الحلقة الأولى
كانت ملاك البنت المتربية و الشاطرة عند باباها محمد و يماها نورا و حتى عند خوها لكبير كريم , ملاك طفلة مثقفة و قارية و محافظة على دينها و صلاتها كانت من دار لافاك و من لافاك لدار بعد معاناة كبيرة من باباها لي خلاها تقرا
بابات ملاك حنين و لكن كي تكون حاجة متعلقة بشرفو وسمعتو يولي قاسي و ميرحمش حتى لوكان كان من عايلتو يمحيه من الدنيا , يمات ملاك حنينة و تحب و ولادها بزاف بالاخص ملاك بصح الله غالب راجلها دايما يخليها تنسى بلي هي ام ,اما اخ ملاك يموت على ختو كيما باباه في الطبايع بصح هو يحب يسمع باش يحكم على الامر
ملاك كانت متحجبة وتحب عايلتها و تحترمهم و اهم شيء هو تحافظ على شرفها و سمعة العائلة لانها الطفلة الوحيدة في العايلة ,كانت ملاك بدون صديقات تروح وحدها لافاك و تقرا وحدها , كان واحد يقرا في لافاك يحبها بصح هي مديتهاش فيه ,حتى وحد نهار كانت تمشي رايحة لدار حتى حست روحها ثقالت و طاحت ايه لي في بالكم لي يحبها اختطفها اسمو علاء , كي فطنت ملاك صابت روحها🔞 عريانة و دم كامل فوق فراش و علامات بزاف في الجسم تاعها
كانت مشوكية حتى فاقت على روحها بدات تعيط و دخلت في حالة هستيرية دخل علاء بوجه بارد رفدها و رماها قدام باب دارهم و قاللها هاذي لي بهدلتيني قدام صحابي و رفضتي حبي ليك مالا دوكا راكي وليتي قحبة ولوكان تحلي فمك نذبحك وننشر صورك ونتي عريانة 😱ملاك تشوكات ملي قالو مكفاهش اغتصها و زاد صورها 😢 وكلت عليه ربي وطلعت لدار كي فتحت يماها الباب قريب ما طاحت من الحالة تع بنتها وعلابالها بلي ماشي غرضها بصح واش دير قدام راجلها الوحش . لمهم جاز نهار شيطاني على ملاك لدرجة انو باباها قالها بلي هي السبة و لوكان سمعت كلامو و مقراتش في لافاك ميصراش هكا و تخير يا تتزوج بصحبو بلقاسم لي قدو و عندو وليدو كبير عليها و تحبس قرايتها ولا تخرج مدار و متزيدش توريلو وجها هي بالطبع خيرت الزواج لانو علابالها بلي الا خرجت مدار مراحش تقدر تكمل قرايتها و راح تتشرد
يمات ملاك تحرقت كبدتها على بنتها و مام خوها بصح واش يديرو قدام الشيطان تزوجت ملاك باكبر تاجر مخدرات لي هو بلقاسم صاحب باباها بصح باباها معلابالوش بخدايم صحبو في تجارة المخدرات بسك يخدم من لتحت للتحت , كيما كان الحال ملاك كي تزوجت ولات من جحيم الى جحيم اسوء بكثير لانو بلقاسم كان ضعيف جنسيا سما كي ميقدرش يمس كتلة الاثارة لي قدامو يفرغ زعافو بالضرب و التعذيب و السب . اما حسام وليدو كان كل يوم عشقو ليها كثر حتى انو شحال من خطرة حاول يغتصبها بصح تسلك في اللحظة الاخيرة
ملاك عيات بزاف من المعيشة لي عايشتها كرهت الرجال ضربة وحدة حتى باباها و كرهاتو , خوها و كرهاتو كي موقفش معاها لمهم ملاك جا النهار لي هربت فيه من الدار حتى تلاقات بكاكي و هو لي عاونها و خلاها تسكن مع سارة لي ولات صديقتها , ملاك مخافتش من كاكي لانو هو شاذ جنسيا لمهم هو لي لقاها ب اسماعيل صاحب البار لي راح تخدم فيه, صح هي بكات بزااااااف على حياتها لي تبدلت كيفاش كانت و كيفاش ولات بصح ما عليها غير تقبل لاخطرش علابالها بلي واحد مراح يقبلها تخدم و ماهيش مكملة قرايتها و الدنيا مترحمش ولا قبلوها لازم مقابل راكم عارفين
