في اليوم التالي..
في الكوافير
ليلي للميكب ارتيست : لا لا اعمليلها الميكب خفيف
الميكب ارتيست (مياده) بزهق : انا عارفه شغلي ممكن تديني فرصتي
ليلي : فرصتك معاكي متقلقيش انتي معاكي وشها انا بقولك بس
مياده : انتي قولتيلي يجي5 مرات دلوقتي سيبيني اشوف شغلي
سهيله بضحك : يا بت متقلقيش انا واثقه انها هتطلعني حلوه
ليلي : انتي اصلا كدا كدا حلوه ثم رن هاتف سهيله
سهيله بضحك : دا عمر
مياده : المكياج هيبوظ ادي حد من اصحابك يرود
نوران : هاتي انا هرود عادي
ثم اخذت نوران الهاتف وبدات بالرد
عمر : اي ينن عيني خلصتي
نوران باحراج : احم انا نوران سهيله بتتمكيج
عمر باحراج : اه اسف يا نوران
نوران : عادي عادي لو عايزها في حاجه مهمه انا ممكن اقولها
عمر بحرج خفيف : لا لا خلاص كمان ساعه كدا هرن عليها
نوران بهدوء : تمام باي
عمر : باي
بعد انتهاء المكالمه
سهيله : كان عايز حاجه
نوران بضحك : لا كان بيطمن عليكي بس
سهيله بضحك : محسسني اني هتخطف بجد
ليلي : دا علشان بيحبك ياختي ربنا يديمكوا
سهيله بحب : يا رب يا حبيبتي
نوران بضحك : يااه دا انتي واقعه خالص
سهيله : هو اي حد دا خطشيبي
ليلي : يسلام يسلام دا احنا داخلين على ايام الدبله بتدفي
نوران بتمثيل صوت سهيله : حقيقي يا جماعه مش عارفه انتي ازاي عايشين من غير خطيب دي الدبله بتدفي
سهيله : وبعدين منك ليها بقي اتلموا
مياده بزهق : ممكن تثبتي
سهيله : خلاص يا ميمو يعني انا كنت بشكر فيكي خليكي رويحه ياختي
مياده : اصل عايزه اعملك ميكب ملوكي بس انتي مش صابره
ليلي بتحذير : انتي عارفه لو عملتلها ميكب تقيل هعملك فيكي اي
مياده : يختاااي يا بت اسكتي بقي زهقتيني
ليلي بمرح : انا حذرتك اهوه اللهم بلغت اللهم فاشهد
مياده لسهيله : لولا انك صاحبتي وحبيبتي كنت عملتلك مكياج تقيل علشان اشوفها هتعمل اي
ليلي : طب، تصدقي يا بت انتي لعرفك ان الله حق
وبدات تجري ورا مياده وهيا ممسكه بمكاواه الشعر
مياده بضحك : يا بت هتفرهديني حرام
ليلي : والله لوريكي يا ست مياده انتي وبالفعل امسكت ليلي بمياده وبدات بزغزغتها
مياده بضحك : بس بغير يا بت كفايه..
