الكاتبة: اية الركابي ✍🏻
رجعت للبيت لكيت العائله كلهه متجمعه لاول مرة هيج ننجمع ولغريب حتى نوران لكيتهه موجوده بلصاله دخلت لكيت امي دتبجي لان خايفه على حسين
وفاء: لكك يمه لك خاف ذوله مو خوش اوادم ويرفعون قضيه عليك ويخلوك بسجن يمه وليييدي 😢
تبارك : مامه شبيج هذا حادث غير متعمد هواي هيج قضايا يعني عقوبتهم ماتكون قاسيه باعتبار هذا قضاء وقدر وحتلو رفعو دعوة عليه اني حكون لمحاميه مال حسين ماخلي يصيرله شي لان هوة مامتقصد
ابو حسين : ليش انتي منو كلج حيرفعون دعوة عليه؟
تبارك : اي صح يمكن مايسون شي لان قضاء وقدر
ابو حسين : لا مدقصد هيج هذوله ناس ماتمشي بلقانون وانما يمشون بلحكم العشائري
حسين : شلون يعني؟
ابو حسين : قبل شويه خابرو عليه كالو تجيب عمامك وتجون لان حسب ماسمعت هذوله ناس من البصرة ويريدون يسون كعده عشائريه ابنهم جان جاي لبغداد علمود دراسته وصار الصار
وفاء : لعد خلي ننطيهم فلوس ونفض السالفه احسن
ابو حسين : موكلشي بلفوس جوز يريدون غير شي نروح باجر اني وعمامي ونتفاهم
نوران : شنو كعده عشاير لعد المن حاطين القانون؟
وفاء : يمه كل منطقه والهة اعرافهه احنه بغداد نختلف عن البصرة وكل محافضهه والهة تقاليدهه وحكمهه
حسين : واني اجي لو لا
وفاء : لا يمه انته روح لبيت خالك بلنجف اخاف لا يطلعون ناس ماتخاف الله ويريدوك
ابو حسين : اي لازم ماتجي نروح اني وجدك وعمامك والله كريم
رحت صعدت فوك غيرتي ملابسي ومشطت شعري جنت مو كلش مهتمه بلموضوع يمكن لان هواي قضايا تجيني خطيرة مثل القتل والاغتصاب والسرقه فيمكن تعلمت وبنفس الوكت كلت حسين ولد مامسوي شي عن عمد فانشالله تنحل بسرعه ونخلص اجاني اتصال قطع سلسله افكاري باوعت لكيته امير
تبارك : الو امير مو كتلك لا تتصل لان احنه بعدنه مامخطوبين واهلي ميدرون
امير : ادري بس ردت اطمن عليج حسيتج اليوم جنتي ضايجه
تبارك : لا مابيه شي يلا مع السلامه
امير : لحضه بس هم ردت اكلج كل عام وانتي بخير لان بعد يومين يصير عمرج 23
تبارك : اي صحيح وانته بخير ☺️
اثناء الكلام دخلت نوران فراسن سديت التلفون وكعدت اقرة بلروايه طبعا اني ماردت اكول لامير على سالفه حسين حتى لا يضل باله وبنفس الوكت هيه انشالله رح تنحل
ثاني يوم جان جمعه اني وامي كعدنه بلبيت وراح حسين لنجف بيت خالي و راحو ابويه وعمامي للبصرة بيت اهل الولد لمرحوم ........
ـــــــــــــــــــــــــــــــــــــــــــــــــــــــــــــــ
ابو حسين : الله بلخير احنه اهل حسين وجاينكم اليوم حتى نحل السالفه واذا تريدون من عدنه فلوس احنه حاضرين بس اؤمرو لمهم نحل هذه السالفه بسلام
ابو ناصر : الله بلخير طبعا تعرفون الابن شكد غالي وخاصه ابني ادم الله يرحمه جان ولد بعد طالب ويدرس وابني لصغير مو شي سهل ولا نكدر نعوضه بفلوس
هنا حجه الشيخ مال عشيرة ابو حسين
الشيخ جبر : انتو تعرفون انو الصار قضاء وقدر وماكو شي يعلو عن امر الله و اعرف خسارة مو سهله ومو كلشي بلفلوس بس حنحاول ندفع ولو شويه نعوضكم عن الصار
ناصر : ليش انتو منو كللكم نريد منكم فلوس احنه ماعايزين عليكم والدم بلدم ابنكم دعم اخويه واحنه هم نريد دمه
حجه عمي ابو عبدالله
ابو عبدالله : صلي على محمد يا ابني ترة حسين مو متقصد وايشي تريدوه طلبو غير دم حسين
ناصر : دنكول احنه مانريد فلوس نريد دم وهذا اخر كلام ابنكم اطلعه لو جوة الكاع
ابو ناصر : بما اني ابو الولد المدعوم اقترح ناخذ فصليه
ابو حسين : شنوووو فصليه
شيخ عبد : حتى نحلهه بطريقه سلميه وبنفس الوقت مارح يقتلون ابنك
ابو حسين : لو اموت مانطي فصليه هاي انته شدتحجي شيخ
وكف ابو حسين وجان كلش رافض الفكرة هوة وعمامه كام وطلع من لبيت وهوة صاير نار
بس اثناء ماهوة يطلع سمع ناصر يكول
ناصر: اذا باجر ماتجيبون الفصليه نجي لبيتكم نقتل ابنكم حدكم لباجر
ابو عبدالله : هوة انته شنو جاي تهدد ممنوع احد يتقرب من بناتنه
طبعا صارت مشاجرة كلاميه وطلعوا ابو حسين وعمامه من لبيت
ــــــــــــــــــــــــــــــــــــــــــــــ
جنت دلعب رياضه بغرفتي لان متعلمه العب رياضه شويه تغير من لنفسيه لحد ماسمعت صوت عياط امي جوة نزلت اركض فسمعت امي تكول
وفاء.: يممه بناتي ممنوع احد ياخذهن شلووون بيك حسين شسويت بينه
ابو حسين : اني حخابر على حسين يبقه يم خاله بنجف لا يجي احسن اذا يرجع يكتلوه
اني نصدمتت من لسمعته ليش يكتلوه وليش تكول بناتي محد ياخذهن ليش منو حيخذنه؟
كعدت يم امي واني احاول افتهم منهه طبعا بس تبجي وبصعوبه حاولت افهم منهه شنو حيصير راسن نفجرت من لبجي مجنت متخايله لهاي الدرجه لموضوع كبر
وفاء : اذا سوو شي لابني لو لبناتي ارفع عليهم دعوة والله الاه اخليهم بسجن
ابو حسين.: لج يا دعوة هذوله مايمشون بهسوالف بس اني متاكد مارح اخليهم يتقربون من لبنات لو من حسين
اني راسن صعدت فوك وكمت ابجي واحجي
تبارك.: لجج نوران باجر يريدون ياخذون فصليه لج اذا ماخذوني يكتلون حسين حتخبل
نوران : اقفل باب الغرفه ومحد يجيني انتي روحي
تبارك.: استغفر الله هاي شبيج انتي
غطيت راسي ونمت ثاني يوم كعدت على صوت باب الشارع يندك بقووة كلت بكلبي هاي شكوو وايدي دترجف