احبني رغم عجزي

البارت ١٦

صلوا على الحبيب المصطفى صلى الله عليه وسلم

الدكتورة خرجت والكل راح عليها

اسد بخوف:- سيلين فيها ايه

الدكتورة:- عندها حالة تسمم بطئ يعني حد بيسممها ببطئ وفوق ده اتعرضت لانهيار حاد دخلها في غيبوبه والله اعلم هتطلع منها امتي لأن عقلها مش متقبل الواقع واحنا دلوقتي كل اللي نقدر عليه اننا ندعلها ولازم تعرفوا مين اللي كان بيحاول يموتها لان دي تعتبر جريمه قتل بس الحمدلله لحقناها وعملنلها غسيل وانا من الوقت للتاني هاجي اتطمن عليها

سالم بهدوء:- شكرا يا دكتورة

الدكتورة مشيت و البنات كلها قعدت تعيط

فاطمه ببكاء:- انا عايزة بنتي يارب عدي اختك هتروح مننا واغمي عليها

عدي شال فاطمه ودخلها غرفة والدكتورة فحصتها وطمنتهم وادتلها إبرة مهدا وعدي طلع قعد معاهم

عدي بهدوء مصطنع:- ممكن اعرف مين اللي عمل في سيلين كدا يا عمي

سالم:- اهدي يابني احنا هنعرف مين اللي عمل كده وهنجبلها حقها

عدي ببعض العصبيه:- وانا مش هستني لحد ما اختي تموت سيلين لما تفوق هتيجي البيت معانا وانتوا لما تحلوا مشاكلكم نبقي نفكر نرجعها ولا لا

اسد باعتراض:- لا طبعا سيلين مستحيل تبعد عني

عدي بعصبيه:- سيلين هتيجي معايا انت متخيل ان في حد في بيتكم بيسممها يا تري من الخدم ولا حد من أفراد العائلة ولا مين عارف يعني ايه يعني حياتها في خطر طول ما هي معاكوا وممكن اعرف جالها انهيار من ايه يا اسد

كنان:- اهدي يا عدي لحد ما نطمن علي سيلين وهنعمل اللي انت شايفه

الممرضه:- لو سمحتوا وجودكم هنا مش ليه فائدة المريضة دلوقتي في غيبوبه تقدروا تتفضلوا و لو حصل اي حاجه احنا هنرن عليكوا

اسد وكنان وعدي في صوت واحد:- لا مش همشي

سالم بصرامه:- كلنا هنمشي

اسد:- انا مش هتحرك غير وسيلين معايا

عدي:- وانا مش همشي غير ما اختي تبقي في أيدي

كنان:- خلاص هنقعد احنا التلاته والباقي يمشي

حور ببكاء:- وانا هقعد لحد ما تفوق

وبعد وقت قرروا أن الكل هيمشي ما عدا اسد وعدي والكل روح بيته وأسد وعدي قعدوا قدام غرفة سيلين وكانوا بيبص لبعض نظرات تحدي وكل شويه واحد يقوم يبص علي سيلين من النافذة الصغيرة

في شركه الشافعي دخلت اسيل وكان باين عليها الحزن اوي وقابلت ايهم بس تجاهلته بس هو راح عليها

ايهم:- ايه يا اسيل جيتي ليه

اسيل بهدوء:- جيت مكان اسد علشان مش هيعرف يجي

ايهم:- اه ما هو كلمني وعرفني كل حاجه ان شاء الله هتبقي كويسه وانا هخلي بالي من الشغل

اسيل:- شكرا يا ايهم

اسيل دخلت مكتبها ومستغربه معاملته اللطيفه بقاله فترة وقلبها بيدق جامد

أسيل:- يارب أنا بحبه اوي طلعوا من قلبي يارب

اسيل تليفونها بيرن ردت

اسيل:- الو

احمد:- اااااه احلي الو في حياتي

اسيل بضيق صوت عالي:- انت هتحترم نفسك ولا لا يا بني ادم انت انا جيبت أخري معاك اقسم بالله دي اخر فرصه ليك لو رنيت تاني هتشوف انا هعمل ايه وقفلت الخط

