انجي :- يلا يا روما ، انتي لسه مجهزتيش .
روما وهي ممددة على السرير:- هو في إيه يا ماما ، ده خالي فارس وهادي ابنه يعني مش حد غريب.
انجي:- يا سلام يعني هتقبليهم بالبجامه البيت .
روما بضحك:- لأ ، كلها نص ساعة و أغير هدومي وانزل علشان عندي شغل .
انجي:- انتي هتنقطيني صح . شغل ايه .
روما بضحك:- أهدي شويه ، مأمورية هقعد فيها يومين تلاته كده .
انجي:- هو انتي مش وخده بالك انك بنت وعلى وش جواز كمان ، يعني ايه هتباتي بره البيت دي .
روما بضحك:- علشان كده كنت بشتغل في امريكا ، علشان الزن ده .
انجي بشهقة كوميدية:- يعني أنا زنانه ، طب هوريكي .
وهجمت عليها بالضرب ، وروما طلعت خارج غرفتها وبصوت عالي :- يا يوسف باشا ،
يوسف بضحك:- مالكم في إيه
روما بضحك:- حوش مراتك عني ، انا سكته بس علشان المدام بتاعتك غير كده كنت عملت حاجات كتير .
انجي:- طب فرجيني يا بنت يوسف ، وانا ابيتك انتي وابوكي في الشارع .
يوسف بضحك هستيري :- وانا مالي انا يا لمبي .
انجي:- لمبي في عينك .
روما بضحك:- خلاص انتي قولتيها بلسانك ، انا نزلها ابات في الشارع زي ما قولتي ، اه انا عندي كرامه وعزة نفس .
انجي :- طب ايه رأيك لاكتافك ، ومفيش شغل بعد النهارده
روما بضحك وهي تدخل غرفتها:- متقوليش كلام انتي مش قده يا مدام انجي الحديدي . وقفلت باب غرفتها
انجي:- طب إيه رأيك لهعمل اللي في دماغي ، ومفيش شغل
يوسف بضحك:- متقوليش كلام انتي مش قدها يا مدام
انجي بغضب شديد:- انت السبب ، لازم كانت تدخل شرطة ، حرام عليك ، كان لازم تحببها في السلاح وضرب النار
يوسف بضحك:- هو لازم في أي خناقه بنكم اكون أنا الغلطان .
انجي:- أيوه غلطان وستين غلطان ، كان فيها إيه لو دخلت طب ولا اي حاجه تانيه .
يوسف:- انجي اسمعيني روما بتحب شغلها ، مش لازم كل شويه تتخانقي معها بسبب الشغل ، ممكن تتضيق ومتنزلش مصر تاني .
😥😥😥😥😥 بقلم سعاد سيد حسن 😥😥😥😥😥
هادي كان يرتدي بدلة انيقه زرقاء تليق به وينظر لنفسه في المرايا ويضع اللمسات الأخيرة .
ابتسام وهي تدخل له غرفته :- الله ماصلي على النبي ، إيه ده قمر يا حبيب ، حسوه في عينك يلي متصليش على النبي
هادي:- عليه افضل الصلاه والسلام وقبل رأسها شكرا يا ماما ربنا يخليكي ليا .
فارس وهو يدخل:- إيه يا هادي هنتاخر على الناس .
هادي:- انا خلصت يا بابا ، يدوبك هجيب مفتاح العربية
فارس:- تعالي كده ولف قدمي .
هادي:- هو فيه حاجه غلط في لبسي .
فارس وهو يحتضنه:- بسم الله ما شاء الله، كبرتني يا واد ، انا لسه فاكر لما كنت صغير قد كده ، دلوقتي خلاص هتتجوز وتجبلي حفيد صغير
ابتسام:- صلى على النبي في قلبك يا فارس ، لتحسدوا
فارس:- عليه افضل الصلاة والسلام .
هادي بضحك:- مخلاص يا حاج فارس ، انا لسه هخطب ، يعني احنا لسه فيها ، أغير هدومي ولا تقولي كبرتني ولا بتاع .
ابتسام:- ده بعينك هتجوز وتجبلي بنوته قمر كده شبه فيروز
هادي بضحك:- انا مطر أضحي بنفسي ، علشان خاطر سعادة هذه العائلة الكريمة .
فارس:- طب يلا يا حبيبي. ، علشان هنتاخر .
🎉🎉🎉🎉🎉 بقلم سعاد سيد حسن 🎉🎉🎉🎉🎉
انجي بشهقة :- إيه اللي انتي لابسه ده .
روما بضحك:- مالوا يا حجوج ، شايفني لابسه بدلة رقص
انجي:- كان أهون من اللي انتي لابسه ، في عروسه في الدنيا دي تلبس اللبس ده .
روما بضحك:- انتي محساسني أنهم اول مره يشوفني كده ، وماله اللبس ده الجاكت الجلد ده بالشيء الفلاني .
انجي:- لا حولا ولا قوه الا بالله العلي العظيم ، استهدي بالله كده يا روما والبسي فستان حلوه كده ، وبلاش لبس الرجاله ده .
روما:- بصي يا ست الكل ، اللي ميقبلنيش زي ما انا ، يبقي ميلزمنيش ولا يستاهل يفضل معايا ثانيه واحده بس .
قطع كلام انجي جرس الباب:- انا هروح أفتح .
روما:- تمام وانا خمس دقائق وأكون جاهزة .
وبعد السلامات والترحيب بهم
كانت تجلس روما وانجي على كنبة وفارس ويوسف على كنبه تانيه امامهم وهادي كان يجلس على كرسي قريب منهم في الوسط .
فارس وهو يضع كأس العصير:- من غير مقدمات ، إحنا طالبين القرب منك .
يوسف بضحك هستيري:- اكتر من كده مش هقدر ، إيه تيجي تقعد على حجري هههههههههههه.الكل حاول يكتم ضحكته على كلام يوسف .
فارس بضحك:- هو انت متعرفش تتكلم جد خالص .
يوسف بضحك:- إحنا عيله فرفوشه، مش زيكم نكديه.
انجي:- خلاص يا يوسف ، أتكلم يا فارس .
