هلو حبايبي شلونكم فدوة اريد تفاعلكم ابعثو الرواية للاصدقاء خلي يتابعوني ويتفاعلوون احبككمممم هوااييي
"دائماً قل"♥️🔥.
اللهم احفظني من عين تراقبني بسوء واڪفني شر ڪل حاسد وحاقد ومنافق اللهم ابعد عني من يشوة سمعتي وينتظر زلتي ومن ينوي بي شر ولاتحزن قلبي على منافق ظننت انه صديق ربي لاانوي لغيري الا ڪل خير فمن اراد بي سوء فأشغله بنفسه اللهم اني استودعتڪ نفسي فأڪفني شر خلقك♥️
#خمائل ال شمر
جميلة: بابا بابا بيك شيي جاوب عليه
حسين: لا بابا مابيه شي بس تعورت بالسكان مالت السيارة
جميلة: بابا خوما احد اندعم
حسين: لا بابا دست بريك ماكو شي يلا نزلي لمدرستج
نزلت من السيارة واني رجفت السيارة لسه بيه وكلبي يدك سريع هستوني طبيت للمدرسة وجان هاني يفززني طلع بوجهي
جميلة: انت شبيككك فززتني ليش دايما تطلع بوجهي عوفنيي بحاليييي
هاني: انتي شبيج تصيحين عليه شمسويلج اني
جميلة: هاني وخر من وجهي مو ناقصتك اني
دفعته ومشيت رحت لصف لكيت البنات بالصف وحسناء هم لكيتها رحت كعدت يمها والعبرة خانكتني
حسناء: هلو جميلة شلونج
جميلة: زينه
حسناء: شبيج شنو زينه ليش صوتج يرجف وايدج ترجف صاير شي
كعدت سولفتلها كلشي صاير وعيوني دمعت ماكدرت اضم دمعتي وحضنتها
اجني رسل واماني
احنه اسفين عالصار البارحه
جميلة: عادي ما صار شي تبقن خواتي
رسل: شبيج صاير شي وياج
كعدت حسناء تسولفلهن بعد ماطلبت منها هل شي لان اني ماكدرت احجي
رسل واماني: يا حمدلله ع سلامه جميلتنة ان شاء الله متشوفون شر
جميلة: تسلمولي
دك جرس واجت المدرسة بقينه ناخذ دروس الفرصه خمس دقايق والدرس ساعة وصار ملل واني مالي واهس بالدراسة رغم اني حافظة دروسي بس ما رفعت ايدي بعض المدرسات يعرفني كومني بدون مارفع ايدي وشرحتلهن وكاللي مو حافظة ليش ما رافعه ايدج كتلهن شوي تعبانه
خلصنه لدروس وطلعنه للبيت حسناء اجه ابوهة اخذها وكالت تعاي وياي بالسيارة لان ابوج ما جا
كلت يجوز سيارته عطلانه وماكدر يجي ومنا شفت هاني ماردت ابقه وحدي ركبت وياهم وصلني يم البيت ونزلت
دكيت الباب
كاظم: بابا ماجا وياج
جميلة: لا ليش هو مو بالبيت
كاظم: لا ما جا
دخلت شفت ماما سلمت عليها وبستها كتلها بابا ما جا من طلعنه لحد هسة كالت اي ليش صاير شي
كعدت سولفتلها
امي لطمت على وجهة عززاااا لو صاير بيكم شي لو احد مدعوم جان هسة اني شسويت
جميلة: ماما اهدي الله ستر ماكو شي اهدي
كامت تتصل على بابا تطمن عليه حجت وياه وكاللها طالع كروة ليظل بالج وكالتله عليه رجعت ويه ابو صديقتي كملت وكالت روحي غسلي وبدلي وتعاي تغدي
جميلة: ماما مااشتهي راح اغسل وابدل وارتاح تعبانه من اكعد من نوم اكل
رحت غسلت وبدلت ومددت بفراشي وكالعادة استاذ هاني شاغل بالي وافكر بي كلت خطيه هو شنو ذنبه صيحت عليه وعصبت استغفرت ربي ونمت غفيت كعدت بل5 عدلت شعري وملابسي وكمت غسلت ورحت اكلت ورجعت طلعت كتبي وكعدت اقرة لحد ما صاح الله واكبر كمت صليت وانتظرنا بابا يجي حته نتعشة
ورة نص ساعة جا وتعشينه وكملنه ورحت رجعت نوب اكمل دروسي واقرة وجان عندي هواي كتابه انكليزي وحل رياضيات وعربي متت بين ما كملت تقريب صارت 12 رحت نمت كعدت صبح لكيت بابا وماما كاعدين غسلت وتوضيت وصليت تريكت ورحت بدلت صارت ساعة 7 ونص اخذني بابا للمدرسة وبقيت اقرة ايات واصلي على نبي حتة ميصير شي مثل البارحه والحمد لله وصلت للمدرسة سلامات دخلت ورحت لصف بعدهن لبنات ما جايات اني وكاعدة افكر وتذكرت هاني كلت لازم اعتذر منه عيب طلعت من صف باوعت هيج وهيج جنت متاكدة راح اشوفه وبالفعل شفته واكف قريب من صفي صحتله ما صدك اجه يركض
هاني: صباح العافيه شلونج
جميلة: صباح نور تمام وانت
هاني: بخير دام انتي بخير كولي محتاجه شي
جميلة: لا جيت اعتذر ع بارحه اسفه صيحت عليك واعتذر بس مريت بموقف خلاني افقد اعصابي
هاني: ولا يهمج اعرف وحمدلله ع سلامه
جميلة: شمدريك منو كلك
هاني: اعرف وبس المهم انتي بخير هسة
جميلة: اي اني بخير
مد ايدة الي وكال عادي نكون اصدقاء اني ماعرف شصار مديت ايدي وكتله اصدقاء هو كيف وكال شكرا الج واني كلما باوعتي خارج الصف تلكيني خاف تحتاجين شي
جميلة: شكرا الك ما تقصر وهسة روح راح اروح اقرة
هاني: ماشي باي
جميلة: باي
دخلت بصف واحس كلبي دكاته مو طبيعيه صدك صار هل شي
وهل شي صح لو غلط
اجني البنات وكملت دروسي عادي طلعت بالباب باوعت بابا ماكو بقيت واكفه شوي واجه هاني ع بايسكل كال اوصلج للبيت
جميلة: اي مو عندك سيارة اخر موديل
هاني: شبيج اخلي جنطتج بالبايسكل ونتمشى
جميلة: اكلك احنه وين عايشين بامريكا ناس شدكول عليه روح ماريد شي هسة بابا يجي
حسناء: هلو حب اوصلج وياي بابا جا
جميلة: اي علواه يلا مع سلامه
هاني: تمام الله وياج
عفته ومشيت وصلنه ابو حسناء ودخلت البيت
كالعادة غسلت بدلت تغديت اليوم جان خميس يعني باجر عطله راح اخلصها نوم نمت بقيت نايمه مطمنه ساعة سبعة حست ع صوت صراخ بالبيت فزيت رجليه مابيه اكوم كمت ارجف شكو شصايررر كوة كمت وطلعت
خيررر يمه شصاير شكوو
شيماء: ولج ابوج مسوي حادث وبالمستشفى
جميلة: شنووو...... يتبع