هاشم اشر ل حمد يقوم يصب قهوه للحاضرين
و قام يصب لهم القهوه
احد شياب الحاضرين : ماشاءالله يا ابو عبدالوهاب عيالك كبرو ماودك تزوجهم ؟
هاشم وهو ماسك عصاته : الله يجيب الخير و آن شاءالله ازوجهم
حمد وهو يهمس ل عبدالوهاب : انقذنا يرحم والدينك قل شي
ضحك عبدالوهاب واشر على خشمه بمعنى تبشر على خشمي وقال بصوت جهوري وهو يخص الشايب لي تكلم : الزواج ماهو بالعبه لازم يكون الرجال مستعد يمسك مسؤولية و بيت و عيال و زوجه و يكون قد انه يكون مسؤول عن اسره كامله من الالف الين الياء ولا ؟
كلهم ايدو كلام عبدالوهاب العقلاني و صحيح
هز راسه الشايب بعدم اعجاب بكلام عبدالوهاب
حمد وهو يهمس ل عبدالوهاب : عز الله يعزك يا ابو هاشم صدق من قال ان نشمي ينعرف من عيونه
ضحك عبدالوهاب: حاضرين يا عيون اخوك
دخل منيف و التفتو كل الحضور له من وقفته و عرض اكتافه و هيبته حتى في دخوله و خطاه شافو انه كان معصب و ذا شي باين من عقدة حاجبه و بروز عروق يده و احمرار عيونه
مشا عيونه عليهم كلهم الين وقف عند ذياب و جلس جمبه وبدا المجلس يضج بسوالف من جديد
ذياب بهمس : شبلاك ؟
منيف بنفس الهمس : مافيني شي
ذياب يعرف ان اذا منيف ما يبغى يتكلم مستحيل تسحب منه الكلام
مد له ذياب المويه و صب له من شاهي
هدا منيف شوي يوم شاف ان ذياب الوحيد لي يفهم هو وش يبغى و يحاول يراعيه من دون ما ينتبه و يهتم لادق تفاصيل
ذياب لي يوم شاف هدوءه عرف انه هدا شوي : الحين بتقولي وش فيك بهدوء
منيف بهدوء : وش اقولك يا ذياب شي ما ينقال
سكت ذياب بتفهم لموقف منيف
نرجع ل قبل ٧ دقايق
بعدها التفت مرا ثانيه و انصمد من شاف لي ما توقع يشوفه
شاف نفس البنت لي شافها ذيك المره لما طلع من غرفته
منيف وهو و صاد و يرص على اسنانه بغضب : انتي وين تبين توصلين له بذا الحركات الرخيصه ؟!
دانه لي خافت بس قوة نفسها : منيف تدري اني احبك ؟
منيف انصدم و سكت
كملت : اي والله احبك بس انت ما تلاحظني ولا تعرفني
منيف بغضب الكون كله : مو بطريقه الوصخه ذي وش متوقعه مني اسوي بعد ما قلتي ذا الكلام انعجب فيك ! كيف ترخصين بنفسك كذا و تجين تسوين ذا طريقه لي ماترضي الله ولا رسوله و من دون شي يسترك روحي الله يستر علينا و عليك
دانه لي انقهرت من ودة فعله : تتوقع اني بستسلم و لا بتأثر انت لي و بتتزوجني من ورا خشمك
منيف لي انجن غضب : تخسين و تعقبين انا ما اسوي شي من ورا خشمي روحي دامني اتكلم لين الحين روحييييي
دانه لي كانت من اول ترجف بس الحين صدق كلها الخوف من شكل منيف لمرعب و ركضت برا المطبخ بخوف و رعب دنيا
طلعت من المطبخ و اصتدمت ب ترف
ترف بخوف عليها لأنها طاحت : بسم الله عليك تعورتي ؟
دانه بقهر منها و من كل شي صار : لا و مالك دخل فاهمه
ترف لي ما هتمت لها و لا لكلامها ناظرتها من فوق ل تحت ب استحقار و مشت
دانه لي انقهرت زياده من ترف و قالت بينها وبين نفسها : انا اوريك يا ترف
دانه تدري ان ترف مالها دخل وانها هي لغلطانه بس تكابر و من القهر تصرفت كذا
بعدها نجلاء و بناتها و ترف دخلو للحريم للعشى يتعشون
بعد العشى بدو وحده وحده يمشون لبيوتهم الين ما فضى المجلس ومابقى غير نجلاء و عيالها كلهم
و هاشم جاء و دخل ينام
و بعدها الكل دخلو ينامون بعد ليلة متعبه و حلوه .
