ستكونين لي ✨

💔

تذكير /
الشرطة : ياليت ماتأخرونا اكثر امشوا معنا وبنعرف كل شي
رزان ناظرت رسيل ورسيل منزلة راسها الارض ..
رزان : ماتوقعت انس حقوده لهدرجة لكن اكتشفت حقيقة اكثر شخصين كنت اعزهم واحبهم وطلعو من حياتي بنفس اليوم
رولان : امشي يارزان امشي احنا معس
عزيز : لاتخافين رزان كلنا معس ومستحيل نخليس
مسلط : رزاني لاتخافين بجيب لس افضل محامي وانا اخوس مستحيل اخليس
رزان : احبكم الله يخليكم لي
رولان مسكت يد رزان وقالت : احبس رزان
رزان ضمت رولان وقالت : وانا اموت فيس
وراحت رزان مع الشرطة ..
________________________________________________________________
وراحت رزان مع الشرطة ولحقوها مسلط وعزيز ورولان ..
رزان بينها وبين نفسها : ليش يارسيل ليش هذا مو انتي لييشش !
ووصلو اخيراً لقسم الشرطة ونزلت رزان ونزل مسلط وعزيز ورولان من السيارة ويركضون ورا رزان 💔
مسلط : رزان لاتخافين انا معس مستحيل اتركس
رولان : رزاني انتبهي لنفسس ولاتخافين باذن الله بيصحى زايد وبيساعدنا
رزان قالت : اه زايد
عزيز : باذن الله تنحل لاتخافين كلنا معك
وجت موضي وعيد
رزان : يمه يبه
عيد : وش صار علموني
موضي : بنتي
رزان للشرطي : عادي اكلمهم شوي ؟
الشرطي : تمام بس دقيقتين لان ترا جداً مستعجلين ونبي نشوف ونحقق بالموضوع
رزان : تمام
راحت رزان وضمت امها وابوها
عيد : لاتخافين بنطلعس من هنا بس انتي ساعدينا
رزان : يمه يبه ماتوقعت رسيل تسوي فيني كذا !
موضي : ليه وشدخل رسيل ؟
رزان بكت وتنهدت وقالت : لا ولاشي يمه
مسلط : يمه رسيل هي اللي بلغت على اختي
موضي : وشووو !! ليه وشدخلها مورزان اللي طيحت اخوها انا اعرف بنتي مستحيل تأذي نمله باقي تأذي زايد
رزان : يمه سامحيني يبه سامحني
وراحت رزان لأخوها مسلط ..
رزان : انت انت لو اقول كل شي مستحيل اوفيك حقك واوفي اللي قاعد تسويه معي جداً محظوظة انك اخوي الله يديمك لقلب اختك ولا يحرمني منك
مسلط دمع وضمها : وانا جداً احبس ومستحيل اتركس بهالمكان تأكدي من هالشيء
رزان : متأكدة وواثقه بعد ، انتبهو لنفسكم حبايبي يلا تبون شي ؟
موضي بكت وقالت : انتبهي لنفسس ياعيون امس تمام قلبي متقطع عليس لكن بسوي كل شي لاجل اشوفس نايمه ومرتاحة بغرفتس وببيتس ومع اهلس
رزان : ياحبي لكم
وراحت رزان لرولان وقالت : انتي افضل واحسن واحلى اخت فعلاً ربي عوضني فيس ومحد مسعدني بهالدنيا غيرس جداً احبس
رولان ضمتها وقالت : يووه رزاني
راحت رزان لعزيز وقالت : انت شخص جداً مدري شقول عنك لكن جداً لطيف وحبوب وانا احبك واعزك كمحبتي لمسلط انتبه لنفسك وانتبه لرولان زين بالفترة اللي ما اكون فيها
عزيز : باذن الله
رزان ابتسمت وراحت مع الشرطي ودخلت عند الضابط ..
عيد دق على محامي وقاله : تعال للشرطة ضروري بنتي هنا
المحامي : سم استاذ عيد
عيد : عجّل
" في الغرفة "
الضابط : وش سبب طيحة الولد زايد ؟
رزان : دفيته
الضابط : انتي دفيتيه ولا احد كان معك بوقتها غيركم ؟
رزان : لا انا وهو
الضابط : تكذبين على من ؟ وتلعبين على من !
رزان : كذبت عليك ف ويش ! ذا الحقيقة
الضابط : ريتاج جت واعترفت بكل شي وهي الان عندنا
رزان انصدمت وقالت : اايييي..يييشش !!!!!
