"الا ليت النصيب يصيبني P92"
نوره : ياسلطان مب وقته ذا الكلام البنت تو..
ريم : قاطعت كلام امي وقلت , مين ؟؟
نوره : يابنتي الحين خل عنك موضوع الزواج وفكري
ريم : عادي يايمه اذا كان الرجال زين
سلطان : عن زين هو احسن من الزين وانا اشهد له
نوره : نعرفه ؟؟
سلطان : اي , فيصل
ريم : ليش شفقان علي ولا ايش
سلطان : وش ذا الكلام
نوره : كيف يتزوج زوجت صديقه !!
سلطان : ليش يايمه حرام ؟ , خالد وتوفى و فيصل حب البنت ويبيها , وترى مب مجبوره توافق
نوره : وش ذا الحب الي نزل عليه فجاة ؟
سلطان : يايمه بدون اساله مالها داعي ,رجال وكل الناس تشهد له بالخير , محترم خلوق يخافه ربه ومرتاح ماديًا
ريم : خلاص سوي الي تبيه
سلطان : ترى ما قصدي اني ما ابيك بالبيت واذا ما شالك البيت اشيلك بعيون , الموضوع موضوع انه صديقي واعرفه زين وهو مره مصر الا ويبيك و عشان احبه واغليه قلت اسالك
ريم : قمت من الطاوله وتوجهت على الدرج وقلت بصوت عالي , تمام مايصير خاطرك الا طيب
سلطان : عليت صوتي وقلت , يعني ؟؟؟
ريم : موافقة
سلطان : ابتسمت وقلت لامي , سمعت يايمه حتى انا موافق
نوره : قلت بحماس , والله
سلطان : والله
وليد : يا ماما حتى انا ابي عروس
سلطان : طول ما انت بتقول ماما ما رح تزوجك
نوره : صدق اخوك
سلطان ضحكت وقلت, سمعت ...
غدي : غيرت ملابسي و لبست تيشيرت احمر اكمامه قصيره و جينز ابيض واسع , حطيت ميكاب خفيف و عدلت شعري وخذيت شنطتي وجوالي ونزلت اسلم على امي و ابوي قبل لا اروح
عبدالرحمن : ما شاء الله وش ذي الحلاوة
غدي : كيفني يايبه ذوقي يجنن صح
عبدالرحمن : والله ما توقعت ان الشعر القصير بيكون بذا الجمال
غدي : طيب يبه وش احلى علي الطويل ولا القصير
عبدالرحمن: اكيد القصير
ندى : لو بتاخذين رأيي بقول لك الطويل
غدي : ليش ؟
ندى : احس حرام قصيتيه مره وحده كان قصيتيه بالتدريج
غدي : ياماما صدقين كذا احلى
ندى : اهم شي انه عاجبك
غدي : مو بس عاجبني بموت عليه
ندى : طيب يلا ما تحسين انك تاخرتي ؟
غدي : تدورين الفكه صح
ندى : مسكتها من ايدها و وصلتها الباب وقلت, مع السلامه وسلمي لي على سعود
غدي : ركبت السياره وقلت , يوصل ان شاء الله
#الاليت__النصيب__يصيبني#اكسبلور #روايات