_________________________

في مكان اول مره نروحه نري هذا الشخص عمرة خمسة وثلاثين عاما يجلس على كرسي الهزاز وماسك كأس في يده وبيضحك بشر

المجهول:- هههههه واخيرا هكسرة ووقتها هعرف اعمل اللي انا عايزه

المجهول اخر بارتباك:- بس لو عرف ان احنا اللي عملنا كدا مش هيرحمنا

المجهول:- لا لا يبقي انت مش عارف انت قاعد مع مين

المجهول اخر:- يبقي علي ضمانتك يا كبير

________________________

في مكان جميل جدا ملئ بالورود والزهور كانت تقف أمام والدها بمسافة

سيلين:- بابا انا هاجي معاك

والدها:- لا يا قلب بابا خليكي عندك علشان ماما وعدي وكنان واسد اللي هيموت لا حصلك حاجه

سيلين بدموع:- لا يا بابا مفيش حد بيحبني اسد مش بيحبني دا ضربني يا بابا

والدها:- لا يا سيلين انتي اللي مش شايفه حبه ليكي دا بيموت فيكي يا بنتي ركزي وانتي هتعرفي

سيلين:- لا يا بابا انا هاجي معاك انت مش عايزة غيرك

والدها:- لا يا سيلين عيشي حياتك يا بنتي وهبقي اجي اخدك في وقت تاني بس كل اللي هقولك عليه متضيعيش اسد من ايدك يا قلبي مش هتلاقي حد يحبك قده صدقيني واختفي من قدامها

سيلين بصوت عالي:- بابا لا متسبنيش بابا

طبعا كل اللي في المستشفى سمعوا صوتها والممرضات دخلوا والدكتورة دخلت بسرعه

اسد وعدي بخوف:- في ايه يا دكتورة

الدكتورة:- انا هدخل اشوفها اهوا

الدكتورة دخلت وفحصتها وادتلها إبرة منوم وخرجت

عدي:- مالها يا دكتورة كان صوتها عالي ليه

الدكتورة:: المريضه شكلها كانت بتحلم بابوها علشان كده فاقت وهي بتنده عليه بس هي الحمدلله بقت كويسه بس هي نايمه دلوقتي وبعد شويه تقدروا تدخلوا لها

اسد:- شكرا يا دكتورة

بعد وقت كانت العائله كلها في المستشفى في غرفة سيلين منتظرين أنها تفوق وسيلين فتحت عينيها وقالت :- عدي في حد هنا ماما

عدي جري عليها واخدها في حضنه:- انا هنا يا حبيبتي انتي كويسه في حاجه بتوجعك

سيلين بخوف:- عدي احنا فين انا عايزة اروح البيت بتاعنا خدني معاك والنبي

عدي بحنان:- اهدي يا حبيبتي احنا في المستشفى واول ما تبقي كويسه هاخدك ونمشي

اسد باعتراض:- لا سيلين مش هتمشي من هنا غير علي بيتي وبس

سيلين بارتجاف:- لا لا انا مش هاجي معاك عدي يلا نمشي من هنا

كنان راح عليها وقعد جمبها:- اهدي يا حبيبتي اللي انتي عايزاه هيتنفذ بس اهدي شويه

سيلين بطفوله:- وعد

كنان بحب اخوي:- وعد يا طفله هروح اجيب الدكتورة

سيلين باستغراب:- هو انا هنا ليه وكمان مين اللي هنا

حور بمرح:- كلنا هنا يا قلبي شوفتي بقي كلنا بنحبك ازاي وانتي هنا علشان تعبتي شويه صغنين بس متخافيش