الضابط : هي موقفّة عندنا الآن واللي قال لنا البلاغ كان كذاب وبلاغه كاذب اخر حل لها هو اذا صحى الولد وسحب الدعوه
رزان : اصلاً الولد ما اشتكى عشان تقول يسحب الدعوه اخته هي اللي اشتكت
الضابط : اياً كان من بلّغ لكن يضل سحب الدعوة شي راجع له وخويتك موقفّه عندنا فالنظاره ماراح نرسلها للسجن الا بعد ما يرفع الولد صدق عليها دعوه
رزان : طيب عادي خلها ترجع للبيت ولا صحى الولد يتفاهمون !
الضابط : هذي انظمه وقوانين وتقدرين ترجعين للبيت واي وقت نبي شي بنستدعيك
رزان : عادي اشوف خويتي ؟
الضابط سكت شوي وقال : عادي بس ٥ دقايق واخرجي
رزان : سم إن شاءالله
وراحت رزان للنظاره وشافت ريتاج ..
رزان : ريتاجييي
ريتاج : رزانييي
وضمو بعض وكانت ريتاج جداً ندمانه 😢
رزان : ريتاج ليش سويتي كذا وبلغتي على نفسس انا كنت بقول انا وخلاص تنحل المشكلة
ريتاج : رزان انا ابي اتحمل نتيجة افعالي وبعدين انتي مالك دخل
رزان : اخ ريتاج زايد له يومين بين الحياة والموت مدري يصحى او مايصحى
ريتاج : رزان سامحيني
رزان : ليه تتأسفين مني ؟ تأسفي من اللي تعور صدق
ريتاج : ماكان قصدي اذيه لكن كلامه اللي قاله جارح
رزان : حتى ولو ماكان المفروض تطيحينه مع الدرج لكن صار اللي صار
ريتاج : الحمدلله على كل حال وانا راضية بقضاء الله وقدره ، رزان اهلي لايدرون اوكيه ؟
رزان : ماعليس مابقول لهم لكن اذا وصلهم خبر منّا ولامنّا تأكدي انه مو انا
ريتاج : تمام ياعيوني
الشرطي : خلاص انتهى الوقت
رزان سحبت يدها من يد ريتاج وطلعت وهي عند الباب وتناظر ريتاج وريتاج تناظرها رجعت رزان وضمّت ريتاج 🥺
رزان : ريتاج انتبهي لنفسس اوكيه
ريتاج : وانتي بعد وطمنيني على زايد
رزان : ابشري
وراحت رزان وهي تبكي واهلها شافوها ..
مسلط : وشفيس ؟
رزان : ريتاج بلّغت على نفسها قبلي
رولان : هذا اللي اصلاً من البداية المفروض يصير لان مالك ذنب الذنب كله ذنب ريتاج هي اللي دفته
رزان : خلاص رولان حصل خير ودامها هي بلغت على نفسها خلاص مالي دخل بس اهم شي ما اكون انا الغدارة واغدر بخويتي
رولان : ياكثر ماغدرو فيس خوياتس وانتي متحملة
موضي : هالمرة مو زي المرات الجاية
رزان : ليه يمه شقصدس ؟
موضي : بتسافرين للأردن وتكملين دراستس هناك انتي واخوس
رزان : ااااييييششش!!! ماوافقت
موضي : غصب مو طيب لاني خايفة عليس
رزان : هه خايفة علي ؟ متأكدة ؟ والاردن وش مو هي برا وغرب تكفين يمه مابي
موضي : طرق
عيد : لا مستحيل اخلي بنتي تسافر بعيييد عني
موضي : انت ماتخاف على بنتك بنتك مصايبها كثرت وخوياتها كلهم غدرو فيها من ظل معها ممكن تعلمني ! وبوقت ضيقها كلهم اختفوا
عزيز يناظر رزان وحزين عليها ورولان تبكي ليش ان خويتها بيسفرونها ..
عزيز : رولاني وشفيس ؟
رولان : ماسمعت وش يقولون يعني بدرس لحالي خلاص
عزيز ضمها وقال : ياحبيبتي انتي لاتخافين باذن الله تتسهل متأكد ماراح يوافقون مسلط وابوها اكيد
رولان : يارب
مسلط : يمه منجدس تراها اختي واختي الصغيره مستحيل اسمح لها تسافر مستحيل
موضي : بتسافر انت معها
مسلط : وجامعتي ودراستي واخوياي وانتم وين ذا كله كله بحصله فالاردن نعم ؟ شهالمنطق !!!