ليلي مبتعده عنها : مش انتي بتعانديني
مياده بتنفس : اخر مره اخر مره يخربيتك قطعتي نفسي
نوران بضحك : انتو اطفال اوي وكل حاجه متسجله صوت وصوره
سهيله : يعني فضيحتكوا بجلاجل
نوران بضحك : حصل
وفاجئه ظهر صوت زغاريط وكانت فرقه بنات تقوم بهذا النشاط ليكسبوا بعض المال و ليزيدوا الجو فرحه
البنت من البنات : زينه شباب العيله الحيله الحلوه دي جابت رجليه من ناحيه انها بنت جميله دي جميله طبعا هنقول اي
وبدات ليلي تشد نوران و مياده و سهيله للرقص و ظلت نوران تصور فيديو لكل ما يحدث كا تذكره و كانت الأجواء مليئه بالسعاده وغادرت الفرقه و ظلت ليلي ترقص وتزغرط وفي هذه اللحظه اتت نيره بزغروطه ايضا
نوران : اخيرا جيتي ياختي
نيره بأسف : معلش والله على ما هشام رضي ينزلني
ليلي باستغراب : هشام مين دا
نيره : اخويا في الرضاعه وابن عمي
نوران وليلي و سهيله بصدمه : اي اخوكي في الرضاعه
نيره : اه وقصت لهم كل ما حدث معاها وكيف يكون هشام اخيها وابن عمها
نوران بمشاكسه: ووليد عارف بقى
نيره : اكيد طبعا
ليلي : اوه يبدوا ان أحدهم بقي بيعرف حاجات اكتر مننا
نيره بتتويه للموضوع : انت وقفتوا الاغاني لي يالا نرقص
سهيله وقد فهمتها : اه يالا شغلوا الاغاني ثم قالت مياده دي نيره صديقه الصدوق
مياده : اهلا انا مياده و المفروض ميكب ارتيست
نيره : اه وهما معطلينك يعني دا عمر هيعملنا بطاطس محمره
سهيله بتساؤل : هيا الساعه كام
مياده : الساعه 2
سهيله : طيب اسرعي معلش علشان هيجي ياخدني الساعه 5
مياده : متقلقيش كله تحت السيطره
سهيله : الحمدالله بصي مش عايزه يكون شكلي بايخ والنبي انا بحب الحاجات السيمبل
مياده : يختااااي هيا البت ليلي عطست في وشك ولا اي
ليلي من الخلف : سمعتك على فكره شكرا يا ذوق
مياده باستفزاز: اصلا بقول بصوت عالي علشان تسمعي
ليلي بضيق عين : صبرك بس عليا بعد ما تخلصي عروستنا هوريكي
مياده بضحك : ولا تعرفي تعملي حاجه يا عسل
نوران : بسس خلاص انتي وهيا مش عارفه ارسم الايلينر ربنا يسامحكوا
ليلي : هاتي ارسمهولك انا
نوران بصراخ : لا والنبي انا هعمله لنفسي متشكرين
ليلي بقمص: قصدك اني فاشله في الميكب ولا اي
نوران : لا انتي احسن واحده تحط ميكب احسن من البت الي هناك دي بس مش بتعرفي تظبطي الايلينر يا ليالي
مياده : يفتاح يا عليم يا رزاق يا كريم بلاش التلقيح دا
ثم استوعبت ليلي كلام نوران وصاحت : بت متقوليش ليالي دي خالص
نوران بضحك : خلاص دا انتو هتاكلوني انا هرسم الايلينر في حالي احسن
نيره : بصي رسماه حلو ازاي تعالي ارسمهولك
نوران : طيب بس رفعيه خالص مالص علشان عيوني ضيقه
نيره : عيب عليكي كله تحت السيطره
ثم بدأوا في تشغيل الاغاني مره اخرى وكان الجو ملئ بالسعاده والفرحه
__________________________
عند وليد ذهب لغرفه هشام حتي يأتي معهم لكوافير الرجال ولكي يتعرف عليه ايضا لان كل مايعرفه عنه انه يكون اخ حبيبته في الرضاعه وابن عمها وهو يريد ان يتقدم لخطبتها ولذلك فهو قرر التقرب من هشام اولا لعل وعسي يتفق هو وهشام ويكون قد كسب احد من عائلتها في صفه ثم سأل موظفه الاستقبال علي مكان الغرفه وذهب إليه وطرق الباب حتي فتح هشام للطارق
هشام باستغراب : ايوه مين
وليد : معاك وليد الشامي ابقي صديق العريس صاحبه نيره
هشام باستغراب : ايوه يعني اعمل اي و عرفت اسم نيره منين اصلا
وليد : طيب ممكن ننزل نتكلم تحت وهحكيلك او نتكلم جوا لو حابب