فارس:- إحنا طالبين ايد الآنسة روما
روما بدراما:- آنسة ازاي بعد اللي إبنك عمله ومثله العياط اهه اهه اهه اهه.
يوسف بغضب:- شرفي يا كلاب ، انا لازم أغسل عاري فين البندقية يا ولد .
فارس بضحك هستيري:- ربنا يعينك يا أبني وقعت في بيت مجانين يا حبيبي هههههههه
انجي:- كمل يا فارس وسيبك منهم .
فارس:- طب تصدقي وتامني بالله ، انا نسيت انا جاي ليه
هادي بضحك:- خلاص يا حبيبي ، بعد اذنك يا بابا انا هتكلم
فارس بفخر واعتزاز:- اتفضل يا حبيبي .
يوسف بضحك:- إيه الأدب والأخلاق دي يا واد .
فارس بضحك:- ما انت الأدب معادش عليك
روما بضحك وهي تسلم على فارس:- حلوه اوي
يوسف بضحك:- عجبتك أوي .
روما بضحك:- ما انت عارف انا بشجع اللعبة الحلوه.
هادي بضحك:- انا بطلب أيد روما منك.
يوسف بضحك:- ما تقول كده من الأول ، بس كده خدها معك وانت مروح.
روما بضحك:- بقي كده طب اتمسك بي شويه .
يوسف بضحك:- أضحك عليكي ، انا ما هصدق أنك تمشي علشان افضي انا للجو بتاعي .
روما بضحك:- يعني أنا اللي عمله الأزمة ، بس بردو هقعد على قلبك ومربعه وفي وسط المزاح هذا دق جرس الباب وفتحت أنجي ودخل عليهم شخص لم يتوقع وجده أحد .
:- انا آسف يا جماعه على التاخير .
هادي وفارس ينظرون لبعض في بالها .
يوسف:- ولا يهمك .
:- أصل انتوا عارفين العريس لازم يجي برحته مادم العروسه مش قد كده واي كلام .
روما:- نعم نعم نعم عريس مين يا بابا .
:- هو ده اللي همك و عادي أنك مش قد كده واي كلام
روما:- بص ياض انا روحي في منخيري ، انا مش كره كل شويه في إيد حد شويه اخوك وشويه انت .
محمود بغضب:- هو انتي كنتي تطولي حد يبصلك من عائلة الحديدي ، ده انتي المفروض تبوسي إيدك وش وضهر أننا نزلنا من مستوانا لمستواه وحده زيك .
يوسف بغضب:- لحد هنا مسمحلكش ، بنتي خط احمر .
محمود بغضب:- هو انت كدبت الكدبة وصدقتها ، البنت دي مش بنتك ولا حتى بنت عمتي انجي ، البنت دي تربية ملاجئ يعني من الاخر كده بنت حرام أهلها رموها قدام ملجأ أيتام بدل ما تجبلهم الفضيحة .
يوسف قام وقف و بغضب شديد:- بره بيتي يلا ومشفش وشك هنا تاني
محمود بغضب شديد:- انت بتردني علشان وحده جايه من الشارع ولا هي من دمك ولا من لحمك .
روما قطعة كلام يوسف:- وعلى إيه كل ده ، مينفعش تتخانقوا علشان وحده تربية ملجأ زي ، وشكرا يا محمود بيه على أنك فوقتني لحاجة عمري ما نستها ، وانا اللي هطلع من البيت ده مش حد تاني وكمان بيت الحديدي مش هعتبه تاني ، وعلفكرة انا مش زعلانه بالعكس أنا ممنونلكم جدا على تربيتكم ليه وهفضل شيله جميلكم فوق راسي ، على الأقل بسببكم بنت الملاجئ بقية رائد ويشتغل في أعلي جهاز في العالم بسببكم ، مش زي ابن ناس أخد شهادته وقاعد كل يوم في الكباريهات ولا ليه شغله ولا مشغله .
وسبتهم وخرجت بره الشقة بلا بره العماره بأكملها .
انجي بدموع:- الحقها يا هادي بسرعه.
يوسف بغضب شديد:- عندك محدش ليه دعوه بيها ، ارتحت دلوقتي وبرده نارك يا محمود ، لعلمك روما بنتي وهتفضل بنتي غصب عنك وعن الكل ، انت عيرة بنتي بحاجة مش فيها قولت عليها بنت حرام ، علفكرة اللي انت متعرفش ولا حد يعرفه روما يتيمه الأب والام ، وانا عارف أصلها كويس أبوها الله يرحمه كان صديقي وسكت شويه بره بيتي كلكم و من هنا ورايح عائلة الحديدي ملهاش تعمل معي تاني العلاقة انتهت بينا ولا أنتم تدخول بيتي ولا أنا هدخل بيتكم وانتي يا انجي لو عايزه تروحي مع اخوكي اتفضلي مش همنعك .
انجي:- لدرجة دي هانت عليك عشيرة السنين دي كلها .
يوسف:- ومين قالك أنها هانت ، انا بقولك كده علشان مخيركيش بيني وبين عائلتك لأني عارف النتيجة أنك هتختاري عائلتك ، فمتزعليش لما انا كمان أختار عائلتي انتي فكرة إن روما ممكن ترجع البيت ده تاني ، أحب افهمك روما عندها عزة نفس وبعد الكلام اللي سمعته ده مستحيل تقدري تشوفيها تاني ،
فارس بغضب:- انت مكبر الموضوع كده ليه ، دول كلمتين وراحوا لحالهم وكلها شويه والمياه ترجع لمجاريها .
