الاحداث اللي بدا تصير بعد عن جد سيئة... آسفة
أحب أقول أنو السبب للي جعل روبي تبعد عني تلات أيام هو أنو الحلوة رهام خبرتها أنو تقريبا الصف كلو صار يعرف أنو أنا مثلية
يعني لهيك صارت روبي مبعدة يمكن لأنو بدها توقف الاشاعات أو خافت أنو ينقلب هالشي ضدها فقررت تبعد بس اللي خلاها تعصب مني اكتر بعدين هو أنو ليلي راحت و ورجت لصحباتي للي ذكرتهم رسائلي معها يعني الحكي للي حكيتو عن أنو في مثلية بالصف
و طبعا روبي عصبت أنو أنا خبرتها
بس مع أنو أنا ماخبرت ليلي عن مين البنت، هنن فهمو أنها روبي بس ماكانو متأكدين
و طبعا مين للي خبر الصف كلو أنو أنا مثلية، نعم ليلي ☕
هالشي خبرتني اياه روبي لما واجهتها بعد خمسة أيام لأنو جد اجاني فضول ليه عملت هيك
هي من ناحية محقة في ما فعلته و من ناحية لا لأنها كانت مصممة ماترجع معي بس لأنو الصف يعرف عني
يعني هالشي بيخصني أنا مو هي
اوكيه
طبعا هلا بعد ما كلشي اتضح صرت لما اخش عالقسم احس أنو الكل بيبص علي و يشوفني بس أنا و يحكو عني بس أنا
حسيت ب ضغط كبير
و سيلين صديقتي ماكانت تعرف شي بس حست أنو في شي يعني شافت صحباتي ماعاد يحاكوني و أنا بعدت كمان شوي
و كل مرة اجتمع معها تقولي شو فيه ليش الكل متخاصم معاكي
قلتلها
-< نعم فيه شي بس اذا عرفتيه ماعاد بتحاكيني لهيك من الاحسن لا تعرفي >
-
ردت :
<لا تتوقعي مني اتركك بسبب اشاعات او شي يخصك انتي، يعني رفقتنا و صداقتنا لهالدرجة رخيصة حتى أتخلى عنك ؟! >
صراحة أثرت فيني، بس حسيت أنو بيصير العكس لأنو هي ملتزمة بالاسلام كتير و محجبة فشفت صديقاتي للي اغلب اعمالهم سيئة ماتقبلو هالشي ف كيف سيلين بدها تتقبل
سيلين كل مرة تضغط علي أخبرها ...