Unicode
"မတော်တဆဆိုရင်တောင် သေသင့်ပြီ မဟုတ်လား"
Lyle (လိုင်လ်) တစ်ယောက် ဟိုဘက်လှည့်ပြီး စိတ်အနှောက်အယှက်ဖြစ်စွာ တွေးမိသည်။
ထိတ်လန့်နေတဲ့ အစေခံယူလာတဲ့ သတင်းကတော့ မိဖုရားခေါင်ကြီး ထပ်ပြီး သေကြောင်းကြံတဲ့ သတင်းပဲ။
ဒီအကြိမ်နဲ့ဆို ရှစ်ကြိမ်မြောက်။
အမြဲတမ်း မိဖုရားခေါင်ကြီး သေကြောင်းကြံတယ်ဆိုပြီး နောက် ပြန်ကောင်းတာပဲမလား။
ငါတော့ သူမကို တခါထဲသာ သေစေချင်လိုက်တာပဲ။
Medea (မယ်ဒီယာ) သာ တကယ် သေဆုံးခဲ့ရင် ဒုက္ခအရောက်ဆုံးသူက ဘုရင် Lyle ဖြစ်မှာ ဖြစ်သည်။ သို့သော် သူက သေစေချင်သည့်အထိ စိတ်ပင်ပန်းနေပြီ ဖြစ်သည်။
လှေကားပေါ်က ပြုတ်ကျတာ၊ မြင်းပေါ်ကနေ ရေကန်ထဲ မတော်တဆ ပြုတ်ကျတာ။ ခဏခဏ ပြုတ်ကျလွန်းလို့ မိဖုရားရဲ့ ဝါသနာလို့တောင် ပြောလို့ ရနေပြီဖြစ်သည်။ သွားနေတဲ့ လှည်းပေါ်ကနေတောင် ခုန်ချတာ ...
အမှန်အတိုင်းပြောရရင် Lyle အမြင်မှာ Medea အခုထိ မသေသေးတာက တော်တော်အံဩဖို့ ကောင်းတဲ့ ဖြစ်ရပ်ဖြစ်နေပြီ။
ဒီတခေါက်က ဖြစ်တာက ဒုတိယထပ်က လသာဆောင်က ပြုတ်ကျတာလို့ အစေခံက ပြောတယ်မလား။ အဲ့ကနေပြုတ်ကျရင် ဇာတ်ကျိုး မသေနိုင်ဘူးလား။
ဒီတခေါက်လဲ အစေခံက မိဖုရား သေတဲ့ သတင်း ဆက်မပြောတော့ ကြည့်ရတာ ပြန်ကောင်းသွားပြီ ထင်ပါရဲ့။ အစေခံက ဟိုဟိုဒီဒီကြည့်ရင်း
"အရှင်မင်းကြီး၊ မိဖုရားကို သွား မကြည့်သင့်ဘူးလား"
Lyle က သူ့ရဲ့ လေးတံကို စိတ်အနှောက်အယှက်ဖြစ်စွာ ကောက်ကိုင်လိုက်သည်။ တစ်စုံတစ်ခုက အဝေးက ချုံပုတ်တွေထဲမှာ လှုပ်ရှားနေပြီး ပုံစံကြည့်ရတာ ဒရယ် တစ်ကောင် ထင်ပါရဲ့။
"ငါ မိဖုရား သတင်းကို မကြားသေးဘူး"
Lyle စကားကြောင့် အစေခံနှစ်ယောက် တစ်ယောက်မျက်နှာ တစ်ယောက် ကြည့်မိသွားသည်။
Lyle ကတော့ ကျောက်ရုပ်လို ထိတ်လန့်သွားတဲ့ အစေခံကို လှည့်ပင်မကြည့်တော့ချေ။
"မင်းသာ ဒရယ်နေရာ အစားမဝင်ချင်ဘူးဆိုရင် မင်းပါးစပ်ကို နည်းနည်း သတိထားမှ ဖြစ်မယ်။"
အစေခံက ချက်ချင်း ခါးညွတ်အရိုအသေပေးရင်း သူ့ပါးစပ်ကို လက်ဝါးနှင့် အုပ်လိုက်သည်။
Lyle မြှားကို လေးမှာ တပ်ပြီး အဝေးက ဒရယ်ဆီကို ချိန်ရွယ်လိုက်သည်။