يوسف بضحك هستيري:- تصدق صح هو انا مكبر الموضوع كده ليه ، الموضوع كبير قوي يا فارس ، انت عمرك ما هتحس بي لأن محدش يعرف إحساسي غير واحد اتحرام من نعمة الابوه زي عاش طول عمره يتمني يسمع كلمة بابا ولما ربنا أنعم عليا بروما ، أيوه هي اللي نعمة ليه ، روما نورت حياتي من ساعة ما دخلت البيت ده ، روما كانت بنتي وأختي وصدقتي ، ربنا زراع جوها حب لي كأني أبوها وزراع جويا كأنها بنتي ومن صلبي ، تعالي نغير الأماكن أفرض لو انا اديتك بنت وقولتلك ربيها وجيت انا بعد عشرين سنه اجي اهنها قدمك واخليها تسيب بيتك وتقول إنها مش هترجع تاني ، عايز اعرف هيكون رد فعلك إيه ساعتها ، اقولك انا حساس نفسي اني قليل قوي ، انا ربنا أدني أمانة وبدل ما أحافظ عليها فراط فيها بسهولة ، وزي ما قولت مش عايز اشوف حد منكم تاني وسبهم ودخل غرفته وقفل الباب بقوة
لدرجة اهتزاز الجدران .
فارس بغضب شديد وصوت عالي:- لا بقي انت زودتها قوي ، واقتراب من انجي تعالي يا حبيبتي بيت ابوكي هينور بيكي ولو مشلتكيش الأرض نشيلك فوق راسنا .
هادي:- لا يا بابا مينفعش كده .
فارس:- انت بتقول ايه .
هادي:- بقول كلام العقل ، انا مقصدش حاجه يا عمتي، لكن انتي اكيد حسه بيه واللي هو فيه ولو خرجتي دلوقتي يبقي انتي اللي بيعتي عشرة السنين دي كلها مش هو ومتنساش الحصل مش شويه وبعتقد أن اللي حصل ده لو حصل لأختي كنت انت يا بابا عملت اكتر من كده ولا ايه يا بابا.
فارس:- ده طردها وطردنا من البيت ، عايزها تفضل ازاي.
هادي:- هو طردنا إحنا بس وقطع علاقته بينا إحنا مش بي عمتي ، هو لو كان عايز كده كان قال لكن هو سبلك الاختيار ، وانتي المفروض تفضلي جوه بيتك معززة مكرمة لحد ما يهدي ويعرف غلطه و يجي لحد عندك يطلب السماح و يبوس إيدك ، هو انا اللي هعرفك عليه، لحد علمي أنكم كان فيه قصه حب مولعه جدا بنكم ، انجي ضحكة من بين دموعها ، إيه دلوقتي خلاص بقي وحش ، وبصوت عالي والبيت ده بيتك أنتي واللي مش عجبك ترميه في الشارع ولا يروح يقعد عند أمه حنان
يوسف من الدخل و هو يحاول السمع من وراء الباب :- تمام ، ما انت كنت ماشي حلو تمام اوي ليك علقه عندي يا ابن فارس .
هادي/:-ها يا عمتي إيه قرارك ، وانا مقصدش حاجه بالعكس البيت بيتك وتيجي الليل قبل النهار بس بلاش دلوقتي يستحسن تبقى في بيتك أنتي لحد لما الأمور تهدي، و البيت ده بيتك وهو الاولى بيكي ، وانتي حره يا عمتي
انجي /:- انا هفضل في بيتي يا فارس .
هادي وهو يقبل رأسها:- هو ده عين العقل ، وحقك عليا انا انا الغلطان متزعليش يا حبيبتي ، بصوت عالي البيت ده بيتك ها سمعاني واللي مش عجبك ارميه في الشارع ، اه الشقة شقتك والمكان مكانك .
فارس وهو يلف لم يرا محمود :- يعني يعمل المصيبة ويختفي .
هادي:- مش وقته يلا يا بابا .
🥺🥺🥺🥺🥺 بقلم سعاد سيد حسن 🥺🥺🥺🥺🥺
كانت تجلس أمام النيل على كرسي وتنظر له كأن فيه علاقة قوية بينها وبين البحر ، وهي تنظر بشرود وتتذكر ذكرى من الماضي لكن ليست واضحة .
كانت فتاة صغيرة تمسك يد رجل ملامحه ليست واضحة
الفتاة الصغيرة وهي تنظر للماء الذي أمامها :- بابا هو ليه البحر هنا مبيتحركش ليه ، مش زي اسكندريه بيتحرك
الرجل بهدوء:- علشان ديه بحيرة مش بحر .
الفتاة بغضب:- وايه الفرق بينهم ما ده فيه ميه وده فيه ميه
الرجل بهدوء:- لأن البحيرة ليه انتماء للأرض اللي هي فيها ، لكن البحر انتمائه للامواج هي اللي بتوديه وهي اللي بتجيبه
الفتاة:- يعني إيه يا بابا أمواج .
قطع كلام الرجل صوت أمراة جاي من بعيد .
الرجل:- يلا ماما شكلها خلاصة الأكل ، وبعد كده تبقى نخلص كلامنا . وحملها في احضنه ودخل منزل .
روما بدموع:- هو انا ليه مش قادرة افتكرك ولا حتي جزء بسيط من ملامحك ولا حتى قدرة افتكر أسمك ، على الأقل هقدر أرد على أي حد يقولي انتي بنت حرام هقوله أسمك .
:- انتي كويسه يا آنسة .
روما وهي تمسح دموعها:- أيوه كويسه .
:- طب ممكن أقعد جانبك شويه .
روما بضحك:- هو كان ملكي ، ده ملكية عامة .
جلس على المقعد جانبها :- طب ممكن أتكلم معاكي شويه ، اصلي مضيق وعايز أتكلم مع حد .
روما بضحك:- ........
:- السكوت علامه الرضا ، المهم يا ستي انا مخنوق وعايز أموت وارتاح من الدنيا دي ، كل لما اشوف البحر افتكر عائلتي اللي ماتت كلها غرقانه وهي على سفينة ريحه اليونان ومفضلش غيري ومعنديش أخوات ولا قريب أعمل إيه حاولت انتحر كتير لكن كل مره حد ينقذني ، هل ربنا بيعقبني وعايزني اتعذب وافضل وحيد طول عمري .
روما بدموع وهي تطبطب عليه:- استغفر ربك ، و قول الحمد لله على كل شيء ، ربنا هو اللي بايده يحيى و يميت ، وأكيد ليه حكمه في كده ، و أنا مقتنعة بأن كل واحد فينا ليه دور ورسالة لازم يقوم بيها الأول ، أنت عارف أننا ملناش حكم في جسدك لأنه ملك الله وأكيد ربنا هيهون عليك .