~ التعب الحلو 💗 ~
-
صباح يوم جديد
قامت من نوم و مدت يدها تأخذ جوالها تشوف حسابها بتويتر ب ابتسامه كان حسابها عام و كانت تحب تويتر و تنزل فيه كثير و كانت نوعاً ما مشهوره ب تويتر لكن ماحد يدري انها هي نفسها و لا حد يدري عن حسابها ذا الا وعد بس و عندها متابعين يحبونها و يسألون عنها
شافت اخر تغريده نزلتها امس و تشوف التعليقات لي يسئلون وينها و ليش قاطعه و ماتنزل كثير كتبت لهم ب (الواضح انكم مشتاقين 🙈)
ماهي الا ثواني و بدو يردون عليها : اي ، طبعاً مشتاقين ،
تركت جوالها وقامت تسوي السكن كير حقها بعدها لبست مخور ابيض
كان جميل و هادي مره و رفعت نص شعرها ب شباصة شعر و حطت ميكب خفيف و نزلت تحت تسوي قهوتها اللذيذه
-
في نجد الاحباب 🤍.
في العاصمه
ياربي مره مشتاقه لها وحشتني الكلبه
احمد زوج وعد : طيب دقي عليها
وعد : ابي اشوفها و اضمها
احمد ابتسم : ارضي بالقيل حبيبي كلميها
وعد بصوت باكي : تمام
ما كملت جملتها ولقت ترف داقه عليها اصلن
نطت فرح : دقت هي اول
احمد ابتسم : روحي ردي عليها
وعد : وينك يا حيوانه مشتاقه لك مرههه رحتي هناك ونسيتيني
ترف ابتسمت : انا لي مشتاقه مره و انا لي متصله مفروض انا لي اهاوش
وعد : ايوا صح نسيت ان انتي المتصله
ترف وهي تشرب قهوتها : ما علينا المهم كيفك ؟
وعد : الحمدالله انا كويسه وانتي ؟
ترف ب ابتسامه : الحمدالله
وعد : ايوا احكي لي كيف عزيمتكم امس
و بدت ترف تحكي لها كل شي بتفصيل الممل
-
شيخه : اليوم بتطلعنا باليل نتمشى ب ديره من اول ماجينا ماتمشينا فيها
عبدالعزيز اشر على خشمه : تبشرين على خشمي
شيخه : تسلم يا حبيبي
و بدت توريه صورها امس هي و ترف لي صوروها
شيخه : الا وين سعود ؟
عبدالعزيز: طالع مع العيال
شيخه : يا حليله واضح حبهم من جينا ما قعدت معه بس طالع
في العزبه ..