عيد : مستحيل بنتي تروح مستحيل مستحيييييل
موضي : هي مخيره بين امرين ياتسافر يا انها تنسى ان عندها ام اسمها موضي
رزان انصدمت ودمعت : بعتينيي ؟؟
عيد : حرام عليس تسوين كذا فبنتس الوحيدة
موضي : ماعندي غير ولد واحد اسمه مسلط ورزان اذا تبي ترجع بنتي تسوي اللي ابيه
رزان مسكت يد امها وتترجاها وقالت : حرام عليس يمه قسم حرام والله ما ابي اتغّرب تكفين يمه ارحمينيي تكفين ما ابي الغربه
موضي فكّت يدها وقالت : سوي اللي ابيه
رزان جلست فالارض وقالت : تمام ان شاءالله ما اكون قصرت ومايكون الخطأ والذنب مني لكن تعبت وانهد حيلي خلاص موافقة😔
عيد : رزان يابوك انتي منجدك !!
رزان : خلاص يبه انا معد احد يبيني خلاااصص
مسلط : نعم وانا ؟
رزان : انت انت كل شي
مسلط مسك يد اخته وقال : اذا اختي بتتغرب حتنى بتغرب معها
رزان تناظره وهو يناظرها ..
موضي : مسلط ! منجدك ؟
مسلط : ايه منجدي دامكم نسيتو بنت لكم وبتغربونها حتى ولدكم بيتغرب معاها مع اختي في شر ولا في خير انا معها
عيد مسك كتف رزان وكتف مسلط وقال : ✨انا فخور فيكم جداً✨
رزان : احبك يبه
مسلط : انتبه يبه لنفسك وانتبه لامي
مسلط ورزان طلعو من المخفر ..
جت رولان ومسكت يد رزان
رولان وهي تبكي : رزان تكفين لاتتخلين عني مقدر !
رزان دمعت معها : تكفين والله موبيدي حتنى ما ابي لكن تشوفينهم
عزيز لمسلط : مسلط انتبه لنفسك ولأختك جداً بنشتاق لكم
مسلط : ابشر ياخوي
ومسلط ضم عزيز ورزان ضمت رولان وكلواحد دمع بس مايدرون ..
رزان : انتبهي لنفسك
رولان : وانتي بعد 😔
________________________________________________________________
" في المستشفى "
جت سجى وراحت لرسيل ..
سجى : رسيلي
رسيل : هلا
سجى : كيف اخوك اليوم ؟
رسيل : زين ماعليه وامس ترا صحى
سجى : اقدر اشوفه
رسيل : شتبين فيه ؟
سجى : بعدين اقولك
رسيل : الله يكفينا شرك
سجى : وشبك يختي بقوله شي وبخرج
رسيل : لاتقولين له شي عن رزان
سجى : لاحول طيب
________________________________________________________________
" في سيارة مسلط "
رزان : مسلط ماني مستعدة ابداً وانت
مسلط : ولا انا !
رزان : كنت راسمه احلام واشياء ودي اسويها هنا ببلدي
مسلط : حتى انا لكن شنسوي تعرفين امي
رزان : كيف بترك زايد ؟ كيف بترك خوياتي ؟ كيف بترك غرفتي اغراضي اشيائي حياتي كل شي كل شي !
مسلط : المشكلة الاردن دولة يعني بعيدة كيف باخذ سيارتي يعني
رزان : اه الحياة قست علينا وانا اختك
مسلط : اي والله بغلطة بسيطة حتى مهوب انتي صار كل ذا
رزان : الحمدلله على كل حال وانا عندي ثقة وايمان بالله ان كل هالمصايب بتنحل 🥺
مسلط : وانا معس احس ان شاءالله بتتيسر وخل ناخذها سياحة شرايك
رزان ضحكت وقالت : تم وخنسوي كل شي خاطرنا فيه
مسلط : قدام
رزان سكتت شوي وتكلمت وقالت : مسلط
مسلط : هلا
رزان : ابا اروح لزايد
مسلط : ماتعرفين التوتر اللي بينس وبين عايلته وعاد مدري هو صحى او لا
رزان : عادي بس لازم اودعه تكفى
مسلط : والله حتى انا ابا اودعه واودع العيال كلهم وابا اكلم وحدة
رزان : منهي
مسلط : رهف
رزان : ليه وشدخلك ؟
مسلط : قبل فترة قالت لي انها تحبني وابي اعتذر لاني جرحتها واجد
رزان : شعلينا شكلك بتحبها
مسلط : لاشدعوه ترا خلاص الحب طلعته من حياتي
رزان : بتطلعه غصب اصلاً لانك بتسافر ههههههههه
مسلط : قلتيها
رزان : ماعليه ياخوي الله بيسعدك وبيرزقك احسن من ريتاج
مسلط : ان شاء الله
رزان : تمام ودني عند زايد وروح واذا خلصت بنزل تحت وانتظزك ترجع لي
مسلط : زين
رزان : بس لاتنسى مني
مسلط : انسى روحي ولا انساس
رزان : كفو
مسلط : كفوس ياعيون اخوس
________________________________________________________________
" عند سجى "
سجى دخلت وجلست عند زايد وتحرك زايد ..