:- هههههههههههه انا مش قادر ، ياريت كان فيه مرايا علشان اوريكي شكلك .
روما باستغراب:- انت مجنون يا أبني .
:- بضحك لا شادي بشتغل دكتور نفساني وبس بعد اللي حصل دلوقتي أنفع اشتغل ممثل بعد الضهر .
روما:- لأ بقي افهم ، في إيه بالظبط
شادي بضحك هستيري:- هفهمك انا واخد بالي منك بقالي يجي نص ساعة وانتي قاعده بتعيطي ، فلو دخلت عليكي دخلت دكتور واقولك معلشي وربنا يعوض عليكي والكلام ده هتطلعي فيه وتقوليلي وانت مالك فدخلت عليكي يدخله قديمة شويه علشان انتي بنفسك تقولي اللي المفروض تقوليه لنفسك ، قولي الحمدلله على كل شيء ، و مهما كان الشئ اللي انتي خسرته غالي فكوني متاكده ربنا ها يعوضك
خير وأحسن منه كمان ، بصي انا جعان الصراحه تيجي نأكل في أي مطعم قريب من هنا .
روما بضحك:- اه وشويه شويه تقولي تعالى باتي في شقتي
شادي بضحك:- لأ ده انتي خيالك فظيع ، شكلك كده بتحبي الفراخ المشويه .
روما:- مليش نفس .
شادي وهو يقلد ماجد الكدواني :- هجبلك معايا .
روما بضحك:- هو انا مرزوقه قوي كده ليه ، مرة واحد وألقي مجرم ، ودلوقتي شادي والله اعلم هيطلع إيه .
قطع حديثها مع نفسها رنين هاتفها .
مازن:- صباح الخير بليل .
روما بضحك:- في ايه ياض ما تنشف شويه .
مازن:- مجتيش ليه يا مصيبه لحد دلوقتي .
روما:- ألزم حدودك يا بابا ، هاجي بكره النهارده مش هينفع
مازن:- براحتك يا باشا ، بس عملتي ايه في العريس .
روما بضحك:- طيرته عندك مانع .
مازن :- حقك يا عمهم ، المهم هتيجي بكره الساعه كام
روما:- مش عارفه هشوف واتصل بيك .
مازن :- تمام ، مع ألف سلامة .
شادي بضحك:- ها اتاخرت عليكي ، اوعي كده شويه ده ريحه الفراخ لمت عليا كلاب الشارع كلها .
روما بضحك:- تعالي بس أعمل حسابك انا ماشفره معيش فلوس دلوقتي .
شادي بضحك:- اخوكي سدد ، كلي بس . وبعد ما خلصت الأكل كله .
روما بضحك:- الحمد لله ، هو انا مش قولتلك اني مليش نفس حرام الأكل اللي هيترمي ده .
شادي بضحك:- لا والله ده انتي ناقص تارقشي العظم كمان يا شيخه ده انتي أكلتي الأكل كله ومسبتليش غير حته
روما بضحك:- قول الحمد لله ، اني سبتلك حاجه .
شادي:- حسبي الله ونعم الوكيل ، كان مالي ومالك .
روما بضحك:- ما تقوم تجيب حاجه تتشرب .
شادي بضحك:- هو انتي اتشليتي لاقدر الله ولا حاجه .
روما بضحك:- ما انا قولتلك معيش فلوس ، إيه اغنيها.
شادي بضحك:- هي بقت بلطجي صح ، تمام أمري لله دي اخرت اللي يعمل خير في الزمن ده .
روما بضحك:- أخلص انت هتعدد .
شادي بضحك:- كمان ، تشربي إيه .
روما:- واحد كابتشينو .
شادي بفزع :- إيه هو انتي منهم .
روما باستغراب:- في إيه ياض مالك .
شادي قام وقف بدراما وبصوت عالي:- لأ يا هانم انا دكتور محترم ، مش بتاع الكلام ده ، روحي شوفي الديلر بتاعك .
روما بغضب وقامت وقفت :- فيه ايه يا ابن المجنونه انت علي المسى ، إيه يعنى أقولك تجبلي واحد كابتشينو إيه كافرت يا أعوذ بالله .
شادي بضحك:- إيه ده انتي عايزه أبو راغوه ده .
روما بضحك:- اه .
شادي بضحك:- تمام هروح اجيبه حالا .
روما بضحك:- انا عارفه أنا مرزوقه بالمجانين .
🤣🤣🤣🤣🤣 بقلم سعاد سيد حسن 🤣🤣🤣🤣🤣
في منزل عائله الحديدي
ابتسام :- ألف مبروك يا عمي ، ربنا يتمملها على خير .
محمود الجد :- يارب يا بنتي ، هي ريهام هتيجي أمته .
قمر زوجة هادي :- كلها يومين وتيجي هي وماما سميره ما انت عارف أنهم بيزور قريبهم .
هادي:- ربنا يرجعهم بالسلامة .
سلمي :- ما كنت سفرت معهم يا عمي .
محمود:- كنت هسافر لكن قولت أخلص موضوع ايلين والمرة الجايه ابقي اروح
احمد:- ما إيه رأيك نكتب كتابك انتي كمان يا قمر مع ايلين .
قمر :- لأ يا بابا لسه بدري على الموضوع ده .
سلمي :- ليه بس خالينا نفرح بيكي .
جاء أدهم من الخارج وعلامات التعب ظاهرة على وجه :- السلامه عليكم ورحمه الله وبركاته يا أهل البيت .
الجميع:- وعليكم السلام ورحمه الله وبركاته .
قمر زوجة هادي:- إيه يا حبيبي ، أتأخرت في الشغل ليه .
أدهم وهو يجلس جانبها :- كان عندي مأمورية يا ست الكل ولسه مخلص حالا .
محمود:- ربنا يحفظك يا أبني انت واللي زيك .
أدهم:- تسلم يا جدي ، هي ريم فين هي وفيروز .
قمر:- ريم طلعت تنيم فيروز فوق .