لمهم اسماعيل كان معاها راجل و نص خلاها تخدم راقصة بحكم عندها جسد مثير و مغنية بحكم صوتها شباب اصلا هي تحب الرقص و الغناء و تفرغ فيهم غضبها و حزنها . بصح من جهة علمها تثيق في نفسها و علمها المصارعة و الكراتي باش دافع على نفسها حتى السلاح و علمها كيفاش تخدم بيه بدللها اسمها من ملاك الى ايلينا 💋باش متتفكرش ماضيها ولات من ملاك البريئة الى ايلينا الجريئة 🔥
كانو رجال بزاف يطلبوها وباش ميشكوش فيهم سماعيل كان يمدلها منوم ديرو في الشراب باش ميحسوش بلي ممسوهاش لانها كرهت رجال ولات من غير كاكي و اسماعيل متثيق في حتى واحد من الرجال و النساء كانت تثيق غير في سارة و مروة حبيبة سماعيل و تخدم معاهم , عاشت ملاك حياتها و راهي تكمل في قرايتها لانها غير هي لي متسمحش فيها و اسماعيل كان يخلصها مليح اصلا كانت عايشة هي و سارة في دار شابة و مليحة ,عاشت و تبدلت ولات وحدوخرا ولات غير مع الدخان الاصطناعي و الشراب الاصطناعي لي ميسكرش غير باش تبان قوية هاذ الدخان و الشراب ماشي حقيقيين يعني اصطناعيين ميضروش و يسكروش
اما اسماعيل مسكين يا حليلو هو انسان هايل بصح باباه هو لي خلاه من رجل اعمال ناجح الى صاحب ملهى مع البارتات القادمة راح تعرفو شكون بابات سماعيل و علاش خلاه هكاك حتى سارة مسكينة والديها ماتو و تشردت و كانت راح تموت لوكان ماشي كاكي لي عاونها بصح هكاك و حافظت على شرفها
هاذي هي الدنيا يوم ليك و يوم عليك
لمهم ملاك ولات فتاة متشرسة و تكره الرجال 100/100 تعلمت تسوق و المصارعة و السلاح غير على جال باش دافع على نفسها و متكونش سهلة المنال ,لانها من اغتصاب علاء ليها راجل مزاد مسها اصلا هي عافت و كرهت روحها لانها مقدرتش تحافظ على الحاجة لعزيزة لي كانت عندها
ولات من ملاك البريئة الى ملاك فتاة الليل .....................
ملاحظة: راح نقول الاسماء المزيفة ل ملاك=ايلينا , سارة=كاتيا , مروة= سيلينا , باش تفهمو مليح
عودة للحاضر:
كانت ايلينا راقدة في امان الله حتى صونا تيليفونها
ايلينا: اووووووف واشبي قسامكم نتوما متخلوش الواحد يرقد طرونكيل
كاتيا: نوضي يا الجربة راني جاية لدار نلقاك واجدة
ايلينا : هاذ الشي نتي يا الحلوفة شوفي يرحم باباك خليني , طاني اسماعيل يومين برك نريح فيهم جاية تالبيني فيهم خليني طرونكيل
كاتيا : يا ودي نوضي راني جايبتلك وحد الروبة تهبل اون+ قالي اسماعيل ليوم راهم جايين وحد الزلولة للبار مهمين لازم نروحو نوضي يا اللفعة
ايلينا : كيفاااااااش؟؟؟؟
كاتيا: اووووف عيطلي اسماعيل قالي قولي ايلينا لازم جي ليوم امبعد نعوضلها النهار بسك راهم جايين وحد الضيوف مهمين ولازم نروحو و نكونو لوكس و هو لي مدلي نشري لحوايج ايا نوضي راني قريب نوصل
ايلينا: اااااااااااااا تعيشي روحي وحدك
كاتيا: لالاااااااااااااا لازم جي نتي الصح يا الجربة اصلا نتي الزلة تع البار ولازم نكونو ثما على 18:00خفي نوضي
ايلينا : صحا صحا رنكي ضكا عليا كي جي ساهل ايا باي الجعشة
كاتيا: باااي فرخوشتي هههه
لمهم وصلت كاتيا لدار وجدو روحهم ووصلهم كاكي للبار كانو في قمة الجمال و الاثارة خاصة ايلينا💋🔥
دخلو للبار و عينين الناس كامل عليهم و بالاخص ايلينا كانت تمشي و معلابالها بحتى واحد وصلت عند اسماعيل و قاتلو: يعطيك الصحة يا الرهج مخلتنيش نرقد سامط