سجى : كيفك اليوم ؟
زايد : بسم الله وش تبين انتي هنا ووين رزان ؟
سجى : سألتك قلت كيفك على طول كذا
زايد : بخير ، نعم وش تبين ؟
سجى : احبك
زايد : ياليل خرفتي انتي تحبين عبدالله
سجى : تغيرت المشاعر وصرت احبك انت
زايد : طيب وش صارلي انا ووش فيني فالمستشفى
سجى : رزان دفتك من فوق الدرج ؟
زايد : رزان ماتسويها بس وشفيني نسيت وش صار معي
سجى : رزان فالشرطة الحين بسبب انها دفتك
زايد : وخري عن وجهي بلا كذب رزان برا وتستناني عارف انا رزان مافي مثل قلبها
سجى : اوك تبي اخلي رسيل تجي وتقولك
زايد : ابيك تنقلعين برا
سجى : ما بنقلع الين اشوفك طالع من هنا وبخير وبصحة وبسلامة
زايد : ياليل الحمدلله انا بخير
سجى مسكت يد زايد وزايد يطالع فيها ومستغرب انو كيف تخون صديقتها !
زايد استسلم للأمر وخلاها ماسكة يده ..
اميال : يوه ذي وش تسوي مع زايد صارلها ساعه عنده !
رسيل : والله مدري عنها
اميال : مدري احس جالسة تسوي شي واحسه هالشي لرزان
رسيل : هي جالسة تسويلها شي
اميال : ترا رزان مالها ذنب ابداً ومستحيل تسوي في زايد شي وانتي اكثر وحدة عارفه شكثر هي لطيفة وطيوبه ومحد وقف معك يوم ضربتك سلمى غيرها تذكرين ولا اذكرك
رسيل : طيب ندمت
اميال : طيب خير تروحين تبلغين عليها !
رسيل : سجى لعبت براسي
اميال : تراك مب ورع عشان تلعب فيك
رسيل : اوه خلاص اللي صار صار
جت رزان ومعها ورد ودخلت للمستشفى وسألت الاستقبال وقالت : كيفه زايد ؟
الاستقبال : زايد ايش ؟
رزان : زايد سابر كان عندكم وسوا عمليه
الاستقبال : امس صحى ونقلناه لغرفة ٢٠٥
رزان : زين شكراً جداً
راحت رزان ولقت رسيل ..
رسيل : رزان هلا نورتي
رزان تجاهلتها وراحت لأميال وضمتها وعطتها الورد وقالت لها : كيف زايد اليوم عساه احسن !
اميال تناظر رسيل ورسيل تناظررزان ..
اميال توترت : اء رزان شرايك تجين هنا وترتاحين وتشربين مويه بعدها تدخلين لزايد ..
رزان : لا تسلمين جداً مرتاحة بدخل اودع زايد وبروح
رسيل : تودعيننن !!!
اميال : رزان شسالفة ؟ ليه تودعينه
رزان : بعد ما اخرج من عند زايد بقولس السالفة كلها
ودخلت رزان عند زايد وشافت زايد ماسك يد سجى وسجى نايمه عنده
رزان شهقت وحطت يدها على فمها زي كذا 🫢
زايد سمعها وشافها ..
رزان : ز..ز..اا..ييد سس..سج..ى
زايد : رزاني فاهمه غلط والله هي اللي تتقرب مني
سجى : تراه خطيبي انا وزايد بنتزوج
رزان بكت وقالت : هذا اخر يوم لي وتسوون فيني كذا ليش انا شقصرت معاكم عشان تخونوني ومعبعض بالذات انت يازايد اخر واحد توقعته يخونني ليششش وش سويت لكم !