أدهم :- طب باذن بقي ، يدوبك ألحق أسلم على فيروز قبل ما تنام .
قمر:- مش هتاكل يا أبني ، ده انت ماكلتش حاجه من الصبح حتى الفطر أكلت لقمتين وشربت القهوة ومشيت
أدهم :- معلشي يا ماما انا عايز أنام ، لما اصحه هبقي أكل
هادي بضحك:- ما إحنا قولنا بلاش الشغل ده وأمسك الشركة وانت عندي ومبتسمعش الكلام ، أشرب بقي .
أدهم بضحك:- عجبني .
قمر ابنة احمد :- إيه رأيك يا ادهم أكتب كتابي اخر الاسبوع مع ايلين ومروان .
أدهم بضحك:- والله الرأي مش رأيي ، المفروض تسألي الراجل اللي المفروض هتشيلي إسمه ، بعد اذنكم .وطلع السلم ودخل غرفة أبنته فيروز وهو بيتسحب وفيروز شافته
بس هو غمز لها أنها متتكلمش
فيروز وهي نائمة على السرير :- ماما ماتحكيلي انتي حبيتي بابا إزاي .
ريم وهي تلعب في شعر ابنتها :- انتي كل يوم عايزه تسمعي نفس الحكاية .
فيروز:- اه ، انا بحب قصتكم علشان بابا كان هو البطل فيها
ريم بضحك:- يا سلام وانا مش البطله يعني .
فيروز بضحك :- لأ كنتي المخطوفه .
ريم بابتسامة وهي تتذكر كأنه أمس وهو كمان سند على الحائط وضم وربع أيده لصدره وتذكر هذه المهمة التي كانت تمثل له اجمل ما في حياته .
فلاش باك
كان يجهز نفسه هو وفريقه للهجوم على مكان يملكه أحد تجار المخدرات .
يوسف:- جاهز يا ادهم .
أدهم بصوت عالي:- جاهز يا فندم .
يوسف:- مأمورية يا حضرة الظابط تقبض على كل المجرمين الموجودين وطبعا الباشا صاحب المكان جو وخدبالك لأنهم مسلحين باعلي أسلحة .
أدهم:- تمام يا فندم ، اي أوامر تانيه .
يوسف:- ربنا معاك .
بدأ يدخل في هدوء هو وي فريقه واتخلصه من الحراسين بكل سهوله وبدأ يرسل إشارة لفريقه أنه هيدخل الأول يستكشف المكان تجنابن المفاجآت و قفز من فوق السور ودخل من شباك كان مفتوح وبدأ يمشي بصمت وحذر شديد وكان يحسب عدد الموجودين ونوع السلاح الذي يحمله ودخل زي مخزن وشاف فيه كماية كبيرة من المخدرات وشاف بنت مربوطة بحبال في الأرض وضمه رجليها إلي صدرها وتخفي وجهه بايديها فاقترب منها ، وقبل أن تصراخ كان وضع يده على فمها حتى لاتفضح وجوده .
أدهم بصوت واطي جداً:- أهدي انا ظابط ، انا هشيل أيدي بس ولا تصرخي ولا تعالي صوتك .
هزت راسها بايجاب فشال أيده وظهرت كامل ملامحها الطفولي وعيونها فكان مثل المسحور ونبض قلبه صار عاليا لكنه فاق على صوتها الملائكي وهي تقول له لو سمحت ممكن تفكني .
أدهم قطع الحبل بسكينه كانت معه :- انتي مخطوفه صح .
ريم :- أيوه الباشا خطفني وعايز يتجاوزني بالغصب .
أدهم:- تمام متخفيش انتي هتخرجي من هنا ، بس تسمعي الكلام بالظبط .
ريم:- حاضر هسمع كلامك .
أدهم وهو يستعمل سماعه كانت في أذنه يوسف باشا
يوسف:- أيوه يا ادهم عملت ايه .
أدهم :- كله تمام يا فندم كله تمام ، لكن فيه بنت مخطوفه هنا لازم تطلع الأول وبعد كده نكمل العملية .
يوسف:- مينفعش كده انت هتبوظ العملية ، أتعامل يا حضرة الظابط .
أدهم:- تمام يا فندم .وقفل السمعه ، بصي انتي خليكي هنا لحد لما اخلص على اللي بره ونقبض على الباشا .
ريم بخوف وهي تمسكه من ذراعه:- لأ أرجوك متسبنيش هنا خدني معاك انا خايفه .
أدهم بابتسامة مطمئنة:- طب ما تعمليش صوت ، وخليكي ورايا، ولو فيه خطر استخبي وراء اي حاجه .
ريم بي بريئة طفله:- حاضر ، أنا شاطرة ويسمع الكلام .
أدهم كان هيضحك وفي نفسه:- معقولة في حد لسه بالبرئ دي ، أكيد انا بحلم .
وخرج أدهم وهي خلفه أو بمعنى أصح ، كانت ملتصقة بيه في ضهره من كتر الخوف اللي هي فيه وادهم خلص استكشاف وطلب من الفريق الدخول وخلي ريم وراء تختبئ في مكان بعيد عن الأنظار لكن هو قادر يشوفها وبدأ الاشتباك بين عناصر الشرطة والمجرمين حتى انتهى بالقبض على الباشا وجميع من معه وذهب أدهم لي ريم وأخذها من مكانها وإخراجها من المكان بأكمله .
مالك برق وهو يري فتاه ممسكه بذراع ادهم كما الطفل الخائف الذي يحتمي بابيه من الاشرار وادهم كان يسحبها ويشجعها على المشي كما لو كانت أبنته الصغيرة المزعورها
مالك بمزاح :- الله يسهله ، واحد يخرج من عملية برصاصة ، وأنت تخرج بموزه يا ابن المحظوظه ، ما انت أمك دعيالك .
أدهم بنظرة ناريه :- لما نفسك يا مالك ، بدل ما اجي ألمك أنا
مالك:- خلاص يا عم ، ربنا قادر زي ما أعطاك يعطيني .
