رواية دمعه ملاك
بقلم إيمي
Emy Boss
الجزء الثاني
وصلت ملاك وصفاء البيت
ملاك : اهلا بابي
هاشم : مبروووك ملاكي
لميس : مفيش اهلا مامي
ملاك نظرت لمامتها
وقالت بصوت حزين : اهلا مامي
ملاك : الله يبارك فيك بابي
هاشم : ايه الهديه اللي ملاكي عاوزاها
ملاك : تنفذ وعدك وبكون أخدت هديتي
هاشم : خلينا نأجل الكلام في الموضوع ده
ملاك : مفيش تأجيل
كان بينا وعد وانا عملت اللي عليا
ودلوقتي وقت تنفذ اللي عليك
لميس بغضب : مستحيل يحصل
هاشم : ملاك
انتي بنت هاشم حفناوي
وعاوزه تدخلي الجامعه دي
بمجموعك ممكن تدخلي اي جامعه كبيره
حتى لو عاوزه تدرسي بالخارج انا موافق
لكن ليه دي
ملاك : بس انا عاوزه دي مش غيرها
لميس : مستحيل بنتي تدرس بجامعه حكومي
طول عمرك بمدارس اجنبيه
وعاوزه تبقى خريجة جامعه حكوميه
هتدخلي الجامعه الامريكيه او اي جامعه اجنبيه
وده آخر كلام
هاشم : لميس
ممكن تسيبيني اتكلم
لميس : كلامك مش هيغير قراري
هاشم بغضب : لميس
ملاك : بابي
ليه وعدتني وهتخلف وعدك دلوقتي
هاشم : لأكون صريح
مكنتش متوقع انك هتجيبي المجموع ده
ملاك : بس انت وافقت ان ادرس بمدرسه حكوميه في آخر سنه في ثانوي عام
هاشم : لأنك مش هتروحي الا على الامتحانات بس
لكن الكليه مختلفه
كل يوم هتروحي الكليه
وهتختلطي بناس كتير
صدقيني مش هتبقى مرتاحه
ملاك : لو مش هرتاح هبقي اقولك انقلني جامعه اجنبيه
هاشم : اديني سبب واحد مقنع
ليه عاوزه تدرسي بجامعه حكومي
ملاك سكتت شويه
ملاك : عاوزه كليه هندسة شبرا
نفس الكليه اللي درست فيها
الجامعه الحكومي هي اللي طلعت عظماء زيك
عاوزه اعيش عادي زي الناس
محدش هياكلني يعني
هاشم : بس دي بعيده اوي
ليه تتعبي نفسك
مادام تقدري تكوني مرتاحه
لميس نظرت لصفاء : اكيد الخدامه هي اللي زرعت بدماغك الكلام ده
ملاك : بالعكس
هي عاوزاني ادرس بجامعه اجنبيه
ومش كل حاجه تقولي الخدامه
ليها اسم تناديها بيه
لميس : لتكوني هتعلميني اكلمها ازاي
هاشم : بس بس بس
مش هو ده موضوعنا
نظر لملاك : ملاك
اختاري اي جامعه عاوزاها اجنبيه
هسجلك فيها
لكن حكومي لا
ملاك : وانا مش هدخل غير كلية هندسة شبرا
هاشم : مفيش هندسه شبرا
اي جامعه تانيه هدخلك
ملاك : اوك
خلونا نشوف هدخلها ولا لا
ومشيت ملاك وتبعتها صفاء
هاشم بغضب : ملاك ملاك ملاك
هاشم : البنت دي هتجنني
حد يرفض يدخل جامعه اجنبيه
الناس كلها تتمنى تدخل الجامعات دي
لميس : لأنك مدلعها
هاشم : هتزعل يومين وبعدين تهدي
بنتي واكيد هتسمع كلامي
خلينا ننام
تاني يوم
صحيوا على صوت صفاء بتصرخ
خرج الجميع يشوف ايه اللي حصل
هاشم الصوت جاي من اوضه ملاك
الكل راحوا بسرعه هناك
لقوا صفاء ماسكه ورقه وبتصوت
الكل : في ايه
صفاء اديتهم الورقه
هاشم هاتوا الورقه
وبدأ يقرأ
ملاك : انا اسفه يا بابي