زايد يناظرها ودمع وقال : انتي اللي تركتيني بيدك لها
رزان : عادي عادي خذو راحتكم الله يوفقكم وتزوجو واستانسو انا تاركه لكم السعودية ورايحة خلاص اخر مره تشوفوني
زايد : ل..لي..يش وين رايحة !!
رزان : مالك دخل لكن ياخساره يوم جيتك وابي اودعك ياخساره كل يوم وثقت فيكم انتو الاثنين
بكت رزان وطلعت من الغرفه وهي منهارة 😢
سجى : لاتهتم لها خل تنقلع وين بتروح يعني
زايد دفّ سجى وقال : انقلعي عني انا احب رزان ما احبك انتي اخر وحدة افكر فيها ولو مابقى غيرك فالعالم مستحيل اتزوجك فاهمة
وفك زايد المغذي من يده والدم ينزل عالارض ..
رزان طلعت منهارة وقابلتها اميال : رزان بنت لايهمونك
رزان تشاهق : لي..ليش سوو فيني كذا ؟!! زايد ليش سوا لي كذا انا ب وش اذيته تكفين علميني
اميال ضمت رزان وبكت : ماتستاهلين كل اللي صارلك ابداً ماتستاهلينه
ورزان قالت لاميال السالفة حقت سفرها كلها 💔
اميال : معقولة بتتركينا !
رزان : احلى شي صار لازم انسى زايد
اميال : اخ يارزان انتبهي لنفسك ولاتنسيني
رزان : من عيوني
طلع زايد وقال : رزان !
رزان التفت وقالت : خير روح لها روح لحبيبتك شوفها تناظرك انا ماني ولاشي لك
زايد راح لها وضمها ورزان دفته وعطته كف وقالت له : تتهنى يا .. يا اخوي
زايد كأنها سكين انغرزت بقلبه يوم قالت له ( اخوي )
رزان اتصلت على مسلط وهي تبكي : الو مسلط تعال خذني بسرعه
مسلط : وشفيس تبكين !! رزان احد زعلس بشيء
رزان : تعال وبعدين اقولك
سجى طلعت من الغرفه ..
زايد : انتي شتبين بحياتي ياخي ما ابيك افهمي
اميال : خلاص رزان بتروح
زايد : هيهه !! حت..ى هي تقول بتروح فين بتروح..
رسيل تبكي وتشاهق ..
زايد : وو..وشفيكم؟؟
اميال : خلاص رزان اهلها قررو انها تسافر برا يعني خلاص رزان اليوم اخر يوم تشوفها هي ومسلط خلاص رزان انتهت من حياتنا كلنا يازايد والسبب كله انت وسجى لان هي اللي بلغت عليها
زايد صرخ : اا..ااايييششششش!!
اميال : ذا اللي صار
زايد صفق سجى ولعن خيرها ويصارخ
سجى : وخر عني ياكلب خلاص رزان ماتبيك رزان بايعتك رزان مومهتمه لك
زايد صرخ وقال : خخلخلااااصصص .. اسكتي عني
زايد : ليه !! رزااان تتركننني
اميال : تحمل هذا اللي سوته يدينك ويد سجى اللي انت ماسك يدها
سجى : رزان بتسافر يعني خلاص معد بشوفها
زايد صرخ : توككككك تستوعبين توووككككك !!!
واغمى على زايد لانه لسى تحت تأثير التخدير وخذوه ورجعوه للغرفة ..
________________________________________________________________
رزان طلعت من المستشفى وهي منهارة مسلط نزل من السيارة وراح لها ..
مسلط : رزانتي وشفيس !
رزان : ياليتني ماشفتهم ياليتني سمعت لك ومارحت لهم
مسلط : وشفيس وش سوو لس
رزان : ياليتهم هم ، زايد وسجى كانو مع بعض
مسلط : ايييشششش !!
رزان : اي تكفى مسلط خلاص خل نمشي
مسلط مسك رزان ووداها للسيارة ..
رزان فالسيارة وحزينة لابعد درجة وموطايقة احد !
مسلط : رزان
رزان ساكته ماردت عليه
مسلط : رزاني قاعد اكلمس
رزان : هلا ياعيني ؟
مسلط : مستعدة نسافر
رزان : جداً
مسلط : اخ زايد اخر واحد توقعته يسوي فيس كذا
رزان : كلنا لكن الحمدلله على كل حال !