أدهم:- خلاص يا آنسة انتي دلوقتي في أمان وتقدري تروحي بيتك ، إحنا قبضنا على كل المجرمين والباشا ، يعني خلاص محدش هيتعرضلك ، وممكن بكره الصبح تعملي محضر بالواقعة وانا هشهد عليه معاكي الضابط أدهم هادي الحديدي .
ريم بخوف شديد:- لأ أرجوك متسبنيش لوحدي، انا خايفه .
أدهم:- آسف جدا يآنسة ، بس انا لازم اروح المديرية حالا علشان الإجراءات اللازمة .
ريم:- خلاص خدني معاك هناك ، وابقي أكلم والدي ويجي يخدني للبيت .
أدهم:- تمام ، بس حاولي متخطلتيش بحد هناك .
ريم:- حاضر
آدهم :-؛طب ممكن تسيبي أيدي .
ريم بكسوف:- انا آسفة، بس انت متعرفش إيه اللي انا مريت بيه في المكان ده .
آدهم بابتسامة جذابه:- ولا يهمك، الحمد لله عدت على خير، يا آنسة إيه ، انا معرفتش أسمك إيه .
ريم :- إسمي ريم الكاشف .
آدهم :- عاشت الاسامي ، وزي ما قولتلك انا إسمي أدهم .
ريم:- تشرفت بحضرتك .
مالك متدخل بسمجه :- والله الشرف لي انا مالك ومد يده للسلام ، لكن هي لم تسلم عليه .
ريم - آسفه مبسلمش على حد .
مالك بتريقي:- يا سلام ، وكنتي حضنه أيد الاستاذ ليه ، ولا يكون اخوكي في الرضاعة وانا معرفش .
أدهم مسك نفسه بالعافية من الضحك :- مالك روح شوف شغلك .
مالك :- ماشي يا عمهم ، بس إحنا خلصنا خلاص, يلا علشان يوسف باشا مستعجل.
أدهم:- روح انتوا ، وأنا هاخد الآنسة ريم في تاكسي وراكم .
مالك:- يا سلام و ملها عربية الشغل .
آدهم :- يعني يا بقف انت ، عايز بنت تركب عربيه مع شوية مجرومين ولا تركب جانبنا إحنا ، ينفع يعني .
مالك بمزاح:- تمام يا حنين ، طب إيه رأيك أركب انا معها التاكسي ، وانت أركب مع بقية الفريق .
ريم مسكت دراعه:- لأ أرجوك متسبنيش .
آدهم وهو يمسد على يدها برقه:- مش هسيبك متخافيش.
مالك بمزاح:- ده انت شكلك وقعت ولا حد سما عليك ،هههههههههه، سلام يا صاحبي هههههههههههه.
باك
ريم:- بس كده وبدأت الحكاية حضرة الظابط والجميلة .
فيروز:- يعني انتي حبيتي بابا من أول نظرة .
ريم :- يعني أنا معرفش ايه اللي حصل ، بس اللي اعرفه اني حسيت معه بأمان و كأني أعرفه من زمان أوي ، كنت اخاف من كل الناس إلا هو كنت احس معه باطمانن وحنيه وراحه
فيروز:- طب أمته اتاكدتي من حبك ليه .
ريم :- بصي انا حبيته من زمان من أول مره شفته ، بس كنت بقول أنه مجرد شعور بالامتنان ليه علشان انقذني ، بس وقت اللي اتاكدت أنه حب وقت لما جيه اتقدملي ، لقيت قلبي بيتنطت من الفرحه كأن هيقف عن النبض.
أدهم من خلفها:- سلامة قلبك يا عمري أنا.
ريم بخضه:- حرام عليك ، هو انت كل مره كده لازم تخضني
فيروز:- ده بقاله ساعة واقف وبيسمع كلامك.
ريم بوعيد:- ماشي يا فيروز .
أدهم وهو يقبل رأس أبنته :- حبيبت بابا.
فيروز:- اي خدعه ،عد الجمايل .
أدهم بضحك:- تمام ، يلا بقي على النوم ، وقبلها تصبحي على خير يا اجمل اميره في قصر الحديدي .
فيروز:- وانت من أهله يا بابا ، عايز اصحيك بكره الساعه كام
أدهم:- لأ بكره اجازه. ، عايز أصحه براحتي .
فيروز:- تمام .
ريم '- يعني أنا أفضل نص ساعة وبرده مش عايزها تنامي ، وابوكي يقولك نامي تنامي علطول من غير نقاش
فيروز:- طبعاً مش لما اطمن علي قلبي دخل للبيت ولا لسه .
أدهم وهو يضع يده على قلبه :- لأ انا قلبي الصغير لا يتحمل
ريم وهي تدفعه للخارج:- يلا يا حبيبي ، بلاش جو العشق المفقوع بتاعك انت وبنتك .
أدهم دخل غرفته وبدأ بتغير ملابسه :- انتي بتغيري من بنتك معقول .
ريم وهي تقفل باب الغرفة وتقترب منه وتحوط رقبته بيدها
:- واغير من كل بنات حواء لو وحده قربت منك ، أنت بتاعي أنا ملكي انا بس .
أدهم وهو يحوط خصرها بيده:- لأ حلمك عليا انا مش قد الدلع ده كله .
ريم برقه:- يعني مدلعش على جوزي حبيبي روح قلبي .
أدهم:- مين الغبي اللي قال كده ، وانا اروح اقتله دلوقتي .
ريم وهي تقبل خده:- بحبك يا أدهم ، وكل يوم حبك بيزيد جويا اكتر ، أنا مقدرش أتخيل حياتي من غيرك .
أدهم وهو يحضنها:- لأ كده احنا داخلين على منعطف تاريخي، خمس دقائق بس أخد شاور وارجعلك أشوف موضوع الغيره والدلع ده.
ريم:- براحتك يا حبيبي ، انا هنزل اجهزلك أكل علشان انا عرفاك مبتاكلش كويس .
أدهم:- مليش نفس .
ريم بدلع:- انا هفتح نفسك ، ده ماما قمر علمتني النهارده أعمل ازاي مكرونه بالبشاميل ، بس إيه تجنان على أصولها
أدهم بضحك:- تمام ، بس لو ماما سألتك قوليها أنك اتحيلتي عليا علشان متزعلش هي قالتلي وأنا قولتلها لأ .