قاعدين قعدة شباب يشربون شاهي و يسولفون
ذياب : يا عيال و شرايكم نقنص ؟
عبد الوهاب : تم انا ماعندي مانع
و الكل قالو تم و صارو يلعبون و جاء دور عبدالوهاب و منيف
عبدالوهاب لي علم منيف القنص من يوم كانو صغار فالكل متحمس يبغون يشوفون من لي بيفوز
اول واحد رمى منيف وجابها بتمام
سعود : كفووو
منيف نزل الرشاش وبتسم : كفوك الطيب
بعده رمى عبدالوهاب و جابها
ذياب لي شوي غار ان سعود بارك ل منيف قبله : انشهد انك كفو
عبدالوهاب: تسلم يا ذيب
التفت منيف ل ذياب لي حس انه غار و ضحك و اخفاء على طول ابتسامته و قال : ذي لعيون ذيب
ابتسم ذياب بوسع ثغره
و جابها للمره الثانيه
ذياب شاش راسه : عززززز الله يعزك
ابتسم منيف
دور عبدالوهاب
لكن هالمره ما صابت و ما جابها عبدالوهاب و فاز منيف
ذياب لي فرح لفوزه و راح شاله و يضحك
منيف بفزع : ابن ابويي نزلني يا ورع
وضحك ذياب و نزله
ضحك عبدالوهاب : أعلِّمُه الرمايةّ كلّ يومٍ... فلمّا اشتدّ ساعدُه رماني
ضحكو كلهم على كلام عبدالوهاب
هاشم : وين العيال ؟
مضاوي : يبا طالعين مع اخوياهم
هاشم : هالمره كلهم طالعين حتى عبدالوهاب
ريم : اي ياعمي حتى عبدالوهاب طالع معاهم
نوره جت هي و هاشم يركضون : جدي جدي
ابتسم هاشم : ياعيون جدكم
هاشم الصغير : جدي نبغى نروح البقالة
هاشم : اذا جو العيال قولو لهم مافيني شده اروح البقالة
نوره بحب : اجل بقول لعمو منيف
هاشم ابتسم على حب نوره ل منيف الواضح
مها لي تبغى تحارش نوره : لا يا نوني معليش منيف بس يوديني انا قولي ل ابوس يوديك
نوره : لا بقول ل عمو منيف هو ما يرفض لي طلب لأنه يحبني و طلعت لسانها ل مها
مها : اقول بس منيف يحبني انا بس
نوره بصوت باكي : لا يحبني انا بس
قطع حديثهم دخول العيال وهم يضحكون
ركضت نوره ل منيف انتبه لها وشاف عيونها لي فيها دموع شالها و بكت على طول
منيف لي خاف : وش فيها
ضحكو مها و مضاوي و ريم عليها
منيف بعصبيه : وش فيهااا!!
كلهم اسكتو ، هاشم : مهاوي مزعلتها تقول لها ان منيف يحبني اكثر
منيف ضحك لا شعوريًا: كل ذا عشاني احب مهاوي اكثر
مها : شفتي حتى هو قال
نوره وهي متقطعه بكي : يعني انت تحبها اكثر و رجعت تبكي
منيف : لا والله احبس انتي اكثر
ابتسمت بدموعها : صدق ؟
ضحك منيف وهز راسه : اي صدق
ضمت مره ثانيه بقوه ، منيف تنهد بحب : يوه ياربي لا تخليني من نوري
عبدالوهاب يناظرهم وجمبه هاشم الصغير : انا و انا ابوس ما تصيحين علي كذا
ضحكو كلهم
ريم وهي تضحك : هي تحبك بس منيف غير عندها
* ترا ريم تتغطى من اخوان عبدالوهاب بس تقعد معاهم و هم يعتبرونها بحسبة اختهم مثل مها و مضاوي و يعاملونها نفس مها و مضاوي
ابتسم منيف وهو فحضنه نوره : وانا احبها بالحيل بعد
نوره طلعت لسانها ل مها
مها بمزح : يا عبدالوهاب شوف بنتك احسن لك
حمد بمزح : و خلها توخر عن اخونا لأنه يحبنا اكثر
نوره بصوت باكي : عمو منيف شوفهم 🥹
منيف وهو يمثل العصبيه : ورع انتو وهي اعقلو بس
هاشم الصغير : عمي منيف تكفى طلبتك
الكل التفت له ، منيف : سم
هاشم الصغير: و دنا للبقاله انا و نوني
منيف اشر على خشمه : على خشمي بس مو الحين بعد المغرب
هاشم الصغير: تبشر
-
شهقت : امانه قالت لك بعد ما ساعدتيها !!!