مسلط : الحمدلله
رزان : كان امي معاها حق انو صديقاتي كلهم صايرين يغدرون فيني ويجرحوني والافضل لي السفر مسلط حبيبي انت ظل بالديرة انا بسافر لحالي
مسلط : مستحيل
رزان : بس ما ابيك تلتزم معي
مسلط : اذا جلست هنا ما عندي احد اكلمه اصلاً كذا ولا كذا انا وانتي عايشين لاجل بعض
رزان حطت راسها على كتفه وقالت : الحمدلله انك اخوي
رزان : الا متى بنسافر ؟
مسلط : بكره الصباح وبنسافر بر عشان سيارتي
رزان : اوه يالتعب
ونامت رزان من التعب وكانت تحلم بكوابيس مزعجة من جديد كالعادة ..
مسلط : اخ يارزان ليتني اشيل الهموم كان شلت جميع همومس وخليتس ترتاحين
________________________________________________________________
" بيت بهاج "
اميرة نادت اخواتها عشان يجون يتعشون ..
رولان نزلت وقالت : والله ان مالي نفس
بهاج : وشفيك ؟
رولان : رزان ومسلط بيسافرون
بهاج : الله عادي بيسافرون يتمشون وراجعين
رولان : ياليت
بهاج : ليه وش صار
ورولان قالت له السالفة كلها
بهاج : خلاص اليوم نروح لهم وننام عندهم ونسولف معاهم بما انهم بكره بيسافرون بس تعشو
شوق : صدق انو مومره صديقتي المقربه بس زعلت والله عليها
اميره : اي والله كانت جداً لطيفة وحبوبه كانت تجي للبيت بين فترة وفترة وكانت تدخل مبتسمه وتخرج مبتسمه ياحليلها
رولان : اجل وش تقولون عني انا من بيكون معي بلحظاتي الحلوه والمره
شوق : اخ الله يصبرك ما الومك
اميره : الحين تعشي وبسويلك كيك ونروح لها ونفرح معها شوي ونغير جوها لازم نكون معاهم
شوق : اي والله ولاتتضايقين يا عيون اخواتك
رولان : اخ خواتي الله يديمكم لي احبكم
ورولان ضمت اميره وشوق وبهاج يناظرهم
بهاج : هي خيير خذوني معكم
رولان ضحكت وقالت : تعال
وكانو اسعد اخوان وكانو جداً سعيدين 🥹
________________________________________________________________
" بيت احمد "
جت سجى للبيت وكانت معصبه جداً ..
احمد : هي وشفيس انتي انهبلتي !
سجى : اقول ورا ماتسكت انت عني وتفكني شرك
احمد : انتي تبين من يربيس صح محد رباس
ومسك احمد شعرها وصفقها تصفييق
سماح جت وفكته وقالت : انت انجنيييت
احمد يصارخ : خليها خليها الملعونه ذي ماخلت مصيبة ماسوتها والله ان طلعتي مسويه بلا لتندمين فاهمه
سجى : اقول تخسى وتعقب ياكلب
احمد مسك شعرها : بنشوف
ودق عزيز على احمد وقاله سالفة سجى كلها ..
احمد : انتي انهبلتييي !! تبلغيييين على خويتس ياوسخه ياملعونه تبلغين عليها اربيس انا فاهمه
سماح : وش سوت !!!
احمد : خل بنتس تفهمس انا طالع ولاعدني براجع فاهمين
عزوز جاء احمد وضمه🥺
عزوز : احمد لاتروح تكفى
احمد : عزوز حاس اني مخنوق تكفى خلني اطلع
عزوز : لاتروح
احمد : ماتوقعت اختي لهدرجة هي كذا !
عزوز : لاتروح تكفى
واحمد خرج من البيت وقاله : برجع
سماح : انتبه لنفسك وانا امك
احمد : زين يمه
سماح صفقت سجى كف
سماح : ياخساره تربيتي فيس ياخساره
وطلعت سماح فوق وسجى تبكي ..
________________________________________________________________
" عند مسلط ورزان "
مسلط ورزان جالسين عالعشاء ومالهم خلق يتعشون كل واحد يناظر صحنه
مسلط : رزان كلي
رزان : والله مالي خلق اكل شي نفسيتي زفت
مسلط : ياعيون اخوس لازم تاكلين لان بكره معنا طريق سفر طويل
رزان : موقادرة المشكلة
مسلط : حاولي وانا بعد بحاول
رزان : ابشر لعيونك بحاول
مسلط : كلي ياجعل محد ياكل غيرس ياعيون اخوس
رزان ابتسمت له
دق الجرس فجأة ..