ريم:- حاضر يا روحي .
آدهم:- انتي اللي روحي وقلبي وطبع قبله على خدها.
أما تحت
محمود بغضب:- يعني روحت خربت بيت أختك انت وعيالك
فارس:- يعني أنا السبب في اللي حصل ويوسف مش غلطان وهو بيطردنا من بيته زي الكلاب .
قمر:- يا فارس حقك عليا انا ، امسحه فيا انا ، بس انت عارف روما غالي قوي عند يوسف فهو معزور .
هادي ف :- قولي له يا مرات عمي ، علشان انا غلبت وانا بقوله نفس الكلام .
محمود:- بس انت يا واد يا هادي عاقل وعرفت تلم الموضوع قبل ما يكبر .
هادي ف:- مكنش ينفع عمتي تسيب بيتها في الوقت ده بالذات
احمد:- طول عمرك عقلك كبير ، وبتوزنها قبل اي خطوه أو اي كلمه بتقوله .
ابتسام بحزن :- بس يا حبة عيني ملهوش بخت في الدنيا .
هادي ف:- الحمد لله على كل شيء ، بس انا قلقا على روما ، محدش دلوقتي يعرف هي فين ولا حالتها عمله ازاي .
هادي ح:- متخفش عليها دي بنت بمليون راجل وميتخفش عليها ، المشكلة هنا هنصالحها ازاي ونرجعها تاني ازاي دي عنيده طالعة ليوسف ، وكمان يوسف مش هيهدي غير لما ترجعله ، انا عارفه كويس .
قمر:- يا عالم أنتي فين يا بنتي ، ربنا يحرصك ويحميكي يا بنت اخويا ويرجعك بألف سلامة.
قمر ا :- بس محمود مقلش حاجه غلط ، مش هي بنت ملاجئ .
هادي ف بغضب شديد :- لأ روما بنتنا إحنا واختنا وصاحبتنا، وكانت بتقف مع الكبير فينا قبل الصغير ، كافية سواد بقي انتي ومحمود السواد عمي قلوبكم ، انتي مشيلها نتيجة غبائك ومحمود مشيلها قلة حلته وضعفه وكسله وأنه معدوم الإرادة .
قمر ا :- انت ازاي بتكلمني كده .
هادي ف :- مستغربه ليه هي دي الحقيقه اللي انتي عامله نفسك مش شيفها ، عارفه أنا ليه بقولك الكلام ده دلوقتي ، علشان خلاص طفح الكيل منك وقرفة لدرجة مش قادر اوصفها ليكي ، انتي عارفها بنت الملاجئ دي انضف منك ومن محمود ، على الأقل ما رمتش أخطائها على شماعة الآخرين ولا حاولت تجرح حد فينا بكلمة مع أن كل واحد فينا عنده عيوب قد كده ، مش زيك طول عمرك بتقوليلها كلام زي السم علشان تكسريها وتثبتي لنفسك وللجميع أنك أحسن منها، اقولك كنتي بتقوليله إيه في كل مناسبة وفي كل مكان تتجمعي معها فيه وهي مكانتش بترد عليكي مش خوف لأ كان احترام لابوكي وأبوها وللعيله دي ، علشان متحصلش مشكله زي دلوقتي ، عمرها ما بينت وحشتك قدم حد إذا كان قريب ولا غريب ، لكن انتي كنتي بتجمعي أصحابك وتفرجيهم عليها وتقولي دي بنت الملاجئ وأحنا بنعطف عليها ، تحبي أقولك انتي عندك كام عيب أقولك أنك معدومة الاحساس والضمير ، أقولك أنك فشله في كل حاجة ، اقولك أنك عمالها تجري وراه واحد مش شايفك أساساً وخسرتي واحد كان قبلك بكل عيوبك ، أقولك أنك مخطوبه لواحد انتي مش شايفه ولا هتعرفي تصونيه، انا دلوقتي بكرهك بكل معنى الكلمة ومش عايز اشوفك في مكان ولا انتي ولا محمود ، انا هسبلكم البيت ، لأ أنا هسافر أحسن من اني اعيش مع ناس مرضه نفسيه زيكم ، مش قادرين تشوفه حد مبسوط قدامكم . وسبها وطلع السلم وهو طالع خبط في ريم .
هادي:- انا آسف .
ريم:- ولا يهمك ، مالك يا هادي شكلك مضايق ليه .
هادي:- مفيش وكمل طريقه ودخل غرفته وقفل على نفسه .
ريم نزلت :- هو ماله هادي يا عمي .
قمر ا بغضب:- انتي السبب في كل حاجة وحشة حصلتلي .
وطلعت السلم ودخلت غرفتها .
ريم:- هو انا عملت حاجه غلط يا ماما قمر
قمر :- لأ يا حبيبتي ، بس فيه شويه مشاكل في العيله .
ريم:- ربنا يصلح الحال ، انا هدخل المطبخ اجهز أكل لادهم ده غالبني علشان يأكل لقمه ، عايزين حاجه اعملهاكم معايا .
قمر :- تسلمي يا حبيبتي ، روحي أنتي .
هادي:- اعمليلي كوبيه قهوه معاكي يا ريم .
ريم بطاعة:- حاضر يا بابا ، بعد اذنكم .
الجميع:- اتفضلي يا بنتي .
هادي:- شكلنا داخلين على أيام ما يعلم بيها إلا ربنا .
احمد :- العيال قلبت على بعض خلاص والحبل ساب مننا
هادي:- عايز رائي ، أجل جواز بنتك شويه ، علشان بالمنظر ده ، مش هتكمل يوم واحد في بيت جوزها .
فارس :- وأنا أعمل إيه في موضوع عيالي ، واحد مضيع نفسه ومستقبله وتاني زي ما انت شايف عايز يسافر .
هادي :- انت عايز الحق ، انا حاسس أن كل اللي عملنا في شبابنا بيترد في عيالنا دلوقتي ، احنا لازم نلحق نلمهم تاني وإلا مش هتعرف نلقيهم بعد كده .
