لاتغلط مجيد.. تعرف ماحب هاي الطريقه بلكلام
مجيد..زين.. اخذتيلي اجازه من الكليه
سحر... لا حسبالي محمد اخذ لان شفته يطلع من الاداره
مجيد... هههههه حس بالج.. يعني ماسألتي
سحر.. ماسالت..ونته لازم تطلب اجازه النفسك او تكلف اصدقائك مو النهاركله واكف وياهم . وهمه كلشي ميسوولك
مجيد... سحررر اصدقائي خط احمر ماتلفظين اسمهم عله السانج. الدنيا كلها بجفه وصدقائي بجفه
وبلاخص نيمار اياج ثم اياج.. تجاوزين عليهم بلكلام لو حته بلنضره احذرج سحر
سحر... لعد خل يفيدوونك... يلله باي
مجيد... گلعه
.. وسديته واني دمي يغلي من يمها اتمنه اكطعها
كل اسلوب ماعدها واني الغبي روحي بيها اذوب من اسمع صوتها
غمضت اعيوني.... ارتاحيت اشويه من لعصبيه
بعدين اخذت امي ورجعت النيمار
نيمار.... عبرت لايام واني كلشي مامفتهم منها
احس اروحي تايه ولدنيا اتفر بيه. امي وابوي بس يبجون
مر شهر عله وفاة احسين واني حالتي ماصحت. وامي وابوي يوميه واحد واكع.. صارت ازياره الاربعين
سوينا عشه وغبشنه للنجف اخذنه الطريق بس صريخ
رحنه بلهفه وشوك الگبره
لان هوه بقه بلجيش 3 اشهر وهسه مرشهر وعشر ايام يعني 4 اشهر وعشر ايام ماشايفي حيل مشتاقيله رحناله بلهفه حسبالنه انشوفه واگف ويلاگينه
لاكن الي شفناه.. مجرد حجر مكتوب علي
الشهيد البطل احسين عباس عبد الله
**
وگفت اگبال الگبر ابصدمه جنت اتوقع راح ايلاكيني
نسيت اني جاي الواحد جوه الاتراب حاليا
مجرد اسم موجود لاكن كشخص ماكوو
امي وابوي واخواني ذبو روحهم علكبر يبجوون وحسن ومحمد ومجيد واگفين بصفي
رجعت خطوتين ليوره مصدووم نسيت اني جاي الكبر
حسبالي اشوف احسين واكف ويجي يحضني وبوسه وشمه.. بقيت صافن علاسم اقره ومامصدك
مجيد... شبيك نيمار..
نيمار.. ليش اني اجيت ماريد اشوف هيج شي
جانت هاي اول مره بحيات ادخل مقبره التفتت شفت كومه اقبور اليشوف المقابر ايكول ماكو بشر بعد عايش علارض
محمد... نيمار امشي خل نرجع
نيمار... اريد احرك رجلي مايتحركن. جمدن.
اباوع عله قبر احسين اكوو رجال جبير محني الضهر ييجي بحسره وخنكه وكسره وخساره ماليه صوته
اولحيته وراسه كله شيب قليل شعر اسود يبجي بتعب...گلت المجيد.. هذا منووو اليبجي عله حسيين
مجيد... بسم الله الرحمن الرحيم شبيك نيمار هذا ابوي ابو سالم
نيمار.. ابوي!! ليش هيج كبران؟؟ شعره ليش هيج ابيض
ولك هذا مو ابوي.. صحت.... يابـــــــه.. التفتلي
ابوي لاكن شحاله شبسرعه هيج شيب
التفتت اولحيته اووجها امبلل من الدموع ولكسران مالي نضراته
اتقربت علي وحضنته حيل وكمت اصرخ وياه..
وهوه يسكت بيه لان يخاف عليه
ابوي... اسكت بويه علكيفك ويه روحك. ماتحمل توكع عليه.. ولله يابويه كلبي خلصان
لحضات وامي فقدت
ركض عليها محمد ومجيد
مجيد... يابه راح ناخذها كدامك للسياره
ابوي... التفت عله سالم ومنير
انتو يمته تحسوون. يتمه اتصير عدكم غيره
مسحو ادموعهم وگامو اخذو امي وشالوها للسياره اخذها محمد بسيارته للمستشفى
نيمار.. قرينه القران يمه ولولد غسلو القبر بمي ورد
لحضات ونسمع صوت صريخ بأسم حسين
يتبع....