رزان : عازم احد انت ؟
مسلط : لا ! يمكن امي وابوي
رزان : امي وابوي تعرف انهم مايجون الا اليوم الثاني الفجر
مسلط : اجل من
رزان : افتح وخنشوف
قام مسلط وفتح وطلعو رولان وبهاج وشوق واميره
رزان : يوه جيتووووو
مسلط : اخ حرفيا حسيت بسعادة يوم شفتكم
رزان : ههههههههه جداً كنت احتاجكم بنات تجون اليوم
مسلط : يالله حيكم
جاء احمد وكانو بيقفلون الباب ..
احمد : هي باقي انا
رزان ضحكت وقالت : هلا هلا حياك ادخل والله ماشفتك
احمد : حرام عليس
رزان : ادخل ادخل يا ابو راس
احمد : سمي
ودخلو كلهم وجلسو فالمجلس ..
احمد : مسلط قالي عزيز السالفة كلها بس قسم مابنقدر على فراقكم جداً حبيتكم وتعودت عليكم
شوق : جد رزان وربيي يعني جداً مانبيس تروحين
رولان قامت وراحت عند رزان وقالت لها : خلاص مانبي اليوم نكد اليوم نبي نفلها 🥹
رزان : مدري والله لكن نفسيتي كلش ماش
احمد : فيه شي غير اللي اعرفه ؟
رزان : زايد 😔
بهاج : ليه وشفيه زايد ليكون فيه شي وحنا ماندري ؟
رزان : ليت فيه شي زايد خانني ومع من مع سجى
احمد : ااايييشششش!!!!!
رزان : اي زي ماسمعتو دخلت عليهم وهم ماسكين يدين بعض ومن وقتها وانا متضايقة الف
رولان : اخخخخ يالنذلين
رزان : ياه الحمدلله على كل حال سالفة السفر جت بوقتها صدق ابي ارتاح منهم
رولان : وتتركيني ؟
رزان : رولان قدري ظروفي
اميره : يالله ماعليه باذن الله تقدرين ترجعين لقبل واحسن كمان
رزان : ما اعتقد برجع رزان الاولية ابداً
اميره : لاتقدرين انتي قدها
بهاج : رزان انتي اقوى شخص قابلته
رزان ابتسمت له
احمد : وش هالاخت ذي اختي ! متأكدين ؟
رزان ضحكت وقالت : لا بس عادي مومهم انت افضل منها
احمد استحى 🫣
الكل ناظر رزان ..
رزان : ههههههههه وشفيكم ؟
مسلط : لا ولاشي بس كأنه النفسية تغيرت
رزان : لاوالله ياخي زايد موقادر يطلع من قلبي ياخي ليتني ارميه لكن مقدر
احمد : يعني خلاص معد اقدر اشوف اخته اميال
رزان ضحكت وقالت : اسف لك 😭
بهاج ضرب راسه وقاله : اثقل ياخي
احمد : اووه وانا شقلت
بهاج : لا سلامتك ماقلت شي
رولان ضحكت وقالت : بهاج خله بحاله ههههههههه
وضحكو كلهم واستانسو وكانت اخر واحلى ليلة بينهم 🥺
وطلعو البنات فوق لغرفة رزان..
وجت رهف وعزيز
رهف : رزاني
رزان : رهوفي وينك قسم واحشتني
رهف : عزيز قالي اللي صار لك اخ بشتاق لك بس انتبهي لنفسك زين
رزان : ههههههههه ابشري
رولان : عزيز ورع
عزيز : هاه
رولان : تعال هنا
عزيز : وشفيك
رولان : وشفيك صاير انت ورهف اربعه وعشرين ساعه معبعض
عزيز : هي ذي اختي 😭
رولان : حتى ولو تراني اغار عليك حتى من ظلك ياورع
عزيز : وي
رهف مسكت بيد عزيز ورولان يده الثانيه وكل وحدة تسحبه لها ..