اسماعيل: هههههه مهبولة الله غالب لازم ليوم نشطحو كي يوصلو الضياف
ايلينا: اوكي صحا بصح شكون هاذو؟؟؟
اسماعيل: وحد 2 البوليسية راهم جايين يسهرو هوما في الحقيقة يخدمو طب و بوليسية في نفس الوقت
ايلينا : اا اوكي و تعرفهم نتا؟؟؟؟
اسماعيل: ايه نعرفهم صحابي بصح هاذي اول مرة يجو لهنا
ايلينا: اا اوكي صحا لمهم راني في بيتي كي يجو و يلحق وقت العرض عيطلي
اسماعيل: dcr ختيتو
راحت ايلينا لبيتها و قاعدة تخمم في حياتها كيفاش كانت و كيفاش ولات طاحتلها دمعة زربت مسحتها و نادت توجد روحها , اما الباقي قعدو يوجدو للعرض
وصلت 19:00 و لحقو الضياف و لي هوما طبعا جواد و اسحاق مع 3 صحابهم بوليسية . لما دخلو الغاشي كامل يخزر فيهم سلمو على سماعيل و قعدو في طاولتهم الخاصة موراهم بدقايق دخل حسام علابالكم شكون وليد بلقاسم راجل ايلينا ايه مزالو راجلها لاخطرش مطلقهاش
كي دخل حسام غير شافو اسماعيل راح ليه حكمو من حوايجو وقالو:واش جاب قسامك لهنا
حسام:نحي قسام يدك واش حاسب البار تاعك دير فبالك بلي لوكان بكلمة مني لبابا البار يولي تاعي ماشي غير الشركة
اسماعيل:ههههه واقيلا حسبالك صح ياو هاذ البار كان تع بابا ولا ماشي بابا باباك كاااااااان تع باباك و راهو تاعي دوكا و الشركة لي كانت تاعي بخر بيها يجي نهار وين طيحو على راسكم في زوج و ننتقم منكم
حسام:هههه خويا لعزيز نتا لي جبتها روحك لوكان قبلت تكون شريك معانا في تجارة المخدرات لوكان مخلاصتش عليك هنا في البار
اسماعيل: اسمع شوف انا صح راني دوكا في البار بصح نخدم فيه و منهربش لادروق و دوكا طير من قدامي قبل منفرغ فيك سلاحي
حسام : يا بابا شحال واعر جيت نسهر شوية و نروح
راح حسام قعد في الطابلة مقابلة طابلة جواد و خلى اسماعيل يسب فيه : طحان رخيص مكفانيش بابا يزيد هو ينعل النهار لي زدت في ذيك العايلة
...........................
عند جواد و اسحاق:
اسحاق: اسمع يا خو ماشي هاذاك الخنثى تع حسام وليد بلقاسم
جواد :ايه هو شفتو من وقت لي دخل بصح خليه راهو قريب يلحق النهار لي نخليه هو و باباه يتعفنو في الحبس
اسحاق: هاذي هي صحبي و كيفاش اسماعيل
جواد: ههه اسماعيل هو لي راح يعاونا ايا اسكت جيت لهنا باش نسهر ماشي نهدر على الرخاص
اسحاق :ههه والله عندك الحق بصح يا جدك شوف هاذيك الزلة لي راهي قدام اسماعيل
جواد: يا ودي خليك من .... و اصلا هاذيك مدامتو
اسحاق: لالا مدامتو نعرفها , هاذي وحدة باينة بلي انتيم معاه
جواد:يرحم باباك بلع ديجا راح يبدا هاذ لخرا تع العرض
...............وحد دقيقة و دخلت ايلينا تشطح كانت قمة في الجمال بهديك الروب الحمرا لي مفصلتلها جسمها و مفاتنها لكن كانت مدمرة كيما كل ليلة جي فيها لهنا ,كانت تشطح مع اسماعيل لاخطرش متحب حتى واحد يمسها وهي دايرا ثقة في اسماعيل كانو يشطحو و في زوج يعبرو واش كاين داخل قلبهم كانو عبارة على لوحة فنية تعبر على الضياع و الحزن
جواد ملي دخلت وهو مفيكسي عينيه فيها كيفاش تشطح و تتمايل وعلاه هاذوك العينين راهم حزان وعد روحو بلي يعرفها شكون هي
بصح علاش شكون هي باش يحوس عليها لمهم قاعد يتبع في كل خطوة من خطواتها و طبعا هي لاحظت هاذ الشىء
رايكم فالرد 🔥💋💛
وتفاعلي قبل ماتروحي