ترف : اي والله قالت كذا بعد ما ساعدتها
وعد بغضب : ما تستاهل الوصخه يع ليتك تركتيها ولا ساعدتيها بس زين ما سويتي فيها
ترف بضحك : اعجبك
وعد نست : ايش كان اسمها ؟
ترف : دانه د ا ن ه
وعد : هي يشينها اما خواتها مره كيوت و طيبين
ترف بحب : اي انفال و حصه مره طيبين حتى امهم ساميه تجنن مادري ذا دانه طالعه على مين ؟
وعد : ماعليك منها المهم انتي مبسوطه هناك و مرتاحه مع مها و مضاوي
ترف بحب لهم : يا زينهم مهاوي و ميمي
وعد بغيره : اي الله يهنيكم
ضحكت ترف : بس ما يجون عند شيخة وعد
ضحكت وعد : غصباً عنك
انتهت مكالمته الطويله .
-
عبدالعزيز بصوت عالي : يا الترف يا الترف
ترف وهي نازله : يا عيونها جايه
نزلت وضمت ابوها من الجنب : لبيه ياعروق قلبي
ابتسم عبدالعزيز بوسع ثغره : بنطلع نتمشى بالديره تجين ؟
ترف : اكيد احد يفوت طلعه معك
ابتسم عبدالعزيز: اجل يلا
و طلعو
وهم طالعيين قابلو منيف و نوره وهاشم الصغير
عبدالعزيز سلم على منيف
و نوره راحت تركض تضم ترف و ليان و لانا
بعدها مشو يروحون يتمشون
-
رجع منيف من البقالة
ريم : غريبه الترف اليوم ما مرتنا ؟
مها : اي والله
منيف بهدوء : طالعين شفتهم قبل شوي
نجلاء : اي اليوم كلمت شيوخه تقول انهم بيروحون يتمشون ب ديره
مضاوي : مافي شي في ديره يفتح نفس كلها بيوت بس
نجلاء: لا والله وش زينها ديرتنا
منيف : انا طالع
نجلاء : بحفظ الرحمان
ابتسم منيف لها و حب راسها بعدها طلع .
مر ذياب و طلع معه كان الصمت هو سيد الموقف كانو كلهم يحتاجون يرتبون افكارهم مشو الين وقوفو عند مكانهم المعتاد ..
اقعدو في الجلسه و شغلو قصايد خالد الفيصل
منيف قال شطر بيت طرا على باله :
ما هقيت ان القُمر مثله قمر
لين شفتِك يا شبيه احلا مَلاك
ذياب :
ما بغيتك من فراغ ولا تمنيتك عبث
ولا أبي لك نهاية ولا ادور لك بديل
منيف ب ابتسامه بوسع ثغره يحاول يخبيها :
إن هويت لاتهَوى إلا الصعب الثمِين
ولا يروِي ضماك بير كل عابر أرتوى منه
-
نزلو من سياره يتمشون بين الخضار و الورود طلعت جوالها من شنطتها و صورت طوق الورد لي فوق راسها ل تويتر و كتبت
بين تفاصيل ملامحك يسكن الُورد .
و ماهي الا ثواني و بدت تعليقات المدح تنهمر عليها
رجعو بعد ماتمشو في ديره بعدها سوت ترف ترافل مانقا و ارسلت ل بيت هاشم للبنات
ريم : ماشاءالله لذيذ و شكله يشهي
مها ب استمتاع : احلا شي فيه ان بارد على القلب و طعمه اهخخخ
نجلاء ب اعجاب: من يومها سنعه بنت الشيخه
مضاوي : اخص يا تروف ما توقعتها تعرف تطبخ
نجلاء: تطبخ !! تراه حلا
و ضحكو كلهم على فهاوة مضاوي
هاشم : لذيذ ماشاءالله، من مسويه ؟
ريم : ترف مسويته يا عمي
هاشم : يا حليلها بنت عبدالعزيز اجوديه مانست تعطيكم من حلاها
نجلاء ب اعجاب: انشهد ان الترف اجوديه
لف هاشم ل نجلاء وشاف اعجابها الواضح ب الترف
يتبع ...
❤️