بس انت اللي خلفت وعدك
وانا مش هرجع البيت تاني
ولا هتعرفوا لي طريق
لاني همشي لمحافظه تانيه
واكيد مش هبقي غبيه واروح قرب الكليه اللي انا عاوزاها
لاني عارفه انكم هتدوروا هناك
ومش هتشوفوني تاني
سلام
هاشم : اكيد اتجننت
هاتولي فون اتصل عليها
مسك الفون واتصل على ملاك
لقى تليفونها سايباه على السرير
لميس : هنعمل ايه دلوقتي
كله بسبب تربية الخدامه دي
ياما قولتلك ابعد الخدامه دي عنها
مقدرتش عليك
هاشم : مش وقت الكلام ده
لازم نلاقيها الاول
اكيد لسه قريبه من هنا
الكل ياخد عربيته ويحاول يلاقيها
بدأ نادر وندى ( اخوات ملاك ) ياخدوا عربياتهم ويدورا على ملاك
والدها والدتها كمان خرجوا
لكن للأسف محدش لقى أثر ليها
هاشم : هنعمل ايه
حتى لو بلغنا الشرطه مش هنستفيد حاجه لأنها خرجت بارادتها
مش هنستفيد غير الفضيحه
هاشم :
فينك يا ملاك
كنا اتكلمنا تاني
واقنعنا بعض
لكن تمشي وتسيبي البيت كده
لو ترجع بس
وانا هعملها اللي هي عايزاه
بس نلاقيها
ملاك بفرحه : بجد
الكل استغرب من صوت ملاك
خرجت ملاك من مكانها
هاشم جري عليها وحضنها
هاشم : ملاكي
ملاك : بجد هتخليني اروح الكليه اللي عاوزاها
فاق هاشم من الصدمه
وصفعها على وشها بغضب
هاشم : ينفع اللي عملتيه ده
كان هيقف قلبي من الرعب
صدقيني اذا اتكرر الموضوع ده
هموتك بإيدي قبل ما تهربي
ملاك بدأت الدموع تنزل من عينيها
ملاك : بس انا مهربتش
انا كنت مستخبيه بس
هاشم : و الورقه دي
ملاك : دي مجرد تهديد للي ممكن افكر فيه
هاشم : بس انا مش بتهدد
ملاك : وانا كمان ممكن انفذ
هاشم بغضب : ملاك
ملاك : كان ممكن يحصل النهارده فعلا
بس حبيت اشوف اذا كنت غاليه عندكم ولا لا
هاشم : انتي بنتنا
اكيد غاليه
كنا هنموت لما لقينا الورقه
ملاك : وانا هموت لو موافقتش على الكليه
هاشم بغضب : اوك
هي الكليه السبب
انا موافق
خلينا نشوف هتستحملي تكملي فيها ولا لا
ملاك : هقدر
هاشم : صدقيني
الجامعه الحكومي غير الاجنبي
انا كنت عاوزك ترتاحي
بس انتي اللي عاوزه تتعبي نفسك
ملاك : وانت اتخرجت من نفس الكليه
وهقدر زي ما انت قدرت
وأكيد هنجح زي ما انت نجحت
هاشم : ايامي غير ايامك
على ايامي اللي كان بيجيب مجموع الكليه
كانت معجزه بحد ذاتها
لكن دلوقتي آلاف بيجيبوا مجموعها
حتى الدكاتره اللي بيدرسوا زمان غير دلوقتي
ملاك : مادام غيري بيقدر يتخرج
اكيد هقدر اتخرج منها
هاشم بعد تفكير : اوك موافق
لميس : وانا برفض
هاشم : اذا استحملت سنه مش هتستحمل التانيه
لميس : فعلا
طول عمرها وش فقر
من يوم ما جت على الدنيا وهي وش فقر
هاشم بغضب : لميس
ملاك مهتمتش بكلام لميس : يعني كده هقدم في جامعه شبرا
هاشم : اذا قولت اوك يعني اوك
ملاك مسحت دموعها : واخيرا
شكرا يا بابي
صدقني مش هخذلك
الي اللقاء في الجزء الثالث
لا تنسوا نجمتي الحلوه