هشام باستغراب : نتكلم في اي مش فاهم بس عموما نتكلم برا احسن
وليد : تمام هستناك تحت في الكافيه بتاع الفندق
ثم نزل وليد و هو يتحدث مع نفسه : اي العك الي قولته دا و بعدين دا شكله صغير ثم تذكر انه اخو نيره وقال صح اي الغباء دا اكيد لازم يكون في نفس سنها ان شاء الله يفهمني صح واعرف اكسبه بس يعيني عليك دا شكله صعيدي دماغه مقفله خالص ربنا معاك يا وليد
ثم بعد دقايق وصل هشام للكافيه وبالتحديد عند وليد
هشام : انا جيت اهوه احكيلي عايز تقول اي
وليد : بصراحه انا دكتور في الجامعه بتاعه نيره بس انا دكتور اداب مش السن بس يعني اعرفها لان اخويا دكتور السن و بيدرسلها وبصراحه أعجبت بيها وحبيت ادخل البيت من بابه
هشام بتساؤل : ايوه يعني عرفتني منين برضو ولي جاي تقولي انا
وليد : علشان انا عارف انك اخوها في الرضاعه وصدقني انا شخص كويس وفعلا بحبها هو محصلش كلام بينا كتير احتراما ليها ولاني مش عايزه ادخلها في مشاكل المراهقه والحاجات دي بس لما اعجبت بيها طلبت منها رقمها وهيا بحسن نيه كانت مديهولي علشان كانت السبب في اني اعمل حادثه و في مره فاوهيا في البلد اتصلت بيها وحكيتلي كا صديق مش اكتر فا عرفت انك اخوها فا حبيت اعرفك بنفسي علشان كل حاجه تبقي علي نور وبإذن الله هاجي اخطبها لما ترجعوا الصعيد او اي كان بقي الظروف بس قصدي لما العيله تتجمع وكدا
هشام بتفكير : بصراحه مخبيش عليك انا احترمتك جدا وشايف الي عملته صح وانك حافظت عليها من كلام كتير ملهوش لزمه بس
وليد باستغراب : بس اي
هشام : بس مش انا الي تطلب ايديها مني باباها ربنا يديه الصحه وجدي كمان ربنا يطول عمره موجودين فا انا مليش اني احكم عليها او أوافق عليك حتى
وليد براحه : خدتني يا شيخ ما اكيد هطلبها منهم انا حبيت بس اعرفك بيا يمكن نكون اصحاب
هشام بضحك : ان شاء الله لو وافقوا نبقي أصحاب طبعا دي نيره اختي واتمنالها الخير
وليد : تسلم بقولك صح يالا نروح عند الحلاق بقي زمانهم مستنينا
هشام : لا روح انت اصلا محدش يعرفني وانا هبقي اجي مع نيره بليل
وليد بضحك : يا عم متقولش كدا دا انت ابو النسب يالا يالا قوم
وبالفعل ذهب هشام مع وليد وكان سعيد من وليد بسبب احترامه واخلاقه وتمني لهم حياه سعيده اذا كان من نصيبها
___________________________
عند الحلاق
عمر للحلاق : بص قصرلي الجناب دي شويه
الحلاق بطاعه : حاضر
يحيي بسرعه : استني استني ياعم حسن كدا حلو زي الافلام
عمر بزهق : افلام اي انا شعري طويل عيب عليا يكون شكلي كدا
اسر وهو ياكل التفاح : طب، والله عسل وهو طويل
عمر بحيره : انت رايك اي يا عم حسن
عم حسن : والله يابني انا شايف كدا حلو بس نقصر شويه وكمان شعرك ناعم فا هيبقي حلو
عمر باستسلام : خلاص اعملوا الي شايفينه حلو فيا ثم قال استنوا كدا هرن علي سهيله ثم وقف بعيد نسبيا عنهم حتى يتكلم معاها براحه اكتر
يحيي بزهق : دا حَبوب اوي هاتلى يابني تفاحه من عندك معلش يا عم حسن
عم حسن بضحك : ولا يهمك يابني اصلا مش مسكر
يحيي بضحك : علشان كدا ثم سال اسر حلو ولا مر اوي
اسر بتذوق : انت عارف اني مش بحب الحاجه المسكره فا حلو
يحيي بملل : يبقي مر بس عادي كأنه خيار
وفي اللحظه دي دخل وليد وهشام
وليد بمرح : بتاكلوا تفاح من غيري
عم حسن بضحك : دا خيار
وليد بضحك : الف هنا يا رجاله ثم قال دا هشام يبقي اخو نيره
اسر : نيره نيره