عزيز : هي وربي ما بنقسم لكم كلكم تبوني تراني نفسكم انسان
رزان فطست
رزان : ببكي عزيز شكلك شكلك يضحك خلكم كذا تكفون وربي ضحك 😭
رولان : رزان يرضيس يعني رهف تاخذ حبيبي وخطيبي وزوجي المستقبلي مني
رهف : وانا يارزان يرضيك تاخذ اخوي وحيدي عزوتي عشت معاه اكثر من ما عاشت هي معه
رزان تناظر رولان وتناظر رهف وفاطسه 🤣
عزيز صرخ وقال : خلاااص فكوني شركم اعوذ بالله يالحب اللي نزل عليهم فجأة
رزان : يحبونك يابوي وخل يتدلعون عليك بالنهاية يستاهلون الدلع حبيباتي
رولان ورهف ضمو رزان ويضحكون ومستانسين جداً
رزان : بنات
رولان ورهف : هلا
رزان : تصدقون ان اليوم اخر ليلة لنا معبعض فيها
رولان : اووه رزان لاتبكيني
وجت رولان عند رزان وضمتها
رهف : اوعدينا انك ماتنسينا وانك تتصلين علينا كليوم وتقولين لنا اخبارك
رزان : اوعدكم ما اترككم انتم بتصيرون جزء مني
رولان : ويمكن تلاقين شخص تحبينه وتعطينه الحب اللي ما استاهله زايد
رزان سكتت ..
رهف ضربت رولان
رولان صرخت وقالت  : اااااايييي وشفيس
رزان : رولان انا خلاص معد ابي احد بحياتي مسلط اخوي يكفيني الحمدلله
رولان : والله قلتها بمزح ماقصدي
رزان : عادي عادي ياعيني مش مهم
رولان : المهم ماعلينا خل نشغل اغاني ونرقص ونغني
رزان : والله مدري صراحة لكن ودي انوم ابداً مالي خلق لشيء
رهف : اخ رزاني
رولان : تمام ننام يعني ولا ؟
رهف : وش يعني اكيد بننام
رولان : اقول اسكتي بس
رهف : يع وربي اهبدك خلاص اسكتي
رولان : يوه
وما انتبهو رولان ورهف الا ورزان نايمه في سابع نومه
رهف : يازيييين النايمه
رولان : نعم خير حتى خويتي تبين تحتكين فيها مناك يلا
رهف : ترا حتى هي صديقتي اسكتي بس
رولان : اقول انا انام احسن لي منك
رهف : منزينك
رولان : منزينس انتي عاد
رهف شمّقت لرولان ولفت ورا ..
________________________________________________________________
" عند العيال "
مسلط : عيال
احمد : هلا
مسلط : ذي اخر ليلة لنا
عزيز : لا ان شاءالله انتم معانا للابد
مسلط : بما انو بنسافر ف نبي نفضفض لبعض
احمد : عندي فكرة احسن شرايكم نسوي اليوم اي شي نباه
مسلط : زين تم بس وش تبون نسوي ؟
احمد : نخرج برا ونتمشى شوي
مسلط : واختي ؟
عزيز : اختك ان شاءالله ماعليها شي نايمه مع البنات فوق وهي ساعه نروح نفرفر ونسوي اللي نبي ونرجع
احمد : صح كلام عزيز هاه وش قلت
مسلط : تم
احمد : بهووج بهوووجج نمت ؟
بهاج : لا
احمد : وشبك ماتكلمت
بهاج : مدري
احمد : خضيّر
مسلط ضحك وقال : يلا تم
وراحو العيال كلهم وراحو يتمشون وفلوها واستانسو ..
احمد : يوه كان يوم ممتع جداً
مسلط : عيال ودوني لزايد ضروري
عزيز : خله يولي بس
مسلط : معليكم بس فيه كلام بخاطري ابي اقوله له مابطول
بهاج : مسلط ندري انك زعلان منه وكارهه بعد اللي سواه بأختك لكن خله يولي وخل نرجع للبيت
مسلط : بتودوني ولا انا اروح له مع تاكسي
احمد : لالا بنوديك
والعيال ودو مسلط لزايد ..
عزيز : يلا وصلنا انزل وبننتظرك هنا اوك ؟
مسلط : اوك
وراح مسلط لزايد ودخل عليه وقاله ..

( 3571 ) كلمة ✨..
نجمة / كومنت ♥️
وبكذا خلص البارت المهم حبايبي اتمنى ماتقصرون بالنجمة والكومنت لان جداً تعبت وانا اكتبه تقريباً ذا اطول بارت وشكراً على 1k مشاهدة للروايه جداً احبكم 🤍💥🫰🏻