قمر:- وأنا معاك في الكلام ده يا هادي .
🥺🥺🥺🥺🥺 بقلم سعاد سيد حسن 🥺🥺🥺🥺🥺
جليلة :- ها ايه رأيك يا باسل يا أبني .
شادي :- يا ماما انا معرفهاش يبقي ازاي اتجوزها .
باسل:- كمان يا ماما شمس صغيره ولسه بتدرس في كلية
جليلة :- اصغر منها و فاتحين بيوت ، وعادي نعمل خطوبه وانت يا شادي تتعرف عليها ، البنت الصراحه أدب وأخلاق وجمال وذوق وبنت عقله وبنت عيله كبير.
شادي بضحك:- شكلها وكله دماغك يا ست جليلة .
جليلة:- الصراحه من ساعة المشكلة أيها يوم الحفله وهي عجباني ودخلت مزاجي . وعلى الأقل هنتجوز أختين ولا فيه مشاكل بنهم ولا خناق ولا ديه قالت ولا ديه عادة
باسل :- امري لله ، انا هكلم احمد بيه وأشوف إيه رأيه .
جليلة :- لأ أنت تتصل بيه بكره وتقوله أننا هنجي نشرب الشاي عندهم ولما نروح نطلبها هي دي الأصول .
🤯🤯🤯🤯🤯 بقلم سعاد سيد حسن 🤯🤯🤯🤯🤯
شادي وهو ينظر للساعة يده :+ يا بنتي يلا تعالي اروحك بيتكم ، الساعة بقة ٢بعد نص الليل .
روما:- يا عم روح انت وبلاش تصدعني .انا هفضل في الشارع لحد الصبح وهطلع على الشغل علطول .، روح انت وراك عيانين محتاجينك .
شادي بضحك :- وعلى إيه خالينا قاعدين .
وبعد دقائق من الصمت
شادي:- لأ انا زهقت ، وأخرج كاتشينه من جيبه ، تيجي نلعب الشايب .
روما بضحك:- هو انت حاوي.
شادي بضحك:- لأ دي عدة الشغل .
روما وهي تربع رجليها :- تمام هو دور واحد بس .
وذهب الليل والقمر وترك السماء لشمس ونورها وصباحها
شادي وهو يرمي اوراق اللعب بغضب طفولي :- لأ انتي بتغشي في اللعبة .
روما بضحك :- استعبط استعبط ، هتنفذ الأوامر يعني هتنفذ
شادي بغضب طفولي:- قولي .
روما بضحك على شكله :- رافتنا لحالك هطلب ٣ بس ، أول أمر طلع كل اللي في جيبك حالا.
شادي بضحك:- إيه ده انتي هتقلبيني .
روما بنظرة ناريه:- خلص .
شادي أخرج كل ما في جيبه على الكرسي أمامها .
روما وهي تمسك سلسلة مفاتيح :- إيه ده يا عين أمك .
شادي بضحك:- سلامة الشوف دي مفاتيح .
روما:- متستهبلش ، انت شيل سلاح أبيض .
شادي:- لا حولا ولا قوه الا بالله العلي العظيم ، دي اسمها قصفه يا جاهله للضوافر 💅، معلشي أصلك عمرك ما شوفتها
روما وهي تمسكه من ملابسه:- انت اتعودت عليا قوي يا عم الأمور وده مش حلو علشانك .
شادي بصوت أنثوية:- إيدك يا بت بدل ماصوت وألم عليكي الناس وأقول بتتحرش بيه .
روما تركته:- التاني تجري حافي طول الشارع .
شادي:- نعم يا أختي .
وبعد بضع دقائق كان يأتي من آخر الشارع جاري وجلس على المقعد جانبها يأخذ أنفاسه وهو يرتدي شربه وحذاء
شادي:- منك لله يا شيخه ، كان مالي ومالك ، انا عبيط واستاهل كل اللي يجرالي .
روما:- تعرف كنت هسمحك في الأمر التالت لكن لأ ، تطلع فوق السور ده زي الشاطر كده وتقول باعلي حس انا مجنون يا عالم يا هوا .
شادي بضحك خبيثة :- من عينيه وطلع فعلا فوق السور لكن وجه ليها هي وبدأ يصرخ بأعلى صوته :- انا مجنون وابن ستين كلب ، اني اتجوزت وحده زيك ، منك لله يا شيخه بيعتيني اللي ورايا واللي قدامي وبدأ الناس تتجمع وروما تنظر له بزهول .
رجل كبير السن:- منك لله انتي و اللي زيك .
امراه:- حرام عليكي الراجل اتجنان يا حبه عيني .
شادي بتمثيل :- خالي بالك من العيال ومترمهمش في الشارع زي ما عملتي فيا انا .
روما بغضب شديد:- انت أهبل ولا عبيط ، عيال مين .
شادي نزل بصدمة كبيرة:- عيالنا ، انتي نسيتي عيالنا كده يا نوال تنسي عيالنا .
روما وهي تخلع فرد الحذاء :- اه نوال ، تعالي بس اوريك نوال وبدأت تجري وراه مثل القط والفار وهي بفرد حذاء واحدة فقط والاخر في يدها .
شادي وهو يقف بعد مدة جاري استغرقت نصف ساعة '- خلاص يا مجنونه .
روما وهي تضربه بالحذاء:- بقي انا نوال .
شادي بضحك هستيري:- يعني انتي مراتي .
روما وهي ترتدي الحذاء مره اخرى :- هي الساعة كام
شادي:- الساعة ٨:٣٠ صباح .
روما:- انا أتأخرت على الشغل سلام وطلعت تجري .
شادي :- يا بنتي ، ولكن لم تسمعه لأنها ذهبت بكل سرعتها
أهو يا اسماء البارت طويل قوي علشان خاطرك وياريت ماتنسوش النجمة يا قمرات وعايزها اعرف رايكم إيه ولو عايزين تعديلات أو اي حاجه مع حفظ الله ورعايته هتوحشوني أوي أوي أوي أوي أوي 🥰🥰🥰🥰🥰