وليد : اه نيره نيره خلاص بقي ابو النسب
يحيي بضحك : والله انتو عمالين تتخطبوا واحد ورا التاني وانا والواد دا هنعنس استنونا طيب
اسر بضحك : من لقي احبابه نسي أصحابه بقي ثم سلموا على هشام واعطوه تفاح بل خيار على راي يحيي وعم حسن
_______________
عند عمر : الو بقولك شعري وهو طويل ولا وهو قصير احلي
سهيله : انا مشوفتهوش وهو قصير اصلا على طول طويل ولفوق
عمر بحيره : طيب يعني اخليه طويل ولا قصير
سهيله بتفكير : وهو طويل حلو بيبقي عامل زي امراء ديزني
عمر باقتناع : اشطا يا اميرتي باي
__________
ثم رجع مره اخري للرجال وقال : خلاص يا رجاله هسيبه كدا
يحيي : والله قولتلك كدا ولا هو لازم راي العروسه
عمر باستفزاز : اه
يحيي : الأخوات في اجازه والله
ثم ضحك عمر وعندما نظر الي هشام سكت عن الضحك وبمجرد ما راي وجهه تذكره وهو ممسك بيد نيره ثم سال : مين دا
وليد : دا اخو نيره
عمر باستغراب : اخوها ثم تنفس و قال الحمدالله
هشام باستغراب : الحمد لله على اي
عمر : لا لا مفيش يالا بس علشان الحق اروح لعروستي
وليد بشك لهشام : هو انت تعرف عمر
هشام : لا انا اول مره اشوفه
وليد : اه طيب
ثم انتهوا و ذهب عمر لاخد سهيله من الكوافير و قاموا باخد صور السيشن وذهبوا لمكان الخطوبه وكان عباره عن مكان واسع في منتصفه سجاده زرقاء والكراسي بيضاء حديديه مبطنه بالاسفنج الفاخم و اوبن بوفيه به كل ما لذ وطاب
دخلت العروسه مع ابيها وخلفهم كانت مياده ونوران وليلي ونيره وبنت عم وخاله سهيله وصوت زغاريط عالي وكانت سهيله تبدوا كالقمر المنير في فستانها الرمادي كانت تبدوا كا الاميرات ودخلوا على اغنيه هادئه و دخل عمر من الناحيه الأخرى واخد سهيله ثم بدوا بالرقص
_تسريع للاحداث _
أوقف عمر الاغاني ثم اخد المايك وقال : طبعا حابب اشكر كل الناس الي شاركتني فرحتي النهارده وحابب اشكر ابويا علشان وقف جمبي دايما وكان معايا في كل خطوه وحابب اشكر ابو سهيله على اعتباره اني ابنه التاني وحابب اشكر اميرتي سهيله على كل حاجه عملتها وعايز اقولك اني بحبك اوي ونفسي تفضلي معايا دايما ثم ضحك وقال طبعا انتي مستغربه كلامي دا بس انا بحبك من وانا طفل و انتي كنتي لسه في اللفه متغيرتيش كتير عن ما كنتي صغيره اتمني مهما اتخانقنا تفضلي جمبي ومعايا لاني مقدرش على بعدك ثم ترك المايك وبدأ الكل في التسقيف ثم اشتغلت _اغنيه امير عيد _ بالصدفه تقابل بنت جميله وتخطف قلبك خطف من نظره تشقلب كل حياتك قبل ما تنطق حرف_ ثم اغنيه _ علشانك انا قادر اكمل علشانك قادر اتحمل وكل مره بشوفك بحبك تاني من الاول
وكان عباره عن ميكس من اغاني امير عيد الرومانسيه وكان عمر سعيد وكان ممسك بيد سهيله وعلي وجهه فرحه مثل فرحه الاطفال وكانت سهيله سعيده لم تكن الرقص سلو كان جميع من في القاعه يرقص حول عمر وسهيله كانت مثل فقره ولكن كانت بالنسبه لعمر الشرقاوي بدايه حياه سعيده مع معشوقته
________________
ثم بدا الكل بالتوجه الي الاوبن بوفيه
لوجين بحيره : امم اخد جاتوه ولا حته من التورته
ثم اتاها صوت من خلفها وقال : اعتقد مفيش فرق بينهم
لوجين بحيره : بس ثم عندما رات وجه المتكلم قالت نعم انت مين اصلا
الرجل بابتسامه جانبيه : اهلا اسمي عصام الفقي دكتور في مستشفى.....
لوجين بتذكر : حاسه اني اعرفك او اعرف صوتك
عصام بنفس الابتسامه الجانبيه :.............
___________________
يتبع...... ❤️❤️