********
Zawgyi
"မေတာ္တဆဆိုရင္ေတာင္ ေသသင့္ၿပီ မဟုတ္လား"
Lyle (လိုင္လ္) တစ္ေယာက္ ဟိုဘက္လွည့္ၿပီး စိတ္အေႏွာက္အယွက္ျဖစ္စြာ ေတြးမိသည္။
ထိတ္လန့္ေနတဲ့ အေစခံယူလာတဲ့ သတင္းကေတာ့ မိဖုရားေခါင္ႀကီး ထပ္ၿပီး ေသေၾကာင္းႀကံတဲ့ သတင္းပဲ။
ဒီအႀကိမ္နဲ႔ဆို ရွစ္ႀကိမ္ေျမာက္။
အျမဲတမ္း မိဖုရားေခါင္ႀကီး ေသေၾကာင္းႀကံတယ္ဆိုၿပီး ေနာက္ ျပန္ေကာင္းတာပဲမလား။
ငါေတာ့ သူမကို တခါထဲသာ ေသေစခ်င္လိုက္တာပဲ။
Medea (မယ္ဒီယာ) သာ တကယ္ ေသဆုံးခဲ့ရင္ ဒုကၡအေရာက္ဆုံးသူက ဘုရင္ Lyle ျဖစ္မွာ ျဖစ္သည္။ သို႔ေသာ္ သူက ေသေစခ်င္သည့္အထိ စိတ္ပင္ပန္းေနၿပီ ျဖစ္သည္။
ေလွကားေပၚက ျပဳတ္က်တာ၊ ျမင္းေပၚကေန ေရကန္ထဲ မေတာ္တဆ ျပဳတ္က်တာ။ ခဏခဏ ျပဳတ္က်လြန္းလို႔ မိဖုရားရဲ့ ဝါသနာလို႔ေတာင္ ေျပာလို႔ ရေနၿပီျဖစ္သည္။ သြားေနတဲ့ လွည္းေပၚကေနေတာင္ ခုန္ခ်တာ ...
အမွန္အတိုင္းေျပာရရင္ Lyle အျမင္မွာ Medea အခုထိ မေသေသးတာက ေတာ္ေတာ္အံဩဖို႔ ေကာင္းတဲ့ ျဖစ္ရပ္ျဖစ္ေနၿပီ။
ဒီတေခါက္က ျဖစ္တာက ဒုတိယထပ္က လသာေဆာင္က ျပဳတ္က်တာလို႔ အေစခံက ေျပာတယ္မလား။ အဲ့ကေနျပဳတ္က်ရင္ ဇာတ္က်ိဳး မေသနိုင္ဘူးလား။
ဒီတေခါက္လဲ အေစခံက မိဖုရား ေသတဲ့ သတင္း ဆက္မေျပာေတာ့ ၾကည့္ရတာ ျပန္ေကာင္းသြားၿပီ ထင္ပါရဲ့။ အေစခံက ဟိုဟိုဒီဒီၾကည့္ရင္း
"အရွင္မင္းႀကီး၊ မိဖုရားကို သြား မၾကည့္သင့္ဘူးလား"
Lyle က သူ႔ရဲ့ ေလးတံကို စိတ္အေႏွာက္အယွက္ျဖစ္စြာ ေကာက္ကိုင္လိုက္သည္။ တစ္စုံတစ္ခုက အေဝးက ခ်ဳံပုတ္ေတြထဲမွာ လွုပ္ရွားေနၿပီး ပုံစံၾကည့္ရတာ ဒရယ္ တစ္ေကာင္ ထင္ပါရဲ့။
"ငါ မိဖုရား သတင္းကို မၾကားေသးဘူး"
Lyle စကားေၾကာင့္ အေစခံႏွစ္ေယာက္ တစ္ေယာက္မ်က္ႏွာ တစ္ေယာက္ ၾကည့္မိသြားသည္။
Lyle ကေတာ့ ေက်ာက္႐ုပ္လို ထိတ္လန့္သြားတဲ့ အေစခံကို လွည့္ပင္မၾကည့္ေတာ့ေခ်။
"မင္းသာ ဒရယ္ေနရာ အစားမဝင္ခ်င္ဘူးဆိုရင္ မင္းပါးစပ္ကို နည္းနည္း သတိထားမွ ျဖစ္မယ္။"
အေစခံက ခ်က္ခ်င္း ခါးညြတ္အရိုအေသေပးရင္း သူ႔ပါးစပ္ကို လက္ဝါးႏွင့္ အုပ္လိုက္သည္။
Lyle ျမႇားကို ေလးမွာ တပ္ၿပီး အေဝးက ဒရယ္ဆီကို ခ်ိန္ရြယ္လိုက္သည္။