عنود : ريم
ريم وهي لاهيه بالفون : هلا
عنود : ريم ارمسج ودري عنج الفون
ريم : ها اسمعج
عنود : انا احس ان نوف وراها شي
طالعتها ريم ب استغراب
ريم : ش تقصدين ؟؟
عنود : ماعرف ريم ماعرف
ريم : دام م تعرفين لا ترمسين
عنود بضيق : ريم ياخي اعرف انج تحبين اخويي سلطان وهو يحبج ونتي سحبتي عليه ومانعرف ش السبب وهاي نوف ناشبه فيه ماقولج جي عسبت اخرب من بينكم انتي بنت خالتي واعزج ومستحيل اسوي شي يضرجج بس نتي من تشوفينها تلهين وياها وتسحبين علي وما تشوفين انها تتلصق ف سلطان وايد حتى هو جي يقول ، ريم لو م تبيني اكون وياج بسير ؟
انصدمت ريم وحضنت عنود لانها ماعرفت ش تقول
بعد صمت دام لدقائق معدودة
ريم : عنود
عنود : هلا
ريم : انا اسفه اذا حسستج ب جي وماقصد سامحيني اما ع نوف ف ماعرف
سلطان دق الباب يزقر عنود عسبت بيروحون ودعت الريم وطلعت
دش سلطان و ودعها وسارو
تمت ريم تفكر ب كلام عنود