فاطمه بدموع:- حمدالله على سلامتك يا قلب امك

سيلين بابتسامة:- الله يسلمك يا حبيبتي

نوران:- حمدالله على سلامتك يا حبيبتي

سيلين بهدوء:- الله يسلمك يا ماما

سالم:- حمدالله على سلامتك يا بنتي وانا عارف ان مش وقته بس انا بتاسفلك علي اللي حصل النهاردة

سيلين بهدوء:- لا يا بابا حضرتك ملكشي ذنب في اللي حصل بس انا فعلا مش هقدر اروح معاكوا

اسد بعصبية:- لا سيلين هتيجي معايا

سالم بصرامه:- لا سيلين هتروح مع عدي لحد ما تبقي كويسه وتحب ترجع غير كدا محدش هيغصبها علي حاجه يا اسد

اسد:- ممكن تسيبوني لوحدي مع سيلين

سيلين باعتراض:- لا محدش يطلع اللي انت عايز تقوله قوله قدام الكل

سالم:- متخافيش يا سيلين احنا هنقف برا يلا يا جماعه

الكل خرج وأسد قرب من سيلين وقعد علي الكرسي اللي جمب السرير ولسه هيمسك أيدها هي زقته

اسد بضيق:- سيلين انتي خايفه مني ليه

سيلين بسخرية:- لا والله علي اساس ان انت مش عارف طب هما ماشي علشان عارفين أن من يوم الجواز واحنا عايشين احلي ايام

اسد :- طب علشان ابقي جيبت من الاخر مفيش مرواح عندكوا هتروحي القصر وانا مش هخليكي تسمعي صوتي ولا تحسي بيا خالص بس تيجي معايا

سيلين بدموع:- اسد لو ليا خاطر عندك سيبني براحتي انا مش طايقه اقعد معاك بسبب طريقتك معايا وكمان انا وانت عارفين كويس اوي انك مش بتحبني ليه نقعد مع بعض مغصوبين واحسن حل اننا نتطلق

اسد بضيق وغموض:- انا مش هحاسبك دلوقتي على الكلمه الأخيرة دي وهسيبك عند اهلك بس صدقيني كلها فترة وترجعي

سيلين بعدم فهم:- قصدك ايه مش فاهمه حاجه

اسد:- مش لازم تفهمي دلوقتي يلا اشوفك بالسلامة وباسها من جبينها ومشي وهو ساكت وسيلين فضلت تفكر ومستغربه اوي من طريقته وبعدها الكل دخل والدكتورة فحصتها وقالتلهم عادي تخرج والكل سلم عليها ومشيت مع عدي وكنان ونجلاء وفاطمه وحور

بعد اسبوع عدا علي البعض بسعادة والبعض الآخر بحزن عدت هذه الأيام علي سيلين في حزن وتفكير في اسد واخر كلام ليه معاها وحاسه أنها عايزة تشوفه بس في نفس الوقت بقت بتخاف من طريقته وعصبيته عليها اما اسد من اخر مرة شاف سيلين في المستشفى وهو سافر من بعدها ولسه منزلشي بس كانت دائما اخبار سيلين بتوصله وطبعا منسيش يدور ورا تسميم محبوبته أما عن نور كانت زي ما هي دايما ساكته و اوقات تروح لسيلين وتقعد معاها هي واسيل وكارمن وحور وطبعا بتفكر في ادهم حب حياتها وبتفضل تعيط وتندم انها حبيته في يوم من الايام أما اسيل مشافتشي ايهم خالص طول الاسبوع لانها مش بتروح الشركه والوقت اللي بيبقي عندهم بتبقي هي بتذاكر اما ايهم اعترف لنفسه أنها وحشته اوي وعايز يشوفها والاسبوع ده عدا عليه بصعوبه علشان مش بيشوفها وكمان كان بيروح عندهم كتير بس اسيل كانت مش بتنزل وهو كان بيتضايق اوي اما عند عشاقنا كارمن وكنان عايشين احلي ايام حياتهم وكل يوم حبهم بيزيد اكتر من اليوم اللي قبله وحور وعدي أيضا كل يوم حبهم بيزيد اكتر وهما بيجهزوا عش الزوجية مع بعض بس الاسبوع ده حور كان عندها مذاكرة كتير ومش كانوا بيخرجوا كل يوم علشان تذاكر اما عند المجهولين اشرار الروايه فدول بقي بيخططوا لحاجات كتير لابطالنا بس طبعا محدش هيقدر ييجي جنبهم وبعد هذا الأسبوع اليوم هو أول يوم امتحان لسيلين وحور واسيل ونور

في صباح يوم جديد يوم مليئ بالاحداث نري بطلتنا تستيقظ بنشاط وتدخل الحمام تاخد شاور ثم تخرج تلاقي ملابس علي السرير اللي امها طلعتها ليها وترتديها وتجلس علي السرير وتفكر في اسد وتقول بسخرية:- ومكانشي عايز يسيبني دا حتي مسالشي عليا طول الاسبوع اللي عدا

حور:- يلا يا سيلين علشان منتاخرشي علي الامتحان

سيلين:- يلا يا حور

عدي:- استنوا اوصلكم في طريقي

كنان:- خلوا بالكم في الامتحان وحلوا كويس

حور وسيلين:- حاضر بس يلا بقي

كلهم خرجوا وعدي وصلهم ومشي وهما دخلوا الكليه وحور وصلت سيلين المدرج بتاعها

حور :- يلا يا حبيبتي هروح انا بقي وبعد اما تخلصي تفضلي هنا علشان مقلقشي عليكي

سيلين:- ماشي متقلقيش يلا باي

حور:: باي

في قصر الشافعي كانت العائله تجلس على الإفطار

نور:- أبيه اسد غاب اوي بقالوا اسبوع مسافر

سالم:- كان عنده شغل بس رن عليا وقال إنه جاي النهاردة

اسيل:- يجي بالسلامة يلا يا نور علشان منتاخرشي علي الامتحان

نور:- يلا يا اسيل

في مكان ما كان يجلس هذا الشخص ومعه شخص آخر

احمد:- عملت ايه في الموضوع اللي قولتلك عليه

الشخص بشر وبيديله ظرف:- عملت كل اللي قولتلي عليه ومحدش هيصدق أنه مش حقيقي

احمد بشر:- ايوا كدا هشوف بقي ان ما خليتها تجيلي راقعه مبقاش انا اسمي احمد

الشخص:- بس انت هتوصل الظرف دا امتي

احمد:- في الوقت المناسب يلا خد فلوسك اهي ولا اكنك شوفتي قبل كدا

الشخص:- تسلم يا كبير

الشخص مشي وأحمد ضحك بشر وهو بيتفرج علي اللي في الظرف

___________________________

عند ايهم في الشركه كان يجلس في مكتبه وبيفكر في اسيل وبيقول لنفسه:- لا لا مستحيل اسيل مستحيل اسد عمرة ما يوافق ولا هي هتوافق اصلا بس انا بحبها اعمل ايه دا انا هموت واشوفها بقالي اسبوع وهموت طب اعمل ايه خلاص اسد هيجي النهاردة من السفر وانا هروحله وهي اكيد هتبقي قاعدة يارب أنا بحبها وبسببها معنتش بكلم بنات ولا حتي ببصلهم ولا بروح اي مكان في بنات مش كويسه خلاص انا هحاول اقرب منها لحد ما تحبني

في نص تفكيرة تليفونه رن ورد

ايهم:- الو يا اسد

اسد:- الو يا ايهم كنت عايزك في صفقه....

بعد ثلاث ساعات خلصوا الامتحان وحور راحت اخدت سيلين وخرجوا من الكليه

سيلين:- عملتي ايه في الامتحان

حور:- الحمدلله انتي عملتي ايه

سيلين:- الحمدلله كان كويس تيجي نتمشي شويه

حور:- من عنيه يا قلبي

عند كنان وكارمن كانوا بيتمشوا مع بعض بكل حب

كارمن:- بس انت سيبت شغلك وجيتلي ليه

كنان:- هو انا عندي اغلي منك يعني أما ترني عليا وتقوليلي انك مخنوقه مش عايزاني اجيلك ولا ايه ممكن اعرف بقي انتي مخنوقه من ايه

كارمن بخجل:- مفيش بس كنت بصراحه كدا عايزة اشوفك مش عارفه ليه

كنان بخبث:- مش يمكن علشان بتحبيني

كارمن بتردد:- كنان انا مش عايزاك تفهمني غلط في اللي هقوله وانا متاكده انك بتحبني وعمرك ما هتفكر تلعب بيا بس انا مش عايزة علاقتنا تبقي كد

كنان بمقاطعة:- انا فاهمك كويس اوي وانا اصلا كنت هاجي اتقدملك بس مستني أما اسد يبقي موجود وسالت وعرفت انه جاي من السفر النهاردة وكنت هستني يريح واجي اطلب ايدك من عمي احمد وعمي سالم

كارمن بفرحه:- بجد يا كنان هتيجي تطلب ايدي

كنان بحب:- بجد يا قلب كنان

كارمن بخجل:- بحبك اوي اوي

كنان:- وانا بموت فيكي

في شقة سيلين كانت تجلس مع فاطمه وكنان وعدي

كنان:- سيلين انا بحب كارمن وعايز اتقدملها

سيلين بفرحه:- الف مبروك يا حبيبي بصراحه كارمن طيبه اوي وكويسه ربنا يوفقكم يارب

عدي:- الف مبروك يا اخويا

كنان:- الله يبارك فيك يا صاحبي

فاطمه وهي بتزغرط:- اخيرا هفرح باولادي الاتنين في النفس الوقت الف مبروك يا قلب امك

كنان:- الله يبارك فيكي يا حبيبتي ربنا يخليكوا ليا

روح بطفوله وفرحه:- هيبقي عندنا اتنين فرح هيييي

سيلين:- وانت هتروح امتي تتقدملها

كنان:- انا كنت مستني اسد يرجع من السفر وهو الحمدلله جاي النهاردة وهستني يومين ونروح كلنا

سيلين:- بس انا مش هاجي

كنان:- سيلين يا حبيبتي انا مش عارف ايه اللي وصلكم انتي وأسد الزعل ده بس انا متاكد ان اسد بيحبك اوي شوفتي كان عامل ازاي في المستشفى دا كان هيموت من خوفه عليكي وكمان مكانشي عايزك تيجي معانا

سيلين بسخرية:- اه دا علي اساس انه فضل طول الاسبوع يجي ويسال عليا أو اي حاجه تحسسني بكدا دا كمان طلع مسافر من غير ما يعرفني مش المفروض انا مراته ولا ايه

عدي:-يا حبيبتي احنا مش عارفين سبب سفرة ايه بس طبعا هرجع واقولك كل اللي انتي عايزاه هيتنفذ

__________________
في المساء
في قصر الشافعي كان الجميع يجلس في الصالون ينتظروا اسد

اسيل:- هو اتاخر اوي ليه هو اه اسبوع واحد بس وحشني أوي

نور:- وانا والله مش متعوده علي بعده عننا

اسد من الخلف:- والله وانتوا كمان وحشتوني اوي

الكل بص واتصدم.........

متابعه.......

توقعاتكم

الكل اتصدم ليه لما بصوا علي اسد

ايهم هيعمل ايه مع اسيل

سيلين هترجع لاسد امتي

احمد مخطط لايه

مين اللي حط السم لسيلين ومين المجهولين دول

ايه رايكم في البارت بتمني يكون